၂၉၁၁၂၀၂၅

ခုရက်တွေ အလုပ်များလွန်းလို့ ဒီတပတ် ကျောင်းပိတ်ပြီးသွားတာတောင် အလုပ်တွေ မပြတ်ဘဲ ကွန်ပြူတာအိမ်သယ်လာရတဲ့အထိပဲ။ စာသင်ရတာအပြင် comm workလို့ ခေါ်တဲ့ ကော်မီတီအလုပ်တွေပါ တွဲလုပ်ရတာမို့ ဝန်ပိလှတယ်ဆိုရမယ်။ ကိုယ်တို့commက Student leadership Committee မို့ prefect mentoringအလုပ်တွေရော၊ prefect uniformကအစ leadership badgesတွေ မှာရတဲ့ procurementအလုပ်တွေပါ ကိုယ်က တာဝန်ယူထားရတော့ အလုပ်များပါတယ်။ ကျောင်းပိတ်ရက်လေး အပြေးအလွှား ခရီးသွားဖို့လုပ်ထားတော့ ပစ္စည်းတွေလည်းထည့်ဖို့ပြင်ရနဲ့ပေါ့။ ဖြစ်ချင်တော့ ဘာကြောင့်မှန်းမသိ လူက ချောင်းဆိုး လည်ချောင်းနာပြီး နှာသံပေါက်လာတာနဲ့ ဆေးထသောက်ရသေးတယ်။ ဒီနေ့ online zoomနဲ့နှစ်ချိန် ကလေးတွေ စာသင်ပေးပြီး တီချယ် ခရီးသွားဖို့ရှိလို့ Dec20မှ ပြန်တွေ့ကြမယ်၊ အိမ်စာတွေ လုပ်ထားကြဆိုတော့ ဒင်းတို့တွေက ဟေး...လို့ ထမအော်ရုံတမယ် 😅 ဒီတလော လက်ဖက်ရည် ကော်ဖီ မသောက်ဖြစ်ဘဲ၊ တခြား စိတ်ထဲရှိရာတွေ သောက်ချင်တာတွေ သောက်ဖြစ်နေပြန်တယ်။

ဘဝက လက်ရှိအနေအထားမှာ ကျေနပ်အောင် နေတတ်ဖို့ သင်ယူထားခဲ့ရတာမို့ ထွေထူး ဘာမှ မရှိ။ ဝမ်းနည်းတာမျိုးမရှိ ပျော်တယ်ဆိုတာမျိုးလည်း မရှိ ပကတိ မျှခြေမှာ...တည်..၊

03072025

 မြို့လေးတမြို့မှာရှိတဲ့ ရှီဝဘုရားကိုကိုးကွယ်ကြတဲ့ ဟိန္ဓူဘာသာဝင်တွေရဲ့ ဘုရားကျောင်းကို ရောက်ခဲ့တယ်။ ၄ရာစုနှစ်လောက်ကတည်းက တည်ထားတာဆိုတော့ ခုဆိုနှစ်ပေါင်း ၁၇၀၀ကျော် သက်တမ်းရှိခဲ့ပြီ။ ယူနက်စကိုအမွေအနှစ်စာရင်းဝင်ထားတဲ့နေရာလည်း ဖြစ်တယ်။ ကျွန်မတို့ ပုဂံထက် နှစ်ပေါင်း၅၀၀လောက်စောပြီးတည်ထားတဲ့ဘုရားကျောင်းပေါ့။ 

အဲဒီကိုရောက်တော့ ပုဂံကို လွမ်းလိုက်တာဆိုတာလေ...။ 

မိုးလေးဖွဲဖွဲကျနေတာကိုက လွမ်းစရာ...။ 

ပထမပုံကတော့ ဝီကီကယူလာတာပါ...။

နေရာအတော်များများမှာ မူရင်းလက်ရာမပျက် ပြန်ပြင်ထားတာမျိုးတွေ့ရတယ်။ အုတ်အရွယ်အစားကအစ မူလအရွယ်အစား အထူအပါးအတိုင်း လုပ်ထားတာ။ အုတ်အရောင် အသစ်အဟောင်းကတော့ ကွဲတာပေါ့လေ...။ 

အမေရိကန်-ဗီယက်နမ်စစ်ပွဲတုန်းက ဗုံးကြဲခံရလို့ ပျက်စီးသွားခဲ့ရတာလို့ဖတ်ရတယ်။ 

15June25

 တမြို့စာမိုးရွာနေတာနဲ့ နောက်တမြို့ရောက်မှပဲသေချာ အပြင်ထွက်လည်ရတော့တယ်...

တွယ်စရာရှိရင်တော့ တွယ်ရမှာပဲ 😋😋

A trip to....10June

 ကျောင်းပိတ်ရက်လေးရတုန်း ခရီးလေးတခု ထွက်ဖြစ်တယ်...။

စိတ်တခုလုံး တင်းတောင့်နေတာတွေ ခဏဖြစ်ဖြစ် ပြေလျော့နိူင်မလားတွေးရင်းပေါ့...။

ဒီခရီးမှာ အတတ်နိူင်ဆုံးပေါ့ပေါ့ပါးပါးပဲ သွားဖို့ စိတ်ကူးထားတယ်။ ခါတိုင်းသယ်နေကျ BB creamတို့ မိတ်ကပ်အရည်တို့ ဘာတခုမှ မသယ်သွားဘဲ စကင်ကဲ၊ နေရောင်ကာနဲ့ lipgloss လောက်ပဲ သယ်သွားဖြစ်တယ်။ ပြင်ရဆင်ရအတော်သက်သာတယ်။ လူလည်း စိတ်လွတ်လက်လွတ်ဖြစ်ရတယ်...။ အလေးဆုံးသယ်ဖြစ်တာ ဒီတခါက ပန်းချီပစ္စည်းတွေပဲ။ 

ဖြစ်ချင်တော့ စရောက်တဲ့နေ့ကတည်းက မိုးတွေချည်းရွာနေလို့ ခုထိ အောက်ဒိုးမထွက်ဖြစ်...။

ပန်းချီအပြင် သူတို့ရဲ့ Potteryကလည်း အဆင့်အတန်းမြင့်မားလှတယ်...

အလင်းနောက်ခံနဲ့မို့ လူကမည်းသွားပေမယ့် ကိုယ်မှန်းတော့ သိသာတယ်ဟုတ်လား 😅

အနှစ်၂၀၀ကျော် အိမ်ဟောင်းလေးထဲက မီးပုံးနီလေးတွေ...

လေဆိပ်ကအထွက်...

စသွားတုန်းက တရောင်၊ ပြန်လာရင် ညိုမှောင်နေဦးမယ်။ အဲလိုပဲ ခရီးသွားပြီဆို လေစိမ်းထိတာနဲ့မဲတဲ့အရည်ပြားပါးသူ 😅

လိုင်းရရင် ရသလို ပုံတွေ တင်ထားမယ်စိတ်ကူးတာပဲ...။

ဟိုတယ်မနက်စာစားတဲ့နေရာကနေ မြင်ရတဲ့ ရှုခင်းလေး...၊ သိပ်အေးချမ်းတာပဲ...

နောက်မှ အကိုကြီးနဲ့ပုံတွေလည်း တင်ရဦးမယ်...

ခကအ

5062025

 အမေနှစ်ယောက်နဲ့စကားပြောဖြစ်တယ်...။

ဘာမှ အများကြီး မလုပ်ပေးနိူင်ပေမယ့် အဝေးကနေ သူတို့လိုသမျှထောက်ပံ့ပေးနေနိူင်တာကိုပဲ သူတို့က သာဓုခေါ်ကြတာ...။ 

အမေတွေလည်း အသက်တွေကြီးကုန်ကြပြီ။ ကိုယ်တွေလည်း မငယ်ကြတော့...၊

25Mar2025 throwback

နှစ်တွေအကြာကြီး ခင်မင်လာ၊ ချစ်လာကြတဲ့ မိတ်ဆွေတွေနဲ့ ခဏဆုံဖြစ်တယ်။ အချိန်ပေးပြီး လာတွေ့ပေးကြတာကိုပဲ ဝမ်းသာရတယ်။ အားလုံးက ကိုယ့်ကိစ္စနဲ့ကိုယ် တနေ့တနေ့ အားလပ်ချိန်ဆိုတာ ရှားပါးရတဲ့အထဲမှာလေ...၊

အဲဒီကပြန်လာပြီး မကြာဘူး၊ ငလျင်သတင်းတွေ မြေပြင်အခြေအနေတိုက်ရိုက်တွေ့မြင်နေရတာတွေကြောင့် လူလည်း အတော်လေး ပုံကျသွားပြန်တယ်။ 

သေဆုံးသွားတာမျိုးထဲမပါပေမယ့် အိမ်အခြေအနေအရ ဆက်နေဖို့မဖြစ်တော့လို့ တခြားနေရာတခုမှာ မိသားစုဆွေမျိုးတွေကို ရွှေ့ပြောင်းနေရာချထားပေးကြရတယ်။ နေ့ချင်းညချင်း မြို့ပျက်ကြီးနီးပါးဖြစ်သွားတဲ့ သူ့မြို့အတွက် အိမ်က မန်းသားက စိတ်ထိခိုက်ရှာတယ်။ ဘယ်တုန်းကမှ မျက်ရည်မကျ မလွယ်တဲ့သူက မျက်မှန်လေးပင့်ပင့်ပြီး မျက်ရည်ခိုးသုတ်တာကို မမြင်ချင်ယောင်ဆောင်ရတာလည်း ကိုယ့်အတွက် နာကျင်ရတာပါပဲ။ 

သေဆုံးတဲ့အထဲပါသွားတဲ့ သူ့မိတ်ဆွေ သူငယ်ချင်းတွေ၊ အိမ်ပြိုတိုက်ပြို စီးပွားပျက်ပြီး လမ်းမပေါ် ရောက်တဲ့အထိ ဖြစ်ရတဲ့ မိတ်ဆွေသူငယ်ချင်းတွေ၊ ဘယ်သူကများ ဘာမှမဖြစ်သလိုနေနိူင်မှာတဲ့လဲ...။

ကိုယ်သိပ်မြတ်နိုးရလွန်းတဲ့ မင်းကွန်း မြသိန်းတန်စေတီ၊ ပုထိုးတော်ကြီး...၊ အုတ်ပုံတွေကြည့်ရင်း မျက်ရည်ကျရလိမ့်မယ်လို့ ဘယ်သူတွေးမိပါ့မလဲ...၊ 

အနတ္တတရားကိုသာ အဖန်ဖန် ဆင်ခြင်နေရတာလည်း နာကျင်မှုပါပဲ...၊

ပုံကတော့ ဘာမှမသိသေးခင် ခဏကလေး စိတ်လက်ကြည်သာခဲ့ချိန်ကဆိုပါတော့...။

ဘယ်အရာမှမမြဲဘူးဆိုတဲ့အထဲ စိတ်အခြေအနေတွေရဲ့ တက်ကျပြောင်းလဲမှုကဖြင့် ကြည်သာနေတဲ့အညွန့်လူလူကလေးကို ရိုက်ချပစ်လိုက်နိူင်တဲ့အထိ၊ ရက်စက်နိူင်လွန်းပါတယ်...

အရယ်အပြုံးတွေ ရှားပါးလာရတဲ့အထဲ...

 စိတ်တွေဟာ ပျော်မနေပြန်ဘူး...။

ခကအ

21022025

 နောက်နေ့မှ စာရေးတော့မယ်...

အိပ်ငိုက် 😅

New year trip 03012025

 အုပ်စုလိုက်ခရီးထွက်ရတာ ​ပျော်စရာ​ကောင်း​ပေမယ့် ကိုယ်တကိုယ်စာလုပ်ချင်တာ​တွေ မလုပ်ခဲ့ရဘူး။ ခါတိုင်းလို ခရီးသွားပုံကြမ်းခြစ်တာမျိုး မလုပ်နိူင်ခဲ့တာ ကိုယ့်အတွက် စိတ်မ​ပျော်ရွှင်စရာပါပဲ။ ယူသွားတဲ့ ပုံကြမ်းခြစ်စာအုပ်နဲ့ မင်တံ​လေး​တွေ ဒီအတိုင်းပြန်ပါလာတာ စိတ်ထဲမ​ကြေမချမ်းဖြစ်ရတယ်...

တ​နေရာရာမှာ ​အေး​အေး​ဆေး​ဆေး ပုံထိုင်ခြစ်​နေချင်တယ်။ ​ရောက်​လေရာမှာ ပြတိုက်တို့ ပန်းချီခန်းတို့လည်း ကိုယ်က သွားကြည့်ချင်တာပဲ၊ ဒါ​ပေမယ့် အုပ်စုနဲ့မို့ အများစိတ်ဝင်စားရာ သွားခဲ့ကြရ​တော့ ကိုယ့်စိတ်အစာမ​ပြေခဲ့ဘူး​ပေါ့။

အဲတာတခုကလွဲလို့ မဆိုးပါဘူး။ စိတ်သ​ဘော​ကောင်းပြီး ​ပျော်ရွှင်တတ်တဲ့မိတ်​ဆွေ မိသားစု​တွေနဲ့ ခရီးအတူသွားရတာ ​ကျေနပ်စရာပါ။

ဒီတ​ခေါက်​တော့ ​ရေကူးကန်ထဲ ၂ခါပဲဆင်းဖြစ်ခဲ့ပြီး ပင်လယ်​ရေလည်းမစိမ်ခဲ့လို့ ထင်ပါရဲ့။ အရင်အ​ခေါက်​တွေလို မည်းပြာမလာဘူး 😅😅

New year trip

 ခရီး​တွေထွက်မိပြန်ပြီ

​နောက်နှစ်မှ စလုံးပြန်​ရောက်​တော့မယ် 😊

28Dec2024

 ​လေယာဥ်ပျံလက်မှတ်ရပြီ ငပလီကိုကွယ်...

ဆုံရပ် 1st Dec 2024

 လူ​တွေကြားထဲ မသွားဖြစ်တာ

အထူးသဖြင့် ဘာပွဲမှ မသွားဖြစ်တာ

အ​တော်ကြာသွားတယ်။

ဒါ​ပေမယ့် နှစ်​ယောက်ထဲ​တော့ ထွက်ဖြစ်ပါတယ်။အကိုကြီးလိုက်ပို့လို့ အနီးအနား ခရီးတို​လေး​တွေက​တော့ တလခြားတခါ​လောက်ထွက်ဖြစ်​နေတယ်။ ခရီးထွက်တိုင်းလည်း ပြန်လာရင် ​နေ​လောင် မည်းပြာလာတာပဲ၊ ဒါ​ပေမယ့် ​ပျော်တယ်။

စိတ်​တွေ လွတ်လပ်​ပေါ့ပါးတာ အ​နှောင်အဖွဲ့​တွေက​နေ ကင်းလွတ်​အောင်​နေတတ်လာတာ၊ ကိုယ့်ကိုယ်ကို အရမ်း​ကျေနပ်မိတယ်။ ဘာသံ​ယောဇဥ်မှ မရှိတဲ့ဘဝက တကယ်​အေးချမ်းတာပဲ...။

အကိုကြီးက​တော့ မကျန်းမာလှတဲ့ကိုယ့်ကို အ​တော်​လေး ဂရုစိုက်ရှာပါတယ်။ သူ့အ​ပေါ် တွယ်တာလာစိတ်​တွေကိုလည်း မနည်းဖြတ်ရတယ်။ ပူ​လောင်ရမှာ ​ကြောက်လို့ပါ။ 

ဒီတပွဲက​တော့ သူငယ်ချင်း​ခေါ်လို့ သွားဖြစ်တယ်။ 

ဟိုလူဒီလူ မ​တွေ့ရတာကြာတဲ့လူ​တွေကို ပြန်​တွေ့ရတာ​တော့ ​ကောင်းသားပဲ။ အရင်လို ဓါတ်ပုံရိုက်ချင်စိတ် သိပ်မရှိ​တော့တာ သတိထားမိတယ်။ ရိုက်ဖြစ်သမျှပုံ​လေး​တွေ​တိုင်းကလည်း သူများဖုန်းနဲ့ရိုက်ပြီး ကိုယ့်ဆီလှမ်းပို့တာ​တွေချည်း...။

အမှတ်တရပုံ​လေး​တွေမို့ သိမ်းထားဖြစ်ပါတယ်။

​အော်ဇီက​နေ ​ရောက်ချလာတဲ့ ညီမနဲ့ 🥰

ဒါက​တော့ သူငယ်ချင်းသက်​ဝေနဲ့ 😍

ဆထက်နဲ့​ခွေဖူ

စာအုပ် ဆပ်ပြာ နားကပ်နဲ့ မြန်မာ့လက်မှုပစ္စည်း​လေး​တွေ​ရောင်းကြတဲ့ ကိုယ်တို့ရဲ့ဆိုင်

😆😆

ခဏ​တော့ စိတ်​တွေ လွတ်လပ်​ပေါ့ပါးခဲ့ရ။

ကိုယ်လည်း သီချင်းကြိုက်​ပေမယ့် အဲ့​နေ့က ဆိုကြတီးကြတဲ့တချို့သီချင်း​တွေ အများစုက​တော့ ​တော်​တော်​လေးနားမခံနိူင်ဖြစ်ရတယ်။ 

ကိုယ်တို့​ရောင်းသူ​တွေနဲ့ ဝယ်သူ​တွေကြား စကား​တွေ​အော်​ပြောကြရတာ​တောင် မကြားရတဲ့အထိ၊ ပွဲကလည်းပြန်လာ​ရော လည်​ချောင်း​တွေပါနာတဲ့အထိပါပဲ။ စီစဥ်သူ​တွေ သတိထားစရာအချက်​ပေါ့။

ခကအ

KuchingTrip

 ဒီတ​ခေါက်​တော့ Kuchingသွားခဲ့တယ်။

သန့်ရှင်းသပ်ရပ်​နေတဲ့မြို့က​လေးပဲ...၊ ​ဒေသစာ​တွေကလည်း အရသာရှိလိုက်တာ...။ 

ဓါတ်ပုံ​​တွေ သိပ်မရိုက်ဖြစ်​တော့ဘဲ မြင်သမျှ စိတ်အာရုံထဲထည့် ခံစားတတ်လာတယ်။ အကိုကြီးက​တော့ သူပဲ ကိုယ့်ကို တဖျတ်ဖျတ်ရိုက်​နေ​တော့တာ။

အသက်​ရော အရွယ်ပါ ကြီးရင့်လာတာ သိပ်သိသာတာပဲ၊ စိတ်ဟာ ဟိုးအတွင်းသားထဲက​နေ ​ပြောင်းပြန်ဆွဲလှန်လိုက်သလို...၊ အရင်တုန်းကနဲ့ လုံးဝကွဲပြားသွား​တော့တယ်။ 

ကိုယ်ဟာ ကိုယ်မဟုတ်​တော့သလို...။ 

တ​နေ့ ထားသွားရမယ့် ကိုယ်​နေထိုင်ရာကမ္ဘာကြီးကို appreciateဖြစ်တတ်လာတယ်ဆိုရမလား...။ ဘယ်လို​ပြောရမယ်မသိဘူး။ 

အရာရာကို ​ငေး​မောကြည့်တတ်လာတယ်

ကြားသမျှ နား​ထောင်​နေချင်တယ်

စကား​တွေအများကြီး မ​ပြောချင်​တော့ဘူး

ငြိမ်ငြိမ်​လေး​နေရတာ ကြိုက်လာတယ်

ကိုယ့်ဖြစ်တည်သမျှကိုလည်း ကိုယ်တိုင် ကြည်​မွေ့နှစ်သက်တတ်ပြီ...။

တချို့သူ​တွေ ကိုယ့်အ​ပေါ် ​ပြောဆိုတာ​တွေ ပြန်ကြားရတဲ့အခါ ပြုံးပြီးနား​ထောင်လာတတ်တယ်။ ​ကောင်းသည်ဖြစ်​စေ၊ ဆိုးသည်ဖြစ်​စေ စကားလုံး​တွေအ​ပေါ် ထူးထူးခြားခြားမခံစားမိ​အောင်​နေတတ်ပြီ။ 

လက်ရှိ​ခြေ​နေကို သိပ်​ကြေနပ်တာပဲ...။

ဘဝဟာ တို​တောင်းတယ်မဟုတ်လားကွယ်...

Kuching riverထဲမှာ....

7Aug2024

 ခရီးသွားဖြစ်ပြန်တယ်...

ခဏ​တော့ စိတ်​တွေအနားရခဲ့ပါတယ်။

1Apr2024

Too cheeeessssyyy !!

(ည​ဈေးတန်းမှာ ​တွေ့ရာစားခဲ့)

ဒီပုံက​တော့ ​ရေတံခွန်မှာ အကိုကြီးရိုက်​ပေးတဲ့ပုံ

တလမ်းလုံးကားစီးရတာ ငြီးစီစီဖြစ်လာခဲ့သမျှ

ကြည်ပြီး စိမ့်​နေတဲ့​ရေထဲ ​ခြေ​ထောက်ချမိချိန်မှာ ​မောသမျှ အကုန်​ပျောက်​ရောပဲ...။

(ကိုယ့်​ဘေးမှာ​ရော ​ရှေ့မှာ​ရော လူ​တွေအများကြီးရှိတယ်။ လူ​တွေ​ရှောင်ရိုက်ပြီး ခ​ရော့ပ်ထားလို့)

 

#ခရီးသွားခြင်း