အရိုးထိအောင်

ရီဝေ အတွေးတစ်စ
တမ်းတမ်းတတ နမ်းမဝခဲ့ဘူး
အရူးအကန်းပဲ ပြောကြပါတော့...

ငါ့ နှလုံးခုန်သံတွေ နှေးသွားလိုက် မြန်လာလိုက်
မင့် မျက်ဝန်းလေး ပြေးသွားလိုက် ပြန်လာလိုက်
ငါ့ရှေ့က ရေမြောင်းဘောင်ဟာလည်း ကျဉ်းသွားလိုက် ကျယ်လာလိုက်
ငါ့ ကောင်းကင်က လတစင်း လင်းသွားလိုက် ကွယ်သွားလိုက်
ငါ ရပ်နေတဲ့ မြေကြီးတောင် မြင့်လာလိုက် နိမ့်ဆင်းလိုက်...နဲ့
ကြည့်နေခဲ့တဲ့ ကြယ်တစင်း ငါ့ရင်ကို ထုတ်ချင်းဖောက်...
အိပ်မက်ထဲမှာတောင် နတ်ပြည်ကို ရောက် ရောက်နေခဲ့....

အရာရာ စွမ်းနိူင်သူကြီးရဲ့လက်ထဲ
တမက်တမော ပေးဆပ် ပုံအပ်...
ရော့...ယူသွားလိုက် ငါ့တဘဝလုံး
ငါ့ နောက်ဆုံး ထွက်သက်လည်း မင့်လက်ထဲမှာ
မင်း စီရင်တာမှန်သမျှ လည်စင်းခဲ့ရပြီ
ဟိုး...ရိုးတွင်း ချဉ်ဆီအထိ
တရိရိနဲ့ ကျွမ်းဝင် စွဲမက်
အချိန်စက်ဝန်း ရွေ့နေသမျှ
နေ့နေ့ ညည....
အသွေးအသားက တောင့်တမွတ်သိပ်
တဆိတ်ကလေး...
ငါ့အနား ငါနဲ့အတူ ရှိနေပေးစမ်းပါ
ငါ့ နောက်ဆုံးထွက်သက်အထိ အတူရှိနေစမ်းပါ...

ငါ မရှိတော့တဲ့ တနေ့
ကျေးဇူးပြု၍ မေ့မသွားပါနဲ့
မင်းအတွက် ငါဟာ....
အရိုးထိအောင် ရူးမိုက်ခဲ့တဲ့ကောင်....ဆိုတာ...။



ကျမ ချစ်တဲ့ ကိုဒိုးလုံးအတွက် သူ့ရဲ့ "အရိုးထိအောင်ရူး" သီချင်းလေးကို ခံစားပြီး ရေးစပ်ပါတယ်။

သူ့လိုပဲ အချိန်မတိုင်မီ စောစီးစွာ ကြွေလင့်သွားသူများအတွက်....
ကျမ ချစ်တဲ့ သူငယ်ချင်းများအတွက်....
ကျမ မသိသော အရိုးထိအောင် ရူးခဲ့ကြသူများ အတွက်ပါ....

အရိုးထိအောင် ရူးခြင်းမှ လွတ်အောင် ရုန်းထွက်နိူင်ကြပါစေ....