နေရာ၊ ဧည့်သည်များနှင့် ဧည့်ဝတ်

ဂါယာစတေရှင်ကို ကျွန်မ ရောက်ခဲ့တုန်းက ဘူတာရုံထဲ သိုင်းကွက်နင်းပြီး လမ်းလျှောက်ခဲ့ရတာကို ခုထိ မှတ်မှတ်ရရ ရှိနေသေးတယ်။ ဂါယာစတေရှင်ဆိုတာက Gaya Station (သူတို့က ဂယာလို့ အသံထွက်ပါတယ်) ကို ပြောတာပါ။  မြတ်စွာဘုရားပွင့်တော်မူရာ အိန္ဒိယနိုင်ငံ ဗီဟာပြည်နယ်ထဲမှာရှိတဲ့ ဗုဒ္ဓဂါယာမြို့ကလေးဆီ သွားခဲ့တုန်းကပါ။ ကျွန်မတို့က ကာလကတ္တားကနေ ဂယာကို ရထားစီးလာကြတာ ညကြီးမိုးချုပ်မှ ဂယာစတေရှင်ကို ရောက်ပါတယ်။ ၆နာရီ-ရနာရီကျော်ကျော် စီးရတယ်လို့ မှတ်မိပါတယ်။

ရောက်ရောက်ချင်းခံစားချက်က မြတ်စွာဘုရားပွင့်တော်မူရာကိုတော့ဖြင့် တစ်သက်နဲ့တစ်ကိုယ် ရောက် ခဲ့ရပြီရယ်လို့ ဖြစ်ရတဲ့ ပီတိပါ။ ဒုတိယတစ်ခုအနေနဲ့ ကျွန်မအာရုံကို ဖမ်းစားလိုက်တာကတော့ ဘူတာရုံစင်္ကြန် တစ်လျှောက် အိပ်နေကြတဲ့သူတွေပါ။ နည်းနည်းနောနောမဟုတ်ပါဘူး၊ တသီတတန်းကြီးရယ်။ ညရထားစောင့်စီးကြသူတွေ မဟုတ်ပါဘူး၊ ဒေသခံ (ဒါမှမဟုတ် တစ်ခြားပြည်နယ်က အလုပ်သမားတွေလည်း ပါနိူင်ပါတယ်) အိမ်ရာမဲ့သူတွေရယ်ပါ။ ပြောရရင် ဒုက္ခသည်တွေပဲလို့ ဆိုကြပါစို့။ တစ်ချို့လည်း စင်္ကြန်ပေါ် ဒီအတိုင်း၊ တစ်ချို့လည်း အ၀တ်ဟောင်းအမြင်းကလေး တစ်ခု အောက်မှာ ဖြန့်ခင်းလို့။ 

ဒါမျိုး ဒီလောက်များတာ ကျွန်မ တစ်ခါမှ မတွေ့ဖူးခဲ့တာမို့ အံ့သြရပါတယ်။ မိသားစုလိုက်ကို အိပ်နေကြတာမျိုးမို့ပါ။ တခါတလေ စင်္ကာပူမှာလည်း ကျွန်မ တွေ့မိပါတယ်။ တိုက်တွေအောက်က ခုံတန်းတွေပေါ်မှာ၊ လှေကားအောက်တည့်တည့်မှာ အိပ်နေတတ်ကြတဲ့ လူတစ်ယောက်တစ်လေကိုပါ။ ဒါပေမဲ့ ခုဟာက အများကြီးမှ အများကြီးရယ်။

၅၅၅၉၈ စတုရန်းမိုင်ကျယ်ဝန်းတဲ့ ဘင်္ဂလားဒေ့ရ်ှမှာ လူဦးရေသန်းပေါင်း ၁၃၀ကျော်နေထိုင်ကြပြီး၊ ၂၆၁ ၂၂၇ စတုရန်းမိုင် ကျယ်ဝန်းတဲ့ ကျွန်မတို့ မြန်မာနိူင်ငံမှာ လူဦးရေ သန်းပေါင်း ၆၀ကျော်သာ နေထိုင်ပါတယ်ဆိုတာကို ယှဉ်ကြည့်လိုက်ရင် ဘင်္ဂလားဒေ့ရ်ှရဲ့ လူနေထူထပ်မှု အတိုင်းအဆကို ခန့်မှန်းနိူင်ကြမယ် ထင်ပါရဲ့။

လူရယ်လို့ ဖြစ်လာရင် စားဖို့ကမှ ဗိုက်မှောက်နေလို့ ရသေးတယ်။ နေဖို့ကတော့  မြေနေရာရယ်၊ အမိုးရယ် အကာရယ်လို့ ရှိမှ၊ အနည်းဆုံး သေရင်တောင် မြှုတ်နှံဖို့ မြေရှိရမယ် မဟုတ်လား။ အကန့်အသတ် ရှိတဲ့ မြေနေရာအတွက် အကန့်အသတ်မဲ့ တိုးပွားလာနေတဲ့ လူဦးရေတိုးပွားနှုန်းဟာ ခြိမ်းခြောက်မှု တစ်ခုပါပဲ။

ဒီတော့ ရေလည်း ပိုကြည်၊ မြက်လည်း ပိုနုမယ်လို့ ထင်မှတ်ရတဲ့ နေရာတွေမှာ အသက်မွေးဝမ်းကြောင်းအတွက် ပြောင်းရွှေ့အခြေချကြဖို့ ကြိုးစားကြတယ်။ ဒီလို နယ်မြေသစ်မှာ အခြေချဖို့ ကြိုးစားကြတဲ့ အကြောင်းရင်းက ဒီတစ်ခုထဲတော့ ဖြစ်မယ်မဟုတ်ဘူး။ ပညာရေးအတွက် သွားတဲ့သူတွေကလွဲလို့ ကျန်တာတွေကို အကြမ်းအားဖြင့် သုံးမျိုး ခွဲကြည့်လိုက်ပါတယ်။

၁) အိမ်နီးချင်းနိုင်ငံအတွင်း တရားမ၀င် ၀င်ရောက်နေထိုင် အလုပ်လုပ်ကိုင်သူများ
၂) တရားဝင် ရွှေ့ပြောင်း အလုပ်သမားများ
၃) နိုင်ငံရပ်ခြားမှာ ဘ၀တိုးတက်ရေးအတွက် ပညာနဲ့ အသက်မွေးဝမ်းကြောင်းကြသူများရယ်

လို့ တွေ့ကြရမှာပါ။

သုံးမျိုးစလုံး အားလုံးဟာ ဒုက္ခသည်တွေကြီးပါပဲ။ အပူဒီဂရီကိုလိုက်လို့ အကြီးနဲ့ အသေးပဲ ကွာပါလိမ့်မယ်။ တကယ်တော့ ကျွန်မတို့အားလုံးဟာ ကမ္ဘာမြေအတွက် ဧည့်သည်တွေပဲ မဟုတ်လားရှင်။ ဒါပေမဲ့ ကိုယ်ချင်းစာတရား၊ လူသားအချင်းချင်း စာနာမှု ဒီလိုပေတံတွေနဲ့ တိုင်းပြီး ရင်ဘတ်ကြီးနဲ့ ကြည့်တာထက်စာရင် တရားဥပဒေ၊ လူဝင်မှုကြီးကြပ်ရေး စည်းမျဉ်း စည်းကမ်း၊ ဒါတွေနဲ့ တွက်ချက်စဉ်းစားကြည့်တာက ရေရှည်အတွက် ပိုကောင်းပါလိမ့်မယ်။ အိမ်ရှင်တွေအတွက်ရော ဧည့်သည်တွေအတွက်ပါ သတ်သတ်မှတ်မှတ် အကျိုးခံစားခွင့်လေးတွေ၊ တိတိကျကျ အပြစ်ဒဏ်တွေ ချမှတ်ပြဋ္ဌာန်းနိူင်မှာ မို့လို့ပါပဲ။

အဆင်ပြေရာ နေရာလေးတစ်နေရာမှာ ခြေကုတ်မြဲဖို့ အတော်လေး ကြိုးစားရပ်တည် ကြရလ်ိမ့်မယ်ဆိုတာ သေချာပါတယ်။ အဲဒီလို သူတစ်ပါးနိူင်ငံမှာ ရပ်တည်ကြရတဲ့အခါ ကျွန်မတို့မှာ Sense of Belonging ကိုယ့်မြေကိုယ့်ရေမဟုတ်ပါလားဆိုတဲ့ ခံစားမှုမျိုးလေး ခံစားမိတတ်ကြတာပေါ့။ ထစ်ကနဲရှိ ငါ့တော့ နိုင်ငံခြားသားမို့ ဆော်တာဆိုတဲ့ စိတ်မျိုး ရှိနေတတ်ကြပါရဲ့။ အပြောမခံရအောင်နေ ရင် ပြောစရာရှိလာမယ် မထင်ပါဘူး။ ကျွန်မအနေနဲ့ အလုပ်ခွင်မှာ နေရာရနေတဲ့ မြန်မာတွေ အများကြီး တွေ့ရပါတယ်။ တကယ်တော်ရင် တကယ်နေရာရပါတယ်။

ဒါပေမဲ့ ဧည့်သည်အနေနဲ့ အိမ်ရှင်တွေ ကိုယ့်အပေါ် အထင်အမြင်သေးစေမဲ့ အပြုအမူ အပြောအဆို မျိုးတွေ ရှောင်သင့်ကြပါတယ်။ လူတွေက အမြဲတစေ ၀ါးလုံးရှည်တစ်လုံးနဲ့ သိမ်းကျုံးရမ်းတတ်တာမို့ပါ။ အထူးသဖြင့် ကိုယ်နေနေရတဲ့ ပတ်ဝန်းကျင်က ကိုယ့်မြေ ကိုယ့်ရေ မဟုတ်တဲ့အတွက် ပိုသတိထားရပါမယ်။ ဆရာကြီး လုပ်တာမဟုတ်ပါ။ ကျွန်မခံစားရတဲ့ အတိုင်း ပြောခြင်းရယ်ပါ။

တစ်ရက်က ဖေ့စ်ဘုတ်ပေါ်မှာ မိတ်ဆွေတစ်ယောက် မျှဝေလာတဲ့ ပုံကို ကြည့်လိုက်ရ ပါတယ်။ မြန်မာများစုဝေးရာ ပန်နီစူလာ ပလာဇာရဲ့ အပေါ်ထပ်ကိုတက်တဲ့ စက်လှေကားထိပ်နားမှာ လူငယ်တွေ ၀ိုင်းဖွဲ့ အရက်သောက်နေကြတဲ့ ပုံပါ။ စီးတီးဟောလ် ရထားဘူတာကထွက်ပြီး ပန်နီစူလာ ပလာဇာကို အသွား လမ်းတစ်လျှောက်မှာကိုပဲ ဒီမြင်ကွင်းတွေ တွေ့ကြရလှပါပြီ။ ကွမ်းတံထွေးတွေ ပွနေအောင် ထွေး ထားတာမျိုးလည်း တွေ့မိပါရဲ့။ စိတ်မကောင်းမိတာကလွဲရင် ကျွန်မ ဘာများတတ်နိူင်မှာလဲ။ ကိုယ့်မောင် ကိုယ့်သားတွေလို ဂုတ်ကဆွဲပြီး မ လာလို့ ရရင် လည်း ကောင်းသားပေါ့ရှင်။

စိတ်ဖိအားကို ပြေလျော့စေဖို့ အလုပ်အားရက်တွေမှာ မြန်မာလူမျိုးတွေ အချင်းချင်း တွေ့ဆုံ စားသောက်ကြတာဟာ အင်မတန်ကောင်းပါတယ်။ အိမ်နဲ့ အလုပ်၊ အလုပ်နဲ့ အိမ် လွန်းထိုးနေရတဲ့ သံသရာထဲက၊ အလုပ်ခွင်ဖိအားတွေထဲက ခဏလောက်ဖြစ်ဖြစ် ထွက်ပေါက်ပေးရမှာပါပဲ။ ဒါကို ကျွန်မ သဘောကျပါတယ်။ ခက်တာက နေရာပါ။ မြို့လယ်ခေါင် ဒီလိုနေရာမျိုးမှာ မဖြစ်သင့်ဘူးလို့ ရိုးရိုးလေးပဲ တွေးမိပါတယ်။ သူတို့ အိမ်ရှင်နိုင်ငံဘက်က စဉ်းစားရင် ဒါမျိုးတွေ နှစ်သက်မယ် မထင်ပါဘူး။

တို့နိူင်ငံမဟုတ်ဘူး ညစ်ပတ်ပေပွနံစော်နေရင်လည်း နေပါစေဆိုတဲ့ စိတ်မျိုးလည်း မရှိသင့်သလို သူများနိုင်ငံမှာ ငါက ဧည့်သည်ပဲ၊ ဘာဖြစ်ဖြစ်သည်းခံမှ ဆိုတဲ့ စိတ်မျိုးထားစရာလည်း မလိုပါဘူး။ ဧည့်သည်တစ်ယောက်အနေနဲ့ မိမိနေထိုင်လုပ်ကိုင်နေတဲ့ (တရားဝင် အလုပ်လုပ်နေတဲ့) သူတစ်ယောက်အနေနဲ့ ကိုယ့်မှာလည်း လုပ်ပိုင်ခွင့်၊ ရပိုင်ခွင့်၊ ပြောပိုင်ခွင့်တွေ အထိုက်အလျောက်တော့ ရှိကြပါတယ်။ စည်းကမ်းဥပဒေဘောင်ထဲက ဖြစ်ဖို့တော့ လိုပါတယ်။ ဧည့်သည်က ဧည့်သည်လိုမှ မနေရင်တော့ ကိုယ့်ကို လက်ခံထားတဲ့ နိုင်ငံရဲ့ တရားဥပဒေနဲ့ အညီ အဆုံးအဖြတ် ခံနိူင်ဖို့  ပြင်ဆင်ထားရပါမယ်။

အစကို ပြန်ကောက်ရရင် အဲဒီ ဂါယာစတေရှင်မှာ တွေ့ခဲ့ရတဲ့ သူတွေ...။ သူတို့ဟာ အဲဒီစင်္ကြန်ပေါ်မှာပဲ အိပ်ပြီး အဲဒီစင်္ကြန်တစ်လျှောက်မှာပဲ အညစ်အကြေးတွေ စွန့်ထားကြပါတယ်။ သူတို့ အိပ်နေတာတွေကို တက်နင်းမိမှာစိုးလို့ ရှောင်ရ၊ သူတို့ စွန့်ထားတဲ့ အညစ်အကြေးပုံကြီးတွေကို ရှောင်ရနဲ့ တကယ်ကို သိုင်းကွက်နင်းလျှောက်ခဲ့ရတာပါ။

လူတွေကပဲ အသိတရား နည်းပါးကြလို့လား။ ဥပဒေနဲ့ အညီ အရေးယူတာတွေပဲ မရှိလို့လား။ စားပွဲခုံအောက်က လက်ဘက်ရည်ဖိုးကြောင့်လား။ ဘာကြောင့်ရယ်တော့ ကျွန်မ အတိအကျ မသိပါ။
မိမိနေထိုင်ရာ ကျောတစ်ခင်းစာလေးပေါ်မှာ၊ မိမိအပေါ် ကျေးဇူးပြုနေသော နေရာထိုင်ခင်းလေးအပေါ်မှာ အညစ်အကြေးပြန်စွန့်တာကတော့ အတော်လေးကို ရုပ်ဆိုးလွန်းပါတယ်။

အချစ်တဲ့လား

"အချစ်အကြောင်းပြောရအောင်"ဆိုပြီး ကျွန်မတို့ ဘလော့ဂ်ဂါတွေ တက်ဂ်ပိုစ့်လေး ရေးခဲ့ကြဖူးပါတယ်။ အဲဒီတုန်းက တက်ဂ်ပိုစ့်အနေနဲ့ ရေးခဲ့တာလေးကို ပြင်ဆင်ဖြည့်စွက်ပြီး ၀တ္ထုတိုဗားရှင်း အနေနဲ့ ပြန်လည်ရေးထားပါတယ်။ ဒါကြောင့် ဖတ်ပြီးသူများလည်း ပြန်ဖတ်ပါ။ မဖတ်ရသေးသူများလည်း ဖတ်သွားပါ။ အို...အချစ်အကြောင်း ပြောချင်သူများအားလုံး ဖတ်သာသွားကြပါလို့ တိုက်တွန်းလိုက် ရပါတယ်း) 

"အချစ်သည် ဆေးခါးကြီးတစ်ခွက်ဖြစ်သည်။"

မောင် ခုထိပြန်မရောက်သေး။ မောင့်အိမ်ဘက် မျက်လုံးကလေးမသိ မသာ စွေကြည့်ရင်း ကျွန်မတစ်ယောက်တည်း တွေးမိခြင်းရယ်။ မောင်နဲ့ ကျွန်မတို့အိမ်က ဓားလွယ်ခုတ်အနေမှာ ရှိကြတာမို့ တစ်နေ့ တစ်နေ့ မောင့် ခြေလှမ်းတွေကိုပဲ ကျွန်မ အမြဲစောင့်ကြည့်နေဖြစ် သည်။ မောင့်အိမ်ကို ဝင်ထွက်နေသော ကောင်မလေးများကို ကျွန်မ ခဏ ခဏတွေ့ဖူးသည်။ မောင့်မိဘတွေ အိမ်မှာမရှိချိန် မောင်တို့ သူငယ် ချင်း တွေစုပြီး အရက်သောက် တတ်ကြတာကို တွေ့ဖူးသည်။ ချိန်းပွဲများ လုပ်၍ ရန်ဖြစ် ရိုက်နှက်တတ် ကြကြောင်းလည်း ကြားဖူးပါသည်။ အားလုံးကပြောကြသလို လူဆိုးကလေး မောင်ဖြစ်နိုင်ပါသည်။ 

 မောင်တို့ အိမ်ရှေ့ အုတ်ခုံပေါ်မှာ မောင်ဆေးလိပ်သောက် နေတာကိုလည်း ခိုး ခိုးကြည့်ဖူးသည်။ ကျွန်မစာကြည့်နေချိန် ညညတွေမှာမှ ဂစ်တာတီးလေ့ ရှိသော မောင့်အပေါ် စာကြည့်နေတုန်း နှောင့်ယှက်ရန်ကောဟု တစ်ခါမျှပင် မတွေးခဲ့ဖူးပါ။ မောင်သီဆိုသမျှ သီချင်းစာသားများထဲမှာ စိမ့်နစ်ပျော် ဝင်လျက် ကျွန်မကိုပဲ ရည်ညွှန်း ဆိုလေသလား..ခပ်ရှက်ရှက်နှင့် ညွတ်နူး သာယာမိသူ ကျွန်မသာ…။

အဲသည်မောင်က တစ်နေ့မှာ ကျွန်မအတွက် စာလေးတစ်စောင် လူကြုံပါးလာခဲ့လေသည်။ ဖတ်နေရင်း က ကျွန်မမျက်ရည်ကျမိသည်။ ကျွန်မ၏ ပထမဦးဆုံး အချစ် သည် ကျွန်မ မိဘတွေ ဘယ်လိုနည်းနှင့်မှ သဘော ကျစရာ အကြောင်းမရှိသော လူငယ် ကလေး၊ မောင်ဟု တိတ်တိတ်ကလေး ကျွန်မနှုတ်ဖျားက ခဏခဏရွတ်ကြည့် ကြည်နူးဖူးသူ၊ လူပေလူတေ ကလေး ဟု အားလုံးက ဆိုသောသူ…တဲ့။ သို့သော် ကျွန်မ ငြင်းဆန် နိုင်စွမ်းမရှိခဲ့ပါ။ ထိုအချိန် ထိုအရွယ်သည် ငယ်နုသူ တို့၏ နှလုံးသား လန်းဆတ်ချိန် ဖြစ်ရာ ”မောင်နှင့် ချစ်ခွင့်” ကိုက ကျွန်မ၏ ဘဝတစ်ခုလုံး ဖြစ်ခဲ့သည်လေ။ 

 ကောင်မလေးများ အားလုံးကို အဆက်ဖြတ်ပြီး ကျွန်မ တစ်ယောက်တည်းကို အချစ်ဆုံး ဆိုသော မောင့်စကားအပေါ် ကျွန်မတိမ်းမူးသည်။ မျက်လုံးနက်နက်လေးတွေ၊ ဆံပင်ပျော့ပျော့ လေး တွေနှင့် မောင်ဟာ လူတွေ ပြောသလောက်လည်း မဆိုးလှပါ (ကျွန်မ ထင်ခဲ့တာပါ)။ သို့တိုင်အောင် ကျွန်မတို့ ချစ်နေကြတာကို သိသော ရပ်ကွက် ထဲက လူတချို့ကမူ မောင်လို လူဆိုးကလေးနှင့် ကျွန်မ မြဲမှာမဟုတ်ဟု လောင်းကြေး ထပ်ကြသည်တဲ့။ အဲသည် လောင်းကြေး ကပင် ခေါင်းမာ၍ တစ်ဇွတ်ထိုးနိုင်သူ ကျွန်မ ကို မောင့်အပေါ် ပိုမို ခိုင်မြဲစေခဲ့သလား၊ စောင့်ကြည့်လိုက်ကြပေါ့ဟု ပတ်ဝန်းကျင်ကို အချဉ်ပေါက် စိတ်ကပဲ ကျွန်မကို စုံလုံးကန်းစေခဲ့သလား ကျွန်မမ သိခဲ့ပါ။ သေချာတာကတော့ တစ်လောကလုံးနှင့် မောင် တစ်ယောက် တည်းဆို လျှင်တောင် မောင့်ဘက်က ရပ်တည်လျက် မောင်နှင့်ရှေ့ဆက် ချစ်ကြဖို့ကိုပဲ ကျွန်မ ရွေးချယ် ဇွတ်တိုးခဲ့လေသည်။

တစ်ည မောင်အိမ်ပြန်အလာ ညာဘက်လက်မောင်းမှာ သွေးစွန်းနေသော ရှပ်အင်္ကျီအဖြူကို ကျွန်မ နောက်ဘက်မှ မြင်လိုက်ရသည်။ မောင် ရန်ဖြစ်လာပြန်ပြီ။ ရင်ထဲမှာ ပူသွားလိုက်ပုံများ၊ အဲဒီညက ကျွန်မဘယ်လို မှ အိပ်မပျော်နိုင်ခဲ့။ မောင့် ဂစ်တာတီး သံလည်း မကြားရ။ ကျွန်မ၏ စိတ် နှလုံးသည်လည်း မောင့်လက်မှ ဒဏ် ရာနှင့်ထပ်တူ ပူပန်လွန်းစွာ နာကျင်ခဲ့ ရသည်ပင်။

နောက်ရက်တွေမှာ မောင်နဲ့တွေ့ တော့လည်း ထုံးစံအတိုင်း မောင့်ကို ဘာမှ ရေရေရာရာမေးလို့ မရပြန်ပါ။ မောင့်အပြောကတော့ ကျွန်မပေး ထားသော မောင့် လည်ပင်းက ရွှေဆွဲကြိုး မျှင်မျှင်လေး ရန်ဖြစ်ရင်း ကျပျောက် သွားခဲ့သည်တဲ့။ ကျွန်မ ယုံကြည်ခဲ့ပါသည်။ သို့သော် တစ်နေ့ မောင့်သူငယ်ချင်းနဲ့ လမ်းမှာအတွေ့၊ သူက အခိုင်အမာပြော လာသည်မှာ ကျပျောက် တာမဟုတ်၊ ဆွဲကြိုးကို မောင်ရောင်းစားပစ်လိုက် တာတဲ့။ ကျွန်မရင်ထဲ ရှုပ်ထွေးသွားခဲ့ရသည်။ ပထမဆုံး အကြိမ် မောင့် အပေါ် သံသယဖြစ်မိ သည်။ ကျွန်မအပေါ် မောင် တကယ်ပဲ ညာရက်ခဲ့ သလား၊ မောင့်မျက်နှာကို စေ့စေ့ကြည့်၍ မေးလိုက်ချင်လှသည်။ 

အတူရှိနေ ချိန်များတွင် မောင် ဆေးလိပ်သောက်တာကို ကျွန်မ လုံးဝ မနှစ်သက်ခဲ့ ပါ။ မောင့်နှုတ်ခမ်းက ဆေးပေါ့လိပ်ကို မပြောမဆိုနှင့် ဆွဲယူကာ လွှင့်ပစ်ခဲ့ဖူး သည်။ ထိုအခါ မြေကြီးပေါ်က ဆေးပေါ့လိပ်ကလေး တစ်လိပ်ကို မျက်နှာပျက်ပျက်နှင့် ပြန်ကောက်ယူပြီး သူ့ရှပ်အင်္ကျီ အိတ်ကပ်ထဲ ထည့် လိုက်သော မောင်နှင့်ကျွန်မ အကြီး အကျယ် စကားများခဲ့ရသည်။ အဲသည် ဆေးပေါ့လိပ်မှာ ဆေးခြောက် ထည့်ထားမှန်း ကျွန်မဘယ်လိုလုပ် သိနိုင်ပါ့မလဲ။ မောင်က ဆေးစွဲနေသူ ကောင်ကလေး တစ်ယောက်၊ ပြီးတော့ သူ့လက်မှာ ဆေးထိုးအပ်ရာ အပေါက် ငယ်လေးတွေ ကျွန်မတွေ့ ဖူးခဲ့တာကို ပြန်လည်ဆက်စပ် တွေးရင်း ရိပ်မိသိရှိ သွားခဲ့ရတာပင်။ ကျွန်မ ဘာဆက်လုပ်ရမလဲ၊ မဆုံးဖြတ်ရဲပါ။ ကျွန်မ မောင် နှင့် မခွဲနိုင်ပါလေ။

ကြားရသော သတင်းသာ အမှန်ဖြစ်လျှင် သည်သတင်းဆိုးကို ကျွန်မ ဘယ်လိုများ ရင်ဆိုင် လက်ခံရမည်လဲ မသိတော့ပါ။ မောင်ဟာ မောင့်အဘွား ကို ဖျော်ရည်ထဲ အိပ်ဆေးထည့်တိုက် ပြီး အိပ်ပျော်သွားမှ အဘွားနားကပ် ချွတ်ကာ ဖြုတ်ယူရောင်းစားသည်တဲ့။ ခုတော့ မောင်ကအချုပ်ထဲမှာ။ မောင့် မိဘတွေကိုယ်တိုင် ထိန်းမနိုင်လို့ အမှု ဖွင့်ပြီး အချုပ်ထဲ ထည့်ထား လိုက် သည် ကြား၏။ ကျွန်မ ငိုရပြန်ပါသည်။ မောင် ဆိုးလွန်းသည်ဆိုတာ ကျွန်မ မယုံလို့ မရတော့ပါ။ မောင့်အပေါ် ဘယ်လောက်ပဲ ချစ်သည်ဆိုစေ၊ အဲ သည်လို လူမိုက်ကလေး တစ်ယောက် နှင့် တစ်သက်လုံး လက်တွဲသွားဖို့ထိ ကျွန်မ မိုက်ရူးရဲမဆန်နိုင်ပါ။ 

အဲသည် နောက်မှာ မောင်နှင့်ကျွန်မ ပို၍ ပို၍ ဝေးသွားသလို ခံစားခဲ့ရသည်။ ဘယ်လိုမှ မဖြစ်နိုင်တော့ သည့် အဆုံး ကျွန်မ မောင့်ကို လက်တွဲဖြုတ် ထားရစ်ခဲ့ပါတော့သည်။ မောင်နှင့် တွေ့နေ ကျ ရက်တွေမှာ အချိန်ကျလာတိုင်း ယဉ်းထသလို တွေ့ချင်စိတ်တွေ ချင်ခြင်းတပ်လာသည်ကို ခက်ခဲစွာ မသိယောင်ဆောင်လျက် နေခဲ့ရသည် မှာ နှလုံးသားတစ်ခုလုံး ပန်းလျနာကျင်စွာ။ 

ပထမဦးဆုံးသော အချစ်သည် ကျွန်မအတွက်တော့ ဆေးခါးကြီးတစ် ခွက်ဖြစ်သည်။ ဆေးခါးကြီးကမှ အဝင် ဆိုးသော်လည်း ခန္ဓာကိုယ်ကို ကျန်းမာ စေသေးသည်။ မောင့် အချစ် ဆေးခါး ကမူ ကျွန်မကို ပို၍ ပို၍ နာမကျန်းဖြစ် စေခဲ့လေ သည်။ မောင်နှင့် အမြင်ချင်း နီးလျက် စိတ်ချင်းဝေးအောင် ကြိုးစားကာ အကြိမ်ကြိမ် ပိုင်းဖြတ်လျက်က အလူးလူးအလိမ့်လိမ့် ရူးသွပ် ခံစားခဲ့ရ သော အချိန်များပါပေ။

"အချစ်သည် ကျွန်မလက်ထဲက ယုန်ဖြူလေး တစ်ကောင်သာ ဖြစ်သည်။"

ကျွန်မ ထင်ထားသည်ထက် စောစီးစွာ မောင့်အပေါ် သံယောဇဉ် ဖြတ်နိုင် ခဲ့ရသည်မှာ ဖိုးသားကြောင့် လည်း ဖြစ်နိုင်ကောင်းပါသည်။ သူ့အိမ်က လူတွေ ခေါ်ကြသလို ဖိုးသားဟု ကျွန်မက လိုက်ခေါ်လျှင် သူ မကြိုက်ပါ။ သူ့ကို ‘မောင်’ ဟု ခေါ်စေချင်သော ထိုကောင်ကလေးသည် ကျွန်မ ထက် ၆ နှစ်တိတိ ငယ်ပါသည်။ ”မောင်ဆိုတာ တကယ်ချစ်မှ ခေါ်ရတာကွ” ဟု ကျွန်မက ခပ်ညစ်ညစ်ဆိုလျှင် မျက်နှာပျက်တတ်သူ။ သူ့မှာ အရုပ်စစ် ကား သေးသေး လေးမှစ၍ တင့်ကား၊ သံချပ်ကား အကြီးစားကြီးတွေ အထိ ပလတ်စတစ် လေးထောင့်ပုံးကြီးနှင့် နှစ်ပုံးအပြည့်ရှိသည်။ တွေ့ကြဖို့ချိန်း တိုင်းလည်း အမြဲ နောက်ကျတတ်သည်မှာ သူကွန်ပျူတာဂိမ်း ကစားနေ လို့ပဲ ဖြစ်လေသည်။ 

သူ့အပြစ် မဟုတ်ပါ။ အတိုင်းအဆမရှိ အလိုလိုက်ခြင်း ခံထားရသော အငယ် ဆုံးသားကလေး၊ တစ်အိမ်လုံးက ဝိုင်းတုန် ချစ် ကြသော ကလေးသာသာ ကောင်ကလေးကိုမှ ချစ်သူအဖြစ် ရွေးချယ် မိသူ ကျွန်မ၏ အပြစ်ရယ်သာ။

ကွန်ပျူတာနှင့် စာအုပ်အချို့တင် ရန် စားပွဲတစ်လုံး သူ့ကို အဝယ်ခိုင်းမိခဲ့ ဖူးသည်။ လွတ်နေသော ကျွန်မ၏ အခန်းထောင့် နေရာလေးနှင့် ကွက်တိ တိုင်း၍ မှာလိုက်ခြင်း ပင်။ သို့သော် သူဝယ်လာသည့် စားပွဲက နေရာ လွတ်မှာ ထည့်၍မဆံ့အောင် ကြီးနေခဲ့လေသည်။ ကျွန်မ ဆူတော့လည်း မျက်နှာသေ ကလေးနှင့် ကလေးလို လုပ်နေပြန် ပါသည်။ ဆိုင်မှာ အကျိုး သင့်အကြောင်း သင့်ရှင်းပြ၍ သွားပြန်လဲဖို့ ပြောသော အခါ အဲသည်လို သွားပြန်လဲရမှာ သူ ရှက်လှပါသည် ဆိုပြန်၏။ 

ကျွန်မအဖြစ်က အိမ်ထောင် မှမကျခင် သားတစ်ယောက် မွေးထားမိသလိုပါပေ။ ”မမကို လက်ထပ် မယ်၊ မောင့် မိဘတွေကို ပြောပြီးပြီ” လို့ သူပြောလာ တဲ့အခါ ကျွန်မမှာ အခက်တွေ့ရတော့ သည်။ မဖြစ်နိုင်ပါ။ အမျိုးသမီးများသည် ဘဝခရီး၌ မိမိကိုယ်တိုင် ရပ်တည်နိုင်သူ ဖြစ်စေကာမူ မိမိနှင့် တစ်သက်တာ လက်တွဲ သွားရမည့် အိမ်ထောင်ဘက်အပေါ် တလေးတစားနှင့် အားကိုးသမှု ပြု လိုကြသည် သာဖြစ် သည်။ ကျွန်မဘက်က အဆင် သင့်မဖြစ်သေးသလို ကိုယ့်ထက် ငယ်ရွယ်လွန်းသူမို့ အားမကိုးချင်တာ လည်း ပါသည်။ ဖိုးသားမှာ ကျွန်မ အထင် တကြီး အားမကိုးလောက်သော ကောင်ကလေး ဖြစ်နေခြင်း လည်း ပါပါလိမ့်မည်။

အမှန်ကတော့ အဲဒါတွေအားလုံးသည် သူ့အပေါ် တကယ်မချစ်ခဲ့လို့သာ ဆင်ခြေပေးခဲ့ခြင်း ဖြစ်နိုင်ကောင်း ပါသည်။ လှေမျောရင် လှေနဲ့လိုက်ဆို တာလို အချစ်မျော၍ အချစ်နဲ့လိုက်ခဲ့ သည်။ အချစ်ဦးမောင်နှင့်ပတ်သက်၍ လေလွင့်နေသော စိတ်တစ်ခုအတွက် ချည်တိုင်အဖြစ် သုံးခဲ့ခြင်းဖြစ်သည်ကို ကျွန်မ မညာလိုပါ။ မေ့ပစ်လိုက်ဖို့ ကျွန်မဆိုခဲ့တုန်းက ဖုန်းထဲမှာ ဖိုးသားငိုခဲ့သည်။ ကလေး တစ်ယောက်လို ရှိုက်ငိုနေသံကြားရချိန် မှာ သူမမြင်နိုင်သော တစ်ဖက်ကနေ အသံမထွက်ဘဲ ကျွန်မက ရယ်မောနေ မိခဲ့သည်။

"အချစ်သည် သိုးကလေး တစ်ကောင်ဖြစ်သည်။"

မိုးလို့ ကျွန်မခေါ်ခဲ့တဲ့ ကောင်ကလေး။ သူ့မှာ ဖြောင့်စင်းသောနှာတံ၊ မျက်လုံး ဝိုင်းဝိုင်းနက်နက်တွေနှင့် ထူထဲသော ဆံပင်စင်းစင်းနက်နက် အုံထူထူကြီးတွေ ရှိသည်။ ကျွန်မလို တာ ဘာမဆို ဖြည့်စွမ်းပေးတတ်သော ကဗျာလက်ရေးများနှင့် ကဗျာအသီ အဖွဲ့တော်သော ကျွန်မရဲ့မိုးသည် စိတ်ထား ဖြူစင်သူကလေး ဖြစ်လေ သည်။ စကားတစ်ခွန်းကို အသေအချာ စဉ်းစားပြီးမှ လေအေးအေးလေးနှင့် အလေးအနက်ဆိုတတ်သူ၊ ဆိုခဲစေ မြဲစေဆိုသည့်သူ ဖြစ်သည်။

မိုး၏ အားနည်းချက်မှာ ယောက်ျားကြီးဖြစ်လျက်နှင့် စိတ်ကောက် တတ်ခြင်းပင် ဖြစ်လေသည်။ အစမှာတော့ ကျွန်မကပဲ ပြန်လည် ချော့မော့လေ့ ရှိပေမယ့် ကြာတော့ လည်း ကောက်စမ်းဟာဟု လွှတ်ထား ကြည့်မိခဲ့ဖူး သည်။ သို့သော် ကျွန်မက မှ မိန်းမဖြစ်လျက် သူနှင့်စိတ်ပြိုင် မကောက်တတ် ခဲ့တော့ နောက်ဆုံး အလျှော့ပေးရသူက ကျွန်မသာ။

မိုး အကြီးအကျယ် စိတ်ကောက်သော တစ်နေ့ကို မှတ်မိပါသေးသည်။ အလုပ်ထဲမှာ ကိုယ်ရေးကိုယ်တာ ဖုန်း ပြောခွင့်မရှိသော ကျွန်မသည် ထိုနေ့ က မိတ်ဆွေ တစ်ယောက်၏ အရေး ကြီးသော ဖုန်းမက်ဆေ့ခ်ျကို အိမ်ဖုန်း ထဲမှာ ချန်ရစ်ဖို့ မှာထားခဲ့သည်။ အိမ်ပြန်ရောက်တော့ ဖုန်းမှာ မက်ဆေ့ခ်ျ အသစ်ထားခဲ့လို့ မရတော့အောင် မိုးထံမှ မက်ဆေ့ခ်ျများနှင့် ပြည့်လို့နေခဲ့ ပြီ။ ကျွန်မ စိတ်တိုသွားသည်မှာ ပြော စရာမရှိတော့။ မိုးဟာ ကျွန်မ၏ ဖုန်း ထဲမှ ”မင်္ဂလာပါ ကျွန်မချိုဦးခင်ပါ အရေးကြီးရင် မက်ဆေ့ခ်ျထားခဲ့နိုင် ပါတယ်၊ ကျွန်မ ပြန်ခေါ်ပါ့မယ်၊ ကျေးဇူးတင်ပါတယ်ရှင်” ဆိုတဲ့ အသံ ကို နားထောင်၊ ဘာမက်ဆေ့ခ်ျမှ မထားခဲ့ဘဲ ဖုန်းပြန်ချ၊ အဲသည်လို အခါများစွာ လုပ်ခဲ့တော့ နောက်လူ အတွက် ”မက်ဆေ့ခ်ျဘောက်စ် ပြည့် နေပါပြီ၊ ဝမ်းနည်းပါတယ်ရှင်” ဆိုတာပဲ ကြားရပြီး မက်ဆေ့ခ်ျ ချန်မရ ဖြစ်ခဲ့တော့တာ။

ကျွန်မကို လွမ်းလို့၊ ကျွန်မအသံ ကို ကြားချင်လို့ သူသည်လို လုပ်တာဟု ဖြေ ရှင်းချက်ပေးလေသည်။ ဒါကို ကြည်နူးရမည့်အစား ကျွန်မက နားမလည်၊ ဒီအခါ နှလုံးသားနှင့် မခံစားတတ်ဟု အပြင်းအထန် စွပ်စွဲပါတော့ သည်။ ကဗျာသမား၊ စာသမားမိုးက အဲသည်လို ခပ်ကြောင်ကြောင် စိတ်ကူး ယဉ်ဆန်သူလည်း ဖြစ်သေးသည်။

ကျွန်မနှင့် အတူသွားနေရာက သူ့စာပေ ဆွေးနွေးဖော်များတွေ့လျှင် ကျွန်မ ဘေးနားရှိသည်ကို လုံးလုံးမေ့ တတ်သူ၊ ”ပြန်ချင် ပြန်လေ” ဟု သံယောဇဉ်မဲ့စွာ ပြောတတ်သည်မှာ ချိုဦးခင် ဆိုသောမိန်းမကို သူဖြင့် ဘယ်တုန်းကမှ မချစ်ခဲ့သလိုလို။ လူချင်း မတွေ့ရချိန်တွေမှာ လွမ်းလှချည် ရဲ့ဆို ပြီး ကျွန်မဖုန်းထဲက အသံကလေး နားထောင်ရင်း အလွမ်းဖြေရ သည်မှာ သူပဲ မဟုတ်တော့သလိုလို။

တွေ့ကြတဲ့အခါ စကားတစ်လုံးမှ မဆိုဘဲ ကျွန်မနှင့် ခပ်လှမ်းလှမ်း ထိုင်ကာ ကျွန်မမျက်နှာကိုငေးရင်း ကဗျာစပ်ချင် စပ်နေတတ်သည်။ ပြန် ကြရအောင် ဆိုမှစပ်ထား သောကဗျာ ကို ကျွန်မလက်ထဲထည့်ကာ ကျွန်မ နဖူးကို ခပ်ဖွဖွဖိကပ် မွှေးကြူတတ်သူသာ။ သူစိတ်ကောက်လျှင်ဖြင့် ဘာစကား တစ်လုံးမှ မပြောတော့ဘဲ ခြေလှမ်း ကျဲကြီးများ နောက်လှည့်မကြည့် စတမ်းလှမ်းကာ ကျွန်မတစ်ယောက်တည်း လမ်းလယ်မှာ ထားခဲ့ရက်နိုင် သူလည်း ဖြစ်လေသည်။ ဤသည်မှာ သူ့ကဗျာတွေလိုပဲ ကျွန်မ ဘယ်တော့မှ နားမလည်နိုင်တော့မယ့် ကဗျာဆရာ ရဲ့ အချစ်တွေဖြစ်လေသည်။

အချစ်ရေး၌ စိတ်ကောက်လိုက်၊ ချော့လိုက်၊ ပြန်ချစ်လိုက်ကြနှင့် စိတ် လှုပ်ရှား ကြည်နူးဖွယ် ဖြစ်သော်လည်း လက်တွေ့ အိမ်ထောင်သည် ဘဝထဲ ရောက်သွားကြသည့် အခါမှာတော့ နားလည်မှုမရှိ ခြင်းသည် အက်ကြောင်းတွေ အခါခါထပ်လျက် ဘဝနှစ်ခု ကွဲပျက်စေဖို့သာ ဖန်လေ မည်လား။ နားလည်မှုဟူသည် အိမ်ထောင်ရေး၌ သာယာဖွယ်သော စောင်း ကြိုးကို မြည်ဟည်း ညင်းသွဲ့စေသည်ဟု ယုံကြည်ထားသော ကျွန်မအတွက် မိုးနှင့် ရှေ့ဆက်၍ ဖြစ်ပါ့မလားဆိုသည့် အတွေးတို့ ရင်၌ကိန်း ခဲ့ပြီ။ နောက် တစ်ခေါက် ခဲမှန်မည်ကို ကြောက်လန့် နေသော စာသူငယ် ကျွန်မသာ။

မိုးသည် ကျွန်မအပေါ် ခံစားမှုမရှိတော့သည့် တစ်နေ့နေ့မှာ ”ကိုယ်တို့ ခွဲကြရအောင်ကွာ” ဟု ဘာမှမဖြစ်ခဲ့ သလို အေးစက် စိမ်းကားရဲမည့် သူမျိုး ဟု တွေးမိတော့ ကျွန်မနှလုံးသားတို့ ဆတ်ဆတ်ခါခဲ့ရပြန်သည်။ အဲဒီ တစ်နေ့ကို ကျွန်မရင်ဆိုင်နိုင်ပါမည်လား။ ကျွန်မကပဲ ခြေထောက် မိုးပေါ် ထောင်သော တစ်တီတူးတစ်ကောင်လို ဘာကိုမှ စိတ်လက်မချ ဖြစ် တတ်သူလား။ မသေချာပါ။ သေချာတာကတော့ ကျွန်မ စိတ်တင်းမာပြတ် သားမှ ဖြစ်မည်။

အသည်းခွဲဖို့ မရည်ရွယ်ပါ။ သို့သော် အချစ်၌ အားနည်းစိတ်ပျော့ သူသာ အရှုံးဟုသတ်မှတ်လျက် စိတ် အင်အားချင်းပြိုင်ရာ၌ မွေ့လာခဲ့သည်။ သိုးကလေးလို နူးညံ့သော မိုးကိုတော့ သနားမိပါသည်။ သို့သော် ထိုအချိန် က ကျွန်မသည် အရှုံးကို ကြောက်သော၊ သားကောင်ကို ညှာတာရိုး ထုံးစံ မရှိ သော မုဆိုးတစ်ယောက်သာ ဖြစ်ခဲ့သည်။ ချစ်ခဲ့ဖူးသော ယောက်ျားများ နှင့် သုံးကြိမ်မြောက် ခွဲခွာရခြင်း၌ ကျွန်မ မတုန်လှုပ်တော့။ ကျွန်မ၏ လက်တို့ယဉ်ပါးခဲ့ပြီ ဖြစ်သည်။

"အချစ်သည် ကြိုးတစ်ချောင်းလည်း ဖြစ်သေးသည်။"

ထွဋ်နှင့်စတွေ့တာက ထွဋ်တို့အိမ်မှာ။ ကျွန်မတို့မိသားစု ကိုးကွယ်သော ဆရာတော် ရန်ကုန်ကြွလာခိုက်၊ ဆွမ်းကပ်ရန် အမေပင့်ခိုင်း၍ ဆရာတော် ကျောင်းအဖြစ် သီတင်းသုံးနေသော ထွဋ်တို့အိမ်ကို ရောက်ခဲ့ ရာက စပါသည်။ အိမ်နေရင်းမို့ ပေါ့ပေါ့ပါးပါး စွပ်ကျယ်လက်ပြတ်နှင့် ချည်ပုဆိုးလေး တစ်ထည်ဝတ်ထားသော သူက ကျွန်မကို ရေအေးအေး တစ်ခွက် အရင်ဆုံး တိုက်ခဲ့သည်။ သူ့ဆံပင်တွေကို ဘီးကုတ် တစ်ချောင်း နှင့် နောက်လှန်သိမ်းထားပြီး ညာဘက်နားမှာ ရွှေနားကွင်း ပြောင်ထူထူလေး ဝတ်ထားသော ထွဋ်သည် ခင်မင်နှစ်လိုဖွယ်၊ လူကြီးလေး တစ်ယောက်လို ရင်းနှီးနွေးထွေးစွာ ကျွန်မကို ဧည့်ခံခဲ့သည်။

ဆရာတော် အပြင်ကြွသွားတာမို့ ဖုန်းနံပါတ် ပေးထားခဲ့ပါ၊ ဆရာတော် ဖုန်းပြန်ဆက် ပါလိမ့်မယ် ဆိုလာပေမယ့် တကယ်တမ်း ကျွန်မဆီ ဖုန်း ခဏခဏခေါ်သူက ထွဋ်သာ ဖြစ်လေသည်။
ထွဋ်နှင့်ကျွန်မ ချစ်သူတွေ ဖြစ်သွားကြပြီးသည့်နောက် ထွဋ်၏ သဝန် တိုမှုများ၊ ကျွန်မအပေါ် ချုပ်ချယ်လိုမှုများ အကြား အတော်ကလေး စိတ်အကျဉ်းကျခဲ့ရပြန်သည်။

ထွဋ်နှင့် ဗိုလ်ချုပ်ဈေး သွားခဲ့ကြသော တစ်နေ့က ဖြစ်ပါသည်။ ထုံးစံအတိုင်း ထွဋ်ဒီဇိုင်းက ရော့ခ်ကာ တစ်ယောက်လို လန်းလွန်း သွက်လွန်း နေကာ ကျွန်မကတော့ ဝတ်နေကျ ရင်ဖုံးအင်္ကျီလက်ပြတ် ကျောက်စိမ်း ရောင်လေးနှင့် ပန်းဆီဖျော့ဖျော့ပေါ် တွင် ကျောက်ခက်နွယ်မျှင် စိမ်းကလေးများ ခပ်ရှုပ်ရှုပ်ရောယှက်ထားသော လုံချည် ဆင်ကလေး ဝတ်ထားခဲ့သည်။ ဈေးဝယ်လို့မှ မပြီးသေးခင် ကျွန်မ ညာဘက် လက်ကောက်ဝတ်ကို ခပ်တင်းတင်း ဆုပ်ကိုင်ကာ ကားထားရာဆီ တရွတ်တိုက်မတတ် ဆွဲခေါ်ခံခဲ့ရသည်။ ပြီးတော့ ကားတံခါးဖွင့်ပေးပြီး ကားပေါ်ကို အရုပ်တစ်ရုပ်လို မညှာမတာ ထိုးသိပ်ထည့်ခဲ့လေသည်။

အရှေ့နှင့်အနောက်လို ကွဲပြားလှသော ကျွန်မတို့နှစ်ယောက်၏ ဝတ်စား ဆင်ယင်ပုံသည် လူကြည့်ချင်စရာ၊ လူသတိပြုမိစရာ ဖြစ်နိုင်ကောင်းပါ သည်။ ဒါကိုပင် ထွဋ်က သဘောမကျ ဖြစ်ရလေသည်။ သူနှင့် အပြင်သွား တိုင်း ကျွန်မမှာ သူ့အရပ်မားမားကြီး ဘေးက မပြေးရုံတမည် သူ့နောက် အမီလိုက်ရသည်။ ကြာသော် စိတ်ပျက်စရာ ကောင်းလောက်အောင် သူ အလွန် သဝန်တိုတတ်သည်မှာ ချစ်ရှာ လွန်းလို့ပဲလေဟု ပင် ဖြေမတွေးနိုင်တော့ပါ။

နောက်ဆုံး ညှိမရသည့်ကိစ္စ တစ်ခုမှာ လက်ထပ်ပြီးလျှင် သူပဲရှာ ကျွေးမည်၊ ကျွန်မအလုပ် လုံးဝလုပ်စရာ မလိုဆိုတာပဲ ဖြစ်သည်။ နေစရာအိမ်တောင်မှ သူ့မိဘတွေ အိမ်နှင့် ကပ် လျက်မှာပဲ ရအောင်စီစဉ်မယ် ဆိုလာပြန်သည်။ ကျွန်မကို လှောင်အိမ်ထဲ ထည့်ကာ မျက်စိဒေါက်ထောက်ကြည့် လိုခြင်းကြောင့်ဟု ခံစားသိနှင့် သိလိုက် ရပါသည်။ မမြင်နိုင်သော်လည်း တင်း တင်းရစ်ဖွဲ့ထားသည့် ကြိုးများအကြား အသက်ရှူမဝခဲ့ပါ။ မွန်းကျပ်မှုကို မုန်းသည်၊ ညင်သာ လွန်းသော်လည်း ချည်နှောင်မှုကိုဖြင့် ကျွန်မ ဘယ်လိုမှ လက်မခံနိုင်ခဲ့ပါ။

ကျွန်မ၌ သင်ယူတတ်မြောက် ထားသော ပညာရှိသည်။ ကိုယ့်ခြေထောက် ပေါ် ကိုယ် မားမားရပ်နိုင်သည်။ ရပ်လိုစိတ်လည်း ရှိသည်။ ပြီးတော့ ကျွန်မမှာလည်း ဆွေရယ် မျိုး ရယ်ဆိုတာ ရှိသေးသည်။ သူနှင့် လက်ထပ်ပြီးလျှင်ပဲ ကျွန်မမှာ ဆွေခန်း မျိုးခန်းဖြတ်ကာ သူ့မျက်နှာ တစ်ရွာ ထင်ရမယ့် အဖြစ်။ ကိုယ်တိုင်ကျ တော့ နိုင်ငံတကာ မှာလှည့်၍ အလုပ် လုပ်နေသည့်သူ၊ ကျွန်မကိုကျတော့ အိမ်ထဲမှာပဲ အကျဉ်းချထား လိုသူ ဖြစ် သည်။ သူက ကျွန်မ၏ အတောင်ပံများကို သံခြေချင်း ဝတ်ထားစေလိုသူ၊ ကျွန်မ၏ လွတ်လပ်ခွင့်တို့ကို အချစ်ဟု အမည်တပ်ထားသော ကြိုးတစ်ချောင်းနှင့် လှလှပပတုပ်နှောင် လိုသူသာ ဖြစ်သည်။

မောပန်းလှပါသည်။ ‘ချောင်းကို ပစ်၍ မြစ်ကိုရှာ၊ ရေသာများ၍ ငါး မတွေ့’ ဆိုသည့် စကားပမာသည် ကျွန်မနှလုံးသားကို ဖျစ်ညှစ်ဆုပ်ခြေ နေသကဲ့သို့ပင်။ ထွဋ်ကို လမ်းခွဲထားရစ် ခဲ့ရပြန်ပါသည်။ ကျန်ရစ်ခဲ့သူမို့ ပိုနာကျင်ရသည် ဆိုသည်ကို ကျွန်မလက်မခံပါ။ စွန့်ခွာ သူတစ်ယောက်အနေနှင့် ခံစားခဲ့ရ သည်များကို ကျွန်မသာ အသိ ဆုံးဖြစ် ခဲ့သည်။ နောက်ပိုင်းကာလများ၌ အချစ်ဆိုသည်ကို လေသံကလေးမျှ မကြားချင်ခဲ့တော့ပါ။ စိတ်တို့သည် ပဝါပါးကို ရေနှစ်၍ တစ်နေရာတည်း မှာ ပုံချထားသလို ငြိမ်ဝပ်နေလျက် လူတွေနှင့် ဝေးသထက်ဝေးလာသလို ခံစားခဲ့ရသည်။

မေမေ ပြောဖူးသောစကားကို ပြန်လည် ကြားယောင်စဉ် မချိသော အပြုံးမဲ့မဲ့ တစ်ခု ကျွန်မမျက်နှာပေါ် ဖျတ်ခနဲပြေးလေ၏။ ”မိန်းကလေး တစ်ယောက်ရဲ့ တန်ဖိုးဟာ သူထားတဲ့ ရည်းစားအရေအတွက်နဲ့ ပြောင်းပြန် အချိုးကျတယ် သမီး” တဲ့။ ကျွန်မ ဟက်ခနဲတစ်ချက် ရယ်မိလေသလား ပင်မသိပါ။ ကျွန်မ၏ တန်ဖိုး၊ မိန်းကလေး တစ်ယောက်၏ တန်ဖိုး၊ ကျွန်မ မေ့မနေခဲ့တာ သေချာပါသည်။ သို့သော် မိန်းမသားများ၏ ရွေးချယ် ခွင့်နှင့် တန်ဖိုးအကြား မျှခြေရှာရန်မှာ ကျွန်မအတွက်တော့ ခဲယဉ်းနေသေး သည်။

မအောင်မြင်သော အချစ်ရေးများထဲမှာ မိန်းမ တစ်ယောက်၏ ယခုထိအောင် မကွဲနိုင်သေးသော နှလုံးသား သိပ်သည်းဆ ခံနိုင်ရည်အား အတွက် ကျွန်မ ဝမ်းပန်း တသာ ဖြစ် သင့်ပါရဲ့လား။ အသည်းကွဲ၍ ကျခြင်း မဟုတ်သော မျက်ရည်များက ကျွန်မ ပါးပြင်နှစ်ဖက်ပေါ်မှာ တလိမ့်လိမ့် ပူနွေးစွာ။ သို့သော် သေချာပါသည်။ ကျွန်မ မငိုပါ။ ကျွန်မ မငိုတတ်ပါ။ ဘဝ၏ အစိတ်အပိုင်း တစ်ခုမျှသာဖြစ်သော အချစ်အတွက် ကျွန်မ သတ္တိကြောင်သူ မဖြစ်လိုပါ။

ကျွန်မအတွက်တော့ …
အချစ်သည် ဆေးခါးကြီး တစ်ခွက်နှင့်တူသည်။ အချစ်သည် ကျွန်မ လက်ထဲ က ယုန်ဖြူကလေး တစ်ကောင်ဖြစ်သည်။ တစ်ခါတစ်ရံ၌ အချစ်သည် သိုးငယ်ကလေး တစ်ကောင် ဖြစ်သည်။ ပြီးတော့ အချစ်သည် ကြိုး တစ်ချောင်းလည်း ဖြစ်နိုင်သေးသည်။

မည်သို့ပင်ဆိုစေ အချစ်သည် အချစ်သာ ဖြစ်သည်။ အချစ်၌ ပင်ကို အရောင်ကင်းမဲ့၍ အချစ်နှင့် ထိတွေ့ ဆက်ဆံသူတို့၏ အရောင်ဆိုး ခြယ်လှယ်ခြင်းကိုသာ ခံယူရမြဲပင် ဖြစ် သည်။
ကျွန်မကဖြင့် အချစ်ကို အရောင် အမျိုးမျိုး စွန်းထင်းစေခဲ့ပြီ။

ဇွန်လ-၂၀၁၂- ရတီမဂ္ဂဇင်း 

ဗြဟ္မစိုရ်ခြေလှမ်း လှမ်းကြသူများ

ကျွန်မတို့အားလုံး ဟိုးငယ်စဉ်ကလေးဘ၀ လမ်းလျှောက်တတ်စကတည်းက ခုချိန်ထိ ခြေလှမ်းတွေ အများကြီး လျှောက်လှမ်းခဲ့ကြဖူးပါတယ်။ ဘ၀မှာ တစ်ဦးတစ်ယောက်ချင်းစီရဲ့ ယုံကြည်ချက်တွေ ကွဲပြား၊ ရပ်တည်ချက်တွေ မတူကြတဲ့အခါ လျှောက်ဖြစ်ကြတဲ့ ခြေလှမ်းတွေ အသီးသီးဟာလည်း တူကြမယ် မဟုတ်ပေဘူးပေါ့။ အဲဒီလို ခြေလှမ်းတွေရဲ့ လားရာမတူတာနဲ့အမျှ ပန်းတိုင်တွေ ကွဲပြားသွားကြတာ အံ့သြစရာမဟုတ်ဘူးလို့ သဘာဝကျကျ လက်ခံထားမိပြန် ပါတယ်။

မေတ္တာ၊ ဂရုဏာ၊ မုဒိတာ၊ ဥပေက္ခာဆိုတဲ့ ဗြဟ္မစိုရ်တရား လေးပါးကို ကျွန်မတို့အားလုံး သိထားကြပါတယ်။ သိပေမဲ့လည်း လက်ကိုင်ကျင့်သုံးဖို့တော့ ခက်ကောင်းခက်နေပါလိမ့်ဦးမယ်။

ဒီလို ခက်ခဲတဲ့လမ်းကိုမှ ရွေးချယ် လျှောက်လှမ်းနိူင်စွမ်းသူတွေကိုတော့ဖြင့် လေးစားအားကျလို့ မဆုံးတော့ ပါဘူး။ 

ကျွန်မတို့ ချစ်ခင်ခဲ့ရဖူးတဲ့ မင်းသား(ဦး)ကျော်သူ၊ သူ့ဇနီး(ဒေါ်)မြင့်မြင့်ခင်ဖေ ခေါ် ရွှေဇီးကွက်နဲ့ အဆိုတော် သီချင်းရေးသူ ဆရာဝန် (ကို)ဆောင်းဦးလှိုင်တို့ရဲ့ လူမှုရေးစွမ်းဆောင်မှုတွေကို ကြားသိပြီး ဖြစ်ကြမှာပါ။ သူတို့တွေရဲ့ ယုံကြည်ချက်ပေါ်မှာ စွဲစွဲမြဲမြဲလျှောက်လှမ်းနေတဲ့ ခြေလှမ်းတွေအကြောင်းကို ကျွန်မတို့နဲ့အတူ မျှဝေခံစားဖို့ သူတို့ သုံးယောက် စင်္ကာပူကို လာရောက်ကြပါတော့မယ်။

အစီအစဉ်က….

ဇူလိုင်လ ၁၅ ရက်

ညနေ ၃နာရီမှ ၈နာရီ

Jurong East Sports & Cultural Centre

လက်မှတ်တွေကို ရနံ့သစ် B1-07 ၊ သပြေနု 02-55 - ပန်နီစူလာ ပလာဇာမှာ ၀ယ်ယူအားပေး နိူင်ကြပြီး လက်မှတ်ဈေးနှုန်းတွေက ၂၀ နဲ့ ၂၅ ဒေါ်လာပါ။ 

ပွဲအကြောင်းအသေးစိတ် ဆက်သွယ် မေးမြန်းချင်တယ်ဆိုရင်တော့ ၈၁၆၁ ၂၂၄၄၊ ၉၈၀၀ ၄၁၁၈၊ ၉၁၈၆ ၉၁၄၀၊ ၉၁၀၁ ၆၄၆၄ တို့ကို ဆက်သွယ်မေးမြန်းနိူင်ပါတယ်။

ဒီအစီအစဉ်မှာ သူတို့ သုံးယောက်နဲ့အတူ ဥက္ကာဦးသာရဲ့ သံစဉ်တေးသွားတွေကိုလည်း နားဆင် ကြရဦးမှာပါ။

ဒီပွဲမှာ ရုပ်ရှင်သရုပ်ဆောင် အကယ်ဒမီဦးကျော်သူရဲ့….

-အနုပညာရှင်ဘ၀မှသည် နာရေးကူညီမှုအသင်း (ရန်ကုန်)ရဲ့ ဥက္ကဋ္ဌဘ၀ ဖြတ်သန်းမှုပုံရိပ်များ (အမေး အဖြေ)

ဒေါ်မြင့်မြင့်ခင်ဖေ ခေါ် ရွှေဇီးကွက်ရဲ့….

-လူသားအကျိုး၊ လူသားဝါဒ၊ အရပ်သားလူ့အဖွဲ့အစည်း

-နာရေးကူညီမှုအသင်း (ရန်ကုန်)၏ အနာဂတ်

(ကို)ဆောင်းဦးလှိုင်ရဲ့….

-၈၈နောက်ပိုင်း ဂီတသမားတစ်ယောက်၏ ဂီတ၊ လူမှုကွန်ယက်၊ နိူင်ငံ့အရေး

ပြီးတော့ နာရေးကူညီမှုအသင်းရဲ့ Group Song ဖြစ်တဲ့ "ခွဲမရတဲ့ တွဲလက်များ"ဆိုတဲ့ သီချင်းကို သံပြိုင် သီဆိုကြပြီး အမှတ်တရ ဓါတ်ပုံများ ရိုက်ကူးကြမှာ ဖြစ်ပါတယ်။

မိတ်ဆွေအားလုံးကို ဒီပွဲလေးမှာ တစ်စိတ်တစ်ပိုင်းအနေနဲ့ ပူးပေါင်း ပါဝင်ရင်း ဗြဟ္မစိုရ်ခြေလှမ်းတွေ အတူလှမ်းကြဖို့ ဖိတ်ခေါ်လိုက်ပါရစေရှင်…။ 

"Be part of us"

A Burmese’s request to all Medias : “Stop Pushing a Religion War to my Country”

ဒီပိုစ့်လေးကို မျှဝေခွင့်ပြုတဲ့ မူရင်းရေးသားသူ Htet t San ကို ကျေးဇူးတင်ကြောင်း  အရင်ဆုံးပြောပါရစေ။ ကျွန်မတို့ ပြောချင်တဲ့ စကားတွေ၊ မီဒီယာတွေကို ပေးချင်တဲ့ မက်ဆေ့ခ်ျတွေကို သူ့ဆောင်းပါးထဲမှာ ကျွန်မတို့ခံစားချက်နဲ့ ထပ်တူထပ်မျှ တွေ့ရ ကြားရပါတယ်။ အားလုံးလည်း ဖတ်ပြီးလို့ ပြန်လည်မျှဝေချင်ရင် သူ့ရဲ့ မူရင်းလင့်ခ်လေးကို ဖော်ပြပြီး ပြန်လည်မျှဝေနိူင်ပါတယ်။

အမှိုက်ထဲက ရွှေကို ထုတ်ယူသန့်စင်ပြီး ပြောကြကြေး ဆိုရင်တော့ ဒီအရေးပေါ်ပေါက်လာမှုကြောင့် ကျွန်မတို့ တိုင်းရင်းသားတွေအချင်းချင်း ကရင်ရယ်၊ ကချင်ရယ်၊ ရခိုင်ရယ်၊ မြန်မာရယ် မခွဲခြားတဲ့ ချစ်ခင် စည်းလုံးမှုကို မီးမောင်းထိုးပြလိုက်သလိုပဲ လို့ မြင်မိပါတယ်။

သူ့ရဲ့ မူရင်းပိုစ့်လေးကို ဖတ်ကြည့်ကြရအောင်ပါ။

This post is entitled to all the medias who are responsible for the news they are creating which are recently concerned with the latest news with Rohingya people in my country.

My name is Htet San, a born and raised artist from Burma.

It’s been a world known fact that my country was suppressed by Juntas for decades and only recently, the people from Burma and the country itself are starting to get brighter hopes for their future, the hopes arising from the positive reforms of the country. I am one of those majority with high expectations who want to see my native land shines with the   hopeful smiles of the people again.

Even though Burma does not have a fully functional democracy yet, there’s never a racist problem among the people living in there. We have our own freedom of choice for religion and different people with many different religions, Buddhists, Christians, Muslims  and many others, are living inside the country very peacefully.

Recently, riots between the Rohingya people and our ethnic group, Arakanese are happening in the North West part of the country. There are scandals created by outsiders and some countries that “Rohingyas” as one of our ethnics groups and nationality but in fact, they are merely the descendants and refugees of Bengali. Our historians have proved historically on that topic and if any scholar is in doubt, they would be happy to explain with facts.

Many countries accuse Burma of not respecting human rights for Rohingyas but it’s only Burma who let them stay in our ground for many decades. But, demanding to give away a national territory and an ethnic identity is the matter beyond humanitarian concerns that a nation has to consider for its own people. I want to ask all the human rights activists, developed countries and medias who are forcing Burma to do such giveaways. What will your countries do in that case? Will you even let them stay in your ground? Why are you all pushing to accept more burdens to a small country which has very limited resources for its own people ?

Rohingya people are currently burning down many of our villages and killing our ethnics people. Majority of the locals became homeless in addition to their already harsh lives.

What is the responsibility of a nation when it’s national security is threatened?

Burma is not declaring a war against any race or religion . It’s true Rohingyas are muslims. But, the concept of the respond act is not fighting against the Islamic community and Muslims. Burmese government is just protecting our ethnics groups from Rohingya’s violent attacks. But, some of the medias don’t see this concept as exciting enough.

Starting from BBC, VOA, RFA, DVB, even Reuters and New York Times, whenever I read the news, the headlines about this incident is titled as “Buddhists Vs Muslims” or “Burmese Vs Muslims”. Some medias even stated initially that “ Rohingya’s abuse as Burma’s attack”. People in Burma already stated publicly that this is not the case against religion. Even the Musilm Associations in Burma announced that they agree Rohingya’s actions as violent attacks. We have statements ready to prove.

But, are our voices not loud enough or just plainly neglected?

Foreign medias keep spreading propaganda about Burma having religious conflicts within the region and making statements against the truth that can worsen the country’s situation right now. It’s like all the major medias are trying to shift the attention of the Islamic community around the world to Burma and pushing a major religion war to happen  inside the country.

Is it intentional or ignorance?

I understand the fact that picking up the controversial ideas would make a news piece interesting but what if that idea doesn’t tell the truth and gonna make things worse? Isn’t the medias’ responsibility to investigate the facts properly before announcing a news to the world? Or, being able to grab more attention and increased rating is the modern value of journalism?

Medias have a great power to shape the world. What if what you wrote would cost more wars and ruin more lives? Will you write the same thing if your little son or daughter, your beloved husband/wife or your elderly father and mother is in the war zone? I highly doubt if any of those writers who wrote recent news about Burma that I mentioned above had a real life experience living in Burma. If you have never been in someone’s shoes, be careful in your guessing games. Sitting comfortably in your chair writing made-up stories about recent news without proper knowledge and experience  will not make you realize the real truth like Rohingyas burnt their own houses first before they burn  Arakans’ to manipulate the media about them being abused.

I don’t think the primary intention of people who study journalism is to create more wars and kill more people with your pen. Please be careful.

I am deeply very sorry about all the lives that cost from both sides of this riot. Like Rohingyas, there are also lakhs of burmese refugees living in the borderline of Thailand-Burma. But, have you ever heard such an issue of Burmese refugees’ abusive action towards the host country? I understand that Rohingyas are also human beings and wish no further harm would be involved to them. We oppose to Genocide but, like every country in the world, Burma also has principles to those who broke the laws.

I read an opinion piece on Aljazeera article today. It’s very amusing to see how the writer judged on Burma based on peoples’ angry comments on Facebook  that make me wants to question his professionalism. How would you feel if your mother has been stabbed on her back?  How did the whole world react first when World Trade Center crashed down? The sudden furious state of mind in respond to the news of their relatives and friends’  being hurt doesn’t mean Burmese as racists and Burma as a racist country. At least, we are not invading other countries and declaring a war. We are protecting our people. If you are not familiar with the law of religion freedom in Burma , welcome to our country.

The author also stated Islamophobia and the fear of “the other” in Burmese.  This does not really make sense, especially the latter part but just to let you know,I am free from both disorders.  In fact, I have a lot of Muslim friends in which one of them is my best friend who is one of the kindest and intellectual people I have ever known. Plus, I love eating Biryani and Muslims food. My country, Burma, is open to any religion and we have respect to people with different religions.  Burmese are very peaceful people who are able to smile everyday even under the harsh authority of Military Juntas in the past. If you have ever been to Burma, you will know what I mean.

This is all I want to say. I know my voice is small and might not be able to influence any of the current events happening.

But, I believe that I am representing many of the Burmese voices. We hope our leaders would make an effective resolution towards this current affair.

We all Burmese people want peace and want the country to be able to proceed the positive reforms it has been waiting for so long. So, I would like to request all medias one thing, please support us or if you can’t do this, please don’t exaggerate the wrong facts  and murder the hope of millions of people.

Again, this recent riot is NOT about the religions and races. We are just defending from violence which is what every country would do if their nationalities are harmed. Burma is NOT a racist country.

Thank you for reading til the end.
Htet San

 Credit to : မူရင်းရေးသားသူ Htet t San
Link : မူရင်းလင့်ခ်

ကြုံရာဆုံရာ မင်းအကြောင်း "လူစီ"

လူစီနဲ့ကျွန်မက လူမျိုးချင်းလည်း မတူ၊ ဘာသာချင်းလည်း မတူသလို ကြီးပြင်းခဲ့ရာ အသိုင်းအ၀န်းချင်းလည်း ခြားနားပါတယ်။ ဒါပေမဲ့ သူလည်း မိန်းမ၊ ကျွန်မလည်း မိန်းမတစ်ယောက်မို့ မိန်းမသားချင်း စာနာတတ်တဲ့စိတ်နဲ့ သူ့အကြောင်းတွေးမိတိုင်း သူ့အပေါ် ဂရုဏာစိတ်ဖြစ်ရတယ်။

သူ သားကလေးကို ကိုယ်ဝန်လွယ်ထားတဲ့အချိန်မှာ ယောကျာ်းဖြစ်သူက နောက်မိန်းမကို အိမ်ပေါ်ခေါ်တင်လာပြီး သူ့ကို အိမ်ပေါ်ကဆင်းခိုင်းတာ ခံခဲ့ရတဲ့ မိန်းမ။ အိမ်ထောင်သက်တစ်လျှောက်လုံး အလုပ်ကို လက်ကြောတင်းအောင် မလုပ်တဲ့ ယောက်ျားရဲ့ လက်ဖြန့်တောင်းနေသမျှကို သူ့ရှာစာဖွေစာလေးနဲ့ ဝေမျှပေးကမ်းသုံးစွဲလာခဲ့ရတဲ့ မိန်းမ။ အဲသလို လူစီ့လိုမိန်းမမျိုးကိုမှ နောက်မိန်းမခေါ်လာပြီး အိမ်ပေါ်က နှင်ချရက်တဲ့ ယောက်ျား၊ ပြီးတော့ အဲဒီအချိန်မှာ လူစီဟာ သူနဲ့ရတဲ့ သွေးသားကလေးလွယ်ထားရတဲ့ အချိန်။ လူစီက စိတ်နာလွန်းလို့ တရားဥပဒေနဲ့ ရင်ဆိုင်ပြီး ပိုင်ဆိုင်သမျှ ဝေခြမ်း၊ ကွာရှင်းပေးခဲ့တယ်။ အဲဒီနောက်တော့ သားကလေးတစ်ယောက်ပဲ သူ့ဘ၀မှာ သူ့အတွက် ပုံအပ်ချစ်စရာလို့ မှတ်ယူခဲ့တော့တယ်။ အဲဒီတုန်းက လူစီ့အသက်က ၂၇လောက်ပဲ ရှိသေးတာ။ မိန်းမတစ်ယောက်အတွက် အရွယ်ကောင်းလို့ ဆိုရမယ်။

ကျွန်မနဲ့ စသိကြတော့ လူစီက ကျွန်မတို့ရုံးကို လူသစ်အနေနဲ့ ၀င်လာကာစ။ ဖော်ရွေခင်မင်စရာကောင်းတာမို့ ကျွန်မနဲ့ ချက်ချင်းလို ခင်မင်ခဲ့ကြတယ်။ နေ့လည်စာ အတူထွက်စား၊ ညနေဆိုလည်း ရုံးကားအတူစီးပြီး ပြန်ကြနဲ့ တစ်နေ့တာမှာ လူစီနဲ့ ကျွန်မတွေ့ချိန်တွေက တစ်ခြားရုံးသားတွေထက် အချိန်အတော်လေး ပိုများပါတယ်။ တခါတလေ ရုံးအဆင်း အိမ်ကိုတန်းမပြန်သေးဘဲ လူစီနဲ့အတူ ဈေးပတ်နေကြတဲ့ ညနေတွေလည်း ရှိခဲ့ပါရဲ့။

လူစီက ခရစ်ယာန်ဘာသာဝင်၊ ကက်သလစ်။ ဗုဒ္ဓဟူးနေ့ ညနေရုံးဆင်းတိုင်း သူ့သားလေးနဲ့အတူ ဘုရားကျောင်း သွားလေ့ရှိတယ်။ သူ့နာမည် လူစီယားနားဆိုတာက သူတော်စင်နာမည်၊ သူ့သားလေး နာမည် နောဘတ်ဆိုတာကလည်း သူတော်စင်နာမည်ပဲလို့ ကျွန်မကို ပြောပြဖူးတယ်။ အဲဒီလို ပြောနေတဲ့ အချိန်တွေမှာ သူ့မျက်နှာက တကယ့်ကို သူတော်စင် တစ်ယောက်လို သူ့ကိုယ်သူ အားရကြေနပ်နေတဲ့ဟန်အပြည့်နဲ့။

ရုံးမှာ ကိုယ်ရေးကိုယ်တာဖုန်းဆိုရင် အားလုံးက တိုးတိုးဖွဖွပြောနေကြတဲ့အထဲ ကျယ်ကျယ်လောင်လောင် အော်ဟစ်ပြော ဆိုနေသူဆိုရင် ဘယ်သူလဲလို့ မမေးနဲ့၊ လူစီပဲ။ နေ့လည်တွေမှာ သားကို ဖုန်းဆက်ပြီး ဘာလုပ်နေလဲ၊ ဘာစားသလဲ၊ ဂိမ်းတွေ တစ်ချိန်လုံး ဆော့မနေနဲ့၊ ကျောင်းကပြီးရင် အိမ်တန်းပြန် ဘာညာနဲ့ ပြောနေတာ တစ်ရုံးလုံးမကြားချင်မှအဆုံးရယ်။ သူ့သားလေးက ကလေးပီပီ အစားမမက်ဘူး၊ ဂိမ်းပဲ၊ အဆော့ပဲမက်တာ။ များသောအားဖြင့်တော့ လူစီနဲ့ သူ့သားက ဖုန်းထဲမှာ အော်ဟစ်နေ ကြတာများတယ်။ လူစီကပဲ အော်ဟစ်ဆူပူနေတာပါ။

တစ်နေ့  သူ့အိမ်အကူ အင်ဒိုနီးရှားမလေးကို  ရုံးခေါ်လာတယ်။ အိမ်မှာ ဘာမှ မလုပ်ဘဲ အိပ်နေလို့တဲ့လေ။ ပြီးတော့ သူ့သားကြိုက်တတ်တဲ့ စပက်ဂတီ-အီတလီခေါက်ဆွဲ မချက်တတ်ရကောင်းလား၊ သူ့သားကို အစားဝင်အောင် မကျွေးရကောင်းလားနဲ့ တပူပူ တဆူဆူ လုပ်နေတော့တယ်။ သူ့ကြည့်ရတာ ဘာကိုမဆို အသံကျယ်ကျယ်နဲ့ အော်လိုက်ဟစ်လိုက်ရမှ သူ့စိတ်တွေ သက်သာရာရတယ်၊ ပြေလျော့တယ်နဲ့ တူပါရဲ့။ တစ်ရုံးလုံးက သူ့အကြောင်း သိနေလို့သာပေါ့။

ပြီးတော့ အလုပ်ကိစ္စနဲ့ ဆပ်ပလိုင်ယာတွေကို ဖုန်းဆက်ပြီဆိုရင်လည်း ဒီလိုပဲ။" ဟေ့ ငါက နင့် ကပ်စတမ်မာနော်၊ ငါပြောတာအမှန်" ဆိုတဲ့ အထာမျိုး လူစီ့မှာ တွေ့ရတယ်။ "ငါ ဒီဘက်က ဘာသံမှကောင်းကောင်းမကြားရဘူး၊ နင့်ဖုန်းက စုတ်နေတာ လွှင့်ပစ်လိုက်" ဆိုတာမျိုးလည်း ခဏခဏ ကြားရတတ်တယ်။ ပြီးရင် "ငါ့ကို ပြန်ခေါ်"ဆိုပြီး ဖုန်းကို ဆောင့်ချ လိုက်တတ်တယ်။ အော်ကြီးဟစ်ကျယ်ပြောနေတာမို့ အကုန်ကြားနေရတာပါပဲ။ တခါတလေများ (သူဋ္ဌေး ရုံးမှာ မရှိတဲ့အချိန်မျိုး ဆိုရင်) သူ့အိုင်ဖုန်းနဲ့ ဂိမ်းကစားနေလိုက်တာ နောက်ခံ မြူးဇစ်က အကျယ်ကြီးပဲ။ ဘယ်သူ့မှ ဂရုမစိုက်ဘူးဟေ့ ဆိုတဲ့ အပေါက်မျိုးပေါ့။ ဒါမှမဟုတ် အတွင်းကြိတ်မဟုတ်ဘူး ပေါ်ပေါ်တင်တင်ပဲ လို့ ပြောရမလားတောင် မသိပါဘူး။

ကျွန်မ ထင်တာကတော့ လူစီဟာ ကျိုးပဲ့ခဲ့ရတဲ့ အိမ်ထောင်တစ်ခုအတွက် ကျားနာတစ်ကောင်လို၊ ရှုံးနိမ့်ခဲ့ရတဲ့ အိမ်ထောင်တစ်ခုအတွက် ကျန်တာတွေအပေါ်မှာ အနိူင်ယူလိုစိတ်တွေ ကဲနေသလိုမျိုးပါပဲ။

ပစ္စည်းတစ်ခု ၀ယ်တာမှာ ဖြစ်စေ၊ သူယုံကြည်ရာ ဘာသာရေးအကြောင်းပြောတာပဲ ဖြစ်စေ၊ သူဝယ်တာကမှ အကောင်းဆုံး၊ သူ့ဘာသာကမှ အကောင်းဆုံးဆိုတာမျိုး၊ နောက်ဆုံး သူဘာပြောပြော သူပဲ အမှန်လို့ တွန်းထိုးပြောတတ်တယ်။ ငါ့စကားနွားရ ပြောတတ်တယ်။ ကျွန်မက သူပြောပြလို့ သူ့အကြောင်းကို သိထားသူမို့ သူ့အပေါ် နားလည်ပေးလို့ ရနေခဲ့တယ်။

ယောက်ျားတွေအပေါ် အထင်မကြီးဘူးဟေ့ဆိုတဲ့ လူစီတစ်ယောက် တစ်ညတော့ ကျွန်မတို့ ညစာစားပြီးအပြန်မှာ ကားကြုံရှိတယ်၊ နင် ငါနဲ့ လိုက်ပြန်လို့ ပြောလာခဲ့တာ (သူနဲ့ ကျွန်မက အိမ်ချင်းလည်း နီးတယ်လေ) ပြီးတော့ ကားပိုင်ရှင်က လူလတ်ပိုင်းအမျိုးသားတစ်ယောက်။ လူစီက ကားမောင်းတဲ့ အမျိုးသားဘေးမှာ ရှေ့ခန်းက စီးတယ်။ လူစီတို့ ညင်သာနေလိုက်တာများ သူတို့နှစ်ယောက် ကားရှေ့ခန်းက ပြောနေတဲ့စကားကို နောက်ခန်းက ကျွန်မ မကြားရဘူး။ ခါတိုင်း ဟောင်ဖွာဖွာလုပ်နေကျမို့ ဒီလိုလေသံမျိုးနဲ့ လူစီ အိညက်ညက်ပြောနေတာကို ကျွန်မက ရယ်ချင်လှတယ်။

ကျွန်မအိမ်ကို အရင်လိုက်ပို့တယ်။ ခဏပါပဲ။ ကျွန်မ အ၀တ်အစားလဲအပြီးမှာ ဖုန်းဝင်လာတော့ ထင်တဲ့အတိုင်း လူစီ့ဆီကဖုန်း။ "နင် အဲဒီလူကို ဘယ်လို သဘောရလဲ"တဲ့ ကျွန်မကို မေးလာပါရော။ "ငါ ဘယ်လိုလုပ် သိမလဲ၊ သူ့နောက်ကျောပဲ ငါ မြင်နေခဲ့ရတဲ့ဟာ" လို့ ကျွန်မက ပြန်ပြောလိုက်တော့ လူစီက ရယ်ကျဲကျဲနဲ့ "သူ့ကားကြီးတော့ ငါကြိုက်တယ်ဟ" တဲ့။ ဘုရား ဘုရား "လူစီ အရေးကြီးတာက လူနော်…လူ၊ ကားမဟုတ်ဘူး၊ နင့်ကိုရော နင့်သားလေးကိုပါ ကြင်နာတတ်တဲ့သူ၊ နားလည်တတ်တဲ့သူ ဖြစ်ဖို့ပဲ အရေးကြီးတာ" လို့ ကျွန်မက ပြောချလိုက်တာပေါ့။

"အဲဒီလူနဲ့ ဘယ်လိုသိကြတာလဲ"လို့ ကျွန်မက စပ်စုတော့ အွန်လိုင်းဂိမ်းကစားရင်း တွေ့ကြတာတဲ့။ "အဲဒီလူက ကုန်ခြောက်ဆိုင်ဖွင့်တယ်၊ ငါတို့သားအမိအတွက် အချိန်တော့ ပေးနိူင်မယ် မထင်ဘူး။ ဒါပေမဲ ပိုက်ဆံတော့ ပေါတယ်"တဲ့။ သူ့ကြည့်ရတာ အရင်တစ်ယောက်တုန်းက သူကချည်း ပေးခဲ့ရသမျှ ဒီတစ်ယောက်ဆီကတော့ သဲ့ယူမှ လို့များ တွေးနေ သလားပဲ။ နောက်တစ်လလောက်ကြာတော့ ကျွန်မက အခြေအနေဘယ်လိုလဲ မေးတဲ့အခါ ပြတ်သွားပြီတဲ့လေ။ သိတ် မဟန်ပါဘူးဟာလို့လည်း ပြောသေးရဲ့။

ကျွန်မနားလည်ပေးမိတယ်။ လူစီက ခုမှ ၃၈ ပဲ ရှိသေးတာ။ သားကလေးတစ်ယောက်နဲ့ သူ့ဘ၀ကို ဒီလိုပဲ အော်ဟယ်၊ ဟစ်ဟယ်နဲ့ ပြီးသွားချင်မယ် မဟုတ်ဘူး။ တခါ ကျွန်မကို နင်တို့ မြန်မာထဲက သူဋ္ဌေးလေးဘာလေး မရှိဘူးလား တဲ့ နောက်သလိုလို လာမေးဖူးသေးတာ။ သူ့ကြည့်ရတာ နောက်တစ်ခါ ဆိုတာအတွက် အညံ့မခံဘူးဟေ့ လို့ မောင်းတင်ထားပုံရတယ်။ လူစီက ဖြူဖြူလုံးလုံးလေး၊ ရုပ်ကလေး ကြည့်ပျော်ရှုပျော်မှာ ဗိုက်ကလေးစူစူနဲ့။ သဘော က ကောင်းပေမဲ့ အပြောက ဆိုးတယ်။ ဒီတော့ ကျွန်မလည်း ဘယ်သူနဲ့မှ ဆက်မပေးရဲဘူးး))

ခုထိတော့ သူ့ဘ၀မှာ သူ့သားရယ်၊ အလုပ်ရယ်၊ သူဆော့နေတဲ့ ဂိမ်းတွေရယ်…။ ဒါပဲ လူစီ့မှာ ရှိတယ်။ သူ့ဘ၀အတွက် သူ့ရှေ့က မားမားရပ်ပေးမဲ့ ယောက်ျားသားတစ်ယောက်ဆိုတာကိုတော့ ဖူးစာရေးနတ်က ဘယ်လိုဖန်တီးပေးမယ် မပြောတတ်ဘူး။ တစ်နေ့တစ်နေ့ ကျွန်မတွေ့နေရတာက မနက်မနက်ဆို အိတ်နှစ်လုံး (တစ်လုံးက ရုံးအလုပ်တွေထည့်ထားတဲ့ အိတ်၊ တစ်လုံးက သူ့ လက်ကိုင်အိတ်) နဲ့ အ၀တ်အစား ဘိုသီဘတ်သီ၊ ဆံပင် ကပိုကရိုနဲ့ လူစီ။  ရုံးရောက်ရင် သူ့သားကလေးဆီ အော်ဟစ် ဖုန်းဆက်၊ ဆပ်ပလိုင်ယာတွေနဲ့ ငြင်းခုန်အော်ဟစ်နေတတ်တဲ့ လူစီပါပဲ။ သူကသာ သူ့အပူနဲ့သူမို့ မသိပေမဲ့ ဘေးလူဖြစ်တဲ့ ကျွန်မကတော့ မြင်နေရတာနဲ့တင် ရင်မောရတယ်။

လူစီ အိမ်ထောင်ရေးကံကောင်းပါစေလို့ပဲ ကျွန်မ ဆုတောင်းပေးမိပါတော့တယ်။

အလှဆုံးပန်းတစ်ပွင့်ရဲ့ ကောင်းကင်

(၁)

သူမမှာ အကျည်းတန်လွန်းတဲ့ လက်ချောင်းတွေ ရှိတယ်။  မဆိုးပါဘူးလို့ အားနာပါးနာလေးတောင် ပြောရလောက်အောင် မလှတဲ့ လက်ချောင်းတွေလေ။ သူမအမေက သမီးဟာ ငယ်ငယ်လေးတုန်းက လက်ကလေးတွေ သိတ်လှတာ၊ ကန်တော့ချွန်လက်ကလေးတွေ၊ အနုပညာလက်ကလေးတွေ လို့ ပြောတဲ့အခါတိုင်း မျက်နှာကလေးပြုံးရင်း သဘောတကျ နားထောင်နေတတ်တယ်။ အဲဒီခဏမှာတော့ အမေ့လက်ထဲက သူမလက်ချောင်းကလေးတွေဟာ  ရှည်သွယ်ကော့ညွတ်လို့ တခမ်းတနား လှနေခဲ့ဖူးတာ။ သူမ သိတာပေါ့၊ အမေက မညာတတ်ဘူးလေ။

ငယ်ငယ်ကတော့...

အဲဒီလက်တွေနဲ့ပဲ ဖိုးလမင်းကြီးဆီက ထမင်းဆီဆမ်းရွှေလင်ပန်းကို တောင်းခဲ့....
အဲဒီလက်တွေနဲ့ပဲ ၀လုံးရွဲ့ရွဲ့စောင်းစောင်းလေးတွေ စရေးခဲ့...
အဲဒီလက်တွေနဲ့ပဲ အမေပေးတဲ့ မုန့်ဘိုး ယူခဲ့...
အဲဒီလက်တွေနဲ့ပဲ သူငယ်ချင်းတွေနဲ့ မုန့်ဝေမျှစားခဲ့...
အဲဒီလက်တွေနဲ့ပဲ ဖေကြီးကို မိုးလောက်ကြီးချစ်တယ်လို့ ၀ိုင်းပြခဲ့....
အဲဒီလက်တွေနဲ့ပဲ အမေ့ကို အိမ်အလုပ်တွေ လုပ်ကူခဲ့...
အဲဒီလက်တွေနဲ့ပဲ မြေကြီးပေါ်မှာ အရုပ်တွေ ရေးခြစ်ခဲ့...
အဲဒီလက်တွေနဲ့ပဲ...
အဲဒီလက်တွေနဲ့ပဲ....

အခါများစွာမှာ သူမ ပျော်နေခဲ့တာပဲ.....။

အရွယ်လေးရလာတဲ့အခါ အမေ့စကား နားမထောင်ဘဲ လက်ဆစ်တွေချိုးခဲ့တော့ သူမလက်တွေဟာ မလှမပနဲ့ အကြည့်ရဆိုးလာတယ်။

ဘာပဲဖြစ်ဖြစ်ပေါ့...

အဲဒီလက်တွေနဲ့ပဲ ချစ်သူရဲ့ လက်ဖျံပေါ်က မှဲ့နီကလေးကို တို့ကြည့်ခဲ့...
အဲဒီလက်တွေနဲ့ပဲ ဘ၀စာမေးပွဲတွေ အကြိမ်ကြိမ် ဖြေဆိုခဲ့...
အဲဒီလက်တွေနဲ့ပဲ စားဝတ်နေအတွက် အလုပ်တွေ လုပ်နေခဲ့....
အဲဒီလက်တွေနဲ့ပဲ (ခံစားမှုတွေ ဖုံးဖိမြိုသိပ်မရနိူင်တိုင်း) စာရွက်တွေပေါ် ဖွင့်ချရေးခဲ့...
အဲဒီလက်တွေနဲ့ပဲ ချစ်သူရဲ့ ပါးကလေးကို ထိ ထိကြည့်နေခဲ့....
အဲဒီလက်တွေနဲ့ပဲ  ချစ်သူအတွက် အပြာရောင်ကြယ်ကလေးတွေကို  ခူးဆွတ်ပေးခဲ့...
အဲဒီလက်တွေနဲ့ပဲ စိတ်ဓါတ်ကျလို့ ငိုမိတဲ့အခါ မျက်ရည်တွေ သုတ်ခဲ့...
အဲဒီလက်တွေနဲ့ပဲ သူမ သိတ်မကျွမ်းဝင်လှတဲ့ စာရွက်တွေပေါ် လက်မှတ်တွေ အခါခါ ထိုးခဲ့...
အဲဒီလက်တွေနဲ့ပဲ ဘုရားရှင်အတွက် ပန်းကောက်သီဖွဲ့ ပူဇော်ခဲ့...
အဲဒီလက်တွေနဲ့ပဲ ချစ်သူနဲ့ စစ်အေးတိုက်ပွဲတွေ စီးချင်းထိုးခဲ့...
အဲဒီလက်တွေနဲ့ပဲ ပန်းချီကားတွေအပေါ် ဆေးရောင်တွေ ကြဲပက်ခဲ့....
အဲဒီလက်တွေနဲ့ပဲ စေ့ပိတ်ထားတဲ့ တံခါးတွေကို ခေါက်ခဲ့....
အဲဒီလက်တွေနဲ့ပဲ သူစိမ်းတွေကို လက်ညှိးထိုးခဲ့...
အဲဒီလက်တွေနဲ့ပဲ...
အဲဒီလက်တွေနဲ့ပဲ....

ဘယ်တုန်းကမှ အဲဒီလက်တွေအတွက် စိတ်အနှောက်အယှက်တစုံတရာမှ မခံစားခဲ့ရဖူးဘူး။ သူမက ချစ်သူအနားမှာ ရှိနေရင် စိတ်၏ချမ်းသာခြင်းတွေနဲ့ ထုံမွမ်းနေတတ်တာ။ တစ်နေ့မှာ ချစ်သူက လက်စွပ်လေးတစ်ကွင်း၊ သူမကို ပေးဖို့ တဲ့။ သူမ  ပျော်ရွှင်စွာနဲ့ လက်ကလေးကို ချစ်သူရှေ့ ဆန့်ထုတ်ပေးလိုက်တော့တာပေါ့။  အဲဒီမှာ သူမလက်တွေအပေါ် ချစ်သူရဲ့အကြည့်တစ်ချက် တွေကနဲအရောက်...။ လက်တွေကို နောက်ပြန်ဆုတ်ယူဖို့ ကြိုးစားခဲ့သေးရဲ့။  ဒါပေမဲ့ လွန်သွားခဲ့ပြီ။ သူမတစ်ကိုယ်လုံး စကြာဝဠာအပြင်ဘက်ရောက်သွားသလို...၊ သေးငယ်သွားလိုက်တာ...။ သူမမျက်နှာတစ်ခုလုံး ပူနွေးရှက်ရွံစိတ်တွေနဲ့။ အဲဒီ့နေ့ကျမှပဲ သူမလက်တွေက ပို ကြည့်ရဆိုးနေလိုက်တာများ...။

သူမရဲ့ လက်တွေကို ချစ်သူ စိတ်များပျက်သွားပြီးလားရယ်လို့ (စိတ်ထဲက ထင်နေလို့လည်း ဖြစ်မယ်) တွေးမိတာနဲ့တင် ၀မ်းနည်းသွားလိုက်တာ။ ပထမဆုံးအကြိမ် သူမလက်တွေကို သူမကိုယ်တိုင် မုန်းတီးမိပြီ။ သူမလက်တွေဟာ သူမကို အရက်စက်ဆုံး အရှက်ခွဲလိုက်ကြတာရယ်။ ချစ်သူကဖြင့် လက်စွပ်လေး ၀တ်ပေးပြီးကတည်းက သူမဆီ အလာကျဲသွားလိုက်တာ။ အလုပ်တွေများလို့ နေမှာပါလို့ သူမစိတ်ကို သက်သာအောင် သူမဖြေတွေးနေမိတယ်။ ဆွဲလက်စ ပန်းချီကားကို စုတ်တံအပြားကြီးကြီးနဲ့ ကြက်ခြေခတ်တတ်ခဲ့တာလည်း ဒီလက်တွေနဲ့ပဲ။ တဖြည်းဖြည်းနဲ့ သူမရဲ့လက်တွေဟာ အရောင်ပြောင်းလဲခဲ့၊ မျက်ရည်တွေနဲ့ ကျွမ်းဝင်လာခဲ့တော့တယ်။ ဘယ်သူ သိနိူင်မှာလဲ...။ မျက်ရည်တွေ အိုင်ခဲ့ရတဲ့ သူမရဲ့ လက်ဖမိုးကလေးတွေအကြောင်းကို...။

ဝမ်းနည်းအားငယ်စိတ်တွေနဲ့ သူမဟာ သူမရဲ့လက်ချောင်းတွေကို ၀ှက်ထားတတ်ခဲ့ပြီ။ ချစ်သူက သူမမျက်နှာကို ငေးကြည့်လိုက်တဲ့အခါတိုင်း ချစ်သူမျက်လုံးထဲမှာ တကယ်တွေ့နေတာက သူမရဲ့ အကျည့်တန်တဲ့ လက်တွေကို မဟုတ်လားလို့ တဖွဖွ မေးပစ်လိုက်ချင်လာတယ်။ လက်ချောင်းလေးတွေ သိတ်လှတဲ့ ကောင်မလေးတွေကို သူမစိတ်ထဲက ရန်လိုတတ်လာတယ်။ မကောင်းမှန်းသိနေလည်း သူမစိတ်မှာ အနာရွတ်တစ်ခုလို ဒဏ်ရာစွဲခဲ့ပြီ။

(၂)
ဝေးဝေးမှာပဲ နေချင်တဲ့ စိတ်တွေနဲ့ မြို့ကြီးကို ခဏ ကျောခိုင်းခဲ့တယ်။ မရောက်ဖူးသေးတဲ့ နေရာတွေ သူမ သွားတယ်။ သဘာဝဘေးကြောင့် ပျက်စီးသွားတဲ့ ရွာတွေဆီ သူမ သွားတယ်။ ကလေးငယ်တွေ...။ မိဘတွေ မရှိရှာတော့ဘဲ ကိုယ့်ဝမ်းကိုယ်ကျောင်းနေရတဲ့ ကလေးတွေ။ အနာဂတ်ဆိုတာ သူတို့အတွက် မှုန်ဝါးနေတဲ့ ခေတ်ဟောင်းရုပ်ရှင်တစ်ကားလို။ ဒါပေမဲ့ သူတို့လေးတွေ စိတ်မပျက်ကြဘူး။ အားမငယ်ကြဘူး။ တစ်နေ့စာ တစ်နေ့ ရှာဖွေ စားနေကြတာပဲ။ အချိန်ရှိတိုင်း အဲဒီကလေးတွေဆီ သူမ သွားတယ်။ သူမ လုပ်ပေးနိူင်တာလေးတွေ လုပ်ပေးရင်းနဲ့ပေါ့။ သင်္ကန်းစီးချင်တဲ့ ကလေးတွေ၊ ကျောင်းဆက်တက်ချင်တဲ့ ကလေးတွေ...သူမ တတ်နိူင်တာတွေ အကုန် လုပ်ပေးတယ်။

ကလေးတွေကို သူမလက်ထဲ ပွေ့ထားရတဲ့ အချိန်တွေမှာ ဘာနဲ့မှ လဲမရနိူင်တဲ့ ခံစားမှုမျိုး၊ ပြောမပြနိူင်တဲ့ ခံစားမှုမျိုး သူမ ခံစားရတယ်။ သူမ စိတ်တွေ ပြေစပြုလာတယ်။ သူမရဲ့ လက်တွေ...။  နွေးထွေးမှု လိုအပ်နေသူတွေအတွက် သူမလက်တွေက ကမ်းလင့်ဖို့ အသင့်ရှိနေတဲ့ လက်တွေဆိုတာ သူမ သေချာတယ်၊ ယုံကြည်မှုလည်း အပြည့်ရှိတယ်။  ဒီလက်တွေနဲ့ သူမ အလုပ်တွေ၊ အများအတွက် အလုပ်တွေ အများကြီး လုပ်နိူင်နေဦးမယ်။ အဲဒီအချိန်တွေမှာ သူမလက်တွေကို သူမ အံ့သြတကြီး ကြည့်မိတယ်။ ဘယ်မှာ အရုပ်ဆိုးလို့လဲ...။

(၃)

ဟိုး ဝေးဝေးမှာ ကလေးတွေ... သူမဆီ လာနေကြပြီ။ ကလေးတွေနဲ့ အတူ လူတစ်ယောက်။ အဲဒီပုံရိပ်ကို သူမ သိတ်ရင်းနှီးနေခဲ့တာပေါ့။ သူမ ရင်တွေ လွှတ်ခုန်လာတော့တယ်...။ အဲဒီလူ...။ မျက်နှာမှာ အပြုံးတွေနဲ့...လူ။ 

သူမလက်ချောင်းလေးတွေကို ဆွဲယူပြီး သူ့နှုတ်ခမ်းပေါ် ဖိကပ်လိုက်တဲ့အခါ....။

ရှက်ပြုံးလေးတစ်ပွင့် သူမမျက်နှာပေါ် ယီးလေးခိုလို့....။  ကောင်းကင်ပြာကြီးအောက်မှာ ချစ်သူနဲ့ သူမ...လက်ချင်းယှက်လို့ရယ်...။
 

 
မှတ်ချက်။ ။ ကျွန်မရဲ့လက်ချောင်းတွေလည်း သူမလိုပဲ မလှပပေမဲ့၊ စာထဲက သူမဟာ ကျွန်မ မဟုတ်ကြောင်း၊ သူမနဲ့ ကျွန်မ လုံးဝ ပတ်သက်မှု မရှိပါကြောင်း မိတ်ဆွေများအား သိစေလိုပါသည်။