Wednesday, January 29, 2014

ကျွန်မ၏ နှလုံးသားများအကြောင်း



ပန်းချီဆွဲခြင်းဟာ ကျွန်မရဲ့ ဝါသနာတွေထဲကတစ်ခုပါ။ တခြားဝါသနာများနည်းတူ ရံဖန်ရံခါမှာ ပြုလုပ်လေ့ ရှိပါတယ်။ ကျွန်မဝါသနာတွေကလည်း အများသား။ စာရေးစာဖတ်အပြင် ဓါတ်ပုံရိုက်၊ ဂစ်တာတီး၊ သီချင်းဆို၊ ပန်းချီဆွဲတာတွေ ဆိုပါတော့။ 

ပန်းချီတွေကို ဘယ်အချိန်မှာဆွဲလေ့ရှိသလဲ သတိထားကြည့်လိုက်တဲ့အခါ.....၊ ကျွန်မစိတ်တွေ တိမ်လို လွင့်ပျံလို့ တစ်စစီဖြစ်နေချိန်မျိုးမှာ  ပန်းချီဆွဲခြင်းနဲ့ စိတ်တွေကို ကျောက်ချလေ့ရှိတယ်လို့ သိလိုက်ရပါတယ်။ ဆွဲနေတဲ့တစ်ချိန်လုံးလည်း စိတ်က ကားထဲမှာ၊ အရောင်တွေထဲမှာ နစ်ကျွံလို့၊ ကားလေးတစ်ကားဆွဲပြီးလို့ စိတ်တိုင်းကျတဲ့အခါတိုင်းမှာလည်း ရလာတဲ့ခံစားချက်က ဘာနဲ့မှ မတူပါဘူး။

ကျွန်မဆွဲဖြစ်တဲ့ပုံတွေဟာ အင်တာနက်ကနေ ဒီမိုလေးတွေကြည့်ရင်း လိုက်ဆွဲထားတာဖြစ်သလို ပုံတစ်ချို့ကတော့ ကျွန်မစိတ်ကူးနဲ့ ဆွဲဖြစ်တာပါ။ တစ်ချို့ကိုတော့ ဓါတ်ပုံကနေ ပန်းချီအဖြစ် ကူးရေးထားတာဖြစ်ပါတယ်။ 

ဝါသနာအရဆွဲထားတဲ့ ကျွန်မပန်းချီလေးတွေ တချို့ကို ဘလော့ဂ်စာမျက်နှာပေါ်ကနေ မျှဝေလိုက်ပါတယ်။ ကျွန်မ ဘယ်လိုပုံတွေ ဆွဲဖြစ်သလဲ၊  ကြည့်ကြရအောင် နော်....။

ဒေစီအစိမ်းရောင်လေးပါ။ ဒီပုံလေးကို  ArtRage ဆိုတဲ့ Drawing application နဲ့ ကွန်ပြူတာထဲမှာ မောက်စ်ကိုသုံးပြီးဆွဲဖြစ်ခဲ့တာပါ။ မှတ်မှတ်ရရ သားတွန်လို့ ကျွန်မခေါ်တဲ့ သားငယ်ခရေတွန်အတွက် ဆွဲပေးဖြစ်ခဲ့တဲ့ပုံပါ။


ဒီပုံလေးကိုတော့ အိုင်ဖုန်းထဲမှာ ဆွဲခဲ့တာဖြစ်ပြီး "သတို့သမီး"လို့ အမည်ပေးထားပါတယ်။ ကျွန်မရေးခဲ့တဲ့ ကဗျာတစ်ပုဒ်အတွက် သရုပ်ဖော်ပုံအဖြစ် ဆွဲဖြစ်ခဲ့တာပါ။


ဒီပုံလေးကိုတော့ "အတူတကွ"လို့ အမည်ပေးထားပါတယ်။ အိုင်ဖုန်းထဲမှာ ရေးခြစ်ထားတာ ဖြစ်ပါတယ်။


"Clinching emptiness-ဗလာသို့ ဆုတ်ကိုင်ခြင်း"လို့ အမည်ပေးထားတဲ့ ဒီကားလေးရဲ့အရွယ်အစားက 
၇ x ၁၁ လက်မပါ။ Watercolour on paper ဖြစ်ပြီး ဒီကားလေးက ဘလော့ဂ်ဂါ ညီမငယ်မြတ်ပန်းနွယ် အတွက် အမှတ်တရ ပေးထားပြီးဖြစ်ပါတယ်  :)


"သစ်တောညနေ"လို့ နာမည်ပေးထားတဲ့ ဒီကားက ၁၅ x ၁၁ လက်မပါ။ ညနေဆိုတဲ့အတိုင်း အရောင်တွေကို မှုန်မှုန်မှိုင်းမှိုင်းတွေနဲ့ ရေးဖြစ်ပါတယ်။ ကျွန်မစိတ်တွေလည်းပဲ လေးလံမှုန်မှိုင်းနေခဲ့ချိန် ထင်ပါရဲ့။ Watercolour on paper ပါ။


ဒီကားလေးကို "မာနမဲ့သော"လို့ နာမည်ပေးလိုက်ချင်ပါတယ်။ အဆင်းအရောင်လှသလောက် ရနံ့မဲ့ရှာတဲ့ ဒီပန်းကလေးရဲ့ ပင်ကိုယ်အမည်ကတော့ ခေါင်ရမ်းပန်းပေါ့ရှင်။ အင်တာနက်ထဲက ဒီမိုကတစ်ဆင့် လိုက်ဆွဲခဲ့တဲ့ကားပါ။ ကျွန်မ စိတ်တော်တော်လေး ရှည်ရှည်ထားပြီး ဆွဲခဲ့ရတဲ့ ပန်းကလေး လည်း ဖြစ်ပါတယ်။ အရွယ်အစားက ၁၁ x ၇.၅ လက်မ ရှိပါတယ်။ Watercolour on paper ပါပဲ။


ကျွန်မတို့ မြန်မာတွေ အမြတ်တနိူးထားတဲ့ နေရာလေးတစ်ခုပါ။ "ချစ်သော ပုဂံ"လို့ အမည်ပေးထားပါ တယ်။ ၁၁ x  ၉ လက်မ၊ Watercolour on Paper ဖြစ်ပါတယ်။ ဒီပုံလေးကိုတော့ ပုဂံရဲ့ အရုဏ်ကို ရိုက်ဖြစ်ခဲ့တဲ့ ကျွန်မရဲ့ ဓါတ်ပုံတစ်ပုံကနေ ကူးယူရေးဆွဲထားခြင်း ဖြစ်ပါတယ်။



ကိုယ်ဖန်တီးလိုက်တဲ့ အနုပညာတိုင်းဟာ ကိုယ့်နှလုံးသားတွေပါပဲလို့ဆိုကြရင် ခု ကျွန်မက မိတ်တွေရှေ့မှာ ကျွန်မရဲ့နှလုံးသားတွေကို အစီအရီချပြလိုက်ခြင်းပဲပေါ့.....။  နောင်လည်း ပုံတွေဆွဲဖြစ်လို့ စိတ်ထဲ သဘောကျမိတဲ့အခါ ခုလိုပဲ ဘလော့ဂ်ပေါ် တင်လိုက်ပါဦးမယ်။ 

အားလုံးပဲ အရောင်တွေနဲ့ နှစ်ခြိုက်စွာ ချစ်ကျွမ်းဝင်နိူင်ကြပါစေရှင်....:)



5 comments:

  1. စွယ်စုံရ CKA.
    ရေဆေးတွေ တကယ်လှတယ်။

    ReplyDelete
  2. ဗလာသို့ ဆုပ်ကိုင်ခြင်းလေးအတွက် ကျေးဇူးတင်ပါတယ် အစ်မ။ ပန်းချီကားလေးကို အရမ်းနှစ်သက်တာ။ :) ကြုံကြိုက်တဲ့အခါ မူရင်းလေးကိုပါ ပေးပါနော်။

    ချစ်တဲ့
    မြတ်

    ReplyDelete
  3. မချစ်က တကယ့်စွယ်စုံ...
    ပုံတွေတကယ့်ကို ကောင်းတယ်...
    သတို့သမီးနဲ့ အတူတကွကို သဘောကျမိတယ်...
    အတော်ကြာကြာ စူးစိုက်ကြည့်မိတဲ့အထိ..

    ReplyDelete
  4. ပုံတွေ အားလုံးလိုလို သဘောကျတယ် အစ်မချစ်...၊

    "သတို့သမီး" ကို သရုပ်ဖော်ပုံအနေနဲ့ တွေ့ဖူးကတည်းက အရမ်းကြိုက်ခဲ့တာ..၊း) အခု ပြန်ကြည့်တဲ့အခါလည်း သဘောကျ၊ နှစ်ခြိုက်ဆဲပဲ...၊
    "အတူတကွ" ကိုလည်း ကြိုက်တယ်၊ ကြည့်နေရင်းမှာ တစုံတရာကို ရလိုက်သလိုပဲ၊ ပါရီမှာရှိတဲ့ Musée d'Orsay ပြတိုက်ထဲက ကားတွေကိုတောင် သတိရမိစေတဲ့ အထိပါပဲ...၊
    "Clinching emptiness" မှာ အပေါ်ဘယ်ဖက်ထောင့်ကနေ အောက်ညာဖက်ထောင့်ကို lens flare ဖြာကျနေတာလေး ထည့်ထားတော့ ကျော့ရှင်းတဲ့ မိန်းကလေးက ပိုပြီးအသက်ဝင်သွားတယ်၊
    "သစ်တောညနေ" မှာတော့ သစ်ပင်တွေကနေ ဖြာကျနေတဲ့ အရိပ်တွေဟာ တညီတညာထဲ အပြိုင်ဖြစ်နေမယ်ဆိုရင် အခုထက်ပိုပြီး ကြွတက်လာမယ်လို့ ယူဆမိတယ်...၊

    ကျန်တဲ့ ပန်းချီတွေကိုလည်း နှစ်သက်ပါတယ်..၊ အစ်မချစ်ဟာ တကယ့်စွယ်စုံရ အနုပညာ ဖန်တီးသူပါပဲလေ...။း)

    ReplyDelete
  5. ကေ၊ ညီမမြတ်၊ ညီမမြ နဲ့ ကိုညီလင်းသစ်.... အားလုံးကို ကျေးဇူးတင်ပါတယ် :)
    ကိုညီလင်းသစ်ပြောတာ ဟုတ်တယ်။ သစ်တောညနေမှာ အရိပ်တွေမညီတာကို သိလိုက်ပေမယ့် စိတ်မရှည်တာရယ်။ finishing သိပ်ညံ့တာရယ်၊ ပြင်ရမှာ ပျင်းတာတွေရယ်ကြောင့် ဒီတိုင်းပဲ ထားလိုက်တော့တာ။ မချစ်က ဝါသနာပါတာတွေ လုပ်ချင်တတ်ချင်တာတွေ သိပ်များတယ်။ ဘယ်တစ်ခုမှာမှ မချွန်ဘူးဗျ။ အဲသလို :)

    ReplyDelete

ကော်မန့်များအတွက် ကျေးဇူးတင်ပါတယ်။ ထင်မြင်ခံစားရသလိုသာ ရေးခဲ့ပါရှင်

ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...