Tuesday, December 29, 2009

ကျီး နဲ့ ဘုတ်

ပြောပြချင်သေးတယ်၊ တကယ်တော့ စာပေ ဟောပြောပွဲ အကြောင်း ခုထိ ခေါင်းထဲက မထွက်သေးဘူး ။ မထွက်ဆို သတိရမိစေတဲ့ အကြောင်းကလည်း အခိုင်အမာ ရှိသကိုး...။

ကျီး နဲ့ ဘုတ် တို့ တကောင် နဲ့ တကောင် အပြန် အလှန် မြှောက်ပင့်ကြတာလေး...ကြားဖူးနေကျ ဖြစ်မှာပါ ။ အဓိပ္ပါယ် အတိအကျကို ဆရာ နေဝင်းမြင့် ပြောပြမှ ခရေစေ့ တွင်းကျ သိလိုက်ရတာ...။

တနေ့ ကိုကျီးက ညိုဝါရောင် အဆင်း ရှိတဲ့ ကိုရွှေဘုတ်ကို ပြောသတဲ့ ။

" ကိုကြီးဘုတ်ရာ ခင်ဗျားဖြင့် အဆင်းကလည်းလှ၊ အရောင်ကျတော့လည်း မြတ်စွာဘုရားရှင်ရဲ့ သင်္ကန်းတော် အရောင်လို ညိုရွှေဝါရောင်နဲ့ အင်မတန် ကျက်သရေရှိပါ့ဗျာ " လို့ ဝမ်းနဲအားငယ်တဲ့ လေသံလေးနဲ့ ပြောရှာသတဲ့ ။

ဒီတော့ ကိုကြီးဘုတ်ကလည်း ပြန်ပြောရှာတယ် ။

" အို....အားငယ်တတ်ပါဘိ ကိုကျီးရယ် ခင်ဗျာ့ အသွေးအရောင်ဟာဖြင့် မြတ်စွာဘုရားရှင်ရဲ့ သပိတ်တော် အရောင်နဲ့ တူပါသော်ကောဗျာ " လို့ ပြန်ပြီး ဖေးမ ရှာသတဲ့ ။

ကျမဖြင့် ကျမတို့ ဘလော့ဂ်ဂါ မောင်နှမတတွေကို ပြေး သတိရမိတာ မလွန်ပါဘူးနော်.....။

ဘဝ အမောတွေ ပြေကြပါစေ....။

Sunday, December 27, 2009

2010 ရင် ခုန် သံ....


တူး ဇီးရိုး ဝမ်း ဇီးရိုး တဲ့
မရိုး မထပ် မင့်ဇာတ်ကြောင်းတွေပဲ ပြောပြောနေကြ...
ဟိုတစ်စ ဒီတစ်စ ဆွဲထုပ်
အရှုပ် ဖွတဲ့သူက ဖွ........ အစ ရှာတဲ့သူက ရှာ
ရင်ခုန်မိ နေ တာ က....
သူ ဘယ်လို ခြေလှမ်း စမလဲဆိုတာ....။

၂၀၀၉ ဖုတ် ဖက် ခါ နောက်ဆုံးစက္ကန့်တွေမှာ
အေးညှင်း သာယာ အရောင်အဝါတွေနဲ့ ရောက်လာမှာလား...
သူက အဝါလား အပြာလား...
ဒါမှမဟုတ် သစ်လွင်ခမ်းနားတဲ့ အရောင် အဆန်းတကြယ်တွေနဲ့
ရောနှောသွယ်ဆက် ဖောက်ယှက် ထားမှာလား
မျှော်လင့်ချက် တောက်ပ အိပ်မက် အဟောင်းတွေက နိူးထစေမှာလား....။

သေချာ နေတာက...
ငါတို့ဟာ " ဖြစ်စေ " ဆိုတဲ့ ပဉ္စလက် ပြကွက်တွေကိုလည်း
မလိုချင် မယုံကြည်ရဲခဲ့သူတွေ...
မာန်နတ် သမီးတွေရဲ့ ပုပ်အဲ့အဲ့ အဟောင်းအမြင်း
မာယာ တေးချင်းတွေမှာလည်း မပျော်ဝင်လိုသူတွေသာ ဖြစ်တယ် ကွဲ့....
မင်းရဲ့ တရားသဖြင့် ယန္တရား အသစ်ထဲ
ချစ်ခြင်း မေတ္တာနှင့် မျက်နှာ အစစ်တွေကိုတော့ဖြင့် မျှော်လင့်မိပါရဲ့....။

ဒါပေမဲ့....
နောက်ဆုံးမတော့ နှစ်ထောင့်ကိုးရေ...
မင့် စာမျက်နှာ အဟောင်းတွေ မှေးမှိန် ယွင်းဆုတ်
မင့် ပြက္ခဒိန်တွေ ငြိမ်းချုပ်
မင့် ခြေလှမ်းတွေ အသိမ်း အနှုတ်မှာ
အသစ် အသစ်တွေ ထုတ်ပိုး တူး ဇီးရိုး ဝမ်း ဇီးရိုး ဆိုတဲ့
ကြိုးတန်း အသစ်ပေါ် ရှေ့ဖြစ် မမျှော်ပဲ....
ငါတို့........
လက်ချင်းတွဲ ရဲရဲသာ လျှောက်ကြပါစို့လေ......။


အားလုံးပဲ ၂၀၁၀ ဆိုတာကြီးကို မမြင်ဖူးသေးပေမဲ့ ချစ်ခင်ရင်းနှီးစွာ နွေးထွေးစွာ အတူတူ ကြိုကြရအောင်ပါ....



Image Source : http://media.photobucket.com/

Friday, December 25, 2009

MKY တို့ လင်မယား


သူ့ ရဲ့ နာမည်ပြောင်က "ချင့်ယုံ" တဲ့...။ သူ နဲ့ ခင်မင်သူတွေအားလုံး သူ ဘယ် လောက် အစ အနောက် သန်မှန်း သိကြပါတယ်။ မထင်ရပါဘူး၊ တခါတခါ အတည်ပေါက်ကြီးနဲ့ မို့လို့ပါ...။ သူ့ကို လက်ထပ်ဖို့ စဉ်းစားတဲ့အထဲမှာ အဲဒါလည်း တခု အပါအဝင် ၊ ဒီလူကြီးနဲ့ ဆိုရင်တော့ လူ ချမ်းသာတာ မချမ်းသာတာ အပထား၊ ရယ် နေရလို့ စိတ်တော့ အတော်ချမ်းသာမှာ ဆိုပြီး မီးစိမ်း ပြခဲ့တာ...။

အလှူတွေ ဘာတွေ သွားလို့ သားသားနားနား ဝတ်စားထားတဲ့ သူ့ သူငယ်ချင်းများ တွေ့ရင် " ဟာ...ဟေ့ကောင်ကြီး အင်္ကျီအသစ်နဲ့ ရူပါ တယ်တက်နေပါ့ လား နောက်တခါ ဒါမျိုး အင်္ကျီလေးတွေ သွားကောက်ရင် ငါ့လဲ လက်တို့ စမ်းပါအုံးကွ" တဲ့လေ။ ဖဲ့ပုံက...ဖဲ့ပုံက..မသိရင်ပဲ ဟိုလူ အမှိုက်ပုံထဲက ကောက်ဝတ်လာသလိုလို...။ ဒါမျိုးကျ ကိုယ်က ရယ်လို့ ကောင်းနေတာ ။

နောက်တော့ တဖြည်းဖြည်းနဲ့ စ စရာလူမရှိရင် ကိုယ့်ဘက်မြှားဦးလှည့်လာရော ။ တခါတခါ လူရှေ့လည်း အပီ ဖဲ့တာ...။ ဆိုင်မဆိုင်တော့ မသိဘူး၊ စာပေဟောပြောပွဲမှာ ဆရာချစ်ဦးညို ရွတ်ပြခဲ့တဲ့ "စစ်" ဆိုတဲ့ ၂ ကြောင်းကဗျာလေး " ဒုံးဒုံး ဒက်ဒက်၊ တုံးလုံးပက်လက် " ဆိုတာလို။ သူ ပစ်လွှတ် လိုက်တဲ့ ဒုံး ဒုံး ဒက် ဒက် တွေကြားမှာ ကိုယ်လဲ တုံးလုံး ပက်လက် ဖြစ်ပေါင်းများလှပေါ့ ဪ ကျဆုံး ခဲ့ရတာများ ပြောပါတယ် ။

ချစ်စနိူး နဲ့ ဖဲ့တာ လို့ ဆိုသေးတယ် ။ ဖဲ့တာတောင်မှ ချစ်စနိူး ရှိရသေး။ သူက အဲသလိုလည်း ဓါးသွားပေါ် ပျားရည်က ဆမ်းတတ် သေး တာ။ တခါ ကိုယ်က သူ့ရှေ့ ဝမ်းသာအားရ ပြောမိပါတယ်။

" ပိန်များသွားလား မသိဘူးတော့၊ ဒီအင်္ကျီလေးတောင် ချောင်သွားသလိုပဲ "
" အင်း ချောင်သွားတယ် အင်္ကျီ မှုတ်ဖူး ဦးနှောက် ဦးနှောက် " တဲ့...။
စာလို ပြောရရင်တော့ " သူ့ရဲ့ ချစ်စနိူး ဖဲ့ရွဲ့မှုအောက်မှာ ကျမ လှလှပပကြီး ကျဆုံးခဲ့ရ ပြန်ပါသည် " ပေါ့။

ကြာတော့လည်း သူ့အနား နေရတာ ကပ်စီးယပ်စ်ကလေးအနား နေ နေရသလို ဖြစ်နေ လေတော့ ကိုယ့်မလည်း မိုက်တိုင်စန် လောက် တော့ နားရွက်ကလေး ဘာလေး ပြန်ကိုက် ဖြတ်တတ်အောင်ပဲ   လေ့ကျင့်ရတော့ မလို...။ ဒါမှမဟုတ် ကိုယ်တို့ ဧည့်ခန်းအလယ်မှာ လက်ဝှေ့ကြိုးဝိုင်း ဆောက်ပြီး သူ ချစ်စနိူးနဲ့ ဖဲ့တိုင်း ကိုယ်လည်း ချစ်စနိူးနဲ့ ပြန်ကျွေးရ ကောင်း မလား ပေါ့။ စိတ်ချဉ်ချဉ် နဲ့ ညစ်ကျယ်ကျယ် တွေးမိရတာ...။

တနင်္ဂနွေ နေ့လည်တခုမှာ ထမင်းစားအပြီး နှစ်ယောက်သား TV ရှေ့ထိုင် ကြတယ်။ သူက ခုံပေါ်ထိုင်ပြီး TV ကြည့်၊ ကိုယ်က သူ့ရှေ့ ကြမ်းပြင်အခင်းပေါ် ဆင်းထိုင်ရင်း သူ့ခြေသလုံး နှစ်လုံးကြား ကျောမှီပြီး စာအုပ် ဖတ်နေခဲ့တာ ။ 

တခါတခါလည်း သူ့ရဲ့ " ကြည့် ကြည့် မြန်မာသတင်း လာတော့မှာ " တို့ ၊ " ဟိုမယ် အဲဒါ တိုက်ဂါးရဲ့ ၁၂ ယောက်မြောက် ကောင်မ လေး" တို့၊ အဲသလို သူကြည့် စေချင်တာ လေးတွေကျ စာအုပ် နဲ့ မျက်နှာ ခဏ ခွာလို့ လှမ်းကြည့်ရင်း "ဪ" တို့ "အင်း" တို့ "ဟုတ် လား" တို့ လုပ်ပေး ရသေးတာပါ။

" ဟာ ..ဟိုမယ်..မိန်းမ.. မိန်းမပုံ TV ထဲပါလာပြီ ၊ TV ရိုက်ထားတာတောင် ယောင်္ကျားကို မပြောဘူး "
ကိုယ်လဲ ခပ်တွေတွေနဲ့ TV ကို လှမ်းကြည့်မိရတယ်။
သစ်ပင်ပေါ်မှာ ငုတ်တုတ်ကြီး ထိုင်လို့ ၊ လက်တဘက်က ခေါင်းကုတ် ကျန်တဘက်က သစ်ကိုင်းကို ခိုတွယ်လို့ TV ကင်မရာထဲကို ပြူးပြူးလေး ကြည့်နေရှာတဲ့ မျောက်တကောင်...။ ဟ...ငါ့တော့ ဖဲ့ပဟ လို့... ။

" ကိုယ့် အစွမ်းအစ နဲ့တော့ မဟုတ်ရပေါင်ဗျာ...ရေမြင့်လို့ ကြာတင့်တာ "

မပိုင်လား သူလည်း မျောက်ယောက်ျားဖြစ်ကရော။ ဒီတခါတော့ ကိုယ်လည်း ပြန်ပစ်ရတော့တာ ။ ဒီတော့မှ သူ တဟားဟား ရယ်တယ်။ ကောင်းပါလေ့ ကိုယ်တို့ နှစ်ယောက်လုံး နေရင်းထိုင်ရင်းနဲ့ လူစင်စစ်ကနေ ပရိုမိုးရှင်းတွေ တက်ကုန်ရော...။

တော်သေးတယ် ၊ ကိုယ်ကဖြင့် သူ ဘယ်လို မြှောက် မြှောက် ဘဝင် မမြင့်တတ်ပေလို့....။


ဘဝ အမောတွေ ပြေကြပါစေ...။




Image Source : http://monkeys.funny-animal-picture.com/

Thursday, December 24, 2009

အလှူ ဒါန ပြုကြသည် ဆိုရာဝယ်...

"နင့်အသက် တခါလွှတ် ငါ့အသက် ဆယ်ခါလွှတ်"

ကျမတို့ ငယ်ငယ်က ငှက်လွှတ်၊ ငါးလွှတ်ကြတဲ့ အခါ ပြောလေ့ရှိကြတဲ့ စကား လေး...ခု အသေအချာ ပြန်စဉ်းစား ကြည့်မိတဲ့ အခါ အတော်ကလေး ရယ်စရာ ဖြစ်နေတာ...။

ဘယ့်နှယ် သူ့ တော့ တခါလွှတ်ပြီး ကိုယ့်ကျတော့ ဆယ်ခါ လွှတ်ရမယ် လို့ ၊ ဘေးမဲ့လွှတ်တဲ့ ဇီဝိတ ဒါန မြတ်တဲ့ အလှူပါပဲ၊ ဒါပေမဲ့ လောဘလေး တန်းလန်းနဲ့ လှူတဲ့ အလှူ ဖြစ်နေခဲ့တယ်၊ ကိုယ်က ၉ ခါ အမြတ် ပြန်ရဖို့ တွက်ပြီး လှူထား တာကိုး...။

တကယ်ဆိုရင် အရင်ဆုံး လှောင်ချိုင့်ထဲက ငှက်ကလေးရဲ့ နေရာမှာ ကိုယ်ချင်းစာ စိတ်ကလေးနဲ့ ခဏ ဝင်ကြည့်ရမှာ ၊ ခမျာ တကယ်ပဲ ကျဉ်းကြပ် နေပါလား၊ စိတ်ဆင်းရဲ ကိုယ်ဆင်းရဲ ဖြစ်နေရှာမှာ ၊ သူလဲပဲ လွတ်လပ်စွာ ပျံသန်း ချင် ရှာလိမ့်မပေါ့၊ ငါသာ ဆိုရင်ရော ဘယ်လိုများ ခံစား ရမှာပါလိမ့်၊ သူ့ကို လွှတ်လိုက် ရင်ဖြင့် သူ ပျော်ရှာမှာ...။

အဲဒီလို...ငှက်ကလေး အပေါ် ချမ်းသာစေချင်တဲ့ စိတ်လေး ထားပြီး တကယ် လွှတ်လိုက်တဲ့ အခါမှာလည်း ဟိုးကောင်းကင်ကြီးထဲ လွတ်လပ်စွာ တဟုန်ထိုး ပျံသွားတဲ့ ငှက်ကလေးရဲ့ ပျော်ရွှင်မှုလေး ၊ အဲဒါလေးကို ရင်ထဲ ကူးစက်လို့ ငှက်ကလေး နဲ့ အတူ ခံစား ပေးရမှာ...။

ဘာကိုပဲ လှူလှူ ၊ ကိုယ်လှူလိုက်လို့ အလှူခံပဂ္ဂိုလ် ရရှိမဲ့ ချမ်းသာမှုလေးကို ပီတိလေးနဲ့ ခံစားပြီး ဝမ်းမြောက်လို့ ၊ မိမိ ရင်ထဲ အအေးဓါတ် လေး ကိန်းနေပါစေ။

ပြီးတဲ့အခါ ဘာဝနာ ကုသိုလ်လေး ထည့်လို့ ဪ သူလဲ မမြဲတဲ့ အနိစ္စ၊ ကိုယ်လဲ မမြဲတဲ့ အနိစ္စ၊ အဲဒီလိုလေး ဆင်ခြင်လိုက်မယ် ဆိုရင် ပိုပြီး အကျိုးများ သွားတော့တာ...။

သံဃာတော်တွေကို ဆွမ်းကပ် လှူဒါန်းတဲ့ အခါမှာလည်း လှူဖို့အတွက် ဆွမ်းချက်၊ ဆွမ်းပြင်တဲ့ အခါ ဒီဆွမ်းလေး ဘုန်းပေးရခြင်းကြောင့် သံဃာတော်တွေ ရှေ့ဆက် သာသနာ့ အကျိုး သယ်ပိုးနိူင်တော့မဲ့ အရေးတွေးလို့ ပီတိလေးနဲ့ ဝမ်းသာနေရမှာ ၊ ပြီးမှ အလှူခံ ပုဂ္ဂိုလ်သည် လဲ မမြဲ၊ လှုဒါန်းသော ပုဂ္ဂိုလ်သည်လဲ မမြဲ ရယ်လို့ အနိစ္စ သဘောလေးလည်း ဆင်ခြင်လိုက် နိူင်မယ် ဆိုရင် အင်မတန် အကျိုးများတဲ့ အလှူ ဖြစ်သွားပါတယ်။

ဒါတွေက မလှူခင် နဲ့ လှူနေစဉ် ထားရမဲ့ စိတ်လေးပါ။ လှူပြီးတဲ့ အခါမှာလည်း ကြုံလိုက်တိုင်း ဒီအလှူလေးပြန် စဉ်းစားရင်း ဝမ်းမြောက် ပီတိလေး ဖြစ်နေရမှာ...။ ဒါဆိုရင် သုံးတန်စေတနာ ပြဌာန်းပြီး လှူထားတဲ့ အတွက် အင်မတန် ပြီးပြည့်စုံတဲ့ အလှူလေး ဖြစ်သွားပြီပေါ့ ။

ကိုယ့်ဘက်ကသာ ဖြူစင် သန့်ရှင်းတဲ့ စိတ်ထားနဲ့ ဘာမှ တုံ့ပြန် အကျိုး မမျှော်ကိုးပဲနဲ့ လှူဒါန်းပါ ၊ ဆုတွေ ဘာတွေ တောင်းနေစရာ မလိုပါဘူး ၊ အကျိုးပေးက သူ့ဘာသာ အော်တို လာပါ လိမ့် မယ်။ မန္တလေး သွားတဲ့ ကား စီးမှတော့ မန္တလေး ရောက်ရမပေါ့။

အဲဒီလို မဟုတ်လို့ ဆုတောင်းချင် လှချည်ရဲ့ ဆိုရင်လဲ တောင်းပေါ့လေ။ ကျမကတော့ နိဗ္ဗာန်ဆုပဲ တောင်း စေ ချင်ပါတယ်။ ဒါပေမဲ့ နိဗ္ဗာန်က တောင်းယူ လို့ မရ ၊ တကယ် အလုပ် လုပ်မှ ရမယ် ဆိုတာတော့ သတိချပ် ကြစေချင်ပါတယ်။ ဤအလှူသည် နိဗ္ဗာန်၏ အထောက် အပံ့ ဖြစ်ပါစေ လို့ ဆုတောင်းတာက ပိုပြီး အဓိပ္ပါယ် ရှိပါတယ်။

လူချမ်းသာ၊ နတ်ချမ်းသာ၊ ဗြဟ္မာချမ်းသာ တွေ ဆုတောင်းနေစရာ မလိုပါဘူး။ နိဗ္ဗာန် ချမ်းသာ ကိုသာ အာရုံပြုပြီး လှူပါ။ မန္တလေး လက်မှတ် ဖြတ် ထားတဲ့ သူဟာ လမ်းမှာ တောင်ငူတို့ ပျဉ်းမနားတို့ မရောက်မှာ ပူနေစရာမှ မလိုအပ် ပဲလေ...။

လှူဒါန်းတတ် ဆုတောင်းတတ်ကြပါစေ...။




*** ညီမလေး တယောက်က ပြောလာပါတယ်။ ဒါန၊ သီလ၊ ဘာဝနာ မှာ အမက ဘာဝနာကို တန်းရေးတာကိုး တဲ့၊ ဒါန နဲ့ သီလ အခြေခံလေး အရင်ရေးပေးပါအုံး အမရယ် လို့ ဆိုလာတယ်။ ပြီးတော့ မနက်ဖန် မောင်ရီနိူတို့ရဲ့ စုပေါင်း အလှူလေး အကြောင်းကလဲ ခေါင်းထဲ ရှိနေတာကြောင့် ဒီပို့စ်လေး ထပ်ရေးဖြစ်ပါတယ်။ သိပြီးသူများလဲ ရှိကြမှာပါ၊ ဘာပဲဖြစ်ဖြစ် ဒီပို့စ်လေး ဖတ်မိလို့ အသိလေး တခု တိုးသွားတယ် ဆိုရင်ပဲ ကျမ ဝမ်းသာရမှာပါ...။

Wednesday, December 23, 2009

ဒိဋ္ဌိ ကင်းစင်ကြစေချင်ပါသည်

တချို့ ပြောလေ့ရှိသည်၊ ငါသေရင် ဒီ အထုတ် ကလေးပဲ ငါ့နောက်ပါမှာ ဟူ၍....။
ကောင်းတာ လုပ်မှ ကောင်းတာ ခံစားရမည် ဟု သံသရာ ခရီးသည် ပီပီ ဆိုလိုရင်း ဖြစ်ပါလိမ့်မည် ။ မှားသည်ဟု မဆိုလိုပါ ။ သမုတိသစ္စာ (လောကသုံး အမှန်တရား) အရ မှန်ကောင်း မှန်ပါလိမ့်မည်။

ဤတွင် သမုတိသစ္စာ (လောကသုံး အမှန်တရား) အရ ငါ, နင်, သူ ဟူသော နာမ်စားများ မသုံးမဖြစ် သုံးရသော်လည်း တရားသဘော အရ သေချာစွာ သုံးသပ်လျှင် ဤစကား၏ အနက် မည်မျှလောက် တာသွားသည်ကို သိစေချင်ပါသည်။

ဤစကားစု ကို တရားသဘော နှင့် ခွဲခြမ်း စိတ်ဖြာကြည့်လျှင် ကပ်ငြိ နေသော ဒိဋ္ဌိ ၂ မျိုး ကို အထင် အရှား တွေ့ရပေမည်။

က) ငါ , ငါ့နောက် ဟူသော ( ရုပ်-နာမ် ခန္ဓာ အစု အပေါ် ငါဟု မှားယွင်းစွာ သိမြင်မှု) သက္ကာရ ဒိဋ္ဌိ နှင့် ယခု ဘဝ၌ ငါပြုသော အမှုသည် နောက်ဘဝ၌လည်း ငါ့နောက် လိုက်ပါ၍ ငါပဲ ခံစားမည် ဟု ဆိုလိုခြင်း ဖြစ်ရာ (ငါ သို့မဟုတ် ရုပ်-နာမ် သည် မြဲ၏) ဟူသော တဿတ ဒိဋ္ဌိ တို့ စွန်းထင်းလျက် ရှိနေပေသည်။

ဥပမာလေး တခုနှင့် ရှင်းပြလိုပါသည်။

မောင်ဘသည် တခြားနိူင်ငံ တခု၌ နေထိုင်သော မောင်လှ ထံသို့ ဒေါ်လာငွေ ၅၀၀၀ (၁၀၀တန် အရွက် ၅၀) ဘဏ်မှတဆင့် ပို့သည် ဆိုကြပါစို့။ နောက်တရက် အကြာတွင် မောင်လှ ငွေ ၅၀၀၀ လက်ခံရရှိရာ အရွက် အရေ အတွက်မှာ တထောင်တန် ၅ ရွက် ဖြစ်ပါသည်။

ဤသည်ကို ကြည့်လျှင် ဒေါ်လာငွေ ၅၀၀၀ ချင်း တူသော်လည်း ငွေ အရွက်ရေချင်း မတူ သီးခြားစီ ဖြစ်သည်ကို တွေ့ရပါမည်။

ဤနည်း အတိုင်းပါပေ။

မိမိတို့ သေဆုံးခဲ့သော် ယခု လက်ရှိဘဝ၏ ရုပ်-နာမ် အစုသည် ပျက်စီး ချုပ်ငြိမ်း၍ နောက် ဘ၀တခုအတွက် ရုပ်အသစ် နာမ်အသစ် ဖြစ်ပေါ်ပါသည်။ ဒေါ်လာငွေ ၅၀၀၀ ချင်း တူသော်လည်း ငွေ အရွက်ရေချင်း မတူ သီးခြားစီ ဖြစ် သကဲ့သို့ ရုပ်-နာမ် ချင်းသာ တူသော်လည်း တသီး တခြားစီ ဖြစ်သည်ကို သတိပြုပါ။

ဤဥပမာဖြင့် ဒီဘဝလည်း ငါ , နောက်ဘ၀လည်း ငါ ဟုစွဲသော (တဿတ ဒိဋ္ဌိ) အစွဲ ကို လွှတ်ချ၍ ရပြီထင်ပါသည်။

ခ) တချို့ကမူ ဒီဘဝ ပြီးရင်ပြတ်ပြီ ၊ နောက်ဘဝ အကျိုးပေးစရာ မရှိ ဟူသော ဥစ္ဆေဒ ဒိဋ္ဌိ စွဲကပ်မှတ်ယူ၍ ပျော် ပျော် ကြီး နေသွားတတ်ကြသည်။

အထက်၌ ဥပမာ ပေးခဲ့ သလို သေဆုံး ပြီးနောက် ရုပ်-နာမ် တို့ ပျက်စီး ချုပ်ငြိမ်း သော်လည်း အကျိုးပေး မပြတ်ပုံကို ဆက်၍ ရှင်းပါမည် ။

မောင်ဘမှ ငွေ ၅၀၀၀ ပို့ခြင်းတည်း ဟူသော အကြောင်းကြောင့် မောင်လှ၌ ငွေ ၅၀၀၀ လက်ခံ ရရှိခြင်းတည်း ဟူသော အကျိုး ဖြစ်ပေါ် ပေသည်။

ထိုနည်းတူစွာ ယခု ဘဝ၌ ပြုခဲ့သော အကြောင်း တို့ ကြောင့် နောက်ဘဝတွင် တူသော အကျိုး တို့ကို ခံစား ရမည်။

ကောင်းသော အကြောင်းအတွက် ကောင်းကျိုး စံစားရမည်ဖြစ်၍ ဆိုးသော အကြောင်း အတွက်ကိုမူကား ဆိုးကျိုး ကိုသာ ခံစား ရမည်မှာ သေချာ နေပေသည်။

ထိုသို့လျင် သေဆုံးပြီးသော် အကျိုး အကြောင်းတို့ မပြတ်ပုံကို ဆင်ခြင်၍ ဥစ္ဆေဒ ဒိဋ္ဌိမှ ကင်းစင် စေရာ၏ ။

အနှစ်ချုပ်ရသော် သေဆုံးပြီးနောက် ယခုလက်ရှိ ရုပ်-နာမ် တို့ ပျက်စီး ချုပ်ငြိမ်း၍ နောက် ဘဝ အတွက် ရုပ်-နာမ်တို့ တဖန် အသစ် ဖြစ်ပေါ်ကာ ပြုလုပ်ခဲ့သော အကြောင်း အကောင်း အဆိုး တို့သည်ကား အရိပ်ပမာ ထပ်ချပ်မကွာ လိုက်ပါလျက် အခွင့် သာသည်နှင့် အကျိုးပေး လေသည် ဟူ၍ မှတ်ယူ ကြရပေမည်။

မှတ်ချက် : ဤသည်မှာ သုတမယဥာဏ် (ဖတ်ရှု ကြားနာ ၍ သိအပ်သော ဥာဏ်) ဖြင့် တဒင်္ဂ ဒိဋ္ဌိ ပယ်ခွာခြင်း ဖြစ်ရာ တရား အားထုတ် တကယ်တမ်း အလုပ်လုပ်မှသာ အပြီးသတ် ခွာချ နိူင်မည် ဖြစ်ပေသည် ။

မြတ်သော မဂ္ဂင် ဖောင်စီး၍ နိဗ္ဗာန် တဖက်ကမ်း သို့ အရောက်လှမ်းနိူင် ကြပါစေ....




***သက္ကာရ ဒိဌိ အကြောင်း အကျယ်ကို သပ်သပ် စာစုတခု ထပ်ရေးပါမည်....။

Monday, December 21, 2009

ဘာရယ် ညာရယ် တော့ ဟုတ်ဖူး....


မနေ့က ဝယ်ဖြစ်ခဲ့တဲ့ စာအုပ်တွေပေါ့......ဘာရယ် ညာရယ်တော့ ဟုတ်ပါဘူး....အများတကာ သရေကျအောင်လုပ်ရတာ နဲတဲ့ ကုသိုလ်လားလို့...နော်...အားလုံးပေါင်း ၇အုပ် ၊ ဆရာ ချစ်ဦးညို စာအုပ် ၂ အုပ်က S$ ၁၁ ဒေါ်လာစီ နဲ့ ၂၂ ကျန်တဲ့ ၅အုပ်က S$ ၇ဒေါ်လာစီနဲ့ ၃၅ ပေါင်း S$ ၅၇ ဒေါ်လာ...ပိုက်ဆံများများ ထည့်သွားလေ့ မရှိတော့ လေ...ဘာရယ် ညာရယ်တော့ ဟုတ်ပါဘူး..အဲဒါတွေ ဝယ်ပြီးတော့ လက်ထဲ ၇ ဒေါ်လာပဲ ကျန်တော့တဲ့ အကြောင်းပါ...။


ဆရာနေဝင်းမြင့်က စင်ပေါ်တက် လာတာနဲ့ စင်္ကာပူစာပေ ဟောပြောပွဲမှာ စစချင်း မဲမဲကြီး တွေ့လိုက်လို့ လန့်မသွားကြပါနဲ့ ...မဲမဲကြီးပေမဲ့ ချောကလက်ပါ...တဲ့။ ဟုတ်ကဲ့ ဆရာက ချောကလက်လိုပဲ သိတ်ချစ်ဖို့ ကောင်းပါတယ်...။ တခါသုံးပြီး ဘာမှ ငြိတွယ်စရာ မလိုပဲ ပစ်တတ်ကြတဲ့ ယနေ့ လူ့အဖွဲ့ အစည်းကြီးထဲမှာ လူငယ်တွေ ဦးနှောက်တံခါးဖွင့် ပြီး လေ့ကျက် သင်ယူနေကြသလို နှလုံးသား တံခါးကိုလဲ ဖွင့်လှစ်လို့ ခံစားတတ်ကြဖို့ပါ...။

ဆရာမ ဂျူးကတော့ ကျမ အပျိုကြီးပါတဲ့...၊ ဒါပေမဲ့ ရတာမလို၊ လိုတာမရ လို့တော့ဖြင့် မဟုတ်ပါ လို့ ဆိုပါတယ်...။ Living together စာရေးဆရာမ လို့ တံဆိပ်ကပ် ခံခဲ့ရတာကနေ ယနေ့ လူမှုရေး စာရေးဆရာမရယ်လို့ တံဆိပ်ကပ် ခံခဲ့ရတဲ့ အထိ စာရေးသူတယောက်ရဲ့ မှတ်စုများကို အပိုင်း ၅ ပိုင်း ခွဲလို့ ပြောကြားသွားခဲ့ပါတယ် ။ ဆရာမ ကြည်အေး နဲ့ မောင်စိန်ဝင်း (ပုတီးကုန်း) တို့ရဲ့ ကဗျာ တပုဒ်စီ နဲ့ ကိုယ်တိုင်ရေး ကဗျာ တပုဒ် ရွတ်ဆိုခဲ့ပြီး ဆရာကြီး မင်းသုဝဏ်ရဲ့ သပြေညို ကဗျာလေးနဲ့ လှပစွာ အနားသတ်ခဲ့ ပြန်ပါတယ်။

နောက်ဆုံးတော့ ဒဿဂီရိကို ချစ်သနားချင်စရာ ဇာတ်လိုက်အဖြစ် အဖွဲ့ကောင်းခဲ့တဲ့ ဆရာ ချစ်ဦးညို ရဲ့ အလှည့်ပါ။ ဆရာက ကျနော် လူပျိုကြီး မဟုတ်ပါဘူး ခင်ဗျာ လို့ အစချီလာတဲ့ အတွက် အားလုံး ပွဲကျ ရယ်မောခဲ့ ကြရပြန်ပါတယ် ။ ဆရာက သီချင်းတွေ၊ ကဗျာတွေ နဲ့ အတူ မှတ်သားစရာတွေ အများကြီး ဌာန်, မာန် အပြည့်နဲ့ ဟောပြော သွားခဲ့ပါတယ်။ အဓိက ကတော့ အနုပညာ ဖန်တီးသူတယောက် ရဲ့ စေတနာ နဲ့ သူ့ရဲ့ အားထုတ်မှုတွေ ၊ နောက် အဲဒီ အနုပညာ ပစ္စည်း အပေါ် စားသုံးသူတွေ အဖြစ် သုံးစွဲခံစား တတ်ကြဖို့ပါ။

ဟောပြောပွဲက နေ့လည် ၁၂း၄၅ ကစလို့ ညနေ ၆း၄၅ လောက် သိမ်းခဲ့ပြီး ၂း၁၅ ကနေ ၂း၄၅ ထိ နာရီဝက် နားချိန် ပေးခဲ့ပါတယ်။ ကျမတို့ဖြင့် နားထောင်လို့ မဝနိူင်သေးပါဘူး...ဟောပြောစဉ် တလျောက်လုံး ဆရာတွေရဲ့ စကားတွေက ကျမတို့ရဲ့ အာရုံတွေကို သိမ်းကျုံး ဖမ်းစား ထားနိူင်စွမ်း ခဲ့ကြပါပေရဲ့...။

ဘာရယ် ညာရယ်တော့ ဟုတ်ပါဘူးလေ....။

ကျမတို့ စိတ်အဟာရတွေ အပြည့်စားသုံး ခဲ့ရသလို နားမထောင်လိုက်ရတဲ့ သူငယ်ချင်းတွေအတွက် အာသာပြေ အမြည်းလေး ကျွေးကြည့်မိတာပါ...။ အဲဒီနေ့ကတော့ ကျမတို့ အားလုံး အတွက် နေ့တာ တိုလွန်းတဲ့နေ့လေး တနေ့ ဖြစ်ခဲ့ပါရဲ့....။



Friday, December 18, 2009

ဘလော့ဂ်ဂါတွေ ရမယ် ဘလော့ဂ်ဂါတွေ.....


စာပေ ဟောပြောပွဲကြီး နီးလို့ လာချေပြီ....

ဆရာမ ဂျူး ၊ ဆရာ ချစ်ဦးညို ၊ ဆရာ နေဝင်းမြင့် ဟူသော နာမည်ကြီး စာရေးဆရာများ၏ စင်္ကာပူတွင် ပထမဦးဆုံး အကြိမ် (လာမည့် ၂၀ရက်နေ့တွင်)ကျင်းပပြုလုပ်မည့် ပွဲကြီးဖြစ် သည်။ ဤမျှ ပွဲကြီး ပွဲကောင်းကို အလွတ်ပေးဖို့ရာ မဖြစ်နိူင်ရကား ဘလော့ဂ်ဂါ ကိုကို မမ မောင် ညီမ များမှာ ပဒူအုံ တုတ်နှင့်ဆွ သကဲ့သို့ သွားဖို့ရာ ဟန်တပြင်ပြင်နှင့် လှုပ်လှုပ် ရွရွ ရှိနေ ကြချေပြီ။

ထိုထို များစွာထဲမှ တချို့ တချို့၏ ကြိုတင် ပြင်ဆင် ကြံစည် ကြပုံများအား ပြောပြရမည် ဆိုလျှင်ကား ဤသို့တည်း....။

သက်ဝေ အပြုံးပန်း အင်ကြင်းသန့် နှင့် ပုံရိပ် တို့မှာ မိန်းမ ပီပီသသ နုနုနွဲ့နွဲ့လေးများ ဖြစ်ရာ အရှက်ကြီးသူများ ပီပီ ၎င်းတို့အား လူမမှတ်မိစေရန် နံပြားဦးထုပ်ကို ခပ်ငိုက်ငိုက် ဆောင်း၍ ဖြစ်စေ၊ နှုတ်ခမ်းမွှေး အတုတပ်၍ ဖြစ်စေ ရုပ်ဖျက်၍ လာကြမည် ဆို၏ ။

အန်တီဆွိ နှင့် မမခင်ဦးမေ တို့မှာကား နာမည်ကြီး ဘလော့ဂ်ဂါများ ဖြစ်သည့်အလျောက်၊ လူသိ များသူလည်း ဖြစ်ရာ ၎င်းတို့ မှာမူ ရုပ်ဖျက်၍ မထူးတော့ပြီမို့ ဒီအတိုင်းပဲ မျက်နှာပြောင် တိုက် သွားကြမည် ဟု ခပ်တင်းတင်း ဆုံးဖြတ်ချက် ချပြီး ဖြစ်လေသည် ။

မောင်ပီတိ ဆိုသော ရှက်တတ်သည့် ဘလောဂ့်ဂါလေးမှာမူ သူ့ကို တဖက်သတ် နှစ်သက် နေသော မွတ်ဆလင် အမျိုးသမီးလေးထံမှ ခေါင်းမြီးခြုံကို ရက်ပြတ် ငှားရမ်း၍ ခေါင်းမြီးခြုံ လုံပါပေ့ ဖက်ရှင်နှင့် တက်ရောက်မည် ဆို၏။

ရီနိူမာန်Ko Boyz ပေါက် cratonနှင့် ရွှေစင်ဦး တို့မှာ ပတ်ဝန်းကျင် ထိန်းသိမ်းရေး နှင့် ကမ္ဘာကြီး စိမ်းလန်း စိုပြည်စေရေး အလို့ငှာ ပွဲပြီးလျှင် ကျန်ခဲ့ မည့် ရေဗူးခွံ၊ ပုလင်းခွံ၊ ဘီယာဗူးခွံ နှင့် ပလပ်စတစ်အိတ် ပါမကျန် ကောက်၍ အိတ်ကြီးတလုံး နှင့် စုထည့်ကာ ရောင်းစားကြရန် အကြံ ဖြစ်လတ္တံ့။

ငပေါများ ဂေဟာ မှ ဆက်သွယ် ပျံကျားရေး ဝံဂျီး တက်ရောက်မည် ဖြစ်၍ ဟောပြောပွဲ အနီးတွင် ကောင်တာဖွင့်ကာ စိတ်ဝင်စားသူ ဘလော့ဂ်ဂါများအား ပေါရာပေါနည်း နိဿနည်း ပေါင်းစုံ အခမဲ့ လက်ပူတိုက် သင်ကြားပေးမည် ဟူလို...။

ပုလုကွေး နှင့် မောင်ရွာသားလေး တို့ကား ကုသိုလ်အရေး တွေးမိသည့်အလျှောက် တက်ရောက်သူ အပေါင်းအား သောက်ရေသန့် ဝေငှရန် အကြံ ရလေ၏။ ထို့ကြောင့် မြန်မာ ဘုန်းကြီးကျောင်းထဲ ရှိ ရေသန့်ဗူးများအား တနေ့ တကာတွန်(Carton) အိမ် သို့ မ ၍ စတင်စုဆောင်း နေကြောင်း သိရပေသည် ။

ကိုကြီးကျောက် ဦးဆောင်သော ချဉ်ပေါင်ခြံထဲမှ မောင်ဘိုင်ကျဏီလင်းညို မောင်မိုး နှင့် ဝေလီဝေလင်း တို့ ၅ ယောက် အဖွဲ့မှာ Overseas မှ လာရမည် ဖြစ်၍ လေယာဉ်ဖိုး ကျေစေရန် ဤသို့ တီးတိုး တိုင်ပင်လေသည် ။ အုပ်စုတောင့်၍ လေပေါသူများ ဖြစ်ရကား မြန်မာဆန်ဆန် မုန့်လေပွေ လုပ်ရောင်းရန် နှင့် မိုးပျံပူဖေါင်း လေမှုတ် ရောင်းစားရလျှင် ကိုက်မည်ဟု စဉ်းစားမိ၏။ ကမ္ဘာ့ စီးပွားပျက်ကပ် ကာလ အတွင်း၌ ဘာလုပ်လုပ် မကိုက်ပဲ ရှိ၍ အကိုက်ဆုံးမှာ ခွေး မျက်စိ နောက်အောင် လုပ်ရန် ဖြစ်ကြောင်းကိုမူကား ငနဲသားတို့ မရိပ်မိ ကြချေ ။

အကြံပိုင်၍ စီးပွားရေး မျက်စိရှိသော အကိုကြီး အောင်သာငယ် နှင့် ကလူထွင်း တို့မှာ အတွေ့အကြုံ ကြက်ရင့် သူများပီပီ (ဘလော့ဂ်ဂါ အားလုံးမှာ ကင်မရာကြီးများ တရမ်းရမ်းနှင့် လာကြမည်ဖြစ်ရာ) ကင်မရာ အခွံကောက်သော် သင့်မြတ်ပေစွဟု ခေါင်းချင်းဆိုင် တိုင်ပင် လျှက် ရှိကြ လေသည် ။

ထိုင်ခုံနံပါတ် များမှာ ဦးရာလူစံနစ် ဖြစ်၍ အားလုံးက စောစီးစွာ သွားရောက်ကြရန် ဆုံးဖြတ်ပြီး ဖြစ်သော်လည်း မမအယ်ဇီ နှင့် ချိုသင်း တို့ နှစ်ယောက်မှာ အထူးတလည် ပူစရာမလို, ထိုင်ခုံမရလဲ ဝိတ် နဲ့ ဖိ တာပေါ့ ဟုအေးဆေးစွာ တွေးထားလေ၏ ။

ထိုသို့ အကြံအစည်များ ကြားနာပြီးသော် ကျမ ချစ်ကြည်အေး မှာ အကြံလဲကုန်၊ ဂဠုန် ဆားချက်၊ ဆားမထွက်သည့် အဆုံး အထူးထူး အပြားပြား များလှစွာသော ဘလော့ဂ်ဂါ တို့အား လက်ညှိုးထိုး ရောင်းစားရန် အကြံထူး ဖြစ်ပေါ်၍ တနေ့ တနေ့ အိမ်ထဲ၌ ဒို ရေ မီ ဖာ တွင် တကီးမှ မဝင်သည့် အသံဖြင့် လေ့ကျင့်လျှက် ရှိနေပေတော့သည် ။

" ဘလော့ဂ်ဂါတွေ ရမယ် ဘလော့ဂ်ဂါတွေ....."

" ဘလော့ဂ်ဂါတွေ ရမယ် ဘလော့ဂ်ဂါတွေ....."



*** ဘလော့ဂ်ဂါ မောင်နှမ များအား ပျော်ရွှင်စေလိုသော စိတ်နှင့် ချစ်ခင် ရင်းနှီးစွာ ကျီစယ်လိုခြင်း သက်သက်ပါ။ စိတ်ဆိုးသည် ဆိုပါက နာမည် ဖျက်ပေးပါမည် ။ (ပျက်ကို ပျက်စေရပါမည် ...)


ဘ၀ အမောတွေ ပြေကြပါစေ...။

Wednesday, December 16, 2009

ဒီဇင်ဘာ ခါးခါး

ကင်န်းဗတ်စ် အဖြူ တစ်စပေါ် အပူရောင်တွေထည့်သွင်း
မဟူရာရောင် ငိုချင်းတပုဒ် ညည်းဆို
ကေးဝဋ် ပုဏ္ဏားလို နဖူးမှာ မမြင်သာပေမဲ့
အမာရွတ် အထပ်ထပ်နဲ့ ဒီရင်ဘတ်
ဆီသည်မ လက်သုတ်ဖတ် လို အရောင်အဝါတွေလဲ လွင့်
ငါ.............ရနံ့ မဲ့ ပန်းတပွင့် ပါကွယ်.....။

ဒါဏ်ရာ တွေ သွေးအပျက်ပျက်နဲ့ မွစာကြဲ
ဆယ့်နှစ်ကြိုးထက် များတဲ့ ဆွဲ လက် မှာ
အမှတ် နဲတယ် ဆိုဆို......
ငိုချင်တာထက် ရှိုက်ဖို့ ခက်တာ ဆိုး...
ပျဉ်ဘိုး လဲ မသိသေးပေမဲ့....
ငါ.....မင့် လက် မှာ..... အ ခါ ခါ သေပြီး ခဲ့သူပါ...။

ဒီ ဇင် ဘာ ရယ်.....
မင်း......အဆင်း ဖြူသလောက်
မင့် အဆိပ်အတောက်တွေက နှင်းပွင့်လို အေးမြ
သိသိကြီးနဲ့ မြို ချ တကျိုက်....လောင်မြိုက် အတွင်းကြေ...
မင်းပေးတဲ့ ချစ်ခြင်း... ခါးသက်သက် နှင်း ... တွေ...လေ....။


**ချိုသော ဒီဇင်ဘာ လို့ ဆိုကြတယ်...၊ ဘာပဲဖြစ်ဖြစ်ပါ...ဒီဇင်ဘာ ခါးခါး စားသုံးဖူးသူများ အတွက် ကဗျာလေး တပုဒ်...ခံစားဖြစ်ခဲ့တယ်...။

Monday, December 14, 2009

သဘောတွေ့ မနောခွေ့ မိတဲ့ ဥပမာ

ကျနော် ငယ်ငယ်ကပေါ့။ ကျနော့်အောက် အငယ်တွေကို ဆူတိုင်း ရှေ့နွားကမှ ဖြောင့်ဖြောင့်မသွားတဲ့ ဟာ နောက်နွားတွေလဲ ဘယ်ဖြောင့်ဖြောင့် လိုက်ပါ့မလဲ တဲ့။ အဲဒါ အငယ်တွေကိုဆူတိုင်း အမေပြောနေကျ၊ ကျနော်လည်း ပိန္နဲပင်ကြီး အမြဲ ဖြစ်နေကျ...။

ပြီးခဲ့တဲ့ စနေနေ့ညက ကျနော် ဖားအောက်တောရ ဆရာတော် တရားပွဲ သွားခဲ့တယ်။ ဆရာတော်ဘုရားကြီး တရားဟောတဲ့ အထဲ မှာပါတဲ့ ပုဏ္ဏားကြီး တဦးရဲ့ မေးခွန်းကို ဥပမာလေးနဲ့ မြတ်စွာဘုရားရှင် ပြန်လည်ဖြေရှင်း ထားတာလေး အင်မတန် သဘောကျမိလို့ ။ ပြန်ပြောပြ ချင်လာတယ် ။

ပုဏ္ဏားကြီးက မေးတယ် ။ မြတ်စွာဘုရား တဲ့ ယခုလို မြတ်စွာဘုရားရှင် နိဗ္ဗာန် ရောက်ကြောင်း တရား ဟောကြားတာကို ကြားနာရတဲ့ အခါ ကြားနာရတဲ့ သတ္တဝါတိုင်း နိဗ္ဗာန် ရောက်ပါ သလား ဘုရား လို့ မေးလျောက်သတဲ့ ။ အဲဒီအခါ မြတ်စွာဘုရားရှင်က ရောက်တဲ့သူတွေ လည်းရှိ ၊ မရောက်တဲ့ သူတွေလည်း ရှိတာပေါ့ အသင်ပုဏ္ဏားကြီး လို့ ဖြေတော်မူတယ် ။

အဲဒီမှာ ပုဏ္ဏားကြီးက နောက်ဆက်တွဲ မေးခွန်း တခု ထပ်မေးလျောက်ပြန်တယ် ။ အရှင် ဘုရား တဲ့ နိဗ္ဗာန်ရွှေပြည်ကြီးဟာလည်း အထင်အရှားရှိ ၊ သွားရမဲ့ မဂ္ဂင်ဖောင်ကြီးနဲ့ ဘယ်လို သွားရင် ရောက်မယ် ဆိုတဲ့လမ်းလည်းရှိ ၊ ညွှန်ကြားလမ်းပြ ပေးတဲ့ မြတ်စွာ ဘုရားရှင် လည်း ရှိ နေပါရက်ကနဲ့ တချို့ ဘာကြောင့် နိဗ္ဗာန် မရောက်နိူင်တာပါလဲ ဘုရား တဲ့ ။

အဲ...အဲဒီ့မှာ မြတ်စွာဘုရားရှင် ပေးခဲ့တဲ့ ဥပမာလေး...အင်မတန် လှဗျာ...။

အသင် ပုဏ္ဏားတဲ့...သာဝတ္ထိမြို့ မှ ရာဇဂြိုရ် သို့ သွားတဲ့လမ်းကို အသင် သိပါသလား လို့ ပြန် မေးလိုက်တော့ ပုဏ္ဏားကြီးက မှန်ပါ ကောင်းကောင်းကြီး သိပါတယ် ဘုရား လို့ အားရဝမ်းသာ ပြန်လျောက်တင်တယ်ပေါ့ဗျာ ။ ကောင်းပြီ အသင်ပုဏ္ဏား လမ်းညွှန်မြေပုံ ၂ပုံ ကျကျ နန ဆွဲ၊ သွားရမဲ့ လမ်းကြောင်းကို သေသေချာချာ ရှင်းပြပြီး လုလင် ၂ ဦး အား အသွားခိုင်းခဲ့မယ် ဆိုပါစို့ တဲ့ ။

အဲဒီမှာ တဦးသော လုလင်သာ ရာဇဂြိုရ်မြို့သို့ ချောမောစွာ ရောက်ရှိခဲ့ပြီး နောက်တဦးကတော့ လမ်းလွဲသွားခဲ့ သတဲ့။ ဒီတော့ ပုဏ္ဏားကြီးတဲ့ ရာဇဂြိုရ်မြို့ဟာလဲ အထင်အရှားရှိ၊ သွားရမဲ့ လမ်းကြောင်းလဲ အသေအချာရှိ၊ လမ်းညွှန်ပြသပေးတဲ့ ပုဏ္ဏားကြီးလဲ ရှိရက်နဲ့ ဘာကြောင့် ရောက်အောင် မသွားနိူင်ရတာလဲ လို့ မြတ်စွာဘုရားက ပြန်မေးသတဲ့ ။ အဲဒီ့မှာ ပုဏ္ဏားကြီး သဘောပေါက်သွားတယ် ။

အဲဒီ့မှာ ကျနော်လည်း တွေးစရာရသွားတယ် ။ ခင်ဗျားတို့ပဲ စဉ်းစားကြည့်ဗျာ...။

ဘယ်လိုသွားရမယ် ဆိုတဲ့ လမ်းကြောင်းကို တတ်သိတဲ့ သိကျွမ်း နားလည်သူ လည်း ရှိတယ် ၊ လမ်းလဲ ခိုင်ခိုင်မာမာ ရှိတယ် ၊ ဟိုးမှာ ပန်းတိုင်...... , ပဒေသာပင် တွေလဲရှိတယ် ၊ စိမ်းလန်းအေးမြတဲ့ သစ်ရိပ်တွေ ရှိတယ် ၊ အားလုံးအတွက် အမောပြေ ရေကြည် စိမ့်စမ်း တွေလဲ ရှိပါရဲ့ ။

ဘာကြောင့် ကျနော်တို့ မရောက်ကြတာလဲ...။



အားလုံးပဲ ရည်ရွယ်ရာ ပန်းတိုင်သို့ တ, တိုင်းရောက်နိူင်ကြပါစေ...။

Saturday, December 12, 2009

ကျွန်ုပ် နှင့် ယမမင်း

မနက်စာ စားလို့မှ မပြီးသေး ကျုပ်ရဲ့ လက်သုံးတော်ဓါး...ဟုတ်ပေါင် လက်စွဲတော် ဟန်းဖုန်း တတီတီ မြည်လာတာကြောင့် စောစော စီးစီး ဘယ်ကများပါလိမ့်မလဲလို့ LCD Display ကိုကြည့်လိုက်တော့........,

အံမယ်...နှုတ်ခမ်းမွှေးကားကား၊ ဦးချိုထောင်ထောင်၊ ညစ်ကျယ်ကျယ် ရုပ်နဲ့ ကျုပ်လောက်မှ ရူပါ မဖြောင့်တဲ့ သကောင့်သား...အလို.....ယမမင်း ဆိုပါ့လား။

အရေးကိစ္စကဖြင့် ရှိချေပြီ။ အစုံလုပ်သည် ဆိုတဲ့ အကျိုးတော်ဆောင်တွေ အများကြီး ထဲကမှ ကျုပ်တယောက်ကို ရွေးဆက်ရခြင်းကဖြင့် ထူးတော့ ထူးခြားနေသမို့လားဗျ။

*********************************
"ဟဲလို...ယမမင်း ဂွတ်တမောနင်းပါဗျ...ဘာအကြောင်းတွေများ ရှိသတုန်း.."

"အိမ်း...ပြောရတာပ...ကျုပ်တို့ ငရဲပြည်မယ် ခွေးသားရေ အောက်အော့ဖ်စတော့ ဖြစ်နေလို့ဗျ ၊ အဲဒါ ခင်ဗျားများ ဆပ်ပလိုင်း လုပ်နိုင် မလား လို့ပါ.."

"အလိုဗျာ...အတော်လဲ ကြီးကျယ်တဲ့ အမှာပေပဲ...နို့ ..ဘယ်တော့လောက်များ လိုချင်သတုန်းဗျ..."

"လောလိုက်လေခြင်း ဆိုရင်ဖြင့် ခံရတော့မှာပဲကိုး ယနေ့ကစလို့ ၃ရက်အတွင်းဗျား"

"အို..မြန်ချက်ဖြင့် ယမမင်းရယ်..ခင်ဗျား စတော့ခ်လေး နဲနဲမှ အပိုမဆောင်ပဲကိုးဗျ"

"ဆောင်ထားပါရောလား အမောင်ရယ်...သို့ပေမင့် တနေ့တနေ့...လိမ်သူ၊ ကောက်သူ၊ ကတုံးပေါ်ထိပ်ကွက်သူ၊ လာဘ်စားသူ၊ ခိုးသူ၊ သတ်သူ၊ ခေါင်းပုံဖြတ်သူ၊ လူအချင်းချင်း လှည့်ပတ်သူတွေက လူ့ ပြည်မယ် တယ်လဲများသကိုး..."

"အဲဒီ့လောက်တောင်ပဲ လားဗျ၊ ကျုပ်ဖြင့် ငါးပါးသီလကို ခါးဝတ်ပုဆိုးလို မြဲပြီလားဗျာ၊ ကဲ စိတ်သာချဗျို့ ၃ရက်မြောက်နေ့ကျ ကျုပ်အိမ် ကိုသာ လာခဲ့ပေတော့ဗျား"

ကိုင်း...ကျုပ်ဖြင့် အကျိုးတော်ဆောင်တို့ ထုံးစံအတိုင်း နှုတ်ရေးကြွယ်ကြွယ် ဂတိလွယ် ခဲ့မိပြီကိုးဗျ၊ ဒီတော့ အချိန်တွေဆွဲဖင့် မနေ တော့ပါဘု ခုပင် မြို့တခွင်ခရီးနှင်လို့ မနားမနေ ခွေးသားရေ ရှာပုံတော် ဖွင့်ရအုံးမှာပ။

*********************************
ကျုပ်လဲ အချိန်ဆိုင်း မနေပဲ မြို့ထဲ ထွက်လို့ ခွေးသားရေ ရနိူင်မဲ့ နေရာတွေ၊ တခြား သားရေ အမျိုးမျိုး အရောင်းဆိုင်တွေ၊ ပင်ရင်း၊ ဆိုင်ခွဲ မကျန် စုံတကာစေ့အောင် ရှာပုံတော် ဖွင့်ရသပေါ့ဗျာ။

ခက်လိုက်ပုံက ဒီခွေးသားရေ ဆိုတာကလည်း ဘာလူသုံးကုန်ပစ္စည်းမှ လုပ်ရောင်း ရလောက်အောင် အသုံးမကျတဲ့ ဟာကိုး၊ ခင်ဗျားတို့ပဲ စဉ်းစားကြည့်လေ ခွေးသားရေ ပိုက်ဆံအိတ်၊ ခွေးသားရေ ဘွတ်ဖိနပ်ရယ်လို့များ ကြားဖူးကြလို့လား၊

တနေသာကုန်ရော ကျုပ်ဖြင့် ခေါင်းတွေလဲခြောက်၊ ခြေထောက်တွေလဲ ညောင်းလို့၊ ငွေကုန် သံပြာသာ ဖြစ်ကရော၊ ခွေးသားရေဖြင့် ရှာမရခဲ့ပေါင်ဗျာ...။

*********************************
နက်ဖန်ခါ ဆိုရင်ဖြင့် ယမမင်းက လာပေတော့မယ် ။ မဖြစ်ချေဘူး။ ဒီကနေ့တော့ဖြင့် ရအောင် ရှာမှ ရှာမှ....။

အဲ...ရှာလို့ မရတဲ့ အဆုံးမတော့ ခွေးလေခွေးလွင့်တွေ ဖမ်းလို့ ကျုပ် ကိုယ်တိုင်ပဲ အရေ ဆုတ်ပစ်ရမှာပဲကွယ်ရို့...။
ဘုရား ဘုရား ...ခါးဝတ်ပုဆိုးလို မြဲပါတယ် ဆိုတဲ့ ကျုပ်ရဲ့ ငါးပါးသီလလေးလဲ ဖုတ်လှိုက် ဖုတ်လှိုက် ဖြစ်ရှာတယ်..

အောင်မာလေး...ရှားလိုက်တဲ့ ခွေးလေခွေးလွင့် ၊ကျုပ် အဖြစ်က ကုလားပြည် သွားပြီး နှုတ်ခမ်းမွှေး မပါတဲ့ ကုလား အရှာထွက်နေတာနဲ့ တူနေသကိုးဗျ.....။

တကောင် တမှီးမှ မတွေ့တဲ့အဆုံး ကျုပ်လဲ စိတ်ပျက်လက်ပျက်နဲ့ လျောက်လာလိုက်တာ မြို့ထဲကျော်လို့ မြို့စွန်တောင် ဝင်လာ ပါရော့ လား။ ဟော ရှေ့မှာ မွေးမြူရေး ခြံကြီး တခြံ ။ ခြံရှေ့က ဆိုင်းဘုတ်ကြောင့် ကျုပ်မျက်လုံးတွေ လက်ခနဲ၊ ကျုပ်ခေါင်း ထဲလဲ မီးတချက် လင်းခနဲ။

" နွား နှင့် နွားထွက်ပစ္စည်း မျိုးစုံ အရောင်းဆိုင် "

***********************************
နွားသားရေက နဲနဲတော့ဖြင့် ပိုထူပါရဲ့ ဒါပေသိ သူတို့က ဖိစက်နဲ့ပြားချ ၊ နန်းဆွဲစက် နဲ့ ဆွဲဆန့်ပြီး ပါးအောင် လုပ်ပေးနိူင် သတဲ့။ ကျုပ် လိုချင်တဲ့ အရွယ်အစား အတိုင်းလဲ ဖြတ်တောက်ပေးအုံးမဲ့ အပြင် ကျုပ်အတွက် မေတ္တာလက်ဆောင် နွားချို တစုံတောင် ပေးအုံး မတဲ့။ ဟန်ကျလိုက်လေ...။

ဒီလိုနဲ့ ချိန်းထားတဲ့ နောက်တနေ့ ညနေ ရောက်လာပါရော....။

ယမမင်း ကိုယ်တိုင် သူ့ရဲ့ ကြက်ဆူဆီသုံး ပရိုက်ဗိတ် ဂျက်ကလေးမောင်းလို့ ကျုပ်ဆီ ရောက်ချ လာသဗျ။ ခွေးသားရေ အဲလေ နွားသားရေတွေ ပိုက်လို့၊ အပျော်ကြီး ပျော်လို့ ၊ ချက်ချင်းငွေချေရှာတယ်။

ကျုပ်တိုက်တဲ့ အပြင်းစား မြန်မာ ဘီယာလေးတောင် သောက်မသွားရှာဘူး။

" လမ်းမှာ စစ်တဲ့ ဆေးတဲ့ TPH တွေ ဖမ်းနေပါအုံးမယ်ဗျာ " တဲ့။

"ဘာတုံးဗျ TPH " ဆိုတော့ " Traffic Police of Hell " တဲ့လေ ။

***********************************
မင်းမှာ သစ္စာ လူမှာ ကတိ ဆိုသမို့လားဗျ၊ ကျုပ်လဲ ပေးထားတဲ့ ကတိအတိုင်း နွားခြံ သွားလို့ ငွေချေအုံးမှ။

ခက်လိုက်တဲ့ ကောင်တွေဗျာ ၊ ပြောတုန်းက ဈေးတမျိုး ၊ လုပ်ရတာ သီးသန့် အမှာ (Custom made) မို့လို့ ခက်သလေး ဘာလေးနဲ့ ခုတော့ ငွေပို တောင်းတယ်လေ။

ကျုပ်ကလဲ နှုတ်ကတိ တလုံး တန်ဘိုးထားတဲ့ ကောင်ကိုးဗျ ၊ ဒီတော့ စာရွက်စာတမ်း တွေ ဘာတွေ မချုပ်မိဘူးပေါ့ဗျာ။ အရှည် အရှည်တွေ ပြောမနေချင်တာရယ်၊ ကျုပ်ကိုယ်တိုင်လဲ မြက်မြက်ကလေး စားလိုက်ရတာ ရယ်ကြောင့် သူတို့တောင်းတဲ့ ဈေးပဲပေးခဲ့ပါရဲ့ ။

ကျုပ် ပိုပြီး စိတ်ဆိုးမိတာက နွားချိုတစုံ မပေးတာပဲဗျို့ ။

ပေးမယ် ဆိုပြီးမှ မပေးတာတော့ အဆိုးဆုံးပဲ မဟုတ်လားဗျာ...။

************************************
အဲဒါပဲဗျ လူတွေဟာ ခက်တယ် ။ ငရဲပြည်မှာတောင် ခွေးသားရေ ပြတ်လတ်ရအောင် ငါးပါးသီလတွေ ပျက်ပြား၊ အကျင့်သိက္ခာတွေ ချစားလို့ ။

ကျုပ်ဖြင့် ငါးပါးသီလ ခါးဝတ်ပုဆိုးလို မြဲဆို ခါးပတ်ကြီးနဲ့ ဝတ်သကိုး ။ အသက်လေး ရလာတော့ကာ ပုဆိုးတောင် မနိုင်ချင်ချင် ဖြစ်လာပြီ မို့ပါဗျ...။

အဲ...တခုတော့ ရှိသပေါ့ , ယမမင်းကြီးကို ခွေးသားရေ နဲ့ နွားသားရေ အင်ထု လိုက်တာက လွဲ လို့ေ ပါ့ ဗျာ.......။

*************************************************

စာကြွင်း:

မုသာဝါဒါ ဝေရမဏိသိက္ခာပဒံ သမာဒိယာမိ - ကျွန်ုပ်သည် လိမ်လည် လှည့်ဖြား မုသားစကား ပြောဆိုခြင်းမှ ရှောင်ကြဉ်ပါ၏....တဲ့ ။ ငါးပါး သီလ သိက္ခာပုဒ် တွေထဲက ၄ ပါးမြောက် သိက္ခာပုဒ် ဖြစ်ပါတယ် ။ အပြောလွယ် သလောက် အလုပ် အခက်ဆုံးပါ ။ လျှာ က အရိုး မရှိ ၊ အောက်မေးရိုး ကလည်း အရှင် ဆိုတော့ကာ ပွတ်ကာ သီကာ မသိမသာ ကျိုးလို့ ဖြစ်စေ၊ ရည်ရွယ်ပြီးတော့ပဲ အပိုင်းပိုင်း ချိုးလို့ ဖြစ်စေ တနည်း မဟုတ် တနည်းနဲ့ ကျိုးနေကြတာကဖြင့် တခြား သိက္ခာပုဒ် တွေထက် ကျိုးနှုန်း အပုံကြီး ပိုများ နိူင်ကောင်းပါရဲ့..။

ဆိုးတဲ့ ရည်ရွယ်ချက်နဲ့ အမဲရောင် မုသားက တမျိုး၊ ဖေးမလိုတဲ့ စိတ်နဲ့ မုသားဖြူက တဖုံ ဆိုသလို ပြောဖြစ်နေကြတာပါ။ လက်ထဲမှာ အပိုင်း ပိုင်း ပြတ်နေတဲ့ မုသာဝါဒါ သိက္ခာပုဒ်ကြီး ကိုင်ဆွဲလို့ ပါးစပ်က အသံကောင်းဟစ်နေ သူတွေ အများကြီးပါ...။ ကျမကတော့ရော....အင်း...ရုတ်တရက် နဲနဲတောင် နှာစေးချင် သလိုလို ပါပဲ....။ အဲဒီ အတွေးလေးနဲ့ သရော်စာ ဆန်ဆန် ဝတ္ထုလေး တပုဒ် ရေးဖြစ်ခဲ့ပါတယ် ။

လူအချင်းချင်း လှည့်ပတ်ခြင်းမှ ကင်းဝေးကြပါစေ....။

Wednesday, December 9, 2009

ကျမနှင့် ခွေး ၃ ကောင် ဇာတ်လမ်း

တကယ်ဆို ပြောကို မပြောချင်ပါဘူး ။ ဒါပေမဲ့လည်း ပြောကို ပြောရပါအုံးမယ် ။

တနေ့က ကျမ ရုံး ဖယ်ရီ လွတ်သွားလို့ ရုံးကို ဘတ်စ်နဲ့ သွားခဲ့ရတယ် ။ ကျမ အိမ်နဲ့ ရုံးက ၄ မှတ်တိုင်လောက်ပဲ စီးရတာမို့ ၁၀ မိနစ်တောင် မကြာလိုက်ပဲ ဆင်းရမဲ့ မှတ်တိုင် ရောက်ခဲ့ပါတယ် ။ မှတ်တိုင်ရောက်တော့ ကားပေါ်ကဆင်း ၊ မီးပွိုင့်ကနေ တဖက်လမ်းကို ဖြတ်ကူး ပြီးတာနဲ့ လမ်းတိုကလေးရဲ့ ထိပ်ကို ရောက်ပါတယ် ။ ၂လမ်းမောင်းကျယ်ပြီး လမ်းမီးဓါတ်တိုင် ၅ တိုင်တပ်စာ လောက် ရှည်ပါတယ်။ အဲဒီလမ်း အဆုံး ဘယ်ဘက်ချိုးတာနဲ့ ကျမတို့ ရုံး ပေါ့ ။

လမ်းတိုကလေး စ လျောက်လို့ ခြေလှမ်း လေး ငါး ဆယ်လှမ်းလောက် လျောက်ပြီးရင်ပဲ ကျမရဲ့ မျက်လုံး အစုံက လမ်း အဆုံးနားက ခွေး ၃ ကောင်ကို သွားမြင်မိပါတယ်။ အဲဒီခွေး ၃ကောင်ဟာ တကောင် အမြီး တကောင်ကိုက်လိုက်၊ ခေါင်းပေါ်ခုန်တက်လိုက်၊ ၃ ကောင် ပတ်လည်ပြေးလိုက်ကြနဲ့ ဆော့နေသလိုလို၊ ရန်ဖြစ်နေကြသလိုလိုပါ ။

ကျမလဲ ခွေးကြောက်သူမို့ သူတို့နဲ့ လွတ်ရာ လွတ်ကြောင်း ညာဖက် ပလက်ဖောင်း ကူးပြီး ဆက်လျောက်ပါ တယ် ။ နောက်ထပ်ရှေ့ကို ၁၀လှမ်းလောက် လှမ်းပြီးရုံရှိသေး အဲဒီခွေး၃ကောင် ပြေးလွှားရင်း ညာဖက် ပလက်ဖောင်းပေါ်ကို ရောက်လာကြ ပြန် ပါတယ် ။

ဒါနဲ့ ကျမလဲ ဘယ်ဖက် ပလက်ဖောင်းပြန်ကူး၊ သူတို့ ကလဲ လိုက်ကူးလာ၊ ကျမ ညာဖက်ပလက်ဖောင်းပြန်ကူး ၊ သူတို့ ကလဲ လိုက်ကူး နဲ့....

ကျမ နဲ့ အဲဒီခွေး ၃ကောင်ဟာ လမ်းပေါ်မှာ တော်တော်ကြီးကို ဘရုတ်သုတ်ခ ဖြစ်နေတာပါ ။

ဘယ် ညာပလက်ဖောင်းကို ဇစ်-ဇက် ပုံ ၄ ခေါက်လောက် ဖြတ်ကူး အပြီးမှာတော့ ကျမ လဲ တော်တော် ညစ်လာပါတယ် ။ ဒီခွေးမသား ၃ ကောင် သွေးရိုးသားရိုးမှ ဟုတ်ပါလေစ လို့တောင်တွေးမိရပါတယ် ။

အဲဒီ ၃ကောင်နဲ့ ကျမ ၂လံ တောင် မကွာတော့ပါဘူး ။ ကျမကဖြင့် ဂိုက်ပေးက ကြမ်းကြမ်းနဲ့ စကော်ပီယံ ဂိုဏ်းသားလိုလို၊ မာဖီးယား ဂိုင်းဝင်လိုလို ဆိုတော့ကာ...။ မသကာ ခွေးလိုက်ဆွဲ ရင်တောင်မှ "ကိုက်တာ အပြစ်လား...ဟာ ဟာ့ ဟာ....." လို့ ဆိုရလောက်အောင် ခွေး အပြစ်တော့ မဟုတ်ပါလေ ။

ဒါပေမဲ့ လည်း ဒီအရွယ်ကြီးကျကာမှ ဆေး၁၄လုံး ချက်မှာ ထိုးခံရရင်ဖြင့် မဟန်သေးဘူး မဟုတ်လား ။

ဘေးဘီ အကဲခတ်ရင်း အသာလေး နောက်လှည့်ကြည့်တော့မှ ကျမနဲ့ ခြေလှမ်း ၁၀ လှမ်း လောက် အကွာမှာ တရုတ်အမျိုးသား တယောက် တွေ့မိပါတယ် ။ ဒါနဲ့ ခဏလေးရပ်ရင်း ကျမ ဘေးနားရောက် လာအောင် စောင့်နေလိုက်ပါတယ် ။

"တဆိတ်လောက်ရှင် ကျမ ရှင့် ဘေးနားကနေ လိုက်လျောက်ပါရစေနော်"

ယဉ်ကျေးစွာနဲ့ ခွင့် တောင်းမိပါတယ်။ ငနဲသား မျက်နှာက ဖြဲစပ်စပ်ရယ် ။

"ရပါတယ် လျောက်ပေါ့ ဒါပေမဲ့ ဘာဖြစ်လို့လဲ"

ကျမကို အဲဒီလို ပြန်မေးတာကိုက သူ့ မျက်လုံးထဲမှာ ရယ်မြူးရိပ်တွေနဲ့ပါ ။ မဟုတ်မှလွဲရော ဒီငနဲ တော့ လမ်းမှာ ပိုက်ဆံကောက်ရလာတယ် ထင်ပါ့ ။

ကျမလဲ ခွေး ၃ကောင်ကို မေးငေါ့ ပြရင်း ...

"ဟိုမှာ တွေ့လား ငါ ခွေးကိုက်ခံရမှာ ကြောက်လို့ "

အဲဒီတော့မှ ငနဲသားက တ ဟား ဟား အော်ရယ်ပါတယ် ။ ကျမလဲ နဲနဲ တော့ တင်းသွားတာပေါ့ ။ ဘယ့်နှယ် အမျိုးသမီး တယောက် ခွေးကြောက်တတ်တာ ရယ်စရာလား။ ကျမ အတွေးမှ မဆုံးခင် သူ့ရဲ့ နောက်ဆက်တွဲ စကားကြောင့် ကျမမှာ သူနဲ့ အတူ လိုက်ပဲ ရယ်ရမလို၊ အော်ပဲ ငိုရမလို ဖြစ်သွားခဲ့ရပါတယ်။

"ဟားဟားဟား ခွေးကြောက်လို့လား စိတ်မရှိပါနဲ့နော် ငါက မင်းကို ဒါ လို့ ထင်နေတာ..." ဆိုပြီး သူ့ ညာဖက်လက်ညှိုး နဲ့ ညာဖက်နားထင်ကို ထောက်ပြီး လှည့်ပြလိုက်ပါတော့တယ် ။

ဘယ်အချိန်ကတည်းကများ ကျွန်မနဲ့ ခွေး၃ကောင်ရဲ့ ဗရုတ်သုတ်ခကို နောက်ကနေ ကြည့်နေတယ် မဆိုနိူင်ဘူး။ ကိုင်း ကောင်းကြသေးရဲ့လား ။ ကျမဖြင့် ရှေ့က ခွေး ၃ကောင် အကိုက်သာ ပြေး ခံလိုက် ချင်တော့တာ..။

ဘ၀ အမောတွေ ပြေကြပါစေ...။

Monday, December 7, 2009

ခရီးသွား ကြသူများ

တနေ့ တနေ့ တရွေ့ရွေ့သွား
အချိန်ရထား......
သူ့အလုပ် သူလုပ် မှန်မှန်ခုတ်နေတယ်.....။

အကြံအဖန်ထုတ်သူတွေ အမှန်အကန်လုပ်သူတွေ...
အတင်းစကားဆိုသူတွေ အချင်းများလိုသူတွေ...
ဇာတ်ရှုပ်နေသူတွေ အမြတ်ထုတ်နေသူတွေ...
အချစ်ချင်း တူသူတွေ အပြစ်ကင်း ဖြူသူတွေ...
သဘောကောက် အမှားကိုးနဲ့ ကျောနောက်ဓါးထိုး...တရားဆိုးသူတွေ...။

နိမ့် မြင့် ဆူ ကြုံ ကျော ရင် ဖြူ မဲ
မခွဲခြားပဲ အားလုံးကို ဆောင်တင်
ခရီးနှင်ဆဲ......။

သူတို့....သက်ရှုကွဲလည်း
လူချင်းတူမူ လားရာတူစွာ ....
ကံ ဇာတ်ဆရာရဲ့ လက်ထဲ
ကြိုးဆွဲရာ တလှုပ်လှုပ်
အချို ကုတ် (Coat) ထားတဲ့ ဆေးခါး
အမှားများစွာနဲ့ အသားကျ ရှင်သန် နေထိုင် ကြရင်းက...
အချိန်တန်တော့ အိမ်ပြန်ရ ....
ခြောက်ပေ ကျယ်တဲ့ကျင်းအတွင်း ခုန်ဆင်းကြရတယ်...။

အချိန်ရထားကြီးကတော့...
သူ့လက်တံတွေ သူရွှေ့ရင်း
ခရီးပြင်းနှင်မြဲ ခုတ်မောင်းဆဲလေ...။

ဘဝ အမောတွေ ပြေကြပါစေ...။

Friday, December 4, 2009

တလသား ဘလော့ဂ်လေးရဲ့ ရင်ခုန်သံ

နိူဝင်ဘာ ၅ရက်နေ့က စခဲ့တဲ့ ကျမရဲ့ ဘလော့ဂ်လေး ခု ဒီဇင်ဘာ ၄ရက်နေ့မှာ တလ တိတိ ပြည့်ခဲ့ပါပြီ။

ဒီဘလော့ဂ်လေးကို အသက်သွင်းပေးခဲ့တဲ့ ကျမရဲ့ ချစ်သူငယ်ချင်းလေး သက်ဝေ ၊စနေ တနင်္ဂနွေ ကျမ ဟင်းချက်ဖို့ မီးဖိုချောင် ဝင်တဲ့အခါ "လာမရှုပ်နဲ့ သွား ကိုယ့်ဘာသာ စာသွားရေးနေ" လို့ နှင်ထုတ်တတ်တဲ့ ချစ်သူငယ်ချင်း ခိုင်၊ ကျမ စာရေးနေတဲ့အခါ၊ ဘလော့ဂ်လည်နေတဲ့ အခါတွေမှာ သူ့ အဝတ်သူ မီးပူထိုးဝတ်ရှာတဲ့ ကျမရဲ့ ချစ်ခင်ပွန်း၊ အဓိက ကျလွန်းတဲ့ ကျမရဲ့ ဘလော့ဂ်ဖတ် ပရိသတ်တွေ၊ ဘလော့ဂ်ဂါမောင်နှမတွေ အားလုံးကို ကျမ ရင်ထဲကနေ နှစ်နှစ်ကာကာ ကျေးဇူးတင်ကြောင်း ပြောပါရစေရှင်။

Thank You Myspace Comments


ကော်မန့်တွေရေးသွား၊ စီဘုံးထဲပြောသွားခဲ့ကြတဲ့ စာဖတ်သူတွေနဲ့ ဘလော့ဂ်နီးချင်းတွေ အားလုံးကိုလဲ အရမ်း အရမ်းကို ကျေးဇူးတင်ရပါတယ်။ တခါတလေ စီနီယာဘလော့ဂ်ဂါ ကြီးများ ဖတ်, မန့် သွားတဲ့အခါများ ဆိုရင်တော့ ဒီဂရီရပြီးသားသူတွေ မူလတန်းစာလာဖတ် သလိုများ ဖြစ်နေပြီထင်ပါရဲ့လို့ အားတုံ့ အားနာ တွေးမိပါရဲ့...။

ဒါပေမဲ့ , အဲဒါတွေကိုက ကျမ အတွက် အင်အားတွေပါ။ ဖတ်ရင်းနဲ့ ပျော်ရပါတယ်။ အဲဒါအပြင် မိုးမခ မီဒီယာက ကျမရဲ့ ပထမဦးဆုံးတင်ခဲ့တဲ့ပို့စ်လေးကို ကုတ်ထားတော့ ပိုပြီးပျော်ရတာပေါ့ ။ အပျော်ပေါ် အပျော်ဆင့်လို့ အပျော် နှစ်ထပ်ကွမ်းခဲ့ရပါတယ် ။

ဘာနဲ့ တူသလဲ ဆိုတော့ကာ ကျမ တိတ်တိတ်လေး ချစ်ကျွမ်းဝင်နေခဲ့ရတဲ့ အမျိုးကောင်းသား ကလေးက ချစ်စကားဆိုပြီး တချိန်ထဲမှာပဲ လက်ထပ်ခွင့်တောင်းသလိုပါ။ ခဏခဏ အကုတ်ခံနေရတဲ့ ဘလော့ဂ်ဂါ ကြီးတွေအတွက်တော့ အဲလောက် ပျော်ပါ့မလား မသိပါဘူး။

ဒီတလ အတွင်းရေးပြီးခဲ့သမျှတွေ ပြန်ကြည့်တဲ့အခါ အပျော်စာ နဲ့ သရော်စာတွေ ရေးဖြစ် ခဲ့တာ များပါတယ်။ ကျမ ကိုယ်တိုင်က ပျော်တတ်တာပါ။ ပြီးတော့ ကျမက အတွေးနုနု အရေးလဲနု ပါသေးတယ်။ ဘလော့ဂ်တွေ တော်တော် များများ ဝင်ဖတ်ပြီးတဲ့အခါ ကိုယ့်စာ တွေကို ဘယ်နားသွားဖွက်ရမှန်းတောင် မသိအောင်ပါပဲ။ အရေး ရော အတွေးပါ ကောင်းလိုက်ကြတာ...။ တကယ်ကို အားကျမိပါရဲ့...။

ကျမ ရေးချင်နေခဲ့ပြီး မရေးဖြစ်သေးတဲ့ အကြောင်းတွေ ရှိပါသေးတယ်။ ဘာသာရေး နဲ့ အချစ်ဝတ္ထုတွေပါ။ ဘာသာရေးကိုတော့ အချိန်လေး နဲနဲယူပြီး ရေးရပါမယ်။

အဲ...အချစ်ဝတ္ထုလေးတွေ ရေးဖို့ဆိုရင်တော့ ကျမရဲ့ နှလုံးသားကို လွန်ခဲ့တဲ့ အနှစ်၂၀ လောက် ဘက်ဂီယာ ပြန်ထိုးပြီး ခံစားမှ ရမယ်ထင်ပါရဲ့။
ဒါဖြင့် ခု အချစ်မရှိဘူးလား အိမ်ကလူကြီးက ဘာလဲ ဆိုရင်ဖြင့် သူက အချစ်ထက် ပိုလွန်သော...လို့ ဆိုချင်ပါတယ်။

တချို့ကလဲ ချစ်ကြည်အေး ဆိုတာ ဘယ်လို အမကြီးပါလိမ့်လို့ သိချင်ပုံရပါတယ်။ ရယ်စရာတွေ၊ ပေါတိပေါချာတွေ ရေးနေလို့ တော်ကြာ မချစ်ကြည် တဆယ်ဖိုး ၃ ခု လို့ ထင်မှာလဲစိုးရသေး။

တနေ့ကတော့ ခင်မင်နေတဲ့ အကိုကြီးတယောက် သူဘလော့ဂ်တွေ ဖတ်လေ့ရှိတယ်ဆိုလို့ ဒီဘလော့ဂ်လေး ဖတ်ကြည့်လို့ ပေးလိုက်မိပါတယ်။ နောက်နှစ်ရက်လောက်ကျတော့ ဖုန်းထဲကနေ ညီမ ဘလော့ဂ်လေး မဆိုးဘူး၊ အားပေးတယ် ဆက်ရေးလို့ ဆိုလာပါတယ်။ ဟမ်...ကျမ ရဲ့ ဘလော့ဂ်လို့လဲ မပြောလိုက်မိပဲနဲ့။

ခက်ပြီ လူကလဲ အငြိမ်မနေ တတ်တာနဲ့တော့ ။ တော်ကြာ လမ်းထိပ်က လော်စပီကာကြီးလို ဖြစ်နေအုံးမယ်။

"သာဓုပါခင်ဗျာ..သာဓုပါ...ခုလို စေတနာသုံးတန် ပြဌာန်းပြီး လှူဒါန်းတဲ့အတွက် ကျနော်များ ဥပဿကာ အဖွဲ့မှ မှတ်တမ်းတင်အပ်ပါတယ် ခင်ဗျ...ဗျာ..ဪ...ဟုတ်ကဲ့ ဟုတ်ကဲ့ခင်ဗျာ...အမည်မဖော်လိုသူ ဟိုတဖက်လမ်း ၁၃ လမ်းထိပ်က လူပျိုကြီး ကိုကြင်မြ က ငါးရာပါတဲ့ ခင်ဗျား"


ဘဝ အမောတွေ ပြေကြပါစေ...။



Image Source : www.mynicespace.com

Wednesday, December 2, 2009

ဖြေကြည့် ကြစေချင်တယ်....

ဒီနေ့တော့ ယမမင်းကြီး စီရင်ချက်ချမှတ်ဖို့ ငရဲသား ၃ ယောက် ရှိတယ်။

သူတို့မှာ အပြစ်ရယ်လို့ မယ်မယ်ရရ မရှိပဲ အမြင်ကတ်ပုဒ်မနဲ့ ဒယ်အိုးထဲ ထည့်ဖို့
လျာထားခံရတာ ဆိုတော့ ယမမင်းကြီးများ စိတ်ပြောင်းပြီး လွှတ်ပေးလိုက်လေမလား
ရယ်လို့ အသနားခံစာတင်ခြင်း ဖြစ်တယ်။ ယမမင်းကြီး အနေနဲ့ ကျတော့လဲ စွဲချက်တင်
ပြီးသားမို့ လွှတ်ပေးရိုး ထုံးစံ မရှိချင်တာကြောင့် အကြံအဖန်လုပ်ဖို့ စဉ်းစားပြီးသားပေါ့။

မေးခွန်းတခု မေးမယ်၊ စိတ်ကျေနပ်အောင် ဖြေနိူင်ခဲ့ရင်တော့ လူ့ပြည်ပြန် လွှတ်ပေးမယ်
မဟုတ်လို့ကတော့ ဒယ်အိုး ကြည့်ထား လို့ဆိုသတဲ့။

ယမမင်းကြီး လက်ထဲကိုင်ထားတဲ့ တင်းပုတ်လိုဟာကြီးနဲ့ စားပွဲကို တချက်ထုလိုက်တယ်
ဆိုရင်ပဲ ပရိသတ်တွေ အားလုံး ငြိမ်သက်သွားကြတယ်။

ကဲ ခု မေးခွန်း စမေးတော့မယ်ဆိုတော့ ငြိမ် သွားကြတာပေါ့။

ယမမင်းကြီး : မသိသူကျော်သွား ၊ သိသူဖော်စား ဆိုတာကြားဖူးပါစ၊ မောင်မင်းတို့သာ
ဆိုရင် ကျော်သွားမလား၊ ဖော်စားမှာလား တယောက်ချင်း ဖြေပါ။

ပထမငရဲသား : (အင်း ကျော်သွားမယ်ဆိုရင်ဖြင့် မသိလို့ ဖြစ်တော့မယ်...)
မှန်ပါ ကျနော်မျိုး သိသူမို့ ဖော်စား ပါ့မယ်။

ယမမင်းကြီး : တယ်...လုံ့လ ဝိရီယမှ မစိုက်ထုတ်ချင်ပါပဲ အချောင်မျက်စိနဲ့
လောဘကောင် မျိုးကိုး.......ကဲ ဒယ်အိုးထဲ....ထည့်....စေ...။

ပထမငရဲသားဖြင့် ယမမင်းကြီးရဲ့ ဘယ်လက်ရုံး၊ ညာလက်ရုံး နှစ်ယောက်ကြား ယက်ကန်ယက်ကန် ပါသွားလေရဲ့။

ဒုတိယငရဲသား : (အင်း ဒါဆိုရင်တော့ ဖော်စားလို့ မဖြစ်ချေဘူး..မဖြစ်ချေဘူး....)
ကျနော်မျိုးကတော့ မသိလို့ ကျော်သွားပါမယ်။

ယမမင်းကြီး : အို.......မသိမှု အဝိဇ္ဇာဖုံးလို့ မောဟများတဲ့ ဒီငမိုက်သား ဒယ်အိုးထဲ
ထည့်.....စေ...။

အရင်လူ အတိုင်းပဲ ယမမင်းကြီးရဲ့ ဘယ်လက်ရုံး ညာလက်ရုံး နှစ်ယောက်ကြား ယက်ကန်ယက်ကန် ပါသွားပြန်တယ်။

တတိယ ငရဲသား : (ပါးနပ်လည်ပတ်သူ ဖြစ်ရာ ရှေ့ အဖြေများနှင့် ခွဲထွက်အောင်ဖြေသည်)
မှန်ပါ...မသိလို့ ကျော်သွားပြီးကာမှ သိလို့ ပြန်လာဖော်စား ပါ့မယ်။

ယမမင်းကြီး : တယ်...မသိရအောင် မောဟဖုံးတဲ့ အပြင်၊ လိုချင်လောဘကလဲ ကြီးပြန်ပါပေတယ်...ကဲ ကဲ တဝက်လူ့ပြည်ပို့ ပြီးကျန်တဝက် ဒယ်အိုး ထဲထည့်စေ...။

ကိုင်း...လောကကြီးမှာ ယမမင်းကြီးလို အချိုလဲ ချက်မရ၊ အချဉ်လဲချက်မရတဲ့ လူ-လဒ
တွေ အများကြီးရှိလေရဲ့။

အဲဒီနောက်မှာတော့ "အလျောက်ကောင်းရင် အထောင်းသက်သာ" ဆိုတဲ့ စကားပုံရဲ့နောက်ဆက်တွဲ "အလျောက်ကောင်းတိုင်း အထောင်းမလွတ်" ဆိုတာ ပေါ်လာပါတော့တယ်။


ဘဝ အမောတွေ ပြေကြပါစေ....။

Saturday, November 28, 2009

ဘလော့ဂ် ကိုက်ခြင်း

ကျမရဲ့ အိပ်စက်ခြင်းများ
ဘလော့ဂ် ဆိုတဲ့ ကာလနဂါး
ဝါးမြိုလို့ စားခဲ့ပေါ့........။

မနက်လင်းတော့ ထ.....၊
ကျမ...
အမှတ်သညာ မရှိ
ဘလော့ဂ် ဝင်ပြန်၏...။

ဘဝ အမောတွေ ပြေကြပါစေ....။



ကျမ လိုပဲ တမ်းမက်ရူးသွပ်စွာ ၊ ဒါကိုပဲ နှစ်လိုစွဲလန်းစွာ ဘလော့ဂ် ကိုက်ခြင်းခံနေကြသော ဘလော့ဂ်ဂါ မောင်နှမများ အားလုံးအတွက် ရင်ခုန်သံ ကြိမ်နှုန်းခြင်းတူစွာ ချစ်ခင်ခြင်း များစွာဖြင့် ရေးဖွဲ့ပါသည်....။

Friday, November 27, 2009

သူ့အကြောင်း သို့မဟုတ် ကျမယောင်္ကျား ကိုပွဲစား

အိမ်ကိုဖုန်းဆက်လို့ အမေနဲ့တွေ့တိုင်း ဆန်ဈေးဘယ်လောက် ဆီဈေးကဖြင့် ဘယ်လို ... ဆန်ပြုတ်တောင် မှန်အောင် ပြုတ်မစားနိူင်တဲ့သူတွေ၊ အိမ်တွေဆီကထမင်းရည်လိုက်တောင်းပြီးသောက်တဲ့ သူတွေ ၊ ပြီးတော့ခုအချိန်မှာ အလှူမုန့်ဟင်းခါးချက်ရင်တောင် အနဲဆုံးအချိန်၂၀၀-၃၀၀လောက်မှ ၊ ဘာလို့ဆို သိသိမသိသိ ဖိတ်ဖိတ် မဖိတ်ဖိတ် စားချင်လို့ပါဆို ဝင်စား နဲနဲလောက် ထုတ်ပေးပါနော်ဆို လာတောင်း ကြသတဲ့...။

အမေကတော့ သနားလွန်းလို့ အယုတ် အလတ် အမြတ် မရွေး ပေးလိုက်တာပါပဲ သမီးတို့ ပို့တဲ့ပိုက်ဆံနဲ့ ဆိုတော့ သမီးတို့ ကုသိုလ်ပေါ့ သမီးရယ်လို့ ပြောရှာတယ်။ကျမဖြင့် အမေနဲ့စကားပြောပြီးတိုင်း ကိုယ့်မြန်မာပြည်က လူတွေ (အများစုကိုပါ)အပေါ် သနားဂရုဏာသက်မိရတာ အခါခါ..။ သူတို့တွေ ဘယ့် လောက်များ ကြပ်တည်းကြရှာပါလိမ့်..။

အိမ်ကလူဖြင့် အဲဒါတွေကြားလေ သူ့ရဲ့ အလကားပွဲစားလုပ်ငန်းကြီး ပိုမိုတိုးချဲ့လေ ။ သူနဲ့သိသူ မသိသူ သတင်းစကားနဲ့ရောက်လာသူ ဘယ်သူ့မဆိုတက်ကြွစွာလိုအပ်လို့ကတော့အိပ်ထဲကပါစိုက်ပေးခြင်းပါ..။

ကျမ ယုံကြည်ပါတယ်။ ကျမတို့ အားလုံး ကြုံဖူးကြမှာပါ။ ရွာကနေ လာဖို့ပြင်ဆင်နေသူတွေ၊ ရောက်လာပြီး အလုပ်ရှာကြသူတွေ အားလုံးအပေါ် တတ်နိုင်သမျှ လူအား၊ ငွေအား အနဲဆုံးတော့ နှုတ်၏ဆောင်မခြင်း မျိုးနဲ့ ဖြစ်စေ ကူညီဖူးကြမှာပါ...။

အဲဒီများစွာထဲကမှ ကျမရဲ့ သူ့ အကြောင်းကို ပြောပြချင်ပါတယ်...။ တခါတခါ ရယ်စရာအပြင်   မောစရာလေးတွေပါ တွေ့ကြုံရတတ်တာကို မျှဝေခံစားလိုခြင်းသက်သက် ပါ...။

တခါ နယ်က အိမ်ဂရံပေါင်ပြီး လာတဲ့ ကလေးတယောက် အလုပ်ဘာမဆိုလုပ်နိူင်တယ် E-စကားပြောတော့မရတဲ့ကလေးပါ ၊ General Worker ပဲရရ လုပ်ချင်ပါတယ် လို့ ဆိုလာပါတယ်။ မိဘ လုပ်ကျွေးမဲ့သူကလေး ဆိုတော့ ကျမတို့ကလဲ အလုပ်ငြိသွားစေချင်ပါတယ်။ ခက်တာက သူ့မှာ ပညာရေးအခြေခံ လောက်လောက်လားလား မရှိတော့ကာ အတော်ခေါင်းစားခဲ့ရပါတယ်။

ဒါနဲ့သူက
"ဟကောင်ရ မင်း သူဌေးနဲ့ ဘယ်လိုစကားပြောမတုံး ကွ ဟိုက မင့် အလုပ်မခိုင်းခင် နဲနဲပါးပါး   မေးမြန်းချင်သေးတာ"

ဆိုပြီး တပွဲတိုးအင်္ဂလိပ် စကားပြော သင်ပေးပါတော့တယ်၊ တွေ့တဲ့အခါ ဘယ်လိုနူတ်ဆက်  သူပြောတာပဲနားထောင် တခါတခါမှ ရက်စ်သင့်တာ ရက်စ်၊ အိုကေသင့်တာ အိုကေ၊ ပြန်ခါနီးမှ လက်ဆွဲနှုတ်ဆက် သင်န့်ကယူလုပ်ပေါ့လေ သင်ပေးလိုက်ရှာပါတယ်။

အင်တာဗျုးပြီး ပြုံးပြုံး ပြုံးပြုံးနဲ့ ပြန်လာရှာတော့ အိမ်ကလူက "မင်းဘယ့်နဲ့လဲ" ဆိုတော့ "အဆင်ပြေတယ် အကို" တဲ့။

ဘာတွေပြောလိုက်တုန်း ဆိုတော့မှ ကျမတို့ မှာ ငိုအားထက် ရယ်အားသန်..၊ သူဌေးက ဟောင်းအာယူ ဆို လက်ဆွဲနူတ်ဆက်တော့ သူက "သင်န့်ယူ ဆီးယူအ ဂိန်း" လုပ်ခဲ့သတဲ့..။အဲလောက်ကလေးကို မတတ်တာတော့ ဟုတ်ပုံမရပါဘူး။ လန့်လန့်နဲ့ ပြောမိပြောရာ ထွက်သွားတယ် ထင်ပါရဲ့။

တခါတလေ အိမ်ကို စီဗီ လာအပ်တဲ့ ကလေးတွေကို အလုပ်အကြောင်း ရှင်းပြရင်း နဲနဲပါးပါးသောက်တတ်တဲ့ သူပါရင် ဘီယာတိုက် လိုက်သေးတာ..။ ကျမစားဖို့ ဝယ်ထားတဲ့ အာလူးကြော်တွေ၊ ချိစ့်အကွင်းကြော်တွေလဲ သူတို့ဖို့ အမြည်းတွေ ဖြစ်လို့...။ နားလဲ မနေရပေါင် ကလေးတွေရဲ့စီဗီတွေ သူပြင်ခိုင်းတဲ့နေရာတွေပြင်ရနဲ့..။

တနှစ်မှာ သီတင်းကျွတ်တော့ အလုပ်ရသွားခဲ့တဲ့ ကလေးတယောက် လာကန်တော့ရှာတယ် သူ့မှာ ပီတိတွေဖြစ်မဆုံး ဆုတွေလဲပေးမဆုံး ။

တခါလည်း အလုပ်ရသွားတဲ့ကလေးတယောက် အိမ်ရောက်လာပြီး

"ကျနော် ဘယ်လောက် ကန်တော့ရမလဲအကို" တဲ့။

"အေး..ပေးရမှာပေါ့ကွ ဘာမှအလကား မရဘူး မင်းပေးရမှာက တခြားမဟုတ်ဘူး ကတိ ပဲ..။ မင်းလိုပဲ အလုပ်လိုအပ်သူတွေကို ဆွဲခေါ်ပေးပါ ပိုက်ဆံတပြားတချပ်မှ ငါ့ပေးစရာ မလိုဘူး အေး ငါပြောသလိုသာ မင်း လိုအပ်တဲ့ လူတွေကို ကူညီပါ အဲဒီ ကတိပဲ ငါ့ ကိုပေး"..တဲ့လေ။

သူကဖြင့် အဲလိုပြောရမယ်ဆို မမောနိူင် မပန်းနိူင် သူပါ...။ သူ့ တပည့်လေးတွေ အိမ်လာလည်တိုင်းလဲ သူ့မှာ တပြုံးပြုံးနဲ့ ကျမကိုလဲ "ချစ်ရေ ဟိုတနေ့ကဝယ်လာတာလေးတွေ ချကျွေးပါအုံး၊ ဟိုဟာရှိသေးလား၊ ဒီဟာဖြင့် ရှိသေးတယ်မို့လား" နဲ့ပါ။

သူက တက္ကသိုလ်မှာ ကျောင်းဆရာ လုပ်ခဲ့ဖူးသူပါ...။ ဖောင်ကြီး သင်တန်းကအဆင်းမှာ သူ ထွက်စာ တင်ဖြစ်ခဲ့တာ...။ ဘာတွေများ မွမ်းမံလိုက်တယ် မသိ....။

ပြီးတော့ သူက ရယ်စရာ ပြောသေးတယ် ။ "ကြီးပွားလိုသော် ကျောင်းဆရာ လုပ်ပါလို့ ဘယ် ဘုတ်အုပ်ထဲမှာမှ မပါဘူးဗျ" တဲ့...။

ဒါပေမဲ့ ကျမက သူ့ အိပ်မက်တွေကို သိနေသူပီပီ သူ့သွေးသား ချဉ်ဆီတွေထဲ အထိဝင်ခံစားမိသူ   ဖြစ်လေတော့ .....။

သူပြောလေ့ရှိပါတယ် ၊ တနေ့ အေးချမ်းတဲ့ မြို့ကလေးတခုမှာ တောကျောင်းဆရာဖြစ်ချင်သတဲ့။ ကလေးတွေကို အခမဲ့ စာသင်ပေးချင်သတဲ့လေ.....။

ကျမဖြင့် သူ့အပေါ် ချစ်ရ မြတ်နိူးရတဲ့ အပြင် လေးစားရတာက ပိုပြန်ပါတယ်...။

ကလေးတယောက်တုန်းကဖြင့် သူ့ကိုယ်သူ စိတ်ချ ပိုင်နိုင်လွန်းစွာ အလုပ်လာရှာတာကို တလ လေယာဉ် လက်မှတ်ဖြတ်လာပါတယ်။ တလနီးပါး အလုပ်မရတော့ ကျမတို့က နောက်ထပ်သက်တမ်းတိုးပေးတာပေါ့၊

ကံကောင်းစွာပဲ အလုပ်ချိတ်မိပြီး ကံဆိုးစွာပဲ EP က ဂျက်ပါတယ်။ နောက်တော့ ဘယ်လိုမှ မရတဲ့အဆုံး   ပြန်ဖို့ လက်မှတ် စတစ်ကာကပ်တော့မှ လေယာဉ်လက်မှတ်ကြီးက တလမှန်း သိရတော့တာပါ ။ ဒါနဲ့ပဲ ကျမတို့ နီးစပ်ရာ ပိုက်ဆံ စုထည့်ကြပြီး လက်မှတ်တခြမ်းစာ ဝယ်ပေးလိုက်ကြရပါတယ်။
အဲဒီတုန်းက တကြောင်းထဲတင် ၃၀၀ကျော်တာလေ...။

တညမှာ တနာရီလောက်ကြီး သူ့ဖုန်းမြည်လာတော့ အိုဗာဆီး များလား ဒီအချိန်ကြီး ဘယ်ကပါလိမ့်ပေါ့။ သူ့ စကားအသွားအလာ နားထောင်တော့မှ သူအလုပ်ရှာပေးခဲ့တဲ့ ကလေးတယောက် မနက်ဖြန်အလုပ်စာမေးပွဲ   ဖြေရမှာမို့  သိချင်တာလေးတွေမေးဖို့ဆက်ရှာတာပါ ။ ၁၀- ၁၅မိနစ်လောက်ထင်ပါရဲ့ သူ ရှင်းပြနေပြီး
 ဖုန်းချသွားတော့မှ.......

"တကယ့်ကောင် စာမေးပွဲရှိလို့သူအိပ်မရတာနဲ့ပဲ နေ့နဲ့ ည မှားပြီးဖုန်းဆက်တဲ့ကောင် ၊ပြီးမှ ဆောရီးပဲ အကိုတဲ့ ခွီး တဲ့ မှ" ......

ပြောလဲပြော ကျမခြုံထားတဲ့စောင်ကြီးကိုလဲ သူ့ဘက် အတင်းဆွဲခြုံရင်း ပြန်အိပ်သွားရှာပါတယ်..။ ကျမမှာသာ အအိပ်ခက်သူမို့ ချက်ချင်း ပြန်အိပ်မရနိုင်ပဲ လုပ်ချင်အုံးဟ အလကားပွဲစားကြီးရေ လို့ တယောက်ထဲ အမှောင်ထဲမှာ မျက်နှာကြီး ပြုံး ဖြီး ဖြီး နဲ့ ကျန်ခဲ့ရတာ..။

Tuesday, November 24, 2009

ကျမနှင့် သူခိုးဖမ်းခြင်း

ဘာရယ်မှန်းတော့ အတိအကျ မပြောတတ်ပါ။ ကျမနဲ့ အနီးအနားမှာ တခုခုမဟုတ်တာလုပ်နေပြီ၊    ဖြစ်နေပြီဆိုရင် ကျမစိတ်ထဲ ကြွက်နံ့ ရတဲ့ကြောင်လို လှုပ်လှုပ် ရှားရှား ခံစားလာရတတ်ပါတယ်။ကျမ မလေးရှားမှာ ၁၉၉၅-၉၆ တုန်းက တနှစ်ကို အလုပ် ၁ခု နှုန်းနဲ့ အလုပ် ၂ခုလုပ်ခဲ့ပါတယ်။ ကျမ ခု ရေးမဲ့ အဖြစ်အပျက်က ဒုတိယအလုပ်မှာ ဖြစ်ခဲ့တာပါ။

စင်္ကာပူမှာ PR, S pass, WP, EP တို့ ရှိပြီး သက်တမ်း ၁နှစ်၊ ၂နှစ်၊ ၅နှစ် စသည်ဖြင့် ပေးသလိုပဲ မလေးရှားမှာလဲ နိုင်ငံခြားသားတွေအတွက် O(အို) Pass ဆိုတာရှိပါတယ်။ အဲ..သက်တမ်းကတော့ ရဲမမိမချင်း ဆိုပါတော့ :)

ဟုတ်ကဲ့..ကျမ အဲဒီ အိုပတ်စ် နဲ့ ၂နှစ်တိတိ ခပ်တည်တည် နေခဲ့ပါတယ်။

**********************************
ကျမက နာမည်ကြီး Dim Sum နဲ့ Sea Foods ရောင်းတဲ့ စားသောက်ဆိုင်ကြီးတဆိုင်ရဲ့ စာရင်းဌာနမှာ လုပ်ရပါတယ်။ စာရင်းဌာနဆိုလို့ တခုလုံးမှာ ကျမနဲ့Ms. Lee ဆိုတဲ့ တရုပ်မ ပေါင်း၂ယောက်ပဲရှိပြီး သူကလဲ တပတ် ၃ရက်ပဲ လာတာပါ။

စားသောက်ဆိုင်က ခြံဝန်းကျယ်ကြီးရဲ့ တဖက်ခြမ်းကပ် ဆောက်ထားတာဖြစ်ပြီး၊အလုပ်သမားတွေနေဖို့   လေအေးစက်အပြည့်တပ် ကွန်တိန်နာတွေကို စားသောက်ဆိုင်ရဲ့ နောက်ဖက်ထဲမှာ စီတန်းထားပုံက အယ်လ်ရှိပ်ပုံ(L Shape) ပါ။ ကျန်တဲ့မြေပိုကတော့ Car Park ပေါ့။

စားသောက်ဆိုင်မှာ အလုပ်သမားတွေက မြန်မာ၊ တရုတ်၊ မလေး နဲ့ နီပေါ လူမျိုးတွေပါ။ သူတို့နိုင်ငံသား ကလွဲလို့ ကျန်တဲ့ နိူင်ငံခြားသားတွေ အားလုံးက ကျမပြောခဲ့တဲ့ အိုပတ်စ်နဲ့ နေကြရတာပါ။ ရဲတွေကဖြင့် ဆိုင်ထဲ ဝင်ချည် ထွက်ချည်ရယ်၊ သူဌေးက ရဲတွေနဲ့ ပေါင်းထားတာဆိုတော့ ဆိုင်ထဲမှာ ဖြစ်သမျှတာဝန်ယူပြီး ဆိုင်ပြင်က ပြသာနာတော့ ကိုယ့်ဘာသာဖြေရှင်းကြရပါတယ်။

တနေ့ သူဌေးက ကျမကို စကားခေါ်ပြောပါတယ်။ ကျမက ၅ရက်ခွဲပဲ လုပ်ရတာဆိုတော့ ကျန်တဲ့ စနေ ညပိုင်းနဲ့ တနင်္ဂနွေနေ့တွေ စားသောက်ဆိုင်မှာ Cashierလုပ်ပေးဖို့ပါ။ ကျမကတော့ အိုကေပေါ့၊ အဲဒီအတွက် ပိုက်ဆံလဲ ပိုရမှာကိုး။ဒါနဲ့ ကျမလဲ စာရင်းကိုင် တဖြစ်လဲ ငွေကိုင်ဖြစ်ရပါတော့တယ်။

**********************************
တရက် တနင်္လာနေ့ ကျမ ရုံးပြန်ဆင်းတော့ စိတ်ထဲမှာ မနေ့က စားသောက်ဆိုင်ရဲ့ ဘီလ်တွေ ပြန်စစ်ချင်နေ မိတယ်။ ခါတိုင်းဆို နောက် ၂ရက်လောက်ကြာမှဆိုင်မန်နေဂျာ စစ်ဆေး၊ အတည်ပြုဆိုင်းထိုးပြီးမှ ကျမဆီရောက်လာနေကျလေ။

ကျမစိတ်ထဲ စစ်ကိုစစ်ချင်နေခဲ့တော့ ဆိုင်ကိုဖုန်းဆက်၊ မန်နေဂျာ ဆိုင်းထိုးပေးဖို့ပြောပြီး စားပွဲထိုးလေး တယောက်ကို လာပို့ပေးခိုင်းဖို့ပါ မှာလိုက်ပါတယ်။

နေ့လည်ကျတော့ ကျမဆီ အဲဒီဘီလ်တွေ တထပ်ကြီး ရောက်လာတော့တယ်။ အဲဒီမှာ မသင်္ကာစရာ ဘီလ်တစောင် ကျမ သွားတွေ့ပါတယ်။ အဲဒီဘီလ်က မနေ့က မနက်ပိုင်းမှာ ကျမ ထုတ်ထားခဲ့တာပါ။ ကျမကောင်းကောင်းကြီး မှတ်မိနေတယ်...အဲဒီဝိုင်းက လူနဲနဲလေးနဲ့ ပွဲတွေ အများကြီးမှာစားတဲ့ ဝိုင်းဖြစ်နေလို့ပါ။ ကျမထုတ်ပေးခဲ့တဲ့ ဘီလ်က ရင်းဂစ်$ ၃၀၀ ကျော်ပါ၊ ခုတော့ ၁၀၀ ကျော်ပဲဖြစ်နေတာ၊
တခုခုတော့ မှားနေတာ သေချာနေပါပြီ။

ဒါနဲ့ ကျမလဲ မီးဖိုချောင်က ဟင်းပွဲစာရင်းတွေပါ ထပ်ယူပြီး တခုချင်းစစ်လိုက်မှ...သိလိုက်ရပါတော့တယ်။ ဒင်းကလေးက ၃၀၀ ကျော်တန်ဘီလ်ကိုပြင် ၊ ၁၀၀ ကျော်လုပ်ပြီး ပိုတာကို အိတ်ထဲ ထည့်တာကိုး။
ကျမတို့ ဘီလ်ရဲ့ အနောက်မှာ မှာစားထားတဲ့ ဟင်းပွဲစာရွက်လေးတွဲလျှက်ပါတာ၊သူက အသစ် ထပ်ရေးပြီး ပြန်တွဲ၊ ဘီလ်ကိုလဲ ပြန်ပြင်ထားတာဆိုတော့ သာမန်ကြည့်မယ်ဆို လုံးဝကို မသိနိုင်တာပါ။

ကံဆိုးချင်တော့ သူက ကျမ ထုတ်ထားတဲ့၊ မှတ်မှတ်ယယလဲ ဖြစ်နေတဲ့ ဘီလ်ကိုမှပြင်မိရှာတာ။ ဒါပေမဲ့ မီးဖိုထဲပို့တဲ့ ဟင်းပွဲကော်ပီကိုတော့ သူပြင်လို့ မရနိုင်ဘူးလေ...။

အဲဒါ သုံးတဲ့ စစ်စတမ်ရဲ့အားနည်းချက်ပါ။ တကယ်ဆို ပရင့်ထုတ်ပြီးသား ဘီလ်ကို ပြန်ပြင်ဆင်ခွင့် မှာ မရှိသင့်ပါဘူး။ အဲဒီကိစ္စဖြစ်ပြီးတဲ့နောက်တော့ သူတို့ တင်းကြပ်လိုက်ကြပါတယ်။

*********************************
တရက်မှာ ကျမတို့ဆိုင်ရဲ့ ချက်ကြီးက ဖုန်းဆက်လာပါတယ်။ ငါးမန်းတောင် အပါအဝင် တခြား Sea Foods တွေ မှာပေးဖို့ပါ။ ကျမ နဲနဲတော့ အံ့ဩသွားပါတယ်၊ဘယ့်နှယ် ပြီးခဲ့တဲ့ တပတ်လောက်ကမှ မှာထားခဲ့တာ၊ ကုန်ပြီလားပေါ့။ ဒီလ ပွဲတွေလဲ သိတ်မရှိပဲနဲ့ ဆိုတော့ သူက နင် မယုံရင် စတိုခန်းထဲ သွားကြည့်လိုက်လို့ ပြန်ပြောပါတယ်။ ဒါနဲ့ ကျမလဲ စိတ်ထဲ အောင့်သက်သက်နဲ့ စတိုခန်းဖွင့်စစ်တော့မှ
ဟုတ်ပါတယ် တကယ့်ကို ကုန်လုနီးပါးပါ။

စတိုသော့ကိုင်တဲ့ သူက ကိုမောင် ဆိုတဲ့ မြန်မာ အကိုကြီးပါ။ အဲဒီ အကိုကြီးက ကျနော်လဲ မပြောချင်ဘူးဗျာနဲ့ အစချီလို့ အိတ်သွန်ဖာမှောက် ပြောပြရှာပါတယ်။ဒီလိုပါ။ ကျမတို့ သူဌေးက ဆိုင်ကို တလမှ ၁ခါ  ၂ခါ   လောက်ပဲ လာတာပါ။ သူ့ရဲ့ ညီ၂ ယောက်က အလှည့်ကျ လာပြီး လိုအပ်သည်များ မှာကြားစားသောက်ပြီး
ပြန်လေ့ရှိပါတယ်။အငယ်ကောင်က သဘောကောင်းပြီး အားလုံးအပေါ် ခင်ခင်မင်မင် ရှိသလောက်
အကြီးကောင်က မာန်တက်နေတဲ့ ရုပ်နဲ့ အားလုံးကို ဆူပူမာန်မဲ နေကျပါ။ သူ့ကိုကျမတို့က မျက်ပြူး လို့ ခေါ်ပါတယ်။ ကျမနဲ့လဲ မတည့်ပါဘူး။

အဲ ကြားဖြတ်ပြောရအုံးမယ် စကားစပ်မိလို့ပါ၊ ကျမနဲ့ မတည့်ဆို တခါ မြန်မာအလုပ်သမားလေးတယောက် ဖျားလို့ အမ်စီ ၂ရက်ယူတာကို လခထဲက ဖြတ်ပါတယ်။ ၂ရက်စာဆိုတော့ အဖြတ်ခံရတဲ့ တယောက်လဲ
အီသွားပြီး ကျမ လာတိုင်ပါတယ်။ ကျမကလဲ မဟုတ်မခံ ဆိုတော့ ဗိုက်ကောင်းလို့ ဓါးတောင်းသူပါ။ အမြဲ လူမိုက်ဌား ခံရတာပါ။ ဒါလဲပဲ ဘယ်တော့မှ မမှတ်သူ၊ ကိုယ့်ဟာကိုယ်တော့ ဇာမဏီမျိုး အသက်သာသေပစေ၊ အမွှေးတပင် အကျွှတ်မခံ ဆိုတဲ့အစားထဲကလို့ မှတ်ထင်နေခဲ့သူပါ။

နောက်တခါကျတော့ အလုပ်သမားလေးတယောက် စားပွဲ ရှင်းရင်း စားသောက်သူ ကျန်ခဲ့တဲ့မုန့်ပွဲ တပွဲ (လုံးဝ စားမသွားတဲ့ ပွဲအသစ်ကြီးပါ) ကို သိမ်းရင်း နှိုက်စားမိပါလိမ့်မယ် အဲဒါကို မျက်ပြူးက ခိုးစားပါတယ်ဆိုပြီး တပွဲစာမကတဲ့ လစာ ဖြတ်ခံရပါတယ်။ ထုံးစံ အတိုင်းပဲ ကျမဆီရောက်လာပြီး ကျမနဲ့ မျက်ပြူး ၊ မျက်ပြူးနဲ့ ကျမ ဖိုက်ကြလေသတည်းပေါ့။

အဲ...အဆုံးမတော့ တရားမျှတစွာ မှန်တဲ့ဘက်ကပဲ နိုင်တာပါ။ သူတို့ ၂ယောက်လုံးဖြတ်ခံရတဲ့ ပိုက်ဆံ ပြန်ရကြပါတယ်။ ဒါနဲ့ ကျမလဲ ငပွကြီး ဖြစ်မှန်း သိသိကြီးနဲ့ ကိုဖြစ်လာရတော့တာ။ ဒီတော့ ကျမ အပေါ် မျက်ပြူး ကြည့်မရတာ မဆန်းပါဘူး။ 

တဦးမေတ္တာ တဦးမှာ ဆိုသလိုပေါ့ရှင် ။

အဲ..စကားပြန်ဆက်ရရင် ခုနကပြောတဲ့ စတိုခန်းထဲက Sea Foods ပျောက်ဆုံးမှုကြီးဟာ မျက်ပြူးလက်ချက် ဆိုတာ စတိုမှူး ပြောပြလို့ သိရပြီ။ သူက ချက်ကြီး လက်မှတ်မပါပဲ လာထုတ်ယူသွားပြီး ပြန်ရောင်းစားနေတာ။ တချို့ Sea Foods တွေက ဈေးအရမ်းကြီးပါတယ် ငါးမန်းတောင်တို့ ပင်လယ်မျှော့တို့ လော့ဘ်စတာ -ကျောက်ပုဇွန်ကြီးတွေလိုဟာမျိုးတွေပေါ့..။

တချို့ သားငါး ပုဇွန်တွေကတော့ သူ့အိမ် ဟင်းစားလဲ ဖြစ်ချင်ဖြစ်မှာပေါ့ ။ ဒါနဲ့ ကျမသူဌေးဆီ ချက်ချင်း ဖုန်းဆက်ပြီး စတိုခန်းက ဈေးကြီးတဲ့ ပစ္စည်းတွေ မျက်ပြူး ခိုးရောင်းနေကြောင်း သတင်းပို့လိုက်ပါတယ်။ (အဲ... သတင်းပို့ ရုံ ကလေးပါ)

ချက်ချင်းဆိုသလိုပဲ သူဌေးရော၊ ညီ၂ယောက် စလုံးရော ကျမ ရုံးခန်း လာခေါက်ပြီး သူတို့ ရုံးခန်း ခဏ သုံးချင်လို့ ကျမကို ခဏလောက် အပြင်ထွက်ပေးဖို့ ပြောပါတယ်။ မျက်ပြူးကတော့ မျက်စိမျက်နှာ ပျက်လို့ပေါ့။ နာရီဝက်လောက်ကြာပါတယ် သူတို့ ညီအကို တွေ တယောက်တခွန်း အော်ဟစ်ပြောဆိုကြပြီး မျက်ပြူး အခန်းထဲက အရင်ဆုံး ထွက်လာပြီး ကားကို ဝူးခနဲ ဆောင့်ထွက်သွားပါတော့တယ်။

ကျမ အူမြူးလိုက်ပုံများ အဲဒီညက အိပ်မက်တွေတောင် ကာလာလေးနဲ့ မက်လို့...။

**********************************
ဇာတ်ပေါင်းရမယ် ဆိုရင်...ဘီလ်တွေပြင်ပြင်ပြီး  ပိုက်ဆံခိုးနေတဲ့ ကောင်မလေးက ရဲအဖမ်းခံရပြီးထောင် ကျသွားပါတယ်။ အမှန်တော့ သူဒီလိုလုပ်နေတာ တလကျော်လောက်ရှိနေပြီလေ၊ ကျမလဲ ကိုယ့်ရှုးကိုယ်ပတ် ဆိုတာလို ဘီလ်တွေကို မီးဖိုချောင်ကဟင်းပွဲစာရင်းတွေနဲ့ အကုန်ပြန်တိုက်စစ်ရတာ ဖတ်ဖတ်ကို မော လို့ပါ။

အဲ...မျက်ပြူးကတော့ ဝမ်နင်လေးပဲ အပေးခံရပြီး ကွင်းလုံးကျွတ်လွတ်သွားခဲ့ပါတယ်...

ဒါပေါ့လေ........... သူတို့က.....အမျိုးအချင်းချင်း အရင်းကြီးတွေကိုး....။

အဲဒါ ကျမကိုယ်တွေ့ဖြစ်ရပ်မှန် ဘေ့စ်အွန်ထရူးစတိုရီ ပါ...။ ခုတလော အဲဒါလေး ပြန်တွေးမိလိုက်တိုင်း ငယ်စိတ်နဲ့ ဒုတ်ထိုးအိုးပေါက် ပြောခဲ့၊ လုပ်ခဲ့မိတာတွေအတွက် စိတ်ထဲ မကောင်းဖြစ်မိတယ်။

သူ့ကို လက်ထိပ်လေးနဲ့ ကျမတို့နေရတဲ့ ကွန်တိန်နာထဲက ခေါ်ထုတ်လာတော့ ကျမမှာ ငါလုပ်လိုက်တာ လွန်များ သွားပြီလားလို့ ဝမ်းနဲမိရတယ်။ ခုအရွယ်မှာဆိုရင် ကျမ အဲဒီလို လုပ်ပါအုံးမလား။ ပိုက်ဆံခိုး တဲ့ကောင်မလေးကို နှစ်ယောက်ချင်းတွေ့ပြီး ..........

"ညီမရေ အမသိတယ်နော် နောက်မလုပ်ပါနဲ့ကွယ် ဒီတခါတော့ ရှိပါစေနောက်တကြိမ် ဆိုရင်တော့ တိုင်ရလိမ့်မယ်" လို့များ ချော့ပြောမိမလားပဲ...။

ကြာတော့ ကြာခဲ့ပါပြီလေ...။

ခုထက်ထိ ကျမရင်ထဲ ကလိကလိ ဖြစ်စေတာက ကောင်မလေးလို တခါခိုးရင် တရာ၊နှစ်ရာ ခိုးတဲ့ သူခိုး အသေးစားလေးကို လက်ထိလက်ရ ဖမ်းပေးနိုင်ခဲ့ပြီး တခါခိုးရင် ထောင်ချီ ခိုးတဲ့ မျက်ပြူးလို သူခိုး အကြီးစားကျတော့ ကွင်းလုံးကျွတ် လွတ်သွား ခဲ့ရတဲ့ အတွက်ပါ။

အင်းလေ...သူတို့တွေက အမျိုး အချင်းချင်း အရင်းကြီးတွေကို...နော့ ..။


ဘဝ အမောတွေ ပြေကြပါစေ...။

Sunday, November 22, 2009

ငပျင်း အကြောင်း

အပျင်းပြိုင်ပွဲ ဝင်ရင်...
ပထမရမှာ...သေချာနေပေမဲ့...
ပြိုင်ရမှာတောင် ပျင်းသတဲ့...။

သူက...
စားရမှာလဲ ပျင်း... ဝါးရမှာပျင်းတာမို့
ထမင်း အရည်ဖျော်သောက်...၊
သောက်ရမှာလဲ ပျင်း...မော့သောက်ရမှာစိုးလို့
ကတော့တလျှောက် အသာမျှောချ... ၊
သွားရမှာလဲပျင်း... ခြေထောက်မဖို့ ပျင်းသူမို့
လှိမ့်လို့သာ ချသတဲ့.....။

အဲသလို...
အရာရာ လုပ်ဖို့ပျင်း...
စားဖို့လဲပျင်း...သွားဖို့ပျင်း...
ရစ်ဖို့လဲပျင်း...ချစ်ဖို့ပျင်းတဲ့...
ငပျင်းအကြောင်း ပြောရတာ...
ပျင်းများတောင် ပျင်းပါရဲ့......။


ဘဝ အမောတွေပြေကြပါစေ...။



ပျင်းတတ်သူများအားလုံးကို ရည်ရွယ်ပါသည်။ တိုက်ဆိုင်မှုရှိပါက မှန်ပြေးကြည့်လိုက်ပါ။ ပြေးကြည့်ရမှာ ပျင်းသည် ဆိုလျှင် မိတ်ဆွေ မိမိကိုယ်ကို အသင်းဝင်အဖြစ် ဂုဏ်ယူစွာ သတ်မှတ်ပါလေ....။

Friday, November 20, 2009

ပညတ်

တိမ်တွေညို
ပြိုလာ မိုးရွာသတဲ့...၊

စဲစဲ ဖွဲဖွဲ
သည်းသည်း စွေရွာ
ရံခါ ထစ်ချုန်း မိုးလုံးပုလဲ.....။

အဲဒီမိုးစက်
ခွက်နဲ့ပဲ ခံခံ
ကန်ထဲပဲ ကျစေ
မြစ်ရေထဲ စီးဆင်း
အငြင်းပွားစရာ မလို
ရေ....ဆိုပြီး ဆိုင်းဘုတ်တပ်...။

ကဲ...ဗလောင်းဗလဲ
တတ်ပဲ တတ်နိူင်
ခုတိုင် မိုးဖွဲ..... တဖန်လဲ ရေ
ရှာလေ အနှစ် မဲ့သည့်ဖြစ်......။


ဘဝ အမောတွေ ပြေကြပါစေ....။

Tuesday, November 17, 2009

ချစ်ကြည်အေး နှင့် အင်တာဗျူး

စကားချပ်...

(အောက်ပါ အင်တာဗျုးသည် ခွက်ခွက်လန်မဂ္ဂဇင်းမှ မောင်ဘလာဂေါ်နှင့် ချစ်ကြည်အေးတို့ ပြီးခဲ့သည့် ဖေဖော်ဝါရီ ၃၀ရက်နေ့က ပြုလုပ်ခဲ့ကြသော အိတ်ကလုစစ် အင်တာဗျူး ဖြစ်ချေ၏။ မြန်မာပြည်ရှိ စာစောင်များ၊မဂ္ဂဇင်းများတွင် အုံးအုံး နှင့် ကြွက်ကြွက်
ဖော်ပြပြီးသကာလ ယခုအခါ ဘလော့ဂ်ဖတ်လာ ပိတ်သတ်ကြီးများ ဖတ်ရှုစေလိုခြင်းအလို့ငှာ ပြန်လည်ဖော်ပြလိုက်ရပေသည်။)

မောင်ဘလာဂေါ်း ခုလိုအင်တာဗျူးခွင့်ပေးတဲ့ ဆရာမ ချစ်ကြည်အေးကို ကျွန်တော်များ ခွက်ခွက်လန် မဂ္ဂဇင်းတိုက် ကိုယ်စား ကျေးဇူးစကား ပဏာမ ပြောကြားလိုပါတယ်။ မေးခွန်းအားလုံး ၅ခု ပြင်ဆင်ခဲ့ပါတယ်၊ ဆရာမ အသင့်ဖြစ်ပါပြီလား ခင်ဗျာ ...

ချစ်း နှုတ်မှမဖြေ၊ ခေါင်းကလေး အသာငဲ့ပြ၏။

ဂေါ်း ဆရာမ မွေးနှစ် သက္ကရာဇ်လေး တဆိတ်သိပါရစေခင်ဗျာ ...
ချစ်း အိုကွယ်...မင်းနှယ် အမျိုးသမီးတယောက်ကို ဒီမေးခွန်း မေးစရာလား၊ မပြောလိုက်ချင်ဘူး, အမကို မွေးပြီးမှ သင်္ကြန်ကျတာ အခါ လေးဆယ်ရှိပြီကွဲ့...

ဂေါ်း ယနေ့ အမျိုးသမီးများသည် အမျိုးသားများနှင့် ရင်ဘောင်တန်းနိုင်ကြပြီ ဆိုတာနဲ့ ပတ်သက်လို့ ဆရာမရဲ့ စွမ်းဆောင်မှုလေးတရပ် နဲ့ သက်သေပြစေချင်ပါတယ်ခင်ဗျာ..
ချစ်း ခေတ်အဆက်ဆက်မှာ အမတို့ အမျိုးသမီးတွေကချည်း မေတ္တာစာ အပေးခံလာရသမို့လား၊ ဒီတော့ အမလက်ထက်မှာ မေတ္တာစာ ၁၀ စောင် မိတ္တူဆွဲပြီး အမျိုးသား ၁၀ ယောက်ကို တနေ့တည်း အပြတ် လိုက်ပေးခဲ့တယ်လေ...။

ဂေါ်း ဪ...ဪ..စွမ်းစွမ်းတမံပါပဲ ခင်ဗျာ..။ နောက်မေးခွန်း တခု ဆက်ပါအုံးမယ် ။ တိုင်းပြည်အပေါ် အပြုသဘောဆောင်တဲ့ အပြောင်းအလဲလေး တခုလုပ်ပိုင်ခွင့် ရခဲ့ရင် ဆရာမ အနေနဲ့ ဘာများပြောင်းပစ်ချင်ပါသလဲခင်ဗျာ
ချစ်း (အလေးအနက်စဉ်းစားဟန်ဖြင့် တခဏမျှ ငြိမ်သက်ပြီးသော်...)
အင်း....အမတို့ တောင်ကျွန်းသားတွေက ဇဗ္ဗူဒီပါ လက်ယာတောင်ကျွန်း ဩဘာနိမိတ်ထွန်းလို့ ဆိုရအောင် အတိတ်နမိတ်၊ အခေါ်အဝေါ် တွေကို ဂရုထား ကြတယ် မဟုတ်လား၊ ဒီတော့ အမသာ ပြောင်းလဲခွင့်ရှိမယ်ဆို အမတို့ရဲ့ ငွေကြေးယူနစ်ကို တကျပ်တပြား အစား တချောင်တလည် လို့ ပြောင်းပစ်ချင်တယ်ကွယ် ၊ မင်းပဲ စဉ်းစားကြည့်လေ..လူတွေမှာ စီးပွားရေး ကြပ်တည်းရတဲ့အထဲ ပြားရအုံးမယ် ဆိုတော့...။

ဂေါ်း မှတ်သားလောက်ပါတယ်ခင်ဗျာ..၊ ဆရာမ အခု စင်္ကာပူမှာ ဘလော့ဂ်ရေးနေတယ်လို့ သိရပါတယ်၊ ဒီတော့ ဆရာမရဲ့ ဘလော့ဂ် လူအဖတ်များအောင် ဘယ်လိုများ ပရိုမုတ် လုပ်ပါသလဲ...
ချစ်း ဪ...ဒါကလွယ်ပါတယ်၊ လူအဖတ်များအောင် လူအရည်တွေ စစ်ချလိုက်တာပေါ့ကွယ်...

ဂေါ်း ဗျာ...မနောက်ပါနဲ့ အမရယ်...
ချစ်း မနောက်ပါဘူး မောင်လေးရယ်....။

ဂေါ်း ဟုတ်ကဲ့...နောက်ဆုံးမေးခွန်းပါ ခင်ဗျာ ၊ ဆရာမ ခုလို တမုဟုတ်ချင်း နာမည်ကြီးလာအောင် ဘယ်လိုများ ကြိုးစားရေးခဲ့ပါလဲ ခင်ဗျာ...
ချစ်း ဒါလား...သူများတွေ ဖောင့်ဆိုက် ၁၀ နဲ့ ရေးနေချိန်မှာ အမက ဖောင့်ဆိုက်၄၈နဲ့ ရေးချပစ်လိုက်တယ်လေ...။

ဘဝအမောတွေ ပြေကြပါစေ...။

Friday, November 13, 2009

မှန်လိုက်ပုံက....

လင် နဲ့ မယား...
လျာ နဲ့ သွား.....တဲ့ ။

သူ ရှေ့ကရှာ...
ကျမ ရှော့ပင်သွား...
မှန်.. မှန် လိုက်ပုံ များ....။

ဘဝ အမောတွေ ပြေကြပါစေ...။

ည အနက်ရောင်...

အဘိုး မို့ ပုံပြောပြီဆိုလျှင် တူလေးရွှေသွေး၊ တူမလေးမိုးသောက်ပန်း အပါအဝင် တူ တူမတွေရဲ့ ကစားဖော် အိမ်နီးချင်း ကလေးတွေပါ လာနားထောင်လေ့ရှိသည်။

"အဲဒီ သရဲလေး ငညိုဟာ ရွာထဲက လေးခွပစ် သိတ်တော်တဲ့ သံချောင်းကလေးကို မြင်ဖူးချင်ရှာလွန်းလို့ တညမှာတော့ သံချောင်းတို့ အိမ်ရှေ့ သွား၊ အိမ်ရှေ့ သံဇကာကွက်ကလေး တကွက်ထဲကနေ သူ့ရဲ့ တဖက်ထဲရှိတော့တဲ့ မျက်လုံးကလေးနဲ့ ချောင်းကြည့်နေရှာသတဲ့။ သံချောင်းလေးကလဲ တနေ့ကမှ ရွံ့ခူးပြီးလုံး၊ လှမ်းထားလို့ ခြောက်ပြီးသား၊ စကောထဲက လောက်စာလုံးတွေ ကို တလုံးပြီး တလုံး ထောင်ထားတဲ့ နို့ဆီဗူးခွံတွေဆီပစ်ရင်း အစွမ်းတွေပြနေတာပေါ့။ သရဲလေး ငညိုခမျာ သဘောကျလွန်းလို့ လက်ခုပ်လက်ဝါးများတောင် တီးမိရှာတယ်။ အဲဒီလို ပစ်နေရာက ရုတ်တရက် ပစ်မှတ်ပြောင်းသွားပြီး ငညိုလေး ချောင်းကြည့်နေရှာတဲ့ သံဇကာကွက် ထဲကိုမှ တန်းတန်း မတ်မတ် ပစ်လိုက်တာ ငညိုလေး ခမျာ တဖက်ထဲရှိတော့တဲ့ မျက်လုံးလေးပါ ကန်းသွားရှာ ရောလားကွယ်"

"ဟင် ငညိုလေး တနားပါရယ်နော် ဘိုးဘိုး.."

ဟိုဘက်ခြံက သမီးငယ်လေး မျက်နှာကလေးမဲ့၊ မျက်ခုံးကလေး ကွေးလို့ ငိုမလိုပြောရှာတော့ ကျွန်တော်တောင် ဆိုင်ကယ်ကို အဝတ်စ နဲ့ တိုက်နေရာက ပြုံးမိရသည်။ အဘိုးပုံပြင်ထဲမှာ အလွန်ချစ်စရာကောင်းသော၊ လူတွေကို ကူညီတတ်သော၊ အစအနောက်သန်သော၊ မျောက်ရှုံးအောင် ဆော့တတ်သော သရဲကလေးများစွာ ရှိလေသည်။ ထို သရဲကလေးတွေနှင့် ကလေးတွေက ရင်းနှီးပြီးသား ဖြစ်သလို၊ အဘိုးကလဲ သရဲဆိုတာ ကြောက်စရာ မဟုတ်၊ သူတို့တွေထက် လူတွေက အင်အားပိုရှိတဲ့အကြောင်း၊ ကလေးတွေ ရင်ထဲ ရဲရင့်စိတ် ကလေးများ သွင်းပေးလေ့ရှိသည်။

ကျွန်တော် အိမ်ထဲ ဝင်တာနဲ့ မေမေက သူ့ လက်ထဲက လင်ပန်းကို ကျွန်တော့် လက်ထဲထည့်ရင်း "သား ဟိုမယ် မင်းအဘိုးနဲ့ ကလေးတွေကို သာကူယို သွားတိုက် ချည်၊ မေမေ မီးပူတိုက်လေး တိုက်လိုက်ချင်လို့" ဟု ဆိုသည်။ ဒါက မေမေ အမြဲ လုပ်နေကျ။ ကလေးတွေလာတိုင်း တခု မဟုတ် တခု လုပ်ကျွေးမြဲ။

* * * * * * * * * *

ကျွန်တော် လမ်းမပေါ်ရောက်တော့ အတော်ကို မှောင်နေပြီ ။ လကွယ်ရက်တွေမို့ ဖြစ်မည် လက်ရှိ အချိန်ထက် ပိုမှောင်နေသလိုပင်။ မေမေသည် ကျွန်တော်ဆိုင်ကယ်စီးတာ ဘယ်တုန်းကမှ မကြိုက်ခဲ့ပါ။ ဆိုင်ကယ်ဝယ်ပြီး တရက်မှာ မေမေ့ ကို အတင်းပွေ့ချီ ဆိုင်ကယ်ပေါ်တင်ကာ တပတ်မောင်းပြဖူးသည်။ မေမေ့ခမျာ နောက်ကနေ ကျွန်တော့်ခါးကို တင်းတင်းဖက်ခါ "ဖြေးဖြေးနော် သား..." ဟု တချိန်လုံး ပြောနေခဲ့တာ။ ကျွန်တော် ခပ်ဖြေးဖြေးလေး နဲ့ ဂရုတစိုက်စီးပြတော့မှ စိတ်ချသွားသလို ခွင့်ပြုလိုက် ရတော့တာ။ ကျွန်တော်က အဖေ့သားပီပီ ခေါင်းမာသည်လေ။

ကျွန်တော် အိမ်ပြန်ရောက်တော့ အခါများစွာကလိုပဲ မေမေ မအိပ်သေးပါ။ "မေမေရာ ဒီကောင်ဗညား ကလဲ သားနဲ့ အဖော်လိုက်မယ် ဆိုလို့ ရထား လက်မှတ်တောင် ဝယ်ပြီးနေမှ ဒီညနေပဲ အူအတက်ပေါက်လို့ ချက်ချင်းခွဲ၊ ဆေးရုံတင်ထားခဲ့ရတော့ သား တယောက်ထဲ သွားရတော့မှာ..." မေမေကဖြင့် အဖော်မက်တဲ့ သားကို ကလေးတယောက်လို ပြုံးကြည့်ရင်း "ကဲ အဲဒါဆို သားလဲအိပ်တော့၊ မနက်ကျရင်လဲ ဘူတာရုံ စောစော ဆင်းရအုံးမှာလေ..." တယောက်ထဲမို့ စိတ်မချသော်လည်း ကျွန်တော့် အကြောင်းသိလို့ မေမေက တားမနေတော့ပါ။

* * * * * * * * * *

ကျွန်တော် မြို့လယ်ရွာလေးကိုရောက်တော့ ညနေ ၆ နာရီ ထိုးလုပြီ ။ ရထားအဝင်နောက်ကျတော့ တွဲထိုးတာ၊ ကုန်တင်ကုန်ချတာနဲ့ ပဲ ရထားထွက်ချိန်လဲ ၂နာရီနီးပါး နောက်ကျခဲ့ရသည် ။ ကျွန်တော် အချိန် ဆွဲမနေပဲ ရွာဦးကျောင်း ဆရာတော်ဆီ ချက်ချင်းဝင်ဖူး၊ ရေမိုးချိုး၊ စက်ဘီးတစီးငှား၊ လိုအပ် သောပစ္စည်းများ တခေါက်ပြန် စစ်ဆေးကာ ခပ်သွက်သွက်လေး တောင်ခြေဆီ ထွက်လာခဲ့တော့သည်။

နောက်ကျလှပြီ ။ ဒီညတော့ တောင်ခြေမှာပဲ အိပ်ရတော့မည်။ ကျွန်တော့် မျက်နှာကို လေအေးအေးလေးတွေ လာရောက် တိုးဝှေ့ လို့ ၊ ကျွန်တော့် ဆံပင်တွေလဲ ဖရိုဖရဲ ၊ အဲဒီအရသာကို ကြိုက်လှသည်။ ကျွန်တော် စက်ဘီး ကို အရှိန်မြှင့်နင်းလိုက်မိသည် ။ ဖောင်းခနဲ ဖြစ်ကာ စက်ဘီးက ဆက်နင်းလို့ မရတော့၊ စက်ဘီး ဘီးပေါက်သွားခြင်းပါ။ ကျွန်တော် မြေကြီးပေါ် စိတ်ပျက်လက်ပျက် ထိုင်ချလိုက်မိသည် ။ ဘာမှမတတ်နိူင်၊ ကျွန်တော် တောင်ခြေအထိ လမ်းလျှောက်ရတော့မည်။ စိတ်ထဲက ဗညားကို မဆီမဆိုင် ကျိန်ဆဲလိုက်မိသေး၏ ။ နှစ်ယောက် ဆိုရင် ဘာပဲ ဖြစ်ဖြစ် အဖော်ရှိတော့ အနဲဆုံး စကားပြောဖော်လေးရအုံးမည်။ မိုးပေါ်မော့ကြည့်ပြန်တော့ ကြယ်ကလေးတွေတောင် အဖော် မစုံ ဟိုတလုံး ဒီတလုံးနှင့်။ ကျော၌ လွယ်ပိုး ထားသော ကျောပိုး
အိတ်ကြီးကလဲ ခုမှ ပိုလို့ လေးလံလာသလို ခံစားရသည်။ အိတ်ကြီးထဲမှာ သံလိုက်အိမ်မြှောင်၊ မြေပုံတခု၊ လေမှုတ်မွေ့ယာ၊ အိပ်ရာလိပ်၊ ကင်မရာ ၊ လက်နှိပ်ဓါတ်မီး၊ ဂတ်စ်မီးခြစ် ၊ အမ်ပီဖိုးပလေယာ ၊ ရေဗူး ၊ တောစီးဖိနပ်တရံ ၊ပေါင်မုန့် ၊ ငါးသေတ္တာ၊ အဝတ်ပို တစုံ နှင့် ဘူမိဗေဒသုံး တူတချောင်း။ ပြီးတော့ မှတ်တမ်းရေးရန် စာအုပ် ဘောလ်ပန် နှင့် စင်န်ပယ်လ် ကျောက်တုံးကလေးများ ထည့်ရန် ဖိနှိပ်ပိတ်လို့ရသော လိုင်းကလေးများ ပါတဲ့ အရွယ်စုံ ပလတ်စ်စတိတ် အိတ်လေးများ။

တောင်ခြေနားမရောက်ခင် ရွာကလေး တရွာတွေ့လျှင်ပဲ ကျွန်တော်အားတက်ရသည်။ ခဏလေးတော့ ဝင်နားရမည်။ ကျွန်တော် ပင်ပန်းလှပြီလေ။ အို....ရုတ်တရက် ကျွန်တော်အံ့ဩ မင်သက်သွားခဲ့သည် ။ လမင်းကလေး ထွက်လာသလိုပါ ။ ကျွန်တော်တို့ မြို့ ကြီးတွေမှာ တွေ့ရခဲတဲ့ အလှမျိုး၊ အသားအရေက ဝင်းပတယ် ဆိုတာထက် ဖြူဖွေးတဲ့ဖက် လုတယ်၊ ဂွမ်းဖတ်ကလေးလိုပဲ ။ မျက်လုံးနက်နက်၊ နူတ်ခမ်းပန်းသွေးလွလွနဲ့ ချစ်စရာ ။ အထူးခြားဆုံးကတော့ တကောက်ကွေးထိ ရှည်တဲ့ သူကလေးရဲ့ ဆံပင်တွေ၊ ခုလို လမိုက် ညမှာတောင် တလက်လက်နဲ့ ပိုးသားမျှင်ကလေးတွေလိုပဲ ၊ အိမ်ရှေ့ ကွပ်ပစ်လေးမှာထိုင်လို့ ၊ ကျောက်စိမ်းသွေးဆင် လက်ရှည်ကလေးနဲ့ ဆင်တူရောင် အချိတ်လေး ဝတ်လို့ ။ ခုတော့ ဗညား မလိုက်လာဖြစ်တာပဲ ခပ်ကောင်းကောင်း ။

ကျွန်တော့် ရေဗူးက အိတ်ထဲမှာ ၊ ဒါပေမဲ့ ကျွန်တော် ရေတောင်းသောက်လိုက်တယ်။ သူက "ရေချို ရဲ့လား မောင်ကြီး..." တဲ့ အခေါ်အဝေါ်ဆန်းပုံကြောင့် အံ့ဩရသည် ။ ကျွန်တော့် အရင်ရည်းစားတွေ တယောက်မှ အဲလိုမခေါ်ဖူးပါ ။ သူ့ကိုရော နှမကလေး
လို့ ပြန်ခေါ်ရင်ကောင်းမလား ၊ ခပ်ကြောင်ကြောင် အတွေးပါ ။ "ခွင့်ပြုပါအုံး ခင်ဗျာ..." လို့ ပဲ ပြောရင်း ရှေ့ဆက် ထွက်ခဲ့သည် ။ နောက်ထပ် နာရီဝက်လောက် တော့ တောင်ခြေရောက်အောင် ခရီးဆက်ရအုံးမည် ။ ဒီကို နောက်တကြိမ် ထပ်လာနိူင်
သေးသည် မဟုတ်လား ။ အလုပ်ကိစ္စတွေ မပါပဲနဲ့လေ ။

တောင်ခြေရောက်တော့ ည ၁၂ နာရီခွဲပြီ ။ လေမှုတ်မွေ့ရာကိုလေမှုတ်သွင်း ၊ မြေညီညီမှာ သံကိုင်းလေးများထိုးမြုတ်ကာ တယောက်အိပ် ကန့်ပ်တဲကလေး ဆောက်ပြီး သွားတော့ အိပ်ရာလိပ်ထဲ ပိုးတုံးလုံးတကောင်လို အတောင့်လိုက်လေးဝင်ကာ နှစ်ခြိုက်စွာ အိပ်မောကျသွားခဲ့တော့သည် ။ အိပ်မပျော်ခင် သူကလေး ကျွန်တော့် မျက်ဝန်းထဲထိ ရောက်လာခဲ့သေးသည် ။

* * * * * * * * * *

မနက် ၆ နာရီ မှာ ကျွန်တော် လန်းဆန်းစွာ နိူးထလာခဲ့သည် ။ တောင်ခြေမှာ ပထမဦးဆုံးတွေ့သော အောက်ခရော့ (outcrop - ကျောက်လွှာပေါ်ထွက်ပိုင်း) ကို တူနှင့် ဂရုတစိုက် ခွဲဖဲ့ ထုတ်ရင်း ပလတ်စတစ်အိတ်ကလေးထဲထည့် ၊ ကျောက်လွှာတည်နေပုံ အနေအထားတွေ ဓါတ်ပုံရိုက်၊ စတစ်ကာပေါ် မှတ်ချက်ရေးကပ် (တောင်ခြေမှ ဖာလုံ ၂၀ ခန့်အသွင်ပြောင်းကျောက်) ပြီး ဆက်တက်၊ ခြားနားသော ကျောက်အမျိုးအစားများ တွေ့တိုင်း ယခင်အတိုင်း စင်န်ပယ်ယူ ၊ တောင်ဆက်တက်နဲ့ပဲ ကျွန်တော် ညနေမစောင်းခင် တောင်ပေါ် ရောက်ခဲ့သည် ။

တောင်ပေါ်မှာ ၂ ရက်နေပြီး တောင်ကြောကို အရပ် ၄ မျက်နှာခွဲ ကာ ကျောက် စင်န်ပါယ်တွေယူ ဓါတ်ပုံရိုက် မှတ်စုတွေရေး ၊ ယူဆောင်သွားသော စည်သွပ်ဗူး ၊ ငါးသေတ္တာ နှင့် ပေါင်မုန့် တွေစားရင်းကပဲ သူကလေးကို လွမ်းနေမိသည် ။ ဘာဖြစ်
မှန်းမသိပါ အရင်ကတွေနှင့် မတူတာတော့ ရင်ထဲက သိနေသည် ။ ပင်ပန်းလိုက်တာတော့ မပြောပါနှင့်တော့ ။ အမှန်က ကျွန်တော် ဗညား ကို စောင့်ခဲ့ဖို့ ကောင်းသည် ။ ပြောခဲ့ပြီးပါပကော ကျွန်တော်က ခေါင်းမာသည်လေ ။ စီစဉ်ထားပြီးပြီဆို လုပ်ရမှ ။ ဒီတော့ ရှေ့ပြေးအနေနှင့်ပဲ လာဖြစ်အောင် လာကြည့်ခြင်းပါ ။ ဟိုကောင် ဗညား ဆေးရုံက ဆင်းတော့မှ တခေါက်ထပ်လာရအုံးမည် ။

တောင်အောက်ပြန်ဆင်းတော့လဲ အတော့်ကို နောက်ကျ နေပြီ ။ သူကလေး အတွက် ရှားပါးသစ်ခွ ကလေးများ တွေ့သည်နှင့် တက်အခူး၊ နိမ့်သော်လည်း နှင်းစိုထားသောကြောင့် ချော်ကျကာ ခြေထောက်နာနေ၍ ခရီးက မတွင် ။

တွေ့ပါပြီ ၊ ကျွန်တော် သတိရနေခဲ့ သူလေး ၊ တနေ့က အဆင်အသွေးလေးအတိုင်း ဝတ်ထားတာပါ။ သူက ရေတခွက်တိုက်ရင်း "ဝမ်းမဟာဘူးလား မောင်ကြီး နန်းနွယ် ချက်ထားတာလေး သုံးဆောင် သွားပါအုံးရှင်" ဆိုတော့ လွန်ခဲ့တဲ့ ၂ ရက်က ပေါင်မုန့် နဲ့ပဲ ပြီးခဲ့ရတဲ့ ကျွန်တော် ၊ ခုမှပဲ တခုခု စားချင်လာသလိုလို ဖြစ်လာတော့သည် ။ ထရံကလေး တချပ်သာကာထားတဲ့ နောက်ဖေး မီးဖိုခန်း ထဲဝင်သွားတဲ့အခါ သူကလေး နောက်ကနေ တိတ်တိတ်လေး လိုက်ကြည့် နေမိသည် ။ အချိန်ကလဲ ည ၁၂ နာရီ ခုမှပဲ ဗိုက်က ဟာတာတာ။

ဘာလုပ်ဖို့ပါလိမ့် ၊ အိမ်ခေါင်မိုးထားသော သက်ကယ်ရွက်တွေချိုးကာ ဟင်းဇလုံလေးထဲထည့်၊ ရေထည့်နေတာလဲ တွေ့လိုက်မိသည် ။ ကျွန်တော် သူကလေး မမြင်ခင် အသာလေး ခေါင်းရင်း ခန်းဘက်ပြန်လာထိုင်နေလိုက်တော့သည် ။ ဇလုံလေးကိုင်ကာ ထွက်လာသောသူမက "သုံးဆောင်ပါ မောင်ကြီးရှင့်..." လို့ပြောလာတော့မှ သတိထားမိရသည်။ အဲဒါ ခုနက ဇလုံ မဟုတ်ဘူးလား ။ အင်း.. တလုံးထဲရှိတာထင်ပါရဲ့လေ ။

ကျွန်တော် ခုမှ သတိရသည် ။ သစ်ခွပန်းလေးတွေ သူမကိုပေးရအုံးမည် ။ အိမ်ရှေ့ကွပ်ပျစ်ပေါ်မှာ ကျောပိုးအိတ်ဘေးချထားသော သစ်ခွပန်းခက်တွေ ယူပြီးပြန်အလာ...ကျုံ့ကျုံ့လေးထိုင်နေသော သူမလေးရဲ့နောက်ပိုင်းအလှကို ငေးကနဲ ဖြစ်ရသည် ။ ဆံဖျားကစလို့ ခြေဖဝါးအဆုံး လှနိုင်လွန်းသူကလေး ။ အမှတ်တမဲ့ သူ့ခြေဖဝါးတွေကို ကျွန်တော် နောက်တခေါက် ထပ်ကြည့်မိပြန်သည် ။
ဘာတွေလဲဟ...ဆေးမင်ကြောင်လိုလို ၊ အင်းကွက်တွေလိုလိုနဲ့၊ ဟင်...ဘီလူးကြီးတကောင်ရဲ့ ဦးခေါင်းပုံလိုလို ၊ ချက်ချင်းပဲ တမျိုးတမြည်သော ခံစားမှုတွေ ကြောင့် ကျွန်တော့် တကိုယ်လုံး ရှိန်းခနဲ ဖြစ်ကာ ဦးခေါင်းကြီးလာသလို ၊ ကြက်သီးတွေ ဖြန်းကနဲ ၊ ဆံပင်တွေ ထောင်ကနဲ ဖြစ်သွားသည် ။ ဒါကိုသူမက ခံစားသိနှင့် သိလိုက်သလို ဆတ်ကနဲ ကျွန်တော့်ဘက် မျက်နှာအလှည့်...။ ဘုရား ဘုရား... ။ ဒါ ...ဒါ နန်းနွယ်မှ မဟုတ်တာ ။ မျက်ထောင့်နီကြီးတွေနဲ့ ခွက်ဝင်နေသော ပါးအစုံ၊ နှာခေါင်းပဲ့ကြီးနဲ့ ဖြူဖွေး ပါးလျားလှတဲ့ ဆံပင် ၊ အို...တကယ့်ကို ကြောက်မက်ဖွယ်။ သူမက လွတ်သွားမှာ စိုးတဲ့ အလား ကျွန်တော့်ဆီကို ဝုန်းကနဲ ခုန်ပျံပြီး ကျွန်တော့် နှလုံးသား အစုံကို ချွန်မြနေတဲ့ သူ့ လက်သည်းကြီးတွေ နဲ့ ခြစ်ယူ ဆွဲထုတ်...။ ကျွန်တော့်ခြေထောက်တွေ ရုတ်တရက် ရွှေ့မရတော့ , နန်းနွယ် နန်းနွယ် ဒါ...ဒါ...... နန်းနွယ် မဟုတ်ဘူး...။ သည့်နောက်တော့ ကျွန်တော်ဟာ ပိန်းနေအောင်မှောင်တဲ့ အမှောင်ထုကြီးထဲမှာ....

* * * * * * * * * *

"တောင်ခြေနားကရွာ... ဟုတ်ကဲ့လားမောင်ရာ... ဘကြီး မြို့လယ်ရွာနေလာတာ ၊ မောင်းဆစ်တောင်တက်လာတာဖြင့် ဒီတသက်ရှိရော့မယ် ရွာရှိတယ်ဖြင့် မကြားမိပေါင် မောင်ရာ...။ ကဲ ကဲ ဘကြီးလဲ ခွင့်ပြုအုံး ဆရာတော် စိတ်ပူနေရော့မယ်..."
ကျွန်တော် ရထားဘူတာ ဆင်းရမဲ့ မနက်ထိ ပြန်မရောက်တာနဲ့ ဆရာတော်က စိတ်ပူပြီး ရွာကလူတွေလွှတ် အရှာခိုင်း တော့မှ တောင်ခြေနဲ့ ၅ ကီလိုမီတာ အကွာလောက်မှာ လူတခြား အိတ်တခြား လဲနေတာ တွေ့ရသတဲ့ ။ ဆေးရုံမှာ ၂ရက် လုံး
လုံး အဖျားတွေတက် ၊ ကျွန်တော်ပြောသမျှ ကိုလဲ ဘယ်သူကမှ ယုံပုံ မရ ။ ကျွန်တော် စိတ်ညစ်လှပါပြီ ။ ကျွန်တော့် အပေါ် အရူးတယောက်လို၊ ဖွင့်မပြောပေမဲ့ အားလုံးရဲ့ မျက်လုံးတွေထဲက အကြည့်တွေ...။ ကျွန်တော် ဘယ်လိုမှ မခံစားနိုင်ပါ ။
အိမ်ပြန်ရောက်တော့လဲ အားလုံးက အရိပ်တကြည့်ကြည့် ၊ မေမေကတော့ ထုံးစံ အတိုင်း ကလေးတွေနဲ့ ဘိုးဘိုး စားဖို့ မီးဖိုထဲမှာ နွားနို့ဆန်ပြုတ် ပြုတ်နေလေရဲ့ ။ မေမေ သူ့ အပေါ် အာရုံလွဲနေတုန်း ဆိုင်ကယ် တပတ်လောက် စီးရရင် ကောင်းမယ်...။

"တောကစားထွက်ရာက လမ်းပျောက်လာတဲ့ အိမ်ရှေ့မင်းသားလေးဟာ ညဥ့်နက်တဲ့ အထိ နန်းတော်ကို ပြန်တဲ့လမ်းမတွေ့နိုင်ပဲ တောကြီးမျက်မည်းထဲ တလည်လည် ဖြစ်နေသတဲ့ ၊အဲ တနေရာလဲရောက်ရော ရွာကြီးတရွာကိုတွေ့တော့ မင်းသားလေး
ဟာ အင်မတန်ပျော်ရွှင်သွားသတဲ့..."

ကျွန်တော် ဆိုင်ကယ်ကို စက်မနှိုးပဲ အသာလေး ခြံဝထိ တွန်းလာလိုက်တော့သည် ။ အဘိုး ကဖြင့် ကျောပေးရက်မို့ မမြင်နိုင်ပါ ။

"တကယ်တော့ အဲဒီရွာဟာ ကြပ်တွေ လူယောင်ဖန်ဆင်းလို့ တည်ထားတဲ့ ရွာကြီးကွဲ့ မင်းသားလေးကို မြင်မြင်ချင်း ချစ်ခင်စုံမက် မိတဲ့ ကြပ်မ ကလေး ဟာ .......... "

ဘိုးဘိုး ပုံပြင်ကို ကျွန်တော် ဆက်မကြားလိုတော့ပါ ။ ဆိုင်ကယ်ကို တအားကုန် လီဗာနင်းပြီး ထွက်လာခဲ့ တော့သည် ။ ဒါတောင် အဘိုးရဲ့ စကားသံတွေကတော့ ကျွန်တော့် နားထဲလိုက်ပါနေတုန်းပါ။

မိုးရွာပြီးစမို့ ဖြစ်မည် ၊ မိုးရနံ့လေးတွေ ရှိနေသေးသော လေမှုန်လေးတွေက ကျွန်တော့် မျက်နှာပေါ် တိုးဝှေ့လို့ ၊ ကျွန်တော့် ဆံနွယ်တွေ ခပ်ပြင်းပြင်း ဝေ့ဝဲလို့ ၊ ကျွန်တော် အဲဒီ အရသာ ကိုကြိုက်သည် ။

ကျွန်တော့်နားထဲမှာ အဘိုးရဲ့ စကားသံတွေ..."အဲဒီကြပ်ရွာဟာ..........."

ပြီးတော့ နန်းနွယ်ရဲ့ စကားသံတွေ.... "မောင်ကြီးရေ........."

တဖန်တလဲလဲ လည်လို့ , ဘာကိုမှ မကြားချင် မသိချင်ပါ၊ ကျွန်တော့်ကို အရူး တယောက်လို အားလုံးရဲ့အမြင်တွေ အောက်က ပြေးထွက်ချင်လှပါပြီ ။ ကျွန်တော့် ခန္ဓာကိုယ်ထဲ သွေးတွေ တဖျင်းဖျင်းနဲ့၊ ခေါင်းတွေလဲ တဆစ်ဆစ် ကိုက်လာနေပြန်ပြီ ။ ရုတ်တရက်...ကျွန်တော့် မျက်နှာချင်းဆိုင်က ကားကြီးတစီး ထွက်အလာ၊ ကျွန်တော် တကိုယ်လုံးမြောက်တက်အသွား....။ ခဏကလေးပါပဲ..သေချာတာတခုက ကျွန်တော် နန်းနွယ်နဲ့ တွေ့ရ တော့မည်လေ...။

ဘဝ အမောတွေ ပြေကြပါစေ...။

Tuesday, November 10, 2009

ချစ်ခြင်းဖွဲ့

ခေါ်မှာလား မောင်
တွဲလက်နှောင်ရင်း
ဆူးခက်ခင်းလမ်း...ဘယ်လောက်ကြမ်းစေ...။

လာမယ်လား မောင်
ညဥ့်နက်မှောင်မိုက်
အိပ်မက်သိုက်မြုံ
ခိုလှုံယှဉ်တွဲ...ကြည်ဖြူရဲစေ..။

ထားခဲ့နဲ့ မောင်
မျက်တောင်တခတ်
ရင်သပ်ရှုမော
အနမ်းတောလယ်
ဖြေငယ်ပြေဘူး...တပ်မက်မူးစေ..။

လဲရဲတယ် မောင်
ကြယ်ပြောင်သောက်ရှုး
မက်မောဘူးကွယ်
ခက်နွယ်ဆံမျှင်
မောင့်ရင်ခွင်ထဲ
ခိုတွဲဝင်ဆော့
လေပြေနော့သွေး...ဝေးမယ်လားဟင်..။

အတွေးနဲ့တင်..
လွမ်းမောနွမ်းလျ..
ကျမ...တမ်းတတတ်တယ်...မောင်..။

Saturday, November 7, 2009

မေတ္တာ လက်နက်

၂၀၀၄-၂၀၀၅ ခုနှစ်လောက် ဆီတုန်းကပါ ။ အဲဒီနှစ်တွေကို ဆွမ်းကြီးလောင်းတဲ့နှစ် လို့တောင်ခေါ်ခဲ့ ကြတာပေါ့ ။ စင်္ကာပူမှာ အခြေအနေကောင်း၊ ပေါ်လစီတွေပြောင်း လို့ ပီအာ တွေ သောက်သောက်လဲ ချပေးခဲ့တဲ့ အချိန်၊ အဲဒီတုန်းကများ အိုင်စီအေရှေ့တောင်ယောင်လို့ ဖြတ်မလျှောက် လေနဲ့၊ လက်ဆွဲ ပြီး ပီအာကဒ် အတင်းထိုးပေးနေတာလို့ ပြောရင် ရလောက်တဲ့ အချိန်။ ရွှေမြန်မာတွေ ခိုင်ခိုင် မာမာ စတေးတပ်စ် လေး တခု ရကြပြီ ဆိုပြီး မုဒိတာ ပွားချင်စရာ ။

အဲဒီတော့ အိမ်ဝယ်ကြ ၊ မိသားစုတွေခေါ်ကြ နဲ့ " ပျော်တာပေါ့ အမေရယ် " လို့ ဆိုချင်စရာကြီးပေါ့။ ရွာက အဘိုးတွေ အဘွားတွေ လဲ မြေးထိန်းဖို့ ဆိုတဲ့ ခေါင်းစဉ်တပ်ပြီး ချီတက်လာကြတော့တာ။ မြန်မာ အလံလွှင့်လို့ မြန်မာပြည်မြေပုံကြီးများ ပဲ့ပြီး ရောက်လာသလားလို့ တောင်ထင်ချင်စရာ။ အမ်အာတီ တခုခုရောက်လို့များ နောက်ကနေ ဝါးလုံးရှည်တလုံးနဲ့သာ ပိတ်ကျွေးလိုက်လို့က "အောင်မာလေးဗျ" လို့ ကြားရလိမ့်မယ်, အဲ..အနီးဆုံး ဆေးရုံတရုံ ပို့ကြပါဟဲ့ ဆိုရင် တော့ ဟိုကနေ "ဘာများကူညီရပါမလဲရှင်" လို့ မြန်မာ နာ့စ်မကလေး က ဆီးပြီးမေးအုံးမှာ။  မြန်မာတွေ အဲသည်လောက် များတယ်။အဲဒါပဲ မယုံရင် စမ်းသာကြည့်ကြ ။

သို့သော်လည်း တဲ့, တခုက ကျမတို့ ရွှေမြန်မာတွေချည်း ပီအာ ပေးနေတာမဟုတ် ၊ ပြည်ကြီးတရုတ်တွေ, ဖားတွေ, ယပက်လက်တွေ, မဇ္ဇျိမနွယ်ဖွား အိန္ဒိယတွေ လူမျိုးပေါင်းစုံကို ပေးနေတော့ကာ အဲဒီမှာ စတော့တာပါ ။

လူမျိုးပေါင်းစုံတာနဲ့အမျှ လုပ်ငန်းခွင်မှာ လူပေါင်းစုံနဲ့ သဟဇာတဖြစ်အောင် ပေါင်းသင်းဆက်ဆံ ရတာတွေ ရှိလာပါတယ် ။ လူဆိုတာကလဲ ခွေးချင်းကိုက်ရင်တောင် ကိုယ့်ခွေးနိုင်မှ ကြိုက်တဲ့အမျိုးကိုး, ဒီတော့ အစတည်းက ယဉ်သကို ဆိုရမလိုပါ ။ တချို့ ပြည်ကြီးတရုတ်တွေဆို မိန်းကလေးရော ဘာရော ငဲ့ညှာဖို့ မသိသူတွေပါ ။ မိတ်ဆွေ ညီမလေး တယောက် ပြောဖူးတယ်၊ ဆိုက်ထဲမှာ သူတို့သုံးဖို့ မှာထားတဲ့ ရီဘားတွေကို တရုတ်တွေက မပြောမဆိုနဲ့ ယူသုံး၊ အရွယ်အစား မတူလဲ ဖြတ်ညှပ်ပြီးသုံးတော့ တကယ်လဲ သုံးဖို့လိုရော ပြန်မှာရလို့ ကြန့်ကြာတဲ့ အကြောင်းတွေပါ။

မလေးရှားမ တယောက်ဆို စာရွက်စာတမ်းတွေအကုန် စားပွဲပေါ်ကနေ အောက်ကို လွှင့်ပစ်တဲ့ အထိ ဆိုးတာ ကျမ ကိုယ်တွေ့။ အဲ ကုလားတွေကျပြန်တော့ သူတို့ကုလားပြည်မှာ အမျိုးသမီး မရှိလို့ ထင်ရအောင်ကို  ခေါ်တော တထောင်ဗို့နဲ့ပါ ။ သူတို့ , သူတို့ တွေ ဆိုးတာတွေ ကတော့ အများကြီးပေါ့လေ ဆိုးတာအပြင် ညစ်တာတွေလဲ ရှိသားပေါ့ ။

အများကြီးပေါ့လေ, ဒါတွေရေးပြရရင် အတွဲ၅၀ ကိုရီးယား ဒရမ်မာ တခုစာ ဖြစ်သွားလောက်တယ် ။ ကျမ တို့က ရွှေမြန်မာတွေ မဟုတ်လား, အစဉ်အလာနဲ့ နေခဲ့ကြတာလေ...၊ ဒီတော့ သူတို့နဲ့ ဆက်ဆံတဲ့နေရာမှာ မြတ်စွာဘုရား ဟောကြားတော်မူခဲ့တဲ့ တရားလေး နဲ့ အညီပေါ့ ။ " အဆုံးအစ မထင်အောင် ရှည်လျားလှတဲ့ သံသရာမှာ တဦး နဲ့ တဦး မတော်စပ်ခဲ့ဖူးသည် ဟူ၍ မရှိ " တဲ့ ။
အားလုံးဟာ သံသရာ ဆွေမျိုးတွေချည်းပါ ။ ရင်ဝယ်သားကို မိခင်က မေတ္တာထား သလို ထား ကြည့်ကြရအောင်ပါ ။

အဲ..ခုလိုကျပြန်တော့..ဘင်္ဂလားကုလား မဲမဲလေးတွေ တောင် ချစ်စရာကလေးတွေ ဖြစ်လို့.....။

ဘဝ အမောတွေ ပြေကြပါစေ...



၀၇.၁၁.၀၉ ၂၃း၁၀ နာရီ

ဝလုံး.. ရေ.. တဲ့မှ.. ဝ

ခုတလော အပြင်ထွက်ရမှာကို... ကြောက်နေတာ...၊ အရင်ကဆို တက်ကြွလိုက်တာမှ... သွားကြရအောင်ဆို ကိုယ်က အခုလား ပြင်ပြီးသား ဆိုတာမျိုး..။ အင်း... အသက် အရွယ် နဲ့လဲ ဆိုင်တယ် ထင်ပါရဲ့။ အိမ်ထောင်ကျခါစက မိန်းမ ခပ်ဝဝ တွေ တွေ့ရင်... "အို...အမျိုးသမီးတွေများ မျက်နှာလေးကချစ်စရာ... ကြည့်ကောင်းပါရက်ကနဲ့ ကိုယ်လုံးကြီးက မထိန်းထားဘူး၊ ကိုယ်သာဆို အဲလိုမဖြစ်စေရဘူး သိလား... ထိန်းထားမှာ"လို့ ပြောခဲ့ဖူးတာ..။

၂၀-၂၅ လောက်ထိ ပိန်ပိန်လေးမို့... ဝချင်လိုက်တာများ...။ ဘာစားစား မဝဘူး... အဆီစားလို့မှ အသား မဖြစ်တဲ့ ကိုယ်...။ ၃၀ ကျော်ကျ ပြန်တော့ နဲနဲလေး တက်လာတာသိရင် တပတ်-နှစ်ပတ်လောက်လျှော့လိုက်ရင်ရပြီ။ ကိုယ်ဝတ်ချင်တဲ့ အင်္ကျီတော်အောင်လို့လေ။ အဲ ၄၀ လေးလည်း ကျော်စပြု လာရော.. စတော့တာပဲ..၊ အရင်က ဘာစားစား မဝတဲ့ ကိုယ်၊ ခုတော့ ဘာမှ မစားလဲ ဝတဲ့ကိုယ် ဖြစ်လာရော...။ ဘုရား ဘုရား.. ဝဇီဗေဒ ထိတိုင်းရှသတဲ့.. သူများတွေကို ပြောမိခဲ့လို့များလား...၊ အဲဒီ မိန်းမ ကြီးတွေ စင်္ကာပူ တမြို့ လုံး ပတ်ရှာပြီး တောင်းပန်မှ ထင်ပါရဲ့...။

အပြင်သွားခါနီးများ တော်နေသေးတဲ့ ၊ ဝတ်လို့လဲလှနေသေးတဲ့ အင်္ကျီရှာဝတ်ရတာက တဒုက္ခ...။ အိမ်ကလူကြီးကလဲ အပြင်သွားခါနီးမို့ သူအရင်ပြီးနေရင် လောပြီ... "ဟေ့ ကြာလှချည်လားကွ လှည်းအိုကြီးရေနံသုတ်နေတာလား..." တဲ့လေ။

တွေ့တဲ့သူတွေကလဲ... "နေကောင်းလား၊ မတွေ့တာကြာပြီနော်"... တော်ရောပေါ့... ဒီလောက်ဆို၊ "ဟယ်..အမ ဝလာတယ်နော်" က နောက်က ပါလာသေး၊ အဲဒါနဲ့ မပြီးသေးဘူး.."လျှော့အုံးလေ အမရဲ့"တဲ့။ ဟင်း ......... (သက်ပြင်းအကြီးကြီးချ)။

အမျိုးသမီးတော်တော် များများ မှန်ကြိုက်တယ်။ အိမ်မှာရှိတဲ့ မှန်မပြောနဲ့... အပြင်သွား လို့ ကိုယ့် အရိပ်ပြန်မြင်ရတဲ့ မှန်ပြူတင်းပေါက်တို့၊ ရှော့ပင်းမော အဝင် တံခါးပေါက်တို့ များ ဖြတ်သွားမိရင် အနဲဆုံး ခေါင်းလေးတချက်လောက်တော့ ငဲ့ကြည့်လိုက်ရမှ...။ အဲဒီမှာ..ဘေးတစောင်း ရပ်ရက်.. ထူပျစ်ပျစ် ပွဖောင်းဖောင်း ခန္ဓာကိုယ်...၊ လက်မောင်းလုံးကြီးတွေများ ကေအက်ဖ်စီ ကြက်ပေါင်ကို မှန်ပြောင်း နဲ့ ကြည့် ရသလို...၊ အနီးကပ်များကြည့်လို့ကတော့ မေးစေ့ နှစ်ထပ် အစ်အစ်ကြီးတောင်တွေ့ရ အုံးမယ်..။ အဲလို အလှဖွဲ့ (အဲ..အဝဖွဲ့ ဆိုပိုသင့်တော်မယ်ထင်ပ) ဖွဲ့ လို့ရတဲ့ မိန်းမကြီးတယောက်ပုံ မြင်နေရတော့တာ...။ ရင်ဘတ်ပြီးရင်... ခါးမဟုတ်ပဲ ဗိုက်တန်းရောက်သွားရော....။

စလင်းမင်းတီးတို့၊ စလင်းမင်းစန်တာ တို့ ကြော်ငြာတွေတွေ့လဲ လုပ်ရဲပါဘူး... အညာတွေ ဖြစ်နေမှ...။ အစားလေး နဲနဲတော့လျှော့မှဆိုလဲ ..အများဆုံး၃ရက်ပဲ၊ အိမ်ကလူကြီး အစားအိုးကို ချက်ကျွေးနေရတော့လေ သူခံတွင်းတွေ့မဲ့ ဟင်းစပ်ကလေးတွေချက်ရင်း ကိုယ်ချည်းပဲ ထမင်းပွဲက တွဲ ထရတယ်။ အင်း... ဒီနေ့ဟင်းလေးတွေက အကြိုက်တွေ ဆိုတော့ စားလိုက်ပါအုံးမယ်လေ... နက်ဖန်ကျ နဲနဲလျှော့ စားမပေါ့ ဆိုတာ မျိုးက ခဏ ခဏ။ နက်ဖန်.. သို့မဟုတ် ဘယ်သောအခါ... အဲဒီသီချင်းနဲ့ သူက စလေ့ ရှိတယ်...။ ပြီးတော့... ငယ်ကျွမ်းဆွေသီချင်းကို ဖျက်ပြီး..."ငယ်သူငယ်ချင်းရေ... ခုတော့... ဒေါ်ဘုတ်ဆုံ"... တဲ့လေ။

တခါတော့ ပါဝါရိုက်ဒါ (စက်ဘီးလိုခွထိုင်ပြီး ခြေထောက်ကလဲနင်း လက်ကလဲ ဆွဲမကစားရတဲ့ ဝိတ်ချစက်ပါ) လျှော့ဈေးချနေတာ လိုချင်လှချေရဲ့ ဆိုလို့ ဝယ်ပေးလာရှာတယ်...။ ဘာပြောကောင်းမလဲ... တလလောက်တော့ ဇွဲနဲ့ လုပ်ပါရဲ့... ကြာတော့ အဲဒါကြီးလုပ်ရင် ကြွက်တက်လို့... ဇက်နာလို့နဲ့... တခန်းရပ်သွားပြန်ပါတယ်....။ အဲဒီစက်လက်ကိုင်ပေါ် သူ့ အဝတ်တွေ လာပြီး ချိတ်လိုက် လှမ်းလိုက်နဲ့ "ဒီတခါ မိန်းမ ဝယ်လိုက်တဲ့ ဟန်ဂါ က အကောင်း ဆုံး ပဲဟေ့ နောက်အနှစ်၂၀ လောက်ဆို ဒါကြီးဈေးတက်လောက်ပြီ... မိန်းမက အကြံ ပိုင်တယ်ကွာ" တဲ့လေ။ အမြင်ကပ်စရာ...။

"ဝလဲ ဘာဖြစ်လဲကွာ... အရေးကြီးတာ မိန်းမ ပျော်ရွှင်ကျန်းမာနေဖို့ ပဲ" လို့တော့ပြောရှာသား...။ တရက်က အပြင်ထွက်တော့ မိန်းမ ဝဝ ကြီးတယောက် ပေါင် ၃၀၀ လောက် ရှိမယ် တွေ့တော့ မေးကြည့်မိတယ်..။ "တကယ်လို့များ မိန်းမ အဲလောက်ကြီး ဝလာရင်ရော"... လို့။ သူက "စိတ်မပူပါနဲ့ချစ်ရယ်... ကိုကို စင်္ကာပူရေးဗား ထဲခုန်ချရုံပေါ့..." တဲ့ လေ ။

ဘဝအမောတွေ ပြေကြပါစေ...



၀၇.၁၁.၀၉, ၀၇း၄၅ နာရီ

Friday, November 6, 2009

အချစ်ဆိုတာ......

ရင်ခုန်သံ မြန်သလို...
ချစ်သလိုလိုပဲ...
တကယ်ဖွင့်လဲ ပြောလာရော... ဆောရီး...။

ဘယ်လိုလူကြီးတုန်း...
မုန်းလိုက်တာများ
ဝေးသွားတော့မှ... ရင်လှိုင်းထ...။

အဲဒါ... လူ့စိတ် သဘာဝ...။

ဘဝ အမောတွေပြေကြပါစေ...



၀၆.၁၁.၀၉ ,၂၁း၅၀ နာရီ

ငြိမ်းချမ်းရေး ကဗျာ...

ဆာလောင်မွတ်သိတ်နေတဲ့ ကမ္ဘာကို
ငါ့ရှိသမျှ ခွဲပေး.. ဝေမျှကျွေးစေ...။
ပူလောင်ငိုကျွေးနေတဲ့ ကမ္ဘာကို
ငါ့ဂရုဏာနဲ့ပိုက်ထွေး... ရင်ငွေ့နဲ့နွေးစေ။
သွေးလူးဖျားနာနေတဲ့ ကမ္ဘာကို
အကြင်နာဆေးမြီးတိုနဲ့ ကုသ… ယုယလို့အေးစေ။
ယမ်းငွေ့ဝေနေတဲ့... ကမ္ဘာကို..
ချစ်ခြင်းမေတ္တာနဲ့ လမ်းပြ... ငြိမ်းချမ်းကြစေ..။

အို... အမိကမ္ဘာမြေ......
အသင့်ရင်မှမွေးဖွား... အသင့်သားတို့
နှလုံးသားကြမ်း... ရိုင်းစိုင်းရမ်းပျ
ရကြလိုလေ… ငတ်မပြေပ
စားမြိုကြ ဇာတ်တူ
လောဘထူ... မောဟဖုံး
မိုက်လုံးကြီးဆဲ... ရှုံးရဲလွန်းကြ... လူ့ဗာလ တို့…၊
တဘို့ထဲထား.. အမိုက်အားကိုး..
ဖိနှိပ်ချိုးသည်… လူမမည်စွာ..
သံဃာမသိ… ဓမ္မာဝေးသား
နူတ်ကားဘုရား... လက်ကားရားနှင့်…၊
ထိုသူတို့အား… မေတ္တာပြငြား
နွားနားအိုးစည်... တီးသည်မြည်ရုံ…။

အို...မြေကမ္ဘာ....ဤကမ္ဘာဝယ်...
သင့်ကိုစောင့်ကြပ်... နတ်ကောင်းမြတ်တို့
ရှိလျှင်မုချ... စေလိုလှသည်…၊
အဓမ္မခွင်း... ဓမ္မဆောင်ကျဉ်းလော့
အတ္တကိုနှင်... ပရ ဝင်လော့...
အမှောင်ကိုရှင်း... အမှန်လင်းလော့..
မကောင်းမှုဖယ်... ကောင်းမှုကယ်လော့..
စီရင်တရား… ချမှတ်သားလော့...။
သို့ကားဆိုလျှင်... ပြည်တခွင်ဝယ်..
ငှက်ငယ်ဂျိုးဖြူ… သံသာကျူလိမ့်…
နတ်လူချမ်းသာ… ဘေးရန်ကွာလိမ့်…
ကမ္ဘာမြေဟုန်… ဖိမ့်ဖိမ့်တုန်လိမ့်
ဓမ္မစည်ကြီး... အောင်စည်တီးကာ...
အမိမြေကမ္ဘာ... ပြုံးရယ်ရှာချိမ့်....။


ဘဝ အမောတွေပြေကြပါစေ...



(၀၅.၁၁.၀၉) ၁၅း၁၀ နာရီ

နိဒါန်း စကား

အိမ်မှာ တခါတလေ ပျင်းတဲ့အခါ သူငယ်ချင်းအခန်း တံခါး သွားသွားခေါက်မိတယ်။ သူကလဲ အလွန် အခန်းအောင်းသူ၊ မေးကြည့်လိုက်တော့ မှ အင်တာနက်ထဲ စာဝင် ဝင် ဖတ်နေတာ လို့ဆိုတယ်။ အဲဒီအထိ ဘယ်လိုမှမဖြစ်သေးဘူး၊ စာရေးဆရာတွေရဲ့ ဝတ္ထု တွေတင်ထားတာ ကို ဝင်ဖတ်တယ်ပဲ ထင်တာ။ တနေ့ သူ က ကိုယ့် လက်ကုတ်ပြီး သူ့အခန်းထဲလာခဲ့ဖို့ ခေါ်တယ်။

ဘလော့လေးတခု... ရှင်းရှင်းလေးနဲ့ ရေးထားတာလေးတွေကလဲ ချစ်စဖွယ် ။ အဲဒါ ငါတို့ သူငယ်ချင်းလေ တဲ့...။ ဟယ်.. ကောင်းလိုက်တာ... အဲလိုရေးလို့လဲရသား... အဲဒါဆို ငါလဲရေးချင်တယ် ဆိုပြီး ဘလော့ပိုးက ငယ်ထိပ်ထိ တက်တော့တာလေ...။ ပင်ကိုယ် ဝါသနာ ပါတာရယ်... ရင်ထဲရှိတာလေးတွေ ရှယ်ချင်တာရယ်... အားလုံးကိုလဲ ဘဝအမောတွေ ပြေစေချင်တယ်လေ...အဲဒါတွေကြောင့် ဒီဘလော့ လေးကိုဖွင့်ဖို့ ဖြစ်လာပါတယ်။

သူငယ်ချင်း ၂ ယောက်ကလဲ အရမ်း အားတွေပေး...၊ (အမှန်ကတော့ အချွန်နဲ့ မတာ ဖြစ်နိုင်ကောင်းပါတယ်) ဘလော့ဂါ သူငယ်ချင်း ကလဲ အကုန်ပဲ လုပ်ပေး ရှာပါတယ်... သူ့ခမျာ ဘလော့လဲလုပ်ပေးရ၊ ကေအက်ဖ်စီ လဲ ဝယ်ကျွေးရ ရှာတာ။ သူငယ်ချင်း သက်ဝေ အားလုံးအတွက် ကျေးဇူး အသင်္ချေပါ။ သူငယ်ချင်း ခိုင် အဖော်လုပ် ပေးတဲ့ အတွက် လဲ ကျေးဇူးပါနော်...။

အားလုံးပြီးသွားတဲ့ အခါ ခုမြင်နေရတဲ့ ဘလော့လေး တခု ရုပ်လုံးပေါ် လာပါတော့တယ်...။

ဒီနေရာမှာ လူရွှင်တော်ကြီး ဦးမိုးဒီ ပေါက်သွားတဲ့ ကြော်ငြာလေးတခု "သားသားစားချင်တာ စားလို့ရပြီ..." ဆိုတာလေး နားထဲရောက်လာတယ်။ ကျမလဲ အဲဒီလို "မီးမီး ရေးချင်တာ ရေးလို့ ရပြီ..." လို့ တောင် ထအော်ချင်တဲ့ အထိကို ပျော်ရပါတယ်...။ အတန်းပညာနဲ့ ပြောရရင် ဘလော့ဂ် မှာ ကျမက ခုမှ မူကြို ပါ။ ကျမ ထက် အရင် ဂါ နေကြသူများ အားလုံးကို ကျမ စာစုလေးတွေ လာဖတ်ကြ၊ ဝေဖန်ကြ၊ အကြံပြု ကြပါ လို့ ချစ်ခင်စွာ ဖိတ်ခေါ်လိုက် ပါရစေ ။

အားလုံးပဲ စာတွေ ရေးရင်း၊ ဖတ်ရင်းနဲ့ ဘဝ အမောတွေ ပြေကြပါစေ...။

ချစ်ခင်စွာ...



၀၅.၁၁.၀၉ , ၁၉း၄၀ နာရီ

ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...