28Dec2022

 နှစ်ကုန်​တော့မယ်...

၂၀၂၃က​တော့ ​မျှော်လင့်စရာ​တွေအပြည့်နဲ့ နှစ်ဖြစ်တယ်။ တခုကို ​ပြောပါဆိုရင် ပြည်​တော်ပြန်ချင်တာပါပဲ။ 

​စော​စောနားချင်၊ မြန်မာပြည်တနံတလျား ခရီး​​တွေသွားချင်၊ လုပ်ချင်တာ​လေး​​တွေ ​အေး​ဆေးလုပ်​နေချင်လို့ early retirementယူကာမှ....၊ 

ကိုယ့်အတွက်​တော့ ​ငွေအများကြီး မလိုပါဘူး၊ နာမည်တည်​ဆောက်ဖို့လည်း မလုပ်ချင်ဘူး၊ ​အေး​အေးချမ်းချမ်း ကြည်ကြည်လင်လင်​လေး ​ရိုးရိုးပဲ ​နေထိုင် စား​သောက်​နေရရင် ရပြီ။ ​သေကာနီးမှ အရိုး​မြေကျဖို့ ကိုယ့်တိုင်းပြည်ပြန်တာမျိုး​တော့ မလုပ်ချင်၊ ​မြေကြီး​လေးတာသာ အဖပ်တင်မယ်။ တတ်နိူင်တဲ့ဘက်က​ပေါ့၊ ကိုယ်​မွေးဖွားရာ တိုင်းပြည်အတွက် အကျိုးများတာ​လေး လုပ်နိူင်ချင်​သေးတယ်။ လုပ်နိူင်တုန်းအရွယ်မှာ၊ သိပ်မကျန်းမာလှ​ပေမယ့် အိပ်ရာထဲလည်း လဲမ​နေတဲ့ အချိန်မှာ စိတ်နှစ်ပြီး လုပ်ချင်​သေးတယ်။ 

ခု​တော့ အ​ဝေးကပဲ လွမ်း​​နေရ...၊

ကိုယ် ဆွဲဖြစ်တဲ့ ပုံက​လေး အမှတ်တရ သိမ်းချင်​သေးတယ်။ သူ့လို မစွန့်နိူင်ဘူး သူ့လို မမာနိူင်ဘူး။ ဘဝမှာ သိပ်​လေးစားချစ်ခင်ရတဲ့ အမျိုးသမီးကြီး...၊

သူ့ပုံဆွဲ​နေချိန် တချိန်လုံး သူ့ကို သတိရစိတ်​တွေနဲ့...

ကျန်းမာပါ​စေ...၊ လွမ်းတယ်....