Tuesday, September 4, 2012

လှုပ်ခတ်တတ်သော အကိုင်းဖျားတွင် ကျွန်တော်နေထိုင်သည်



၁)

မိန်းမ၀၀ကြီးတစ်ယောက် လမ်းအတိုင်း လျှောက်လာနေတယ်။ လမ်းအတိုင်း လှိမ့်ချလာနေတယ်လို့ ပြောရင် ပိုမှန်မလားပဲ။ လုံးလုံး  လုံးလုံးနဲ့။ လိမ့်လိမ့်  လိမ့်လိမ့်နဲ့။ ဒါ ကျွန်တော်တို့လမ်းကို ရေစီးရေလာကောင်းမွန်အောင် လုပ်သွားတဲ့လူရဲ့ လက်ချက်ပဲ။ လမ်းတွေက မသိမသာလေး စောင်းငမ်းငမ်းနဲ့။ ဒီတော့ မိန်းမ၀၀ကြီး ကြည့်ရတာ
လမ်းအတိုင်းလိမ့်ကျလာနေသလိုပဲ။ အဲဒါ မိုးရွာပြီးရင် ရေမတင်အောင် စီမံခဲ့တာတဲ့။ ဒါကြောင့် ကျွန်တော်တို့မြို့မှာ မိုးရွာပြီးရင် ရေတင်ကျန်မနေခဲ့ဘူး။  ဘယ်မြို့လဲလို့ မမေးပါနဲ့။ ဟော သူမ  ရှေ့က ဟမ်ဘာဂါဆိုင်လေးထဲ ၀င်သွားပြီ။ ဟမ်ဘာဂါတစ်လုံးဝယ်တယ်။ အပ်ပ်ဆိုက်နော်တဲ့။ ပုံမှန်ထက်ပိုကြီးတဲ့ ဘာဂါပေါ့လေ။ ရယ်ရတာက ပုံမှန်ထက်ပိုကြီးတယ်ဆိုတဲ့ ဘာဂါဟာ မိန်းမ၀၀ကြီးအတွက်တော့ မိန်းမ၀၀ကြီးပါးစပ် ဟမ်ဘာဂါပက်သလို ဖြစ်နေတာပဲ။  လူသားချင်းစာနာတဲ့အနေနဲ့ ကျွန်တော် မပြုံးလိုက်မိပါဘူးဗျာ။ ၀တဲ့သူမှာလည်း ၀တဲ့ဒုက္ခနဲ့၊ ပိန်တဲ့သူမှာလည်း ပိန်တဲ့ဒုက္ခနဲ့၊ ဖောင်းတဲ့သူမှာလည်း ဖောင်းတဲ့ဒုက္ခနဲ့။ ကျွန်တော်တို့မြို့မှာ ဒုက္ခတွေ မျက်နှာပွင့်လိုက်ပုံက။

ဟော မိန်းမ၀၀ကြီး ထီးဖွင့်ဆောင်းလိုက်တယ်။ ထီးကလေးဟာ မိန်းမ၀၀ကြီးခေါင်းပေါ်မှာ မှိုကလေးတစ်ပွင့်လို။ အပြင်မှာ မိုးပေါက်ကလေးတွေ ကျနေတာပဲကိုး။ လမ်းပေါ်က လူတွေတော်တော်များများ ထီးဖွင့်ဆောင်းကုန်ကြပြီ။ ခုမှ သတိရတယ်။ ကျွန်တော် အ၀တ်တွေ လှမ်းထားတာ။

၂)

ဒီနေ့ မိန်းမ၀၀ကြီးက ကျွန်တော်တစ်ခါမှ မမြင်ဘူးတဲ့ အင်္ကျီအသစ်နဲ့။ အသစ်ဝတ်ထားတဲ့ မိန်းမတို့ရဲ့ ထုံးစံအတိုင်း မိန်းမ၀၀ကြီးမျက်နှာက ကြေနပ်မှုတွေနဲ့ ချိုအီလို့။ ရုတ်တရက် မိန်းမ၀၀ကြီးက သူ့ဖိနပ်ကို ငုံ့ကြည့်တယ်။ ဖိနပ်ကို ချွတ်လိုက်ပြီး ဖိနပ်ခွာမြင့်ကို သေချာကိုင်ကြည့်နေတယ်။ ကြည့်ရတာ ဖိနပ်က ခွာပြုတ်တော့မဲ့ဆဲဆဲ ဖြစ်ပုံရတယ်။ တစ်ခုခုရေရွတ်ပြီး ဖိနပ်ကို လွှင့်ပစ်တော့မဲ့ဟန်ပြင်လိုက်တယ်။ အားရပါးရ လွှဲပစ်မလိုလုပ်ပြီးမှ မျက်လုံးတွေက ဟိုရှာဒီရှာနဲ့။ နောက်တော့ ယတိပြတ်ဆုံးဖြတ်လိုက်ဟန်နဲ့ ဖိနပ်နှစ်ဘက်လုံးကို ချွတ်ပြီး အဝေးကြီးကို ပစ်လိုက်တယ်။ ဒါပေါ့ ကျွန်တော်တို့ မြို့ကလေးမှာ အမှိုက်ပုံးတွေက လွယ်လွယ်ကူကူ နေရာတကာမှာ မရှိဘူးလေ။ မိန်းမ၀၀ကြီးက ခပ်တည်တည်ပဲ ခြေဗလာနဲ့  ဆက်ပြီးလမ်းလျှောက်သွားတယ်။ ကျွန်တော်သဘောကျတယ် အဲသလိုမျိုး။ တစ်ချို့မိန်းကလေးတွေလို ဖိနပ်ပြတ်တာကိုပဲ ရှက်သလိုလို၊ ငိုတော့မလိုလိုဖြစ်နေတာထက်စာရင်။ တစ်နေရာရာမှာ ဖိနပ်ဆိုင်တွေ့ရင်တော့ ဖိနပ်အသစ်တစ်ရန် ၀ယ်ဖြစ်အောင် ၀ယ်လိုက်ဦးလို့ ကျွန်တော့်စိတ်ထဲက ပြောနေမိတယ်။ 

ခဏနေရင် အမှိုက်ကားလာချိန်။ နိူင်ငံကြီးသားပီသစွာ အမှိုက်စွန့်ပစ်ဖို့ မီးဖိုချောင်ထဲဝင်သွားပြီး အမှိုက်ထုတ်ကို အိမ်ရှေ့မှာချ အသင့်ပြင်ထားလိုက်တယ်။ မီးဖိုထဲမှာ ဟင်းချက်နေတဲ့ ကျွန်တော့်အမေကို သားလိမ္မာလာပါပြီ ဆိုတဲ့အပြုံးမျိုး ပြုံးပြလိုက်တယ်။ ကျွန်တော် အလုပ်မရသေးတာက လွဲလို့ပေါ့အမေ။ အမေ့ကို လုပ်ကျွေးနိူင်တော့မှာပါ။ ခဏလေး စောင့်ပါ။ ကျန်းမာရေး ဂရုစိုက်ပါအမေ။ သားလုပ်စာကျွေးချင်လို့ပါ။ အမေက ကျွန်တော့်ကို ပြန်ပြုံးပြတယ်။

 ၃)

အင်တာဗျူးက သိတ်တော့ အခြေအနေမကောင်းဘူး။ ကျွန်တော်လည်း မေးခွန်းတွေကို တတ်နိူင်သမျှ ဖြေတာပဲ။ ဒါပေမဲ့.....။ ကံပေါ့လေ။ ကံကိုပုံချတတ်တာ ကျွန်တော်အစစ်မဟုတ်ပေမဲ့ ကျွန်တော့်ကိုယ်ကျွန်တော် နှစ်သိမ့်ဖို့ အသည်းအသန်လိုအပ်နေလို့။ အိမ်မပြန်ချင်သေးဘူး။ မြို့ထဲရောက်တုန်း ဟိုဟိုဒီဒီ လမ်းလျှောက်ကြည့်ချင်သေးတယ်။ ခိုတွေကို အစာသွားကျွေးရရင် ကောင်းမယ်။ စိတ်က ဆုံးဖြတ်ပြီး လမ်းကြောင်းအပြောင်း လူကနောက်ပြန်အလှည့်မှာ နောက်က လူတစ်ယောက်နဲ့ တိုက်မိသွားတယ်။ ဟာ....ဒါ ကျွန်တော်တို့လမ်းထဲက  မိန်းမ၀၀ကြီးပဲ။ အနီးကပ်တွေ့လိုက်ရတော့ ကျွန်တော်ထင်သလို မိန်းမ၀၀ကြီးမဟုတ်ဘဲ မိန်းမ၀၀လေး ဖြစ်နေတယ်။ မျက်နှာလေးက နုနုလေးနဲ့။ မတော်လို့ပါဗျာ။ မိန်းမ၀၀လေးက ပြုံးပဲပြတယ် ပါးချိုင့်လေးနဲ့ ။ ဘာမှတော့ ပြန်မပြောဘူး။

ကျွန်တော်လည်း ခိုတွေဆာနေမှာစိုးတာနဲ့ လမ်းကို ခပ်သွက်သွက် ဆက်လျှောက်လာလိုက်တယ်။ ခိုတွေက သူများကျွေးစာပေးစာ စောင့်စားနေကြရတဲ့ဘ၀မို့လား။ ခိုစာပဲတွေပစ်ကျွေးတော့ ခိုတွေက ၀မ်းသာလွန်းလို့လေ။ အလုအယက် စားကြတာ။ ဒါပေမဲ့ ရန်မဖြစ်ကြဘူး။ ချစ်ချစ်ခင်ခင် ကတ္တရာတစ်လမ်းတည်းပေါ် နှုတ်ရေတစ်ပြင်တည်း ရွေးကောက်စားကြတယ်။ ခိုတွေက အလုပ်လုပ်စရာ မလိုဘူး။ ဒါတောင် ညည်းနေကြသေးတာ။ ဒီနေ့အတွက်တော့ ခိုတွေရေ မင်းတို့အစား ကျွန်တော့်ကို ညည်းခွင့်ပေးပါ။ ကျွန်တော်အလုပ်ရဖို့ မသေချာဘူး ခိုတွေရယ်။ ကျွန်တော့်ကို ခွင့်လွှတ်ပါအမေ။ ကျွန်တော် ညံ့ဖျင်းနေဆဲပဲ ရှိပါသေးတယ်၊ ဒါမှမဟုတ် ကျွန်တော်လိုလူတော်ကို မရွေးချယ်ဘူးဆိုရင်လည်း မရွေးချယ်တဲ့ သူတို့ရဲ့ ညံ့ဖျင်းမှုပဲ ဆိုကြပါစို့။

၎)

မိန်းမ၀၀လေးက ကြော်ငြာဆိုင်းဘုတ်တစ်ခုရှေ့မှာ ရပ်နေတယ်။ ဆိုင်းဘုတ်ထဲက စာသားတွေကို ၀ါးစားသလို ဖတ်နေတယ်။ မျက်လုံးတွေက အရောင်တွေ တလက်လက်တောက်ပလို့။ ကြည့်စမ်း ကြော်ငြာက Slimming ကြော်ငြာကိုး။ ဘယ်နှစ်လအကြာမှာ သင် ဘယ်လိုကိုယ်လုံးလေးမျိုး ရလာလိမ့်မယ် ဘာညာသာရကာပေါ့။ ကျွန်တော်ကတော့ အဲဒါတွေကို မယုံကြည်ဘူး။ မိန်းမ၀၀လေးကတော့ အဲဒီကြော်ငြာပါလိပ်စာအတိုင်း လှေကားတွေပေါ်မှာ သူ့ခြေရာခတ်နှိပ်ပြီး နင်းတက်သွားလေရဲ့။ မျှော်လင့်ချက်တွေ ပွေ့ပိုက်ပြီးတော့လေ။

နောက် သုံးလအကြာမှာ ကျွန်တော့်အိမ်ရှေ့က ဖြတ်သွားတဲ့ မိန်းမ၀၀လေးကို တွေ့ရပြန်တယ်။ အရင်အတိုင်းပဲ မျက်နှာနုနုလေးနဲ့ ကိုယ်လုံး၀၀ကြီးနဲ့။ လက်ထဲမှာ ရေခဲမုန့်နှစ်ခု ဘယ်ညာကိုင်စားလာတယ်။ စားသာစားပါ မိန်းမ၀၀လေးရေ ကျန်းမာနေရင်ပြီးတာပဲ။ ကိုယ်လုံးကြီးက ၀တော့ လှုပ်ရှားမှုမှာ လေးချင်လေးနေမယ်။ နည်းနည်းလောက် ၀ိတ် ချလိုက်ပါလား။  ကျွန်တော် စိတ်ထဲက ပြောနေတာပါ။ slimming သင်တန်းတွေက ဈေးကြီးလို့ မတက်နိူင်ဘူး ထင်ပါရဲ့။ မိန်းမ၀၀လေးကိုယ်လုံးက ဒီအတိုင်း။ ကျွန်တော်လည်း အလုပ်မရသေးဘူးဗျာ။
ကျွန်တော်သာ အလုပ်ရခဲ့ရင် ခင်ဗျားကို ငွေချေးမှာပါ။

၅)

  မိန်းမ၀၀လေး ခုတစ်လော မတွေ့ဖြစ်တာတောင် ကြာပြီ။ ကျွန်တော်ကတော့ အလုပ်မရမချင်း အိမ်ရှေ့မှာထိုင်ရင်း ဖြတ်သွားဖြတ်လာတွေ ကြည့်ချင်ကြည့်၊ အိမ်ထဲမှာ ပန်းချီဆွဲချင် ဆွဲ၊ အမေ့ကို ကူညီစရာရှိ ကူညီလုပ်ကိုင် ဒီလိုနဲ့ နေ့တွေကို ကိုက်ဝါးနေရတာပါပဲ။ ဒီနေ့တော့ ပန်းချီဆွဲချင်နေသလိုလိုမို့ ခဲတံနဲ့ စက္ကူလိပ်တွေ နေရာချထားပြီး အရင်ဆုံး ဆေးလိပ်တစ်လိပ်ကောက်ဖွာနေလိုက်တယ်။ ညက အိပ်မက်ထဲမှာ ကျွန်တော်က ပန်းတွေခူးလို့၊ မိန်းမ၀၀လေးက ပန်းဝါ၀ါလေးတစ်ပွင့် ခေါင်းပေါ်မှာ ပန်လို့။ ကျွန်တော်ခူးတဲ့ ပန်းပွင့်နီနီတွေက မိန်းမ၀၀လေးခေါင်းပေါ်မှာ ဘာကြောင့်ဝါသွားတာပါလိမ့်။  အို အိပ်မက်ပဲလေ၊ ပန်းကတော့ ဖြစ်ချင်တဲ့အရောင် ဖြစ်နေမှာပေါ့။ အတွေးတွေနဲ့ ကျွန်တော့်မျက်နှာက ပြုံးပြုံးကြီး၊ ဘယ်လက်ကလည်း မေးစေ့ကိုပွတ်လို့။ ပြီးမှ ခဲနဲ့  ကောက်ကြောင်းပါးပါးလေး စခြစ်လိုက်တယ်။
နာရီပိုင်းလောက်ပဲ ကြာမယ်။ လှုပ်ရှားနေတဲ့ ကျွန်တော့်လက်တွေ ငြိမ်သက်သွားတဲ့အခါ ကောက်ကြောင်းဟာ ခပ်ရေးရေး ပီပြင်လာတယ်။ စက္ကူဖြူပေါ် ခဲအနက်ခြစ်ထားတဲ့ တစ်ကြောင်းဆွဲကောက်ကြောင်းလေးထဲမှာ မိန်းမ၀၀လေးက ပါးချိုင့်လေးပေါ်အောင် ချစ်စဖွယ်ပြုံးနေခဲ့တယ်။ သူမခေါင်းပေါ်က ပန်းကလေးကိုတော့ ကျွန်တော်ခူးထားတဲ့ထဲက ပန်းနီနီကလေးတစ်ပွင့် ဆင်မြန်းပေးလိုက်မယ်၊ ကျွန်တော့်ပန်းချီကား ဆေးရောင်ဖြည့်တဲ့အခါကျရင်ပေါ့ဗျာ။
 
-----------------
-----------------
----------------- 

သံလွင်အိပ်မက် အွန်လိုင်းမဂ္ဂဇင်းမှာ ရေးဖြစ်တဲ့ ၀တ္ထုတိုလေးပါ။
အဆုံးသတ်ကို ဒီမှာဆက်ဖတ်နိူင်ပါတယ်ရှင်



9 comments:

  1. ဟောတစ်ပုဒ်..ဟောတစ်ပုဒ်နဲ့.. စက်နဲ့ လှိမ့်ထုတ်နေသလားတောင် အောက်မေ့ရတယ် အမချစ်ကြည်အေးရ..၊း) ဒါပေမယ့် စက်ဆိုရင်လည်း အင်မတိ အင်မတန်ကို ခံစားတတ်တဲ့ စက်ပဲ ဖြစ်မှာပါ...၊

    ဒီတစ်ပုဒ်လည်း ကြိုက်တယ်ဗျာ၊ စာပိုဒ်တစ်ပိုဒ်ချင်းစီရဲ့ အကိုင်းဖျားကို ရောက်သွားတိုင်း ဖတ်သူက လှုတ်ခတ်ပြီး ကျန်ခဲ့ရတယ်၊ Thumbs up sis!

    ReplyDelete
  2. ဝတဲ့လူမှာလဲ ဝတဲ့သူရဲ့ဒုက္ခ ဆိုတာ
    ကိုယ့်များစောင်းရေးထားတာလားလို့ :)
    ဟုတ်ပါ့နော် ဝရင်ကောင်းဘူး :((

    ReplyDelete
  3. အမချစ်ကြည်လို စာရေးကောင်းသူ ဖြစ်ချင်တယ်။ ခေါင်းစဉ်ကအစ ဆွဲခေါ်သွားတာ ....အဆုံးအထိပဲ။

    ReplyDelete
  4. ငွေချေးစရာမလိုတော့ဘူးပေါ့။
    အားပေးသွားတယ်။

    ReplyDelete
  5. ဝ သောသူကို ကြင်နာမယ်ကြံကာမှ.. ဖြစ်ရလေတယ်...

    ReplyDelete
  6. အမေ ... ကျွန်တော်လေ အမေနဲ့ပဲ နေတော့မယ် အမေရာ။

    (နေပါ သားရယ်။ အမေ့ကို ဒုတ်ခ မပေးရင် ပြီးတာပဲ။)

    ReplyDelete
  7. စာရေးကောင်းတယ် မချစ်ရေ။ ခူးပြီးခပ်ပြီး အဆင်သင့်ယူသွားတယ်နော်။ ခေါင်းစဉ်လေးကစ စိတ်ဝင်စားစရာကောင်းတယ်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  8. အက်ဆေးလေးက စိတ်ဝင်းစားစရာကောင်းတယ်...

    ReplyDelete

ကော်မန့်များအတွက် ကျေးဇူးတင်ပါတယ်။ ထင်မြင်ခံစားရသလိုသာ ရေးခဲ့ပါရှင်

ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...