Wednesday, December 16, 2009

ဒီဇင်ဘာ ခါးခါး

ကင်န်းဗတ်စ် အဖြူ တစ်စပေါ် အပူရောင်တွေထည့်သွင်း
မဟူရာရောင် ငိုချင်းတပုဒ် ညည်းဆို
ကေးဝဋ် ပုဏ္ဏားလို နဖူးမှာ မမြင်သာပေမဲ့
အမာရွတ် အထပ်ထပ်နဲ့ ဒီရင်ဘတ်
ဆီသည်မ လက်သုတ်ဖတ် လို အရောင်အဝါတွေလဲ လွင့်
ငါ.............ရနံ့ မဲ့ ပန်းတပွင့် ပါကွယ်.....။

ဒါဏ်ရာ တွေ သွေးအပျက်ပျက်နဲ့ မွစာကြဲ
ဆယ့်နှစ်ကြိုးထက် များတဲ့ ဆွဲ လက် မှာ
အမှတ် နဲတယ် ဆိုဆို......
ငိုချင်တာထက် ရှိုက်ဖို့ ခက်တာ ဆိုး...
ပျဉ်ဘိုး လဲ မသိသေးပေမဲ့....
ငါ.....မင့် လက် မှာ..... အ ခါ ခါ သေပြီး ခဲ့သူပါ...။

ဒီ ဇင် ဘာ ရယ်.....
မင်း......အဆင်း ဖြူသလောက်
မင့် အဆိပ်အတောက်တွေက နှင်းပွင့်လို အေးမြ
သိသိကြီးနဲ့ မြို ချ တကျိုက်....လောင်မြိုက် အတွင်းကြေ...
မင်းပေးတဲ့ ချစ်ခြင်း... ခါးသက်သက် နှင်း ... တွေ...လေ....။


**ချိုသော ဒီဇင်ဘာ လို့ ဆိုကြတယ်...၊ ဘာပဲဖြစ်ဖြစ်ပါ...ဒီဇင်ဘာ ခါးခါး စားသုံးဖူးသူများ အတွက် ကဗျာလေး တပုဒ်...ခံစားဖြစ်ခဲ့တယ်...။

7 comments:

သက်ဝေ said...

သဘောတူပါတယ်..
အဖြူရောင် နှင်းတွေက အမြင်တွေကို ဝေဝါး
အေးမြတဲ့ အငွေ့အသက်တွေက ရင်ထဲမှာ ပူပူလောင်လောင်တွေ ဖြစ်...
ကိုယ့်အတွက်...
တချို့ဒီဇင်ဘာတွေက သေသေချာချာ ခါးနေခဲ့ဖူးပါတယ်...

Craton said...

ဒီနှင်ဘာနှင်းစစ်စစ်ကို မြင်ဖူးချင်သေးတယ်

အပြုံးပန်း said...

ဒီဇင်ဘာဆိုတဲ့ ရာသီလေးက အမည်လှသလို ရာဇ၀င်ပေါင်းများစွာကို ဖန်တီးပေးနိုင်တယ်နော်။
ဒီဇင်ဘာဆိုတာကို ပီပီပြင်ပြင် ခံစားချင်သေးတယ်၊ တောင်ကြီးမှာဖြစ်ဖြစ် ပြင်ဦးလွင်မှာ ဖြစ်ဖြစ်။
ရေးချင်တာရေးသွားတယ်။
ဒါနဲ့
အမက စွယ်စုံရပါလား။

ဝေလင်း said...

ကျွန်တော့်အတွက်တော့ ဒီဇင်ဘာက.....ခါးတယ်။

ရွှေရတုမှတ်တမ်း said...

မင်းလက်မှာ..အခါခါသေရအောင်..လူသတ်သမားလက်ထဲ ..ဘာလို့ အခါခါသွားရ တာတုန်း..း))
ကိုခရေတန်ရေ..ဒီဇင်ဘာနှင်းစစ်စစ်က အမြင်တာလှတာ..အပြင်မှာတော့ ဒုက္ခသိတ်ပေးသဗျို့..ဟိုနေ့က နှင်း ၄လက္မ ကျပြီး..iceဖြစ် သွားလို့ ..ကားကလမ်းပေါ်ချာချာယမ်းပြီး လမ်းဘေးကုန်းပေါ်တက်သွားပါရောလား

~ဏီလင်းညို~ said...

ကဗျာလေး အရမ်းကောင်းတယ်ဗျာ...။ ဒါပဲပြောတတ်တော့လို့ပါ...။
ကျွန်တော်လည်း...ညီလေးဝေလင်းပြောသွားသလိုပဲ...။
ဒီဇင်ဘာက...ခါးခဲ့ဖူးပါတယ်...း(

ခင်မင်တဲ့
ဏီလင်းညို

မမသီရိ said...

နှင်းတွေ ကို မခါးသက်ဖူးပေမဲ့
ကဗျာလှလှ လေး ကတော့ ခံစားမိတယ်...

Post a Comment

ကော်မန့်များအတွက် ကျေးဇူးတင်ပါတယ်။ ထင်မြင်ခံစားရသလိုသာ ရေးခဲ့ပါရှင်