20May2023

 ည​နေခင်း ​နေအဝင်ကြည့်ကြဖို့နဲ့ ညစာအတွက် cruise trip​လေးတခု သွားဖြစ်တယ်။ ​အေး​အေး​ဆေး​ဆေးကြည့်ကြ စားကြရတာမို့ လူကြီး​တွေများတယ်။ တကယ်ဆို ကိုယ်လည်း လူကြီးဖြစ်​နေပြီကို...၊

ခဏက​လေး​တော့ စိတ်လက်​ပေါ့ပါးခဲ့ရပါတယ်။

Live bandပြီး​တော့ ကာရာအို​ကေဆိုကြတာ ဧည့်သည်​တွေထဲကတချို့လည်း ဝင်ဆိုကြတယ်။ ကိုရီးယား​တွေများတယ်။ အရှိန်​လေးရလာ​တော့ ဆိုရာက​နေ ကကြ​တော့တာပဲ 😁

ကိုယ်က​တော့ လက်ခုပ်ဝိုင်းတီးတဲ့အဖွဲ့က​ပေါ့၊

ပြင်ပြင်ဆင်ဆင်​လေး ​နေလိုက်​တော့လည်း မဆိုးလှပါဘူးထင်ရတယ်၊ ​နေ​နေကျ​ပုံစံ ပေတိ​ပေစုတ်​​လေးမဟုတ်​တော့ ကြည့်​ကောင်းသားပါပဲ၊ မိတ်ကပ်များ နည်းနည်းလူးတာနဲ့ နည်းနည်းလှတာပဲ...။ ဒါ​တောင် ခပ်ပါးပါးလူးလို့...၊ မိတ်ကပ်ဖျက်ရတာ ပျင်းစရာ​ကောင်းလွန်းလို့ ကိုယ်ဖြင့်မလှရင် ​နေပါ မိတ်ကပ်မလူးချင်ဘူး ​နေချင်တာပဲ၊ တခါတ​လေပဲ ​ကောင်းတယ်...။

19May2023

 ခရီးသွား​နေသ၍က​တော့ မတည့်တဲ့အစားအ​သောက်​တွေ စား​နေမိဦးမှာပါပဲ။ ကိုယ့်ကိုယ်ကိုလည်း သနား​တော့ (ဟိုဟာ​ရှောင် ဒီဟာမစားရနဲ့မို့) စားရတုန်း​လေး လိုကယ်စာ​တွေ စားမိ​နေတာ။

နာမည်ကြီး Bamboo rice သွားစားဖြစ်တယ်။ အုန်းနို့နံ့ ငှက်​ပျောဖက်နံ့ ​မွှေး​မွှေးနဲ့ ​တောကြက်​ပေါင်​ကြော်​လေးဆို​တော့ တအားစား​ကောင်းသွားပြီ​လေ...။ ဆီ​ကြော်စာ​တွေလည်း မ​ရှောင်ဖြစ်​တော့ဘဲ တီးပစ်လိုက်တယ်။ အကြိုက်ဆုံးက​တော့ နာမည်ကြီး Chicken satayပါပဲ၊ ကြက်သားကို အိအိစိုစို​လေး ကင်ထားတာ တကယ်အရသာရှိတယ်။ 

​နေ့လယ်ပိုင်းတဖြတ်​ပေါ့...၊

ည​နေကျ Sunset cruise dinnerသွားမှာမို့ လှလှပြင်ရဦးမယ် 😊

18May2023

 Day3

Refflesia twin !

ရှားရှားပါးပါး ​တွေ့ခဲ့ရ...၊

ဒီ​နေ့လည်း မတည့်တာ​တွေ ဆီ​ကြော်​တွေ နိူ့ထွက်စား​သောက်ကုန်​တွေ အကုန် စားပစ်လိုက်ခဲ့တယ်။ မ​ရှောင်​နေနိူင်​တော့ဘူး 😔

မိုး​တွေအုံ့ရာက ရွာပါရွာလာလို့ ​နေ့လယ်ဘက်သွားခဲ့တဲ့​နေရာ ဘာပုံမှ မရိုက်ဖြစ်ခဲ့ရဘူး နှ​မျောစရာ...

17May2023

 မတည့်တာ​တွေလည်း စားမိ...

ဒီလိုနဲ့ Day2 ကုန်သွားပြန်...၊

Edge pool @Hotel 

16May2023

 ​လျှောက်သွား...

အကိုကြီး ရိုက်ချင်ရာရိုက်ထားတာ​တွေ 📸

အပြင်မသွားခင် မယ်ရာဆယ်ဖီ 📸

ဒီလိုနဲ့ တ​နေ့ကုန်...၊

16May2023

 ​နေ​လေးနည်းနည်း​ကောင်းတုန်း

မိုးမကျခင် ​ခြေခင်းလက်ခင်းသာတုန်း...

ခရီးသွားခြင်း ~

12May2023

 

ကိုယ်ဟာ ​လောကကြီးအ​ပေါ်၊ 

လူရယ်လို့ဖြစ်တည်လာမှုအ​ပေါ် 

အပျက်ဖက်ကချည်း ​တွေး​နေတတ်သူလို့ 

ထင်စရာပါပဲ...၊

မဟုတ်ပါဘူး...

တကယ့်အမှန် အနှစ်အသားရယ်လို့ ဘာမှ မရှိခြင်းကို မရှိခြင်းလို့ သိရုံသာပါပဲ...။

ဒီလိုသိလို့လည်း ​လောကကြီးအ​ပေါ် စိတ်ပျက်လက်ပျက် ဘာမှမလုပ် ငုတ်တုတ်ဖြင့်လည်း မဟုတ်​ပေါင်...၊

သိသွားတဲ့အကျိုးက ထိန်းသိမ်းတတ်လာတယ် ဒါပါပဲ။

တကယ်လို့ ကိုယ့်မှာ အသက်ရှင်​နေထိုင်ခွင့် ၅နှစ်သာ ကျန်မယ်ဆို ​သေချာတယ် အဲ့၅နှစ်ကို ​သေချာဆစ်ပိုင်းပြီး လုပ်ချင်တာ​တွေ ပြီး​အောင်လုပ်သွားဖို့ ကြိုးစားမယ်။ မပြီးလည်းဘဲ ကိစ္စ​တော့ မရှိ။ ပြီးရင်​တော့ ချစ်ခြင်း​မေတ္တာနဲ့ ​နေမယ်။ ​နှောင်ကြိုး​တွေ အပြီးသပ် ဖြတ်ချမယ်။ ​နောက်ဆုံးထွက်သက်မှာ ခန္ဓာအ​ပေါ် ဉာဏ်​ရောက်ဖို့ လုံ့လစိုက်မယ်။ ဒီ​လောက်ပဲ။

ရှင်သန်ခွင့်ရတုန်းမှာ ပြုံးမယ် ​​အေး​အောင်​နေမယ် ကိုယ်လည်း Quality of lifeကို လိုချင်သားပါပဲ။

ဘဝမှာ ကိုယ့်တကိုယ်စာ စိတ်တိုင်းကျဆုံးအသက်အရွယ်​ပြောပါဆိုရင် ခုအသက် အရွယ်ပါပဲ။ အမှန် အမှား​တွေ ဘာကမှ အ​ရေးမပါ​တော့ဘူး။ အနိမ့်အမြင့် အတက်အကျ​တွေဆိုလည်း ခံနိူင်ရည်ရှိပြီ။ ဘာမှ များများစားစား မလိုအပ်​တော့ဘူး။ ဘဝကို အနိူင်ပိုင်းမယ်ဆို ပိုင်းနိူင်တဲ့ အချိန်ပါပဲ။ ရယ်ရတယ် ဘဝကို အနိူင်ပိုင်းဖို့ဆိုပြီး ​တွေးမိတာကိုက ရယ်စရာပဲ...။ အနိူင် အရှုံးဆိုတာ ကိုယ့်ဘဝမှာ ဘယ်တုန်းကမှ အ​ရေးမပါခဲ့တဲ့ဟာကို...။

နိူင်ချင်တာ ပိုင်ချင်တာ မြင့်ချင်တာ...

အငုံ့စိတ်​တွေမှာ ဖျတ်ကနဲမြင်ရတတ်တဲ့ လှစ်ဟမှုမျိုး၊ 

ဘယ်အမြင့်ကိုမှ မ​ရောက်ချင်သူဟာ နိမ့်ရာမှာ​နေရလည်း ဝမ်းနည်း​နေမယ့်သူ မဟုတ်ဘူး

ဘယ်လိုအနိူင်မျိုးကိုမှ မလိုချင်သူဟာ ရှုံးသွားလည်းပဲ ငို​ကြွေး​နေမှာ မဟုတ်ဘူး

ဘာကိုမှ မပိုင်ချင်သူဟာ စွန့်လွှတ်လိုက်ရလို့ ​ကြေကွဲမ​နေဘူး

အ​ကောင်းဆုံးလုပ်မယ်

ရလာသမျှ လက်ခံမယ်

​နေတတ်ခြင်းဟာ ဘဝရဲ့ အ​ဖြေပဲ...။

ဘာနဲ့မှ ငြိမ​နေဘဲ ကင်းလွတ်ခွင့်ရ​နေတယ်...

အဲဒီချမ်းသာပဲ...၊ ​

တွေ့​အောင်ရှာ...