Sunday, January 27, 2019

ဇွဲကပင်အလွမ်း…


အကြိမ်ကြိမ်ပါပဲ…
ကျွန်မ သူ့အကြောင်း  အိပ်မက်တွေ မက်ခဲ့ဖူးတယ်။ အိပ်မက်ထဲ သူ့အရှေ့မှာ ကျွန်မ အကြိမ်ကြိမ် ငေးမောရပ်ကြည့်နေခဲ့ဖူးတယ်။ အဝေးကြည့် အေးစက်စိမ်းညို့နေမှုရဲ့ နောက်ကွယ်မှာ သူဟာ ဘယ်လို နေစိမ့် ခက်ခဲသူမျိုး ဖြစ်မလဲ။ သူ့ဘေးနားကနေ ဖြတ်သွားဖြတ်လာရှိခဲ့ဖူးပေမယ့် တခါဖူးမျှ သူ့အနီးအပါးနေခဲ့ဖူးသူမှ မဟုတ်ခဲ့ဘဲ။ ရုပ်ပုံတွေ ပန်းချီကားတွေထဲ သူ့ကို ဟိတ်ဟန်ကြီးကြီးနဲ့ မြင်ခဲ့ဖူးပါရဲ့၊ ကိုယ်နဲ့အဝေးကြီးမှာ ဆိုတာထက် ပိုပြီး မသိခဲ့သလို ကိုယ့်စွဲလန်းမှုဘယ်လောက်နက်သလဲလည်း ကျွန်မ ကိုယ်တိုင် မရိပ်မိခဲ့။ တနေ့နေ့ သူ့အနားအရောက်သွားမယ်။ ကိုယ့်ကန်နွန်ကင်မရာလေးရယ်၊ သုံးချောင်းထောက်ရယ် အဝေးရိုက်ပြောင်းအရှည် တလက်ရယ် သယ်သွားပြီး သူ့ကို ပုံတွေ အများကြီး ရိုက်ရမယ်။ ဓါတ်ပုံကနေ ပန်းချီအဖြစ် ဆွဲဦးမယ်။ စိတ်ကူးတွေ အများကြီး သူ့အတွက် ယဉ်ခဲ့ဖူးပါတယ်။ တကယ်တမ်းကျတော့ အချိန်တွေအများကြီးနောက်ကျပြီးမှ ကျွန်မ သူ့အနား ရောက်ခွင့်ရခဲ့တယ်။
တကယ်တမ်းကျတော့…၊ တကယ်တမ်းကျတော့လေ….။
မနက်အစော ခရီးစဖို့ ကားပေါ်အတက်မှာတင် ကျွန်မစိတ်တွေ လှုပ်ရှားလို့နေခဲ့ပြီ။ ဘယ်လိုများ ကျွန်မ သူ့ကို ရင်ဆိုင်ရမလဲ၊ ဘယ်လိုများ ဘွားကနဲတွေ့လိုက်ရမလဲ၊ ကျွန်မစိတ်ခံစားချက်တွေကို ကျွန်မကိုယ်တိုင် ဘယ်လောက်ထိန်းသိမ်းနိူင်မှာလဲ၊ ဒါကို ကျွန်မ နည်းနည်းမှ ကြိုမတွေးတတ်နိူင်။
ရန်ကုန်ကနေ မနက်ရှစ်နာရီခွဲ ထွက်ခဲ့တဲ့ကားဟာ လမ်းမှာ ထမင်းစားချိန် ခဏသာရပ်ပြီး တောက်လျှောက်မောင်းချလာလိုက်တာ သံလွင်တံတားပေါ် ကားဖြတ်ချိန်မှာတော့ ကျွန်မကိုယ်ဟာ မတ်ကနဲဖြစ်လာခဲ့ပြီ။ ကျွန်မတည်းမယ့် ဟိုတယ်အရောက် မှတ်ပုံတင်အပ်၊ အခန်းသော့ယူနေတုန်း ကောင်တာက ဧည့်ကြိုကလေးက ပြောရှာပါရဲ့၊ ဒီဟိုတယ်မှာ ဗျူးအကောင်းဆုံးအခန်းကို ပေးထားပါတယ်ရှင်တဲ့။


အခန်းတံခါးကို ဖွင့်ပြီး အခန်းထဲဝင်၊ အထုပ်တွေချ၊ ဝရန်တာတံခါးဖွင့်လိုက်တယ်ဆိုရင်ပဲ ကျွန်မစိတ်တခုလုံး လွင့်ကနဲဖြစ်သွားအောင် မြင်ကွင်းက ဖမ်းစားလွန်းလှတယ်။ အဝတ်အစားတွေလည်း မလဲနိူင်သေးဘဲ ဝရန်တာဘေးက ခုံကလေးမှာ ထိုင်ချလိုက်ရင်း ဇွဲကပင်ကို နှလုံးသားထဲအထိ စိမ့်အောင်ကြည့်နေမိတော့တယ်။ အနှစ်နှစ်အလလက သိမ်းထားခဲ့ရသမျှစကားတွေ….၊ တလုံးချင်း တလုံးချင်း ကျွန်မနှုတ်ဖျားက ထွက်ကျလို့ လာတယ်။ လွမ်းလိုက်တာ…၊ လွမ်းနေခဲ့ရတာ…။ ကျွန်မ စိတ်နှလုံးတစုံလုံးကို သိမ်းကျူံး ယူငင်စွမ်းသူ…၊ ဇွဲကပင်…၊ ကျွန်မအိပ်မက်တွေထဲ စိမ်းညို့နေအောင် ကိုယ်ထင်ပြခဲ့သူ။ ကားပေါ်ကနေ အဝေးကမြင်ရတုန်းက တမျိုး၊ ခု ကိုယ့်မျက်စိရှေ့အရောက်မှာ သူကတဖုံ ပြောင်းလဲလို့…။ 




ဝမ်းနည်းစရာကောင်းတာက ကျွန်မမှာ ကင်မရာ ပါမလာဘူး။ ခရီးစဉ်တွေ ဆက်နေတာမို့ ဝန်နည်းနိူင်သမျှနည်းအောင် လာခဲ့ရသူမို့ ပေါ့ပေါ့ပါးပါးကလေး ထွက်လာခဲ့ရတာ။ နေ့လယ်အပူရှိန်အောက်မှာ သူ့အရောင်က စိမ်းမွဲမွဲအကြားမှာ ညို့ခြောက်ရောင် ရောယှက်လို့ရယ်…။ ကျွန်မတွေ့ဖူးနေကျတွေနဲ့မတူတဲ့ မြင်ကွင်းနဲ့ ကျွန်မကို မားမားကြိုနေတဲ့ ဇွဲကပင်က ပကတိ အငြိမ်၊ မာကြောဟန်အပြည့်၊ မြင့်မြင့်မားမားရပ်နေလျက်ကပဲ သူ့ကို မော့ငေးနေသူ ကျွန်မကို ဂရုမထားဟန်၊ တနေရာကကြည့်ရင် တမျိုးမြင်ရတဲ့ သူ့ကို ကြည့်ရင်း စကားတွေပြောနေမိတော့တယ်။ 



ကျွန်မလက်ထဲက ရေးခြစ်နေတဲ့ သူ့ပုံကြမ်းဟာလည်း ရုပ်လုံးပေါ်လုပြီ။ ဘာကြောင့်ရယ် မသိ၊ ကျွန်မရင်ထဲနင့်ပြီး မောဟိုက်လို့လာတယ်။ သူ့ကိုတိုင်တည်ပြောနေမိတဲ့ စကားတွေထဲ သတိတရတွေ ဘယ်လောက်များ များပါလိမ့်၊ အလွမ်းတွေရော…၊ နာကျင်မှုတွေရော…၊ အပြုံးတွေ မျက်လုံးတွေ…၊ ဘယ်လောက်များ များခဲ့ပါလိမ့်။
ရေချိုးတော့လေ၊ ညနေ အပြင်ထွက်ကြရအောင်ဆိုတဲ့ စကားကြားမှပဲ ကျွန်မအသက်ဓါတ်က စိတ်ဆီကို လှုပ်ကနဲပြန်မျောလာတယ်။



ညနေ ကန်သာယာဘက်က မြင်ရတဲ့ မြင်ကွင်းကဖြင့် တမျိုးလှနေပြန်တယ်။ ကျွန်မအိပ်မက်ထဲ အခါတိုင်းမြင်မက်နေကျ မှုန်ရီလွင့်ဝေနေဟန်…။ ကျွန်မလက်ထဲက ဖုန်းနဲ့ ဓါတ်ပုံတွေ အမိအရရိုက်ယူနေမိပြန်တယ်။ ကန်သာယာတံတားပေါ် လမ်းလျှောက်စဉ်မှာတော့ အတော်လေး မှောင်ရီပျိုးပြီ။ တံတားအလယ်မှာ လူငယ်ကလေးနှစ်ယောက် သုံးချောင်းထောက်ပေါ်က ကင်မရာထဲကနေ ဇွဲကပင်ကို ပြန်ကြည့်နေကြတယ်။ သူတို့ဘေးအနား အသာကလေးရပ်ရင်းကြည့်မိတော့ ကင်မရာကိုင်တဲ့တယောက်က ISOချိန်နေတာကို တွေ့ရတယ်။ ISOကို ၁၄ဝဝလောက် ထား၊ ပြီးရင် white balanceကို အော်တိုမှာ အရင်ထားကြည့်၊ အရောင်ထွက်ကို ကြည့်ပြီးမှ white balance ပြန်ကစားကြည့်ပါလား။ ကျွန်မနှုတ်က အလိုလိုထွက်မိလျက်သား၊ ကင်မရာချိန်နေတဲ့ ချာတိတ်က လှစ်ကနဲပြုံးရင်း လှည့်ကြည့်တယ်။ အမက ဓါတ်ပုံဝါသနာပါသလားတဲ့၊ ခေါင်းညိတ်ပြလိုက်တော့ ကျွန်တော်နဲ့ ဝါသနာတူပဲ၊ ၁ဝစက္ကန့်စာလေးရဖို့ ရုိုက်နေတာ အမရေ…တဲ့။ ကော်မာရှယ်လေးတခုအတွက် ထင်ပါရဲ့။ ချာတိတ်တွေကို နှုတ်ဆက်ပြီး ဆက်လျှောက်လာခဲ့လိုက်တယ်။ ဇွဲကပင်ဟာ တဖြည်းဖြည်းနဲ့ အမှောင်မှာ ပျောက်ကျန်ရစ်ခဲ့ပြီ။



နောက်တနေ့မနက်အစောထပြီး ဇွဲကပင်ကို နေမပက်ခင် ကြည့်၊ တဖြည်းဖြည်းနေရောင်အပက်မှာ အရောင်ပြောင်းလာတဲ့ အသွေးအဆင်ကို ငေးရ…၊ တခုခုများ ချိတ်ဆက်နေသလား၊ တခုခုများ ရှိခဲ့သလားဟင်…။ ကျွန်မစိတ်ထဲ ဇွဲကပင်ဟာ အသက်ဝင်နေသလိုလိုပဲ။ သူ့ကို ကြည့်ရင်းက စကားတွေပြောရင်းက မျက်ရည်ကျရတာ။ ဒီဒေသမှာ အလုပ်လုပ်နိူင်တဲ့ လူငယ်တွေအကုန်နီးပါး တောင်ပေါ်တက်ကြတာဆိုတာ ကြားရတော့ ဝမ်းနည်းစိတ်က နင့်ကနဲ။ တောင်ပေါ်ဆိုတာ မဲဆောက်ဘက် ယိုးဒယားဘက်ကို ပြောတာလေ။ ဒေသထွက်ကုန်ရယ်လို့ရော မယ်မယ်ရရ မရှိဘူးပေါ့ဆိုတော့ ခေါင်းခါပြတယ်။ တခုခု ဆုံးရှုံးနေရသလိုပဲ၊ ဘာကိုမှလည်း မယ်မယ်ရရ မပြောတတ်ခဲ့။
နှစ်ညအိပ်ဆိုတာကလည်း အချိန်တွေ အကုန်မြန်သားပဲ။ ကျွန်မ အလွမ်းသယ်လို့မှ မဝသေးခင် ဇွဲကပင်ကို နှုတ်ဆက်ရတော့မယ်။ အခန်းတံခါးသော့ပိတ်ပြီး ဟိုတယ်ရှေ့ထွက် ကားစောင့်စဉ်အထိ ကျွန်မမျက်ဝန်းတွေက သူ့အပေါ် ရှိနေတုန်း။ ကြည့်လို့မှ မဝသေးသလို၊ တဘက်ကလည်း စိတ်ထဲ ကြောက်မိသလိုလို၊ တောင်တန်းကြီးတွေရဲ့ မာယာ၊ ပရိယာယ်၊ သဏ္ဍာန်တွေ အရောင်တွေပြောင်းပုံက ဆန်းကြယ်လှရဲ့ မဟုတ်လား…။ သူ့မာကြောအေးစိမ့်နေဟန် မားမားရပ်နေဟန်ကိုက ငေးကြည့်သူကို မြေမှာဝပ်ဆင်းစိတ်နဲ့ သေးငယ်စေပြန်တာ။
ကားပေါ်ရောက်လို့ ထိုင်ခုံမှာထိုင်ပြီးတာနဲ့ ကျွန်မမျက်ဝန်းတွေ မှိတ်ချထားလိုက်မိတယ်။ ကျန်ရစ်ခဲ့ပါတော့…ဇွဲကပင်ရယ်…နေရစ်ခဲ့ပါတော့…။ ကျွန်မအတွေးတွေ၊ အိပ်မက်တွေထဲ လိုက်မလာပါနဲ့တော့။ ဘာကြောင့်ရယ်မသိတဲ့ အစွဲအလန်းက လူကို တင်းတင်းရစ်တဲ့အခါ အလိုလို မောပန်းလာရတော့တာ။ ကျွန်မ သူ့အနားရောက်ခဲ့ဖူးပြီ၊ အကြာကြီး ငေးမောလို့ ကြည့်နေခဲ့ဖူးပြီ။ ဒီလောက်ပါပဲ…။ ကျွန်မဖုန်းထဲမှာတော့ သူ့ပုံရိပ်တွေ…၊ ကျွန်မအကြမ်းခြစ်ထားတဲ့ သူ့ပုံခဲခြစ်တွေ…။ 

လိုချင်တာကို တခါရဖူးရုံနဲ့ နေပျော်နိူင်မယ်ဆို လောကကြီးထဲ ဘာကိုများ နာကျင်ခံစားနေရမှာလဲ…။ ဒီတခါပါပဲ၊ နောက်ဆုံးအကြိမ် ကျွန်မ မျက်ရည်ကျပါရစေ…။


ဇွဲကပင်ဟာ ဘာမှ မသိသလို ကျွန်မအနောက်မှာ ကျန်ရစ်တယ်…။



ချစ်ကြည်အေး
၂၇ဝ၁၂ဝ၁၉ 

Tuesday, January 1, 2019

၂ဝ၁၈သင်ခန်းစာ

ကျွန်မအတွက် အများကြီးသင်ယူခဲ့ရတဲ့ ၂ဝ၁၈ပါပဲ။ 
အထူးသဖြင့် စိတ်ပိုင်းဆိုင်ရာတွေ လူမှုဆက်ဆံရေးပိုင်းတွေ။ ကိုယ့်ကိုယ်ကို စိတ်ထားတတ်ဖို့၊ အစွဲသိပ်မကြီးဖို့၊ အတေးအမှတ် သိပ်မထားဖို့၊ သံယောဇဉ် မတွယ်တတ်ဖို့၊ ကိုယ့်တန်ဘိုးကို ကိုယ်နားလည်ဖို့ အကြိမ်ကြိမ် သတိပေးနေရတော့မယ်။ တယောက်ယောက်က အပျော်တမ်း လက်ကလေးနဲ့တောက်လိုက်ရုံလေးနဲ့ လဲကျမသွားဖို့၊ မခံစားသင့်တဲ့ကိစ္စတွေမှာ စိတ်နှစ်မခံစားဖို့၊ နာကျင်ဖို့မတန်တဲ့ကိစ္စတွေမှာ ကိုယ့်ကိုယ်ကို စိတ်အပင်ပန်းမခံဖို့...စိတ်ထဲရှိတာတွေ အကုန်မပြောတတ်ဖို့။ အများကြီး အများကြီး ဆင်ခြင်ဖို့တွေ...။ 
၂ဝ၁၉မှာတော့ ဘဝမှာ ကျန်နေသေးတဲ့အချိန်တွေအတွက် နေမှုထိုင်မှုအသစ်တခုထဲ တဆစ်ချိုး ဝင်ရတော့မယ်။ တော်လိုက်တာ ထက်မြက်လိုက်တာဆိုတာထက် လူကောင်းတယောက်အဖြစ် နေထိုင်တတ်ဖို့၊ ပတ်ဝန်းကျင်ရယ် အနည်းဆုံးကိုယ်နဲ့ ပတ်သက်ထိစပ်မိတဲ့ လူအနည်းငယ်ရယ် သူတို့တွေကို ကိုယ့်ကြောင့် စိတ်ရောကိုယ်ပါ နာကျင်ရတဲ့သူတွေမဖြစ်အောင် နေထိုင်တတ်ဖို့ ကြိုးစားရမယ်။ လျှော့ရမှာတွေ အများကြီးရှိနေတာကို လက်ခံရတယ်။ 
ကိုယ့်ကြောင့်နာကျင်ခဲ့ရသူတွေ ရှိမယ်။ ကိုယ့်ကိုနာကျင်စေခဲ့တဲ့သူတွေ ရှိမယ်။ ၂ဝ၁၉မှာတော့ နာကျင်စေမယ့်အရာတွေကို လွှတ်ချခဲ့တော့မယ်။ ကိုယ့်စိတ်ကလေး နေရာကျဖို့၊ ပျော်ရွှင်ပေါ့ပါးဖို့အတွက်နဲ့ တခြားလူစိတ်ကို ကစားစရာမလုပ်ကြပါနဲ့၊ ကိုယ့်အတွက် ဘာမှမဟုတ်တဲ့ ပေါ့ပေါ့ပါးပါးကလေးဟာ တခြားသူအတွက် စိတ်မှာ ဒဏ်ရာရပြီး တသက်လုံးထမ်းရမယ့်ဝန် မဖြစ်ပါစေနဲ့။ တောင်းပန်ကြေအေးခြင်းဆိုတာ မာနကို နှိမ့်ချလိုက်တာမဟုတ်ဘဲ လူတိုင်းလုပ်နိူင်ခဲတဲ့ စိတ်အမွန်အမြတ်တခုဆိုတာ လူတချို့ကို သိစေချင်တယ်။
ဟိုးတုန်းက ကိုယ်အမြဲပိုင်ဆိုင်ခဲ့တဲ့ ကိုယ့်စိတ်အကြည်ဓာတ်ကလေးကို ပြန်လည်ရှာဖွေရယူမယ်။ အားလုံးကိုလည်း ရိုးရိုးသားသား ဖြူဖြူစင်စင် ပျော်စေချင်တယ်။ စိတ်ထဲရှိတာတွေ ချရေးဖြစ်ပြန်တယ်။ ဆင်ခြင်ရမယ့်အထဲ သူလည်းပါတယ်...။
အပိုင်းအခြားနဲ့ကန့်သတ်လိုက်လို့သာရယ်၊ တကယ်တော့ ၂ဝ၁၉ဆိုတာ ကျွန်မတို့ရနေကျ မနက်ဖြန်တခု၊ နေ့တနေ့အစပြုခြင်းတခုပဲ ဟုတ်လား...
ပျော်ရွှင်ကျန်းမာကြပါစေ..၂ဝ၁၉မှာ....


ချစ်ကြည်အေး
ဝ၁ဝ၁၂ဝ၁၉

နောက်နှစ်မှာ ဒီစာကို ပြန်ဖတ်ခွင့်
ကိုယ့်ကိုယ်ကို လုပ်နိူင်ခဲ့သလားဆိုတဲ့ ဆန်းစစ်ခွင့်
ရှိချင်ပါသေးတယ်....

ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...