Sunday, July 19, 2015

သူကလေး - ၄



လှုပ်လှုပ်ရှားရှားသိပ်မလုပ်ဘဲ ခုတင်ပေါ်မှာ bed rest တစ်ပတ်ခန့်နေရမည်။ ဘာမှတော့ စိတ်ပူစရာမရှိပါဟု ဆိုသည့်အတွက် ကြည် ရင်အေးရပါသည်။ ခုတင်ပေါ်ပက်လက်နှင့်ပင် ကလေးငယ်တစ်ယောက်ရဲ့ မိခင်ဘိုက်ထဲမှာ အဆင့်ဆင့်ဖွံ့ဖြိုးပုံတွေ၊ သားလောင်းမိခင်အနေနှင့် ဆောင်ရန်ရှောင်ရန်တွေ၊ ကလေးစိတ်ပညာ၊ ကလေးပြုစုပျိုးထောင်ရေးစသည့် စာအုပ်ကလေးများကိုဖတ်ရင်း အချိန်ကုန်ရသည်။

ကလေးလေးတွေဟာ ချီးမွမ်းတာကို အလွန်ကြိုက်တဲ့အကြောင်း၊ ကလေးတွေဘာလုပ်လုပ် သူတို့မှာ လုပ်ရတဲ့အကြောင်းရင်းရှိတဲ့အကြောင်း၊ ကလေးသူငယ်ဖွံ့ဖြိုးမှုအတွက် ပြုစုပျိုးထောင်ရာမှာ ကလေးတို့ရဲ့ လိုအပ်ချက်ကို အခြေခံရမှာဖြစ်ပြီး လူကြီးမိဘတွေလိုအပ်ချက် ဆန္ဒတွေကို အခြေခံဖြည့်ဆည်းပေးဖို့ရန် မဟုတ်တဲ့အကြောင်း၊ အဲသည်လို လူကြီးမိဘတွေအတွက် မှတ်သားသတိမူစရာတွေပြည့်နေတဲ့စာကလေးတွေကို ဖတ်ရတော့ ကြည် နှစ်နှစ်ခြိုက်ခြိုက်ပြုံးမိရသည်။ ဟုတ်တာပေါ့ ကြည်တို့မိဘတွေရဲ့ အတ္တ၊ ကြည်တို့မိဘတွေရဲ့အိပ်မက်၊ ကြည်တို့မိဘတွေရဲ့ဆန္ဒတွေကို အကောင်အထည်ဖော်ပေးဖို့ရာ ကလေးတွေပေါ်ပုံချမယ်ဆိုရင်ဖြင့် အင်မတန်မှ မတရားလေခြင်းလို့ ကြည် လက်ခံသည်လေ။

ကြည်သည် အိပ်ရာပေါ်သက်သက်သာသာနေရင်း စာဖတ်လိုက်၊ ချည်ထိုးလိုက်၊ သီချင်းနားထောင်လိုက်နှင့် အချိန်များကုန်လွန်စေရသည်။ ပြီးပြန်တော့ အလုပ်ပြန်ဆင်းကာ သာမန်နေ့ရက်များကို ကျော်ဖြတ်ရပြန်သည်။ တကယ်တော့ နေ့ရက်များမှာ သာမန်ဖြစ်စေကာမူ ကြည့်ခံစားမှုတို့ကား သာမန်မဟုတ်တော့ပြီကို ကြည် ကိုယ်တိုင်သိသည်။ ကြည်သည် သူကလေးကို ဝမ်းဘိုက်ထဲလွယ်ထားရခြင်း၌ပင် ကိုယ့်ကိုယ်ကို အာဂမိန်းမနှယ် လူဖြစ်ကျိုးနပ်လျက်ရှိသည်။ အရာရာကို ကြည်လင်သောအမြင်နှင့် ပို၍ကြည့်တတ်လာသည်ဟုလည်း ထင်နေသေးသည်။

ဆရာဝန်ချိန်းဆိုသော နောက်တစ်ပတ်မှာတော့ ကြည်လွယ်ထားရသောသူကလေးသည် သားကလေးဖြစ်ကြောင်း သိရလေသည်။ သားကလေးဟုသိကြတော့ “ကောင်းတာပေါ့ သားဦးယောကျာ်းကလေးဖြစ်တာ အားကိုးရတာပေါ့၊ သားဆိုတာ ဓါးပဲ၊ သားဆိုတော့ ရဟန်ုးအမလည်းဖြစ်ရတယ်”ဟု မိတ်ဆွေများ၏ လောကဝတ်ကို ကြည် နားထောင်ရပြန်သည်။ သမီးကလေးများဖြစ်ရင်တော့ “သမီးဆိုတာ ထီးပဲ၊ ကြည်နဲ့တိုးတိုးဖော်ရတာပေါ့၊ သမီးဆိုတာ အိမ်လုံတယ်” စသည်ပြောကြလိမ့်ဦးမည်။ ကြည့်အရင်စိတ်နှင့်ဆို ဘာမွေးမွေး၊ သားဖြစ်ဖြစ် သမီးဖြစ်ဖြစ်ကိုယ့်သွေးပဲဟာဟု ပက်ကနဲဆိုမိမည်ထင်သည်။ ကြည်သည် အတွေးတို့ကို ခေါင်းထဲမှထုတ်ကာ မိတ်ဆွေများကို ပြုံး၍သာတုန့်ပြန်ရလေသည်။ အို....ကိုယ့်သွေးဆိုတဲ့စကားမှာကိုက စဉ်းစားဆင်ခြင်စရာတွေ ပြည့်နေပြန်သည်။ ကိုယ့်သွေးမဟုတ်သော ကလေးများသည်လည်း ကလေးတွေပဲမဟုတ်ဘူးလား....။ ကလေးတွေတိုင်းမှာ တူညီသောအခွင့်အရေးရှိသည်၊ ချစ်ခင်ခံခွင့်၊ ပြုစုခံခွင့်နှင့် ထိုက်တန်ကြသည်ပဲ...။

ကြည့်စိတ်တို့သည် ချဉ်တူးတူးဖြစ်လာလျက် အပြင်ပန်းမှာတော့ လောကဝတ်ဆိုတာ ဒါပဲလေဟု နားလည်ပေးရင်း ကျေးဇူးစကားကိုသာ တွင်တွင်ဆိုနေရသည်။ ဒါဟာ... ဒီလို...စိတ်ထဲရှိသလို မတုန့်ပြန်နိူင်ခြင်းကိုက လူ့ယဉ်ကျေးမှုတဲ့လားကွယ်ဟု မြည်တမ်းလိုသည်။

တစ်ခါတစ်ရံ ကြည့်ဘိုက်ရှေ့ကို စူထွက်လာတတ်သော ခြေကလေးလက်ကလေးတွေကို အသည်းယားလှစွာ ကြည့်ရင်းပီတိဖြစ်ရခြင်း၌ ကြည်ခံစားနေရသမျှအလိုမကျမှုတို့ အရည်ပျော်ရပြန်သည်။ သူကလေးဟာ ကြည့်ဘိုက်ထဲမှာ ကျန်းမာသန်စွမ်းစွာ လှုပ်ရှားလျက်ရှိနေတာ...။

ညညဆို နှစ်ခြိုက်စွာအိပ်ခွင့်ရတာကိုပဲ သူကလေးကို ကြည်က ကျေးဇူးတင်ရသည်။ ကြည့်ခြေထောက်တွေ ကြွက်တက်ပြီးနိူးလာရသောညများမှလွဲလျင် သူကလေးက ကြည့်ဘိုက်ထဲမှာ ငြိမ်သက်စွာ အတူအိပ်သည်ဟု ထင်ရသည်။

တစ်နေ့အထိပေါ့...

အဲသည့်နေ့ကတော့ ကြည့်စိတ်ထဲ သိပ်ကို ငြိမ်သက်လွန်းနေသည့် သူကလေး၏အလှုပ်အရှားကို သံသယဖြစ်မိသောနေ့ဖြစ်သည်။ ရုတ်တရက် သူကလေးနှင့်ကြည့်အကြား စိတ်ချင်းချည်နှောင်ထားသောကြိုး ပြတ်ထွက်သွားသလို ခံစားနေရကာ ခါတိုင်းလို ကြည့်ဝမ်းဘိုက်က သယ်ပိုးထားရသည့်ခံစားချက်တို့ ကင်းမဲ့ပေါ့လွင့်သွားသည်ဟု ကြည် ထင်သည်။

ဘာရယ်မသိသောစိတ်တစ်ခုခု၏နှိုးဆော်မှုကြောင့် ဆရာဝန်ဆီ ချက်ချင်းပဲသွားတွေ့ဖို့လိုမလား တွေးသည်။ အဲသည့်အထိ စိတ်ထဲသိပ်မစိုးရိမ်လှသေး။ လရင့်လာပြီ။ ၇လကျော်ကျော်ရှိလာပြီမို့ စိတ်ချရသောအနေအထားမှာ စိတ်ထဲ သိပ်တော့မပူမိ၊ သို့သော် တကယ့်ကို တစ်မျိုးကြီးပါပဲ၊ ပြောမပြတတ်သောခံစားမှုတစ်ခု ကြည် ခံစားသိနေရသည်။ သည်နေ့က ကြည့်ဆရာဝန် ဆေးခန်းထိုင်ရက်မဟုတ်တာမို့ နောက်တစ်နေ့တော့ သွားပြမှဟု စိတ်ထဲတွေးထားရသည်။ သူ့ကိုပြောပြတော့ သူက ကြည့်ဘိုက်နား ခေါင်းကပ်နားထောင်ကာ “ဟေးကောင်ကြီး အိပ်နေသလား၊ ဆော့ပါဦးကွ”ဟုဆိုကာ သူကလေးကို စကားတွေ ပြောနေခဲ့သည်။

နောက်တစ်နေ့မနက်မှာတော့ သွေးနည်းနည်းဆင်းသည်။ ကြည် မျက်နှာပျက်စပြုပြီ။ ဟိုတစ်ခါကလိုများ အိပ်ရာပေါ်အနားယူဖို့လိုသလား...ဒါမှမဟုတ်...။ ကြည်သည် မနက်စာစား၊ အဝတ်အစားလဲစဉ်မှာပင် မပြုံးနိူင်၊ သူကတော့ ကြည် စိတ်သက်သာရာရမည့်စကားများ ရှာကြံပြောနေခဲ့လေသည်။ ဆေးခန်းအသွား တက္ကစီပေါ်မှာ ကြည်တို့နှစ်ယောက်လုံး အတွေးကိုယ်စီနှင့် ငြိမ်သက်လိုက်ပါသည်။

လိုအပ်သော စာရွက်စာတမ်းများ ကောင်တာမှာထပ်အပြီး အလှည့်စောင့်နေစဉ်  ကြည့်ဘိုက်ပေါ် လက်ကလေးတင်ကာ ရသမျှဘုရားစာကုန်အောင်သာ ရွတ်လျက်ရှိရသည်။ ဆရာဝန်စစ်ဆေးအပြီး ပျက်ယွင်းသွားသောမျက်နှာနှင့် “စိတ်မကောင်းဘူးဗျာ၊ ကလေးက အထဲမှာ နှလုံးမခုန်တော့ဘူး”ဆိုသည့်အသံ၌ ကြည် အရုပ်ကြိုးပြတ်သည်။ သူ သူ့လက်သီးတို့ကို ကျစ်ကျစ်ပါအောင်ဆုပ်ထားလျက် ကြည့်ပုခုံးတို့ကို ဖျစ်ညှစ်ဆုပ်ကိုင်ထားသည်များ ပြောလျော့စပြုလေသည်။ 

သူကလေး....၊ သူကလေးရေ....ကြည်တို့ဘာများ မှားခဲ့ကြသလဲကွယ်...။ 

ကြည် မျက်ရည်တို့အကျမှာ ဆရာဝန်က ခွဲစိတ်ထုတ်မလား၊ နောက်ရက်အနည်း သားလျှောအကျမှာ ခြစ်ထုတ်မလားဟု လိုရင်းကိုသာ မေးလေသည်။ ခွဲထုတ်မယ်ဟုပြောသော ကြည့်အသံမှာ ပျော့ကာအက်ကွဲလျက်ရှိသည်။ ကြည့်အသံမှ ဟုတ်ပါလေစ...။ ဆေးရုံတက်ရက်ကို လာမည့်နေ့မှာ သတ်မှတ်ကာ ကြည်တို့အိမ်ပြန်ခဲ့ကြသည်။ အိမ်အပြန်လမ်းသည် အေးစက်ခြောက်ခြားကာ အသက်မဲ့စွာ။ အိမ်ရောက်တော့ သူက အိပ်ရာခြေရင်းက ကလေးပိုစတာလေးတွေကို တစ်ပုံချင်းဆွဲခွာလျက် နံရံကိုလက်သီးနှင့်ဖွဖွထိုးကာ သားရယ် သားရယ်ဟု နှုတ်မှတဖွဖွဆိုသည်။

ကြည်သည်လည်း နှလုံးသားတို့ပေါက်ထွက်မတတ် ငိုတော့သည်။ ကံကြမ္မာဟာ ရက်စက်လွန်းသည်ပဲ...။ ကျီစားတတ်လွန်းသည်ပဲ...။ တစ်ပိုင်းတစ်စထိုးထားသော ခြေအိတ်ကလေး၊ ပြီးစီးသွားပြီဖြစ်သော ဦးထုပ်ကလေး....ချည်အဖြူစွတ်စွတ်ကလေးနှင့်...။ ကြည့်အိပ်ရာဘေးမှာ...။ သူတို့လည်း အသက်မဲ့ပြီလေ...။ ကံသေကံမဘာမှပြောမရသော ဘဝကြီးထဲက ဖြစ်တည်မှု၊ ပျက်ယွင်းမှုတို့ကို ကြည် မပိုင်၊ သူလည်း မပိုင်၊ ဘယ်သူကမှ မပိုင်ဆိုင်ကြပါ။ အသက်ဓါတ်တစ်ခု၏ ထိလွယ်ရှလွယ် ဖျတ်ကနဲကွဲကြေလွယ်မှုမှာ အဘယ်သို့သောသူကများ တင်းခံနိူင်မည်တဲ့လဲ။ ကြည်တို့သည်လည်း ငြိတွယ်တတ်သော၊ ဖိတ်စင်တတ်သော ပုထုဇဉ် သာမန်လူသားမျှသာပဲ မဟုတ်လား။

ကြည် သတိပြန်ရလာတော့ ပထမဆုံးသိသည်မှာ တုန်ခိုက်နေအောင် ချမ်းနေခြင်းပဲဖြစ်သည်။ ကြည့်ဘိုက်ထဲကနေ သူကလေးကို ခွဲထုတ်လိုက်ကြပြီးပြီ။ သူကတော့ သားကလေးကို ကြည့်ခဲ့သည် တဲ့။ ကြည့်မှာ မမြင်ရက်စရာ အသက်မဲ့နေမည့်သူကလေးကို စိတ်နှင့်တောင် မမြင်ရက်ပါ။ မျက်စေ့တို့ကို ပြန်လည်မှိတ်လိုက်စဉ် ခဏမှာ ပြန်လည်၍အိပ်ပျော်သွားပြန်သည်မှာ တာဝန်ကျဆရာမလေး စောင်တစ်ထပ် လာခြုံပေးသည်ကိုပင် မသိလိုက်တော့။

နောက်တစ်ဖန် ကြည်နိူးလာချိန်မှာတော့ ညနေစောင်းနေခဲ့ပြီဖြစ်သည်။ ကြည်က ဆေးရုံမှာ လေး-ငါးရက်ခန့်တော့ နေရမည်ထင်သည်။ သူကလေးအတွက် မွေးစာရင်းလုပ်ပြီးသည်နှင့် သေစာရင်းကိုပါ တစ်ပါတည်းလုပ်ရသည်။ ထွက်သွားခဲ့ပြီ...။ သူကလေးဟာ ကြည်တို့ဘဝထဲမှာ ရှိမနေတော့။ ကြည့်ဘိုက်ထဲမှာ ကြည့်သားကလေးအဖြစ်နှင့် ၇လတာနေခဲ့သည်၊ ကြည်နှင့်အတူ ကြည့်အသွေးအသား၊ ကြည်စားသမျှ အချိုအခါးတွေကို ခွဲဝေခံစားခဲ့ရဖူးသည်ကိုပဲ  ကျေးဇူးတင်ရမည်လား ကြည် မသိတတ်နိုင်တော့။

နောက်နေ့မနက်မှာတော့ ကြည် လမ်းထလျှောက်သည်။ ထိုစဉ်မှာ ကြည့်ဘေးကုတင်က မိန်းကလေးအကြောင်း ကြားသိခဲ့ရတာဖြစ်လေသည်။ မိန်းကလေးက ကလေးမီးဖွားစဉ်မှာ ဆုံးပါးသွားခဲ့ပြီတဲ့...။ ကြည့်မျက်စေ့ထဲမှာ ကြည့်ကုတင်ဘေးက ဆံတိုကလေးနှင့်၊ လည်ပင်းနှင့်ရင်ဘတ်တစ်လျှောက် တက်တူးထိုးထားသော မိန်းမငယ်ကလေးကို မြင်ယောင်သည်။ ဆေးရုံလာတက်တာ အဖော်မပါ၊ ဘိုက်ကလေးကော့ကော့ ကော့ကော့နှင့် မျက်နှာကိုချီမော့ကာ တစ်လောကလုံးကို အရေးမစိုက်သောမျက်နှာပေးနှင့် မိန်းမငယ်ကလေး။ ထိုမိန်းကလေးက single momဟု သိရသည်။ သူ့ကလေးအဖေ ဘယ်သူဘယ်ဝါမှန်း သူကိုယ်တိုင်ပင် မသိ၊ သိလည်း မထူးဟုထင်ထားပုံရသည်။ ကြည့်ကိုတော့ ကုတင်ဘေးချင်းကပ်မို့ ငဲ့စောင်းကာ ကြည့်ဖော်ရသည်။ ခုတော့ သူမက သူမရင်သွေးကလေးကို တာဝန်ကျေစွာမွေးအပြီး ထားရစ်ခဲ့လေပြီ။

ကလေးက ဘာလေးလဲဟု ကြည်ကမေးရာ ယောကျာ်းကလေးဆိုတာနှင့် ကြည်က ကြည့်သားကလေးကို နင့်ကနဲအမှတ်ရပြန်သည်။ အဲသည်ကလေးလေးက လမပြည့်ဘဲမွေးတာမို့ သုံးပေါင်ကျော်ကျော်သာရှိသည်ဟု ဆိုသည်။ ထိုကလေးကို ကြည့်ခွင့်တောင်းတော့ ဆရာမတွေက အပြင်ကကြည့်ရင်တော့ရပါတယ်ဆိုတာမို့ သွားချောင်းကြည့်ဖြစ်သည်။ မီးအပြာရောင်မှိန်ပျသော  အထူးခန်းကလေးထဲမှာ များစွာသော ပိုက်တန်းလန်းကလေးတွေနှင့် ကလေးလေးက ဘေးတစောင်းကလေး ခွေအိပ်လျက်။ သူ့မျက်စေ့ကလေးတွေကို အုပ်ထားကာ နှာခေါင်းမှာ၊ ခြေလက်တွေမှာ၊ ရင်ဘတ်မှာ ပိုက်တန်းလန်းများတပ်လျက် လွှတ်ထားသောရောင်ခြည်အလင်းတန်းများအောက်မှာ ကွေးကွေးကလေး...။

ကြည်သတိဝင်လာတော့ ကြည့်ပါးပေါ်မှာ မျက်ရည်တွေနှင့်၊ အရွယ်နှင့်မမျှလိုက်တာ ကလေးရယ်....။ 

မိသားစုဝင်အားလုံးက လိုချင်ကြိုဆိုခဲ့ကြလျက် ကြည်တို့ဘဝထဲက သူကလေးထွက်ခွာသွားခဲ့ချိန်မှာ၊ ထိုသူကလေးကတော့ လောကကြီးထဲ နှစ်နှစ်ကာကာကြိုဆိုသူမဲ့ ဝင်ရောက်လာခဲ့ပြီ။ ကြည်သည် ချက်ချင်းလိုလို သူကလေးနှင့်ကြည့်အကြားက ဆက်သွယ်မှုတစ်စုံတစ်ရာကို မြင်လိုက်ရသလိုရှိသည်။ မျက်ရည်တို့ကိုသုတ်ကာ တာဝန်ရှိသူများနှင့်တွေ့ပြီး ကလေးမွေးစားခွင့်အတွက် မေးမြန်းလေတော့သည်။


ဆက်ရန်....



Sunday, July 5, 2015

သူကလေး (၃)

ခံစားရလွန်းလို့ ဘယ်တော့မှမစစ်တော့ဟု စိတ်ပိုင်းဖြတ်ထားကာ မစစ်ခဲ့သမျှ၊ ပြီးခဲ့သောတစ်လက ကျော်ခဲ့သောသွေးသည် ခုဖြင့် နှစ်လနီးပါးရှိတော့မည်။ ကြည့်စိတ်တို့ တဆတ်ဆတ်ခုန်လာပြန်သည်။ သူက ကြည့်လက်တို့ကို ဖျစ်ညှစ်ဆုတ်ကိုင်ကာ ကြည့်သွေးခုန်နှုန်းတို့ကို နှေးကွေးစေသည်။ ဓါတ်ခွဲခန်းဟု ဆိုင်းဘုတ်တပ်ထားသောကောင်တာအောက်မှာ ဆီးခွက်ကလေးကို ချစဉ် ကြည့်နာမည်ကပ်ထားသည့်ပုလင်းလေးကို တစ်ခြားသူပုလင်းတွေနှင့် ရောမလားစိုးရသေးသည်။ ဓါတ်ခွဲခန်းတာဝန်ရှိသူ အမျိုးသမီးက လက်အိတ်စွတ်ထားသော သူမလက်နှင့် ဖျတ်ကနဲ နောက်ဘက်ယူသွားမှ ကျန်ခဲ့သောပုလင်းများကိုကြည့်ကာ မရောထွေးနိူင်တော့ပြီဟု စိတ်ချလက်ချရှိရသည်။ “ခဏနေဆရာဝန်ပြန်ခေါ်ပါလိမ့်မယ်၊ အခန်းအပြင်မှာပဲစောင့်ပါ” ဟု နောက်လည်ပြန်ကြည့်ကာ ပြောလာသူ အမျိုးသမီးကို ခေါင်းညိတ်ပြကာ သူထိုင်နေသော ခုံတန်းကလေး ဆီ မျောကနဲပြန်ရောက်လာလေသည်။

ကြာမြင့်သည်ဟုစိတ်ကထင်သော အခိုက်အတန့်ခဏကလေးပါပဲ၊ ထိုခဏမှာပင် ကြည်တို့တိုကင်နံပါတ်ခေါ်သော မီးနီကလေးက အခန်း၂မှာလင်းလာတာမြင်တော့ ကြည် တောင့်ကနဲထရပ်ကာ အခန်း၂ဆီ တန်းကနဲ လျှောက်သွားမိစဉ် အသက်မျှပင်ရှူမိရဲ့လား မသေချာ။

ဆရာဝန်မျက်နှာရိပ်ကိုသာ အလွတ်မပေးတမ်းကြည့်လျက် “ကွန်ဂရက်ကျူလေးရှင်းပါ မစ်စ်ကြည် ခင်ဗျားမှာ ကိုယ်ဝန် ၇ပတ်နဲ့၎ရက်ရှိနေပါပြီ”ဆိုသည့်အသံမှာ ကြည့်မျက်ရည်များ မထိန်းနိူင်စွာ...ပေါက်ကနဲ ပေါက်ကနဲအကျ...။ သူက ကြည့်လက်မောင်းတို့ကို ဖျစ်ညှစ်ဆုတ်ကိုင်ရင်း နီကျင်လာသောသူ့မျက်ဝန်းများကို ခေါင်းမော့ခါစဉ်၊ ကြည့်မှာ  ထိုင်နေသောခုံနှင့် တင်ပါးတို့လွတ်မြောက်ကာ လူတစ်ကိုယ်လုံး မျောလွင့်ကာရယ်...။

ကြည့် အရပ်၊ ကိုယ်အလေးချိန်တို့ကို တိုင်းမှတ်သည်။ ကြည့်သွေးတို့ကို ဖောက်စစ်စဉ် ဆေးထိုးအပ်ပြွန်ထဲ ဆွေးညို့စွာ စီးဆင်းသွားသော သွေးစိမ်းရှင်ရှင်များကို အမှတ်မဲ့ငေးရင်းက ကြည် ကျန်းမာမှဖြစ်မည်ဟု တွေးသည်။ သူ့အတွက်.... သူကလေးအတွက်၊ ကြည်တို့ဘဝထဲကို မကြာခင်ရောက်ရှိလာတော့မယ့် သူကလေးအတွက် ကြည် ကျန်းမာနေမှဖြစ်မည်။ ဆေးလိပ်သောက်သလားဟု ဆရာဝန့်အမေးကို ကြည် ခေါင်းခါပြရင်း သူ့ကိုလှမ်းအကြည့် သူက “social smokerပါ အမြဲတော့ သောက်လေ့မရှိပါဘူး၊ လိုအပ်ရင် ကျွန်တော် မသောက်ဘဲလည်း နေနိူင်ပါတယ်”ဟု ဆိုသည်။ ဆရာဝန်က Passive smoking ခေါ်သော second-hand smoke (SHS)အကြောင်းပြောစဉ်မှာ သူက ခေါင်းတညိတ်ညိတ်နှင့် နားထောင်သည်။ ကိုယ်ဝန်ရှိနေစဉ် လင်ကိုယ်မယားနေမှုထိုင်မှုတွေ၊ ဆောင်ရန်ဆောင်ရန်တွေ၊ အစားအသောက်အနေအထိုင် စုံလင်စွာဆိုစဉ် ကြည်တို့နှစ်ယောက်လုံး သေချာနားစိုက်ထောင်ရသည်။

ပြီးတော့ ကြည့်မှာ အစဉ်စွဲသောက်နေရတဲ့ဆေးတွေ၊ တစ်ခြားသောရောဂါတွေ ရှိ မရှိမေးမြန်းသည်။ ကြည့်မှာက သွေးနီဥနည်းသည့်ရောဂါရှိတာမို့ Sangobionဆိုတဲ့ဆေးတစ်မျိုးကို ကြည် နေ့စဉ်သောက်ရပါသည်။ သွေးအဖြေ ရရင်တော့ သွေးထဲက ဟေမိုဂလိုဘင်စစ်ချက်ကောင်းနေပါစေဟု ဆုတောင်းမိပြန်သည်။

ဖောလစ်အက်ဆစ်ရယ်၊ ငါးကြီးဆီရယ်သောက်ဆေးအဖြစ်ပေးပြီး နောက်နှစ်ပတ်အကြာမှာ ပြန်လာပြဖို့ ချိန်းသည်။ ဆေးခန်းမှအပြန် လမ်းလျှောက်မှပင် တုန်ယင်နေသောကြည့်ဒူးများကို သတိထားမိသည်။ အပျော်လွန်သည်လား၊ ဝမ်းနည်းသည်လားမသိတတ်နိူင်သော ရောထွေးခံစားမှုများမှာ ကြည် လွတ်လွတ်လပ်လပ်ကြီးလိုက်ပါပစ်လိုက်သည်။

သူကလေး...
ကြည်တို့ အနှစ်နှစ်အလလ မျှော်စောင့်ခဲ့ရသော သူကလေး...
ခု သူကလေးက ကြည့်ဝမ်းဘိုက်ထဲမှာ တဲ့.... သူ တကယ်ရောက်လာခဲ့ပြီ တဲ့....။

ကြည်သည် တက္ကစီပေါ်မှာပင် အိကနဲငိုကြွေးမိတော့တာ၊ သူက ကြည့်ခေါင်းကို အလိုက်တသင့် သူ့ရင်ခွင်ထဲပွေ့ပိုက်လာသည်။ သူ့ရှပ်အင်္ကျီရင်ဘတ်တစ်ခုလုံး ကြည့်မျက်ရည်တို့စိုအောင် ကြည် ငိုချခဲ့မိလိုက်သည်။ ဘာကလေးမှန်း မသိသေး....၊ သားကလေးလား၊ သမီးကလေးလား ဘာမှန်းမသိလည်းဘဲ ဘာလေးပဲရရ ကြည် ပျော်မှာ၊ ကြည်နှင့်သူ့သွေးသားတို့ပေါင်းစပ်မှုပင် မဟုတ်လား။

အိမ်ပြန်ရောက်ရောက်ချင်း သူ အရင်ဆုံးလုပ်တာက နှစ်ဘက်မိဘများဆီ ဖုန်းဆက်အသိပေးခြင်းပင်။ ပျော်နေတဲ့ မိဘတွေအသံဟာ ကြည့်မျက်ဝန်းကမျက်ရည်တို့ကို သွေ့ခြောက်စေသည်။ “ဂရုစိုက်နော် သမီးကြည်၊ လိုအပ်ရင် မေမေလာခဲ့မယ်၊ ကြိုတော့ ပြောနော်သမီး၊ ဘာမှ မကြောက်နဲ့နော်”ဟူသော မေမေ့စကားမှာ ကြည် မျက်ရည်ဝဲရပြန်သည်။ ကြည့်ကိုရော မေမေ ဘယ်လိုများမွေးခဲ့ပါလိမ့်၊ သမီးဦးမို့ Labor painက အကြာကြီး၊ တစ်ရက်နီးပါးဟုသိရစဉ် “မေမေသနားပါတယ် သိပ်နာခဲ့မှာပဲ”ဟု ကြည် ဆိုခဲ့ဖူးသည်။

“နေဦး အရေးတကြီးလုပ်စရာတစ်ခု ရှိသေးတယ်”ဟုဆိုကာ အနီရောင်မျဉ်းကလေးနှစ်ကြောင်းထင်နေသော ကိုယ်ဝန်စစ်တံကလေးကို ဓါတ်ပုံရိုက်ကာ စတေးတပ်စ်တင်တော့ ကြည် အော်ရယ်မိရလေသည်။ “ဟာကွာ ဖရန်းအုန်းလီးလုပ်မနေဘူးကွာ ပတ်ပလစ်တင်တယ်ကွာ”ဟုဆိုကာ ပရိုက်ဗိတ်စီစက်တင်ကို ကမ္ဘာလုံးပုံလေး ပြောင်းလိုက်တာမို့ ကြည့်မှာ ငိုအားထက်ရယ်အားသန်။ ခဏလေးပါပဲ၊ မိတ်ဆွေ သူငယ်ချင်းများရဲ့ ကွန်ဂရက်ကျူလေးရှင်းမှာ သူ့မျက်နှာကြီးပြုံးမြလာတာကို ကြည် မြင်သည်။ ပြီးတော့ မလုပ်စဖူး လိုက်ခ်တွေကို ထိုင်ကြည့်ပျော်ရွှင်နေတာမို့ ကြည်လည်း သူနှင့်အတူ ကြည်နူးလာရသည်။

ပြီးတော့ သူက အစီအစဉ်တွေ ချက်ချင်းထိုင်ဆွဲသည်။ ကြည့်အတွက် ကိုယ်လက်လှုပ်ရှားမှုလုပ်ဖို့၊ ကလေးမွေးဖွားရလွယ်ကူသည်ဆိုသော ယောဂကျင့်စဉ်အတွက် ယောဂသင်တန်းတက်ရမည်ဟုလည်း ဆိုသည်။ အစားအသောက်ဆိုလည်း “အရင်ကလို Junk foodတွေ မစားရတော့ဘူးနော် ခဏလေးပဲဟာ သည်းခံနော်”ဟု ချော့ကာတစ်မျိုးဆိုပြန်သည်။

အခု ကြည့်ဘိုက်ထဲမှာ ၇ပတ်ရှိနေပြီဖြစ်တဲ့ သူကလေးက အပြင်လောကထဲရောက်လာဖို့ နောက်ထပ် ၃၃ပတ်လောက်ကြာဦးမှာတဲ့၊ ကြည့်မွေးဖွားနေ့ရက်က အဲသည့်မှာ ရောက်ရှိလာမှာမို့ ဆောင်းဦးပေါက်ကာလဖြစ်မည်။ ကြည်သည် အညောင်းမိတယ်ဆိုကာ သူတားချင်လည်း တားပါစေ၊ သူကလေးအတွက် ခြေအိတ်လက်အိတ်ကလေးတွေ၊ အနွေးထည်ကလေးတွေကို ကိုယ်တိုင်ထိုးဖို့ အင်တာနက်ထဲမှာ ဒီဇိုင်းကြည့်ဖို့၊ ချည်လုံးအရောင်ရွေးဖို့ စိတ်ထဲက ကြိတ်တွေးနေပြီဖြစ်သည်။ 

ကြည့်အိပ်မက်ကလေးအတိုင်းဆို သူကလေးဟာ မိုးပေါ်က တိမ်ဆိုင်ကလေးလို ဖွေးနုနုဖြူမွမွကလေးဖြစ်မည်။ အဖြူရောင်ကလေးပဲ ထိုးရင်ရော...။ ကြည် ပြုံးမိသလားမဆိုနိူင်၊ သူကပါ ယောရောင်ပြုံးကာ ကြည့်ဘိုက်ကို သူ့လက်နှင့် ဖွဖွအုပ်ကိုင်သည်။ သူ့လက်ဖမိုးပေါ်မှာ ကြည့်လက်တို့ကို အုပ်မိုးကိုင်လိုက်တော့ သူက ကြည့်မျက်နှာကို မော့အကြည့် ကြည့်မျက်ဝန်းတို့ ဝေဝါးလာပြန်သလို မဆုံးနိူင်သောစိတ်လှုပ်ရှားမှုတို့က ကြည့်ကိုရော သူ့ကိုပါ လွမ်းခြုံပြန်သည်။

နောက်နှစ်ပတ်အကြာ ဆရာဝန်ဆီပြန်အပြမှာတော့ သူကလေးက ၉ပတ်ရှိခဲ့ပြီ။ အို...ကြည့်ပါဦး၊ ဆရာဝန်လက်ထဲက Dopplerလေးနှင့်ထောက်ကာ ပြတော့ သူက ကြည့်ဘိုက်ထဲမှာ မြေပဲတောင့်ကလေးလို ကွေးကွေးကလေးရယ်...၊ ပြီးတော့ ဆရာဝန်က ကိုယ်အလေးချိန်တိုင်းသည်။ မနက်ခင်းဖျားနာအော့အန်မှုတွေအပြင် ဘာတွေများဖြစ်သေးသလဲ၊ အစားအသောက် အနေအထိုင်ကအစ မေးမြန်းကာ ကယ်လစီယမ်ပါတဲ့အစားအသောက်တွေ ချိစ်၊ ငါးသေတ္တာ၊ ပန်းမုန်လာစိမ်းတွေ များများစားဖို့ပြောသည်။ ပေးနေကျဆေးတွေပဲဆက်ပေးကာ ၁၂ပတ်မှာ လာတပ်ပြပါဟု နောက်သုံးပတ်ခွာကာ ချိန်းလေသည်။

ကြည့်ဘိုက်က သားဦးမို့ ကြည်ကသာပြောပြမထားလျင် ဘေးလူများမသိနိုင်သေးသည့်အရွယ်မှာပင် ရှိသေးသည်။ သူကတော့ ဘိုက်ဖုံးအင်္ကျီလှလှလေးတွေရောင်းသောဆိုင်များရှေ့ ဖြတ်မိတိုင်း  ကြည့်ကိုလက်ကုတ်ကာ ပြလေ့ရှိသည်။ ဒါလေးဆို ကြည်နဲ့လိုက်မှာ၊ ဟိုအရောင်လေးဆို ကြည့်အသားနဲ့လိုက်မှာ တဖွဖွလုပ်လေ့ရှိသည်။ ကြည်က “အဲဒါတွေ မဝတ်ပါဘူး၊ old fashionတွေ၊ တီရှပ်ကို ဘိုက်ဖော်ပြီးဝတ်မှာ၊ ဘိုက်ပေါ်မှာ အလှဆင်တဲ့အနေနဲ့ လိပ်ပြာပုံတက်တူး ထိုးဦးမှာ”ဆိုတော့ ကြည့်ကို “ဆိုးလိုက်တဲ့မိန်းမကလေးကွာ”ဟုဆိုကာ ခေါင်းခေါက်သယောင် ပြုသည်။

သူက ကလေးပုံပိုစတာလေးတွေ ၄ခုဝယ်လာကာ ကြည်တို့ခုတင်ခြေရင်းမှာ အပြည့်ကပ်သည်။ ကြည်တို့ အိပ်နေရာကနေ ကုတင်ခြေရင်းဘက်ကို မျက်လုံးဝေ့ကြည့်ရုံမြင်သာသော အနေအထားမှာ။ “ဒါလေးတွေ များများကြည့်ပေး၊ ဒါပေမယ့် သမီးလေး မွေးလာရင်တော့ ကြည်နဲ့တူပါစေ”ဟု ဆိုသည်။ ကြည်က ပြုံးလိုက်ကာ “ဘာလေးမွေးမွေး ကြည်နဲ့ပဲတူရမယ်၊ အဲဒါမှ လှမှာ”ဟုအနိူင်ပိုင်းတော့ သူက တဟားဟားအော်ရယ်ကာ “အေးပါကွာ”ဟု ဖေ့စ်ဘုတ်ထဲကလေသံကိုအတုခိုးကာ ရိသဲ့လေသည်။

အို....တကယ်ပါ၊ ကြည့်နေ့ရက်တွေဟာ အခုမှ စတင်ကာ အသက်ဝင်လာတာ။ သူနဲ့ အတူနေအိမ်ထောင်သက်တမ်းတစ်လျှောက် ခုလောက် တစ်ခါမှ မပျော်စဖူး၊ သူကလေး ရောက်လာတော့မယ့်အဖြစ်ဟာ ကြည့်အရာရာကို သက်ဝင်ပြောင်းလဲစေတာ။

သက်တံခုံးကြီး ဘယ်နှစ်ရောင်

ဖြေကြည့်ပါလား မောင်

အမြင်မှာ လှသလောက်

နေရောင်လာတော့ သူက ပျောက်

လခြမ်းကွေးထဲ ဘာရှိတယ်

မီးလေး ဖြေပါကွယ်

ရှိပါသကွဲ့ ဖြေချင်စမ်း

ထမင်းဆီဆမ်း ရွှေလင်ပန်း...

ကြည်က အဲသည့်ကလေးကဗျာလေးစပ်ကာ သူကလေးကိုရွတ်ပြဖို့ဟုဆိုတော့ သူကလည်း အားကျမခံ ဆရာကြီးမင်သုဝဏ် ကလေးကဗျာတွေ သူ စုဦးမည်ဆိုသည်။
ကြည့်ပါဦး......ကြည်တို့ဘဝကလေးဟာ အခုမှ စတင်အရောင်စုံလင်လာတော့တာ။

တစ်နေ့ကတော့ ကြည့်သူငယ်ချင်းတစ်ယောက်နှင့် ဖုန်းပြောဖြစ်သည်။ “ကြည်က အခု ၁ဝပတ်ထဲမှာ”ဟု ဆိုတော့ “၁၁ပတ်ကနေ ၁၄ပတ်အတွင်းမှာ Down Syndrome စစ်ကြည့်သင့်တယ်နော် ကြည်၊ သိတယ်ဟုတ်”ဟု သတိပေးလာသည်။ ဟုတ်တာပေါ့…ကြည် လက်လှမ်းမီသလောက် ဖတ်ကြည့်ထားဖူးပါသည်။ ကြည်တို့လို အသက် ၃၅နှစ်အထက် ကိုယ်ဝန်ဆောင်သူမိန်းမများ စစ်ကြည့်သင့်သည်ဆိုပါသည်။  မဖြစ်မနေစစ်ကြရမည်ရယ်လို့တော့ မဟုတ်ပါ။ သို့သော် ထုံးစံအတိုင်း တစ်ခုခုဆို အာရုံထဲက လွယ်လွယ်မဖျောက်နိူင်သော ကြည့်အတွက် အင်မတန်ကြီးစွာသော စိတ်ဖိစီးမှုကြီးတစ်ခုအဖြစ် စားစားနေနေ သတိရပူပန်နေမိရတော့သည်။

သူကတော့ “မစစ်ဘူးကွာ ကိုယ်တို့ကလေးပဲ ဘယ်လိုလေးပဲဖြစ်ဖြစ် မွေးမယ်၊ သူ့ကုသိုလ်ပေါ့၊  Special Education Schools (SPED schools) ဆိုတဲ့ကျောင်းတွေ ရှိတာပဲ”ဟု ဆိုသည်။ ကြည်ကတော့ သက်ပြင်းမသိမသာချကာ စိတ်မသက်မသာဖြစ်ရသည်။ ကြည့်ဘိုက်ပေါ် လက်ကလေးတင်ကာ ရသမျှဘုရားစာစုံရွတ်ရပြန်သည်။

၁၂ပတ်ပြည့်လို့ ဆရာဝန်ဆီပြစဉ်မှာ Doppler ဆိုတာလေးနှင့် ကြည့်ဘိုက်ပေါ်ထောက်စစ်ကာ ပြသည်။ ဒီနေရာလေးကဖြင့် သွားဖုံးကလေးတွေ စထွက်တော့မယ်၊ ဒီနေရာကတော့ဖြင့် ခြေသည်းခွံပျော့ပျော့ကလေးပေါ့ စသည်ဖြင့် သူကလေးကို ကြည်တို့ တွေ့နေရပြီ။ ဒီအချိန်မှာ ဝမ်းတွင်းကလီစာတွေ စတင်ဖြစ်တည်ဖွံဖြိုးစပြုပြီဟုလည်း ဆရာဝန်က ဆိုသည်။ ကြည့်ကိုယ်အလေးချိန် ၄ပေါင်တိုးလာကာ တချို့မနက်တွေ ရုံးအသွားကားပေါ်မှာ အနည်းငယ် အန်ချင်တာလေးကလွဲလို့ အရင်ရက်တွေကလောက် မဆိုးတော့။

တစ်နေ့မနက်မှာတော့ ရုံးသွားဖို့ရေချိုးအပြီးမှာ ကြည့်ခြေသလုံးပေါ်က ရေစက်တွေစင်အောင်သုတ်ပြီးပါလျက်နှင့် ခပ်စိုစိုခံစားရတာကြောင့် ငုံ့ကြည့်လိုက်တော့ ကြည့်မျက်စိတွေ ပြာဝေမတတ်ဖြစ်သွားရသည်။ သွေးတွေ....ဘုရား ဘုရား ဘယ်လိုဖြစ်တာပါလိမ့်၊ ကြည် ချက်ချင်းပဲ သူ့ကို ဖုန်းဆက်ကာခေါ်တော့ သူက “မလှုပ်နဲ့ ကုတင်ပေါ်မှာ အသာလေးပက်လက်လှဲနေလိုက် ကိုယ် အခုပဲ လာခဲ့မယ်”ဟုဆိုသည်။ ကြည် ငိုမိတော့မည်။ အိပ်ရာပေါ် အသာလေးလှဲချလိုက်ရင်း ကြမ်းပြင်ပေါ်က သွေးစက်တို့ကို မကြည့်မိအောင်နေရသည်။ 

ကြာလိုက်တာ....၊ သူ့ အိမ်ပြန်အလာကိုစောင့်ရတာဟာ ဒီတစ်ခါ တစ်ကမ္ဘာဟုထင်သည်။ မြန်မြန်လေး လာပါတော့ကွယ် ကြည် စိတ်ပူလှပါပြီ။ မနေ့က ရုံးမှာ ဖိုင်တွေ သယ်မရွှေ့ခဲ့လို့များလား၊ ဘုရားရေ ကြည် ဘုရားသာအကြိမ်ကြိမ် တ မိလျက် မျက်ဝန်းများကို တင်းတင်းမှိတ်ထားလိုက်မိသည်။


ဆက်ပါဦးမယ်ရှင်