ဘလော့ဂ်ရေးသူများသို့စာလေးတစောင်

ကျွန်မတို့ ဘလော့ဂ္ဂါအားလုံးအတွက် ဆရာမ နုနုရည် (အင်းဝ) ရဲ့ စာလေးတစောင်ပါ...

ဆရာမရေ....

ကျွန်မတို့လို အွန်လိုင်းမှာ စာရေးနေကြတဲ့ ဘလောဂ္ဂါတွေကို ဆရာမဆီက အိတ်ဖွင့်ပေးစာ တစောင်

မောင်ပိုင်( မြစ်ကျိုးအင်း )မှတဆင့် ဖတ်ရှူခွင့်ရခဲ့ပါတယ်။

ကျွန်မတို့ ဘလော့ဂ်အဝန်းအဝိုင်းလေးဟာ သိတ်ချစ်စရာကောင်းပါတယ်။ တဦးနဲ့တဦး အားပေးဖေးမမှုတွေ၊ စာနာနားလည်မှုတွေနဲ့အတူ လူချင်းမမြင်ဘူးကြဘဲ ဝါသနာတူချင်းမို့ စိတ်ချင်း၊ ရင်ဘတ်ချင်း ဆက်သွယ်ထားကြသူတွေလို့ ဆိုနိူင်ပါတယ်။ ဆရာမရေ... ကိုကြီးကျောက်နဲ့လည်း အဲသလိုပဲ သူ့စာတွေ ကိုယ့်စာတွေကတဆင့် တယောက်နဲ့တယောက်  ထုတ်ချင်းပေါက်မတတ်မြင်ခဲ့ကြသူတွေပါ။ သူ့ရဲ့ ဆုံးပါးမှုအတွက် ကျန်ရစ်သူ ဘလော့ဂ်မိသားစုကြီး တစုလုံးက ဝမ်းနည်းမဆုံး ရှိနေခဲ့ကြရပါတယ်။

ဆရာမရဲ့ ဘလော့ဂ်ရွာအပေါ် သဘောထားကို သိရတဲ့အတွက် အင်မတန် ဝမ်းသာအားရမိပါတယ်။ ဆရာမပြောသလိုပါပဲ ရသစာပေဟာ လူ့ယဉ်ကျေးမှုကြီးတခုလုံး ပျောက်ကွယ်မသွားသရွေ့ အစဉ် တည်တံ့နေဦးမှာပါ။

ကျွန်မတို့ ဘလော့ဂ်ရွာသားတွေရင်ထဲ အင်အားတွေ ထည့်ပေးခဲ့တဲ့ ဆရာမရဲ့ စာလေးအတွက်

ကျေးဇူးအများကြီး တင်ပါတယ် ဆရာမရေ....

ချစ်ခင်လေးစားစွာ,