ဘာလီ ခရီးစဉ်-၅

ဒီနေ့တော့ တရက်ခရီးစဉ်ရဲ့ နောက်ဆုံး ၂ခု ဖြစ်တဲ့ ဥလုဝပ်တူး တန်ပယ် (Uluwatu Temple) နဲ့ ဂျင်ဘဲရမ် ပင်လယ်စာ (Jimbaran Sea Foods) စားသောက်ဆိုင်ကို သွားတဲ့အပိုင်း ပြောချင်ပါတယ်။

Ulu ဆိုတာ Head/Land's end ၊ Watu ဆိုတာက Stone/Rock လို့ အဓိပ္ပါယ် ရပါတယ်။ "ကုန်းမြေရဲ့ အဆုံးစွန် ကျောက်ကမ်းပါး" လို့ ကျမက ဘာသာပြန်ပါမယ်။ ကိုယ် ပြန်ချင်သလို လွတ်လပ်စွာ ပြန်လို့ရပါ တယ်။ "ကျောက်တုံးဂတုံး" လို့ ပြန်ချင်လည်း ပြန်လို့ရပါတယ်။
အားလုံး ပြေပြေလည်လည်ပေါ့.....။ ဘာလီရဲ့ နာမည် အကြီးဆုံး ဟင်ဒူ ဘုရားကျောင်း ကြီးပါ။ အဲဒီနေရာဟာ နေဝင်ချိန် ကြည့်ကြဖို့ တူးရစ် တွေ အများဆုံး သွားကြတဲ့နေရာပေါ့။

ဝင်ခ ပေးရပါတယ်။ များသောအားဖြင့်တော့ တရက်ခရီးအတွက် ပေးရတဲ့အထဲမှာ ပါပြီး သားပါ။


အမျိုးသား၊ အမျိုးသမီးတွေ အတို ဝတ်လာရင် အခုလို ခါးပတ်ဖို့ အဝတ်တထည် နဲ့ ခါးစည်းကြိုး ပေးပါတယ်။ အရှည်ဝတ်ထားတဲ့ သူတွေ ကိုတော့ ခါးစည်းကြိုး တချောင်းပဲ ပေးပါတယ်။ ခါးစည်း မဖြစ်မနေ စည်းကို စည်းရပါတယ်။ ခါးမရှိတဲ့ သူတွေ၊ ခါးပျောက်နေ တဲ့သူတွေ အတွက်တော့ အလွန် အခက်ပွေရတဲ့ နေရာပေါ့။ အို...ဘယ်လိုပဲဖြစ်ဖြစ် မှန်းမှန်းပြီး စည်းလိုက်ကြတာပေါ့။


ဥလုဝပ်တူးရဲ့ နေဝင်ချိန်လေးပါ....


ဘယ်သူပြောလဲ...မင်းနဲ့တို့ဟာ ပင်လယ်ကြီးနဲ့ ကောင်းကင်ပြာလို ဘယ်တော့မှ မဆုံနိူင်တဲ့ ဘဝတွေပါ လို့....
ဒီမယ်...ဟိုးအဆုံးမှာ သူတို့ ပွေ့ဖက် ထိနမ်းလို့......(ကဗျာဆန်ပုံ...ကဗျာဆန်လိုက်ပုံ.....း)


သိတ်လှတဲ့ Cliff က ဘာလီရဲ့ တောင်-မြောက် တန်းနေပြီး အိန္ဒိယ သမုဒ္ဒရာဘက် မျက်နှာဖွင့်ထားပါတယ်....


ဘုရားကျောင်းက တောင်ဘက်ခြမ်းအပေါ်မှာ ဆောက်ထားပြီး ဝတ်ပြုရှိခိုးမဲ့သူများပဲ ဝင်ခွင့်ပြုပါတယ်...



ဒါက တောင်ဘက်ကကြည့်ရင် တွေ့ရမဲ့ မြောက်ဘက်ခြမ်းCliff ပေါ့....


အပေါ်ပုံနဲ့ အောက်ပုံကို ယှဉ်ကြည့်ရင် Cliff ပဲသက်သက်နဲ့၊ ပန်းခရမ်းပြာလေးတွေနဲ့ တွဲပြီး ရိုက်ထားတဲ့ပုံနဲ့ ၂မျိုး ရိုက်ထားခဲ့တာပါ။
ကျမရဲ့ ဓါတ်ပုံပညာစွမ်း ဆိုပါတော့.......
ယှဉ်ကြည့်ပါ၊ မမြင် မြင်အောင်ကြည့်ပါ...ဇွတ်ပဲ...တိုက်တွန်းပါတယ်...


ဒါကတော့ မြောက်ဘက်က ကြည့်ရင် တွေ့ရမဲ့ တောင်ဘက်ခြမ်းCliff ပါ


ပုံသေးလေး ၂ခုက ညစာ စားခဲ့တဲ့ ဂျင်ဘယ်ရမ် ကမ်းခြေပါ။ စားပွဲတွေကို ကမ်းခြေဘက် မျက်နှာမူပြီး လှိုင်းဖြူဖြူတွေနဲ့ အနီးဆုံး သဲပြင်ပေါ်မှာ ကန်ဒယ်လိုက်-မီးအိမ်လေး ၂လုံးနဲ့ ခင်းကျင်းထားပါတယ်။ အလွန်တရာမက နှစ်ရာ သုံးရာ လောက်ကို ရိုမန်တစ်ပါတယ်။ ရိုးရာတီးဝိုင်းလေးက စားပွဲတိုင်းဆီကို လိုက်ပြီး ဖြေဖျော်သေးတယ်။ သူတို့က စားပွဲတခု ရှေ့ရောက်တိုင်း နှုတ်ဆက်ပြီး ဘယ်ကလာပါ သလဲ မေးပါတယ်။ ကိုရီးယားကဆို ကိုရီးယားသီချင်း၊ ဂျပန်ကဆို ဂျပန်သီချင်း၊ အမယ်...အိန္ဒိယသီချင်းတောင်ပါသေး...

အေးလေ...ရပါတယ် လာထားပေါ့...။ ကျမတို့ကို မေးတော့ ကျမက စလုံးက လာတာလို့ ဆိုလိုက်တယ်...အိုခေပေါ့၊ ဒါနဲ့ ဆိုမလို့ ပျိုးတုန်းမှာ ကျမက Hold on ! ဒါပေမဲ့ ငါတို့က မြန်မာလူမျိုးဟ၊ မြန်မာသီချင်းလေး တပုဒ်လောက် လုပ်စမ်းပါ လို့ အေးဆေးလေးပဲ သီချင်း တောင်းလိုက်တယ်။ ပြီးတော့ သူတို့ မျက်နှာကို သေချာ မကြည့်ပဲ အပီယူပြီး နားထောင်တော့ မဲ့ပုံနဲ့ မျက်လုံး မျက်တောင် လေးတောင် မှေးစင်းထားလိုက်သေးတယ်....။

သူတို့ တယောက်မျက်နှာ တယောက်ကြည့်ကြ၊ ခေါင်းကုတ်ကြ နဲ့ တော်တော်လေး စားသွား တယ်၊ အဲသလို သူတို့ မြွေဖမ်းနေတာ ရယ်ချင်လွန်းလို့ မနဲ အောင့်ထားရတယ်။ မှတ်ပလား...လွယ်လွယ်နဲ့ မရတာ...အဲဒါ တို့ မြန်မာ...




ဓါတ်ပုံတွေ ပုံထွက် သိတ်မကောင်းဘူးနော်၊ သတိထားမိကြတယ် မဟုတ်လား။ ပြန်စဉ်းစားတိုင်း စိတ်မကောင်းဘူး၊ မနက်ကနေ တနေ့လုံး ရိုက်လာလိုက်၊ ရိုက်ပြီးသမျှလေး တပြုံးပြုံးနဲ့ ပြန်ဗျူးလိုက်နဲ့ တကယ် ရိုက်ရမဲ့နေရာ ရောက်ပြီဟဲ့လည်းဆိုရော ကိုရွှေဘက်ထရီလေးက ပြားသွားရော...။ တကယ်ပါ ထိုင် ငိုချင်စိတ် ပေါက်သွားတယ်။ ပိတ်သတ်ကြီးအတွက် ပုံကောင်းလေးတွေ ရိုက်မပြနိူင် ဖြစ်ရပါပြီ ဆိုပြီးတော့...။

အားမလျှော့ပါဘူး လာထား ပန်းသီးလည်းမဟုတ်၊ လိမ္မော်သီးလည်း မဟုတ်၊ အိုင်လို့လည်း မအော်တတ်တဲ့ ကျမရဲ့ ကိုယ်ခေါ်သူကြား သူခေါ်ကိုယ်ကြား ဖုန်းကလေးနဲ့ ပိတ် ရိုက်ပစ်ခဲ့ရတာ...အေးလေ...ရောင့်ရဲတတ်ဖို့ပဲ လိုတာပါ...

သင်ခန်းစာ : ခရီးသွားတိုင်း ကင်မလာ ဘက်ထရီ အပိုတခု ဆောင်သွားရန်



တရက် ခရီးရဲ့ မနက်ခင်း ကျန်ပါသေးတယ်...ကျမက ဟိုဒီ တစစီဆွဲပြီး ရေးနေတာမို့ပါ၊ နောက်ပိုစ့်တွေ မကြာမီ လာမည်...