Monday, April 28, 2014

ကြည်လင်ငြိမ်သက်သောရေပြင် လှုပ်ခတ်သွားရခြင်း၏အကြောင်းတရားသည်…..


(၁)


အချစ်ဆိုတာ စံနစ်တကျ လေ့ကျင့်လမ်းကြောင်း သင်ကြားအပ်သော အတတ်လား မောင်...
ဘာကြောင့် သွင့်ဘဝကို ထဲထဲဝင်ဝင် ပတ်သက်ပြောင်းလဲခဲ့သလဲ...
ဘာကြောင့် သွင့်နေမှုထိုင်မှုဘဝတွေကို ပြုပြင်ပုံသွင်းပေးခဲ့သလဲ….


မောင် တကယ်မချစ်ခဲ့ပါဘဲနဲ့လေ…..





သွင် ဒီမြို့ကလေးကိုပြန်လာတာ မောင်နဲ့တွေ့ဖို့မှ မဟုတ်တာဘဲကွယ်။ တွေ့ဖို့ မဟုတ်ပေမယ့် မြင်နေရတယ်၊ မောင့်ပန်းချီပြပွဲအကြောင်း၊ နားမထောင်ဘဲလည်း ကြားနေရ တယ်၊ မောင့်အောင်မြင်မှု သတင်းတွေ….။ ဂုဏ်ယူပါတယ်မောင်ရေလို့ ပြောပြဖို့ သွင် မောင့်ဆီ ဖုန်းဆက်ဖို့ လိုအပ်ပါသလား…..။ နိူး…နိူး…နိူး... ကြောင်လွန်းတယ်လို့ သွင် သိနေတယ်။ အဲဒီလောက်စကားလေးပြောချင်ရုံနဲ့တင် မောင့်ဆီဖုန်းခေါ်ဖို့ဆိုတာက သိပ်ကိုသိသာလွန်းတဲ့ အကြောင်းပြချက်တစ်ခုသာ ဖြစ်တော့မှာ။

မလိုအပ်ပါဘူးလေ၊ မောင် သိနေမှာပါ။ မောင် အောင်မြင်သည်ဖြစ်စေ၊ မောင် ရှုံးနိမ့်သည်ဖြစ်စေ၊ အောင်မြင်နေတဲ့အခါ လက်ခုပ်တီးပေးဖို့ အသင့်ရှိသလို၊ မောင် ရှုံးနိမ့်နေစဉ်မှာ မောင် မကြားနိူင်မယ့် အားပေးစကားတွေ သွင်တစ်ယောက်ထဲ ပြောနေဖြစ်ဦးမှာ။

သွင်ဆိုတဲ့ မိန်းမဟာ မောင့်သတင်းကြားမှ၊ မောင့်အသံကြားမှ မောင့်ကို သတိရနေမယ့်မိန်းမမှ မဟုတ်တာဘဲ။ မမေးပါနဲ့တော့၊ မောင်နဲ့သွင့်အကြားမှာ မေးဖို့မလိုအပ်ခဲ့တာတွေမှ အများကြီးရယ်…..။ တစ်ယောက်နဲ့တစ်ယောက် မျက်ဝန်းချင်းဆုံနေကြရုံနဲ့ ပြည့်စုံနေတတ်ခဲ့ကြတာ။ (သွင် ထင်ခဲ့တာတွေပါ) မောင်က မမေးပါနဲ့ဆို သွင် မမေးခဲ့ဘူး၊ မောင် တိတ်ဆိတ်နေတိုင်း သွင် နှုတ်ဆွံ့နေပေးတတ်ခဲ့တယ်။ မောင်က အနေအေးတယ်၊ မာနကြီးတယ်၊ မလိုအပ်ဘဲ မပြောဘူး၊ သွင်က အဲသလို ထင်ခဲ့တယ်။ တကယ်တမ်းကျတော့ မောင် သွင့်အပေါ် သွေးအေးခဲ့တာ…..

နာနာကျင်ကျင်ပြောရရင် မောင်နဲ့ပါတ်သက်လာရင် သွင့်ကို လှုပ်ရှားတတ်အောင်၊ သွေးပူတတ်အောင် စနစ်တကျလေ့ကျင့်ပေးခဲ့ပြီးမှ မောင်က အေးအေးသက်သာ လက်ပိုက်လို့၊ ခပ်လှမ်းလှမ်းကနေ ခြေစုံရပ်လို့ မိန်းမတစ်ယောက်ရဲ့ အလှုပ်အရှား အတက်အကျကို အရသာခံကြည့်နေတတ်ခဲ့တာ။

ခေါင်းလောင်းကလေးတစ်ခုလို လက်ကကိုင်လှုပ်မှ အသံမြည်တတ်တာမျိုး မဟုတ်ဘူး မောင်၊ မောင့်ကြောင့်လှုပ်ခတ်ခဲ့ဖူးပြီးသား နှလုံးသားတစ်ခုဟာ သူ့အလိုလို မြည်တမ်းနေတတ်တာ၊ တိုက်ဆိုင်သည်ဖြစ်စေ၊ တမင်တွေးယူသည်ဖြစ်စေ နာနာကျင်ကျင်ကြီး လှုပ်ခတ်နေတတ်တော့တာ……

အဲဒါ သွင့်နှလုံးသားပါ မောင်။ မိုက်မဲတယ်ပဲ ပြောပါတော့….

(၂) 
သေချာတာကလေ သွင့်ဒဏ်ရာဟာ မြုံနေတုန်း၊ ဇေယျဆိုတဲ့ မောင့်အမည်ကြားတိုင်း၊ ဇေယျဆိုတဲ့ မောင့်ဆီ သွင့်စိတ်တွေ ကူးခတ်သွားတိုင်း…..ဒဏ်ရာတွေဟာ ပါးပြင်ပေါ် အရည်ပျော်ကျလာတတ်မြဲ….

“သွင် နင် ပန်းချီပြပွဲ လိုက်မလား၊ နင် ဒီမှာ ရောက်နေတုန်း ကြုံခဲတဲ့ပွဲမို့လေ”

“တစ်ကိုယ်တော်လား”

“မဟုတ်ဘူးဟ၊ ပန်းချီဆရာ သုံးယောက်၊ အမျိုးသမီးတစ်ယောက်ပါတယ်။ အမျိုးသားက နှစ်ယောက်”

“အမျိုးသမီးက ညိုမာဝေ၊  အမျိုးသားတစ်ယောက်က ဇေယျ ဟုတ်တယ် မဟုတ်လား”

“အေး နင် သိပြီးသားလား”

“ဇေယျနဲ့ ပါတ်သက်တဲ့သတင်းတွေ ငါ အကုန်ကြားပါတယ်ဟာ၊ သူနဲ့ အဲ့ဒီပန်းချီဆရာမ ညိုမာဝေနဲ့ လက်ထပ်တော့မယ်ဆိုတာကအစ ငါ ကြားပါတယ်”

“အေးလေ ဘာဖြစ်လဲ၊ နင် သွားမကြည့်ရဲဘူးလား၊ လာစမ်းပါဟာ လိုက်ခဲ့”

“နှင်း ငါ မလိုက်ပါရစေနဲ့ဟာ၊ ကြည့်ရဲတာ မကြည့်ရဲတာထက် ငါ သူတို့နှစ်ယောက်လုံးကို တွဲရက် မမြင်နိူင်သေးတာပါ”

“သွင်ရယ် နင့်မလည်း၊ ကြာပဲ ကြာလှပြီ၊ ဟိုက မိန်းမတောင် ယူတော့မယ်၊ မေ့လို့ မရသေးဘူးလား ဟင်”

နှင်းအမေးကို သွင် မဖြေနိူင်ပါ။ သွင်ကိုယ်တိုင်လည်း မသေချာလှ။ မောင်နဲ့ ညိုမာဝေ့ကို အတွေ့မှာ သွင် မျက်ရည်မကျဘူးလို့ ဘယ်သူ ပြောနိူင်မှာလဲ။ အတန်တန် နာကျင်လွန်းရလို့ ထုံနေပြီ ထင်ထားခဲ့တာ၊ တကယ်တမ်းကျတော့ မောင့်နာမည်ကြားရုံနဲ့ လူက ပျော့ခွေချင်လှပြီ၊ သွင်ပဲ သိပါတယ်လေ။

“ဘယ်နေ့ထိလဲ”

“နောက် နှစ်ရက်ထိ ပြမှာ၊ ဒီနေ့က ပထမဆုံးနေ့လေ”

“အေးပါဟာ နောက်ဆုံးနေ့ထိ ခနလေး စောင့်ပါလား၊ ငါ့စိတ်တွေကို ပြင်ဆင်ပါရစေဦး”

“သွင်ရယ် နေပါဟာ၊ နင် အဆင်မပြေလည်း ငါ ချိုချို့ကို အဖော်ခေါ်သွားလိုက်ပါမယ်၊ ငါက နင်များ စိတ်ဝင်စားမလားလို့”

သွင် စိတ်မဝင်စား၍ မဟုတ်၊ သွင် တကယ်စိတ်ဝင်စားတာပါ။ မောင် ဘာကားတွေများ ဆွဲနေမလဲ၊ အရောင်တွေ အရိပ်တွေ အထူအပါးတွေကို ဘယ်လိုစုတ်ချက်တွေနဲ့များ ပုံဖော်ထားလေမလဲ၊ သွင် သိချင်လှတယ်။ အရိုးသားဆုံး ပြောရရင် သွင်နဲ့ပတ်သက်သမျှ တစ်ခုတစ်လေများ မောင့်ပန်းချီထဲ အမှတ်တရ ရေးဆွဲထားလေမလား၊ သွင် လက်ဆောင်ပေးခဲ့ဖူးတဲ့ ကော်ဖီခွက်ကလေးကိုများ မောင် ထည့်ဆွဲထားမလား၊ သွင့်ခေါင်းပေါ်မှာ ပန်ခဲ့ဖူးတဲ့ ဇီဇဝါပန်းကလေးတွေများ မောင် ရေးဆွဲထားလေမလား၊ သွင် နှစ်သက်တယ်ဆိုတဲ့ အပြာရောင်တွေများ သုံးထားလေမလား၊ သွင် တကယ်ပဲ သိချင်တာ။

အမှတ်မရှိဘူးပဲဆိုဆို….ကိုယ့်စိတ်ကိုကိုယ် လှည့်စား ကြည်နူးကြည့်ချင်သေးတာ။ မောင့်ပန်းချီမှာ အပြာရောင်လေး ကဲနေရင်ပဲ မောင်များ သွင့်ကိုလွမ်းနေတာလားလို့ စိတ်က ယုံစားချင်နေသေးတာကတော့ သွင် ရူးနေလို့သာ ဖြစ်မှာ။  ခက်လိုက်တဲ့ သွင်ပါပဲ….။

မောင်နဲ့ချစ်စတုန်းကတော့ သွင့်ပုံတူကလေးများ မောင် တိတ်တိတ်ဆွဲထားမလားလို့ မောင့်အလုပ်ခန်းထဲ မွှေနှောက်ရှာခဲ့ဖူးတာ၊ ဘောင်မခွေရသေးတဲ့ ပန်းချီကားတွေ ကြမ်းပြင်ပေါ်ချထားတာကို တစ်ကားချင်း လိုက်ကြည့်ရတာ အမောရယ်။ မသိနိူင်ပါဘူးလေ၊ ခုရော မိန်းကလေးပုံဆွဲတဲ့အခါ သွင်ကြိုက်တဲ့ အပြာရောင် အသွေးကလေး မခြယ်ထားဖူးလို့ ဘယ်သူက ပြောနိူင်မှာလဲ နော်။

တွေးမိရင်းက မောင့်ပန်းချီပြပွဲကို သွားကြည့်ချင်စိတ်တွေ ပေါက်လာရတော့တယ်။ ဒါပေမယ့် မောင်ရယ်…..။  

(၃)
လက်ညှိုးထိုးတတ်တဲ့ကိစ္စတွေမှာ နှလုံးသားမပါတာကတော့ တမင်သက်သက် အပြစ်ဖွဲ့ လိုခြင်းပဲ၊ နှလုံးသားထဲမှာ တန်ဘိုးတစ်ခုသတ်မှတ်ပြီး နေရာတစ်ခု ကျကျနနမပေးနိူင်ခဲ့လို့ပါပဲ…အဲဒီလိုပဲ သွင် နားလည်ထားပါတယ်။ မောင့်နှလုံးသားကို  ခုထိ နားမလည်နိူင်သေးတာကတော့ သွင် ညံ့လို့ပဲ ထားပါလေ….

“သွင် မင်းတို့အသိုင်းအဝိုင်းက အနုပညာအပေါ် အတော်လေး အထင်သေးတာပဲ နော်”

“ဟာ မဟုတ်ပါဘူး မောင်ရာ၊ ဖေဖေမေးတဲ့ မောင့်ပန်းချီကားတစ်ကားကို ဘယ်လောက်ရလဲဆိုတာက သိချင်လို့ကို မေးတာ နေမှာပါ”

“မဟုတ်တာကွာ၊ သွင့်ဖေဖေလေသံက မင်းပန်းချီကားတစ်ချပ်ရဲ့တန်ဘိုးက ဘယ်လောက်လဲ၊ မင့်ပန်းချီကားချပ်ရေ ဘယ်လောက်ရောင်းရမှ ငါ့သမီးစီးနေတဲ့ကားဘိုးကို မီမလဲဆိုတဲ့ အထာနဲ့”

“မဟုတ်ဘူး၊ မဟုတ်ပါဘူး မောင်ရဲ့၊ မောင် အထင်လွဲတာ ဖြစ်မှာပါ ဖေဖေက အဲ့လိုမဟုတ်ဘူး”

တကယ်တော့ ဒါဟာ မောင့်ဘက်က အကြောင်းပြချက်ကောင်းတစ်ခုသာ ဖြစ်ခဲ့တာ။ အသိုင်းအဝိုင်းချင်း မတူလို့၊ တန်ဘိုးထားရာချင်း ကွဲလို့တဲ့လေ။ ဘာပဲဖြစ်ဖြစ် မောင်နဲ့သွင် အချစ်တွေ တူခဲ့ကြတာပဲလို့ သွင်က ထင်ခဲ့တာ။ မောင်နဲ့သွင် တစ်ယောက်ဘေးနားတစ်ယောက်ရှိရင်း အတူတူအိုမင်းခွင့်ကို သွင်က လိုချင်ခဲ့တာ….။ ဘယ်လိုအခြေအနေတွေရောက်ပါစေ။ သွင့်နားနဲ့ဆတ်ဆတ် ကြားလာခဲ့ရတဲ့ မောင့်စကားတစ်ခွန်း မကြားရသေးခင်အထိပေါ့။

သွင် မောင့်ကို လုံးဝ ယုံခဲ့မိတာ။

(၄)
မျှော်လင့်ချက်ဆိုတာ မောင်နဲ့မှ သွင် နားလည်လာခဲ့တာ၊ သူ့အတိုင်း လွတ်လပ်စီးမျောနေတဲ့ သွင့်ရေစီးကြောင်းတွေက မောင်နဲ့ကျမှ လမ်းကြောင်းပြောင်းစီးဆင်းခဲ့သလေ….

မောင် မသိအောင် သွင် တိတ်တိတ်လေး ပန်းချီခိုးသင်နေတာ၊ ခုဆို ခြောက်လပြည့်တော့မယ်။ သွင် သင်တာက ခဲပန်းချီ ပေါ့ထရိတ်ပါ။ မောင် သိလား၊ မောင် အံ့သြသွားအောင်လေ၊ သွင် သေချာဆွဲတတ်တော့မှ မောင့်ပုံတူပန်းချီကားလေးကို ကျကျနနလေး ဆွဲပြီး မောင့်မွေးနေ့လက်ဆောင်ပေးမလို့။

မောင်ချစ်တဲ့ ပန်းချီပညာမို့ သွင် ချစ်ခဲ့ရတာ။ တကယ်က သွင်ဟာ သီချင်းတွေအပေါ်မှာ ပိုပြီးဝင်စားတာ။ သီချင်းတွေ စီဒီတွေ ဝယ်စုထားတာမှ အများကြီးရယ်။ မောင်ကကျတော့ ဟိုးတုန်းက သီချင်းတွေလောက်သာ နားထောင်တာ။ တကယ့်ကို ကလပ်စစ်သီချင်းတွေ မိုးတို့၊ မိုးသက်လေနှင်တို့၊ နတ်သျှင်နောင်တို့၊ ချစ်ပြုံးနှင်းဆီတို့၊ ဆယ့်နှစ်လရာသီတို့လို။ သွင်ကတော့ ပေါ့သီချင်းချိုချိုလေးတွေ ပိုကြိုက်တာ။

ရုတ်တရက် ဆရာမအိမ်ဖုန်းက မြည်လာတာမို့ ပေါ့ထရိတ်ပုံလေးခဲခြစ်နေရင်းက သွင် ဆတ်ကနဲ ခေါင်းထောင်ကြည့်မိတယ်။ ဆရာမ လမ်းထိပ်ခနသွားပါတယ်လို့ ဖြေလိုက်ချင်ပေမယ့်….၊ ဖုန်းက လေးငါးချက်မြည်အပြီးမှာ ကျွန်မ ညိုမာဝေပါရှင်၊ ကိစ္စရှိရင်မက်ဆေ့ခ်ျထားခဲ့ပါ၊ ကျွန်မ အမြန်ဆုံးပြန်ခေါ်ပါ့မယ်”ဆိုတဲ့ အသံလေးကြားတာနဲ့ ငြိမ်ပဲနေလိုက်မိတာ့တယ်။ တီ….ဆိုတဲ့ဘိမြည်သံလေးအဆုံးမှာတော့ ယောကျာ်းအသံ တစ်သံ…. သိပ်ကိုကြားဖူးနေကျ အသံ

“ညို ကျွန်တော့်ကို စိတ်ဆိုးနေတုန်းလား၊ ဖုန်းဖြေပါဗျာ၊ ညိုကလွဲလို့ ဘယ်သူ့ကိုမှ ကျွန်တော်တကယ်မချစ်ဘူးဆိုတာ ယုံပါ၊  ညိုသိချင်တာတွေအားလုံး ကျွန်တော် သေချာရှင်းပြနိူင်ပါတယ်။ ဒါပဲနော်၊ ကျွန်တော်ပြန်ခေါ်လိုက်မယ် တိတ်ကဲပါဗျာ”

သွင့်နားထဲဘယ်လိုဝင်ဝင် မှတ်မိနေတဲ့ မောင့်အသံ…..။  

ဘယ်သူ့ကိုမှ ကျွန်တော် တကယ်မချစ်ဘူးဆိုတာ….. ဘယ်သူ့ကိုမှ ကျွန်တော် တကယ်မချစ်ဘူးဆိုတာ…..
တကယ် မချစ်ဘူး ဆိုတာ……။

သွင့် နားကြားများ လွဲသလား….ဟင့်အင်း မဖြစ်နိူင်ဘူး။ သေချာတယ်၊ မောင်မှ မောင်ပါ။ မောင် ပန်းချီဆရာမမိတ်ဆွေတွေနဲ့ ရင်းရင်းနှီးနှီးသွားသွားလာလာရှိတာ သွင်သိထားပေမယ့် ခုလိုပတ်သက်မှုမျိုးလို့ ဘယ်တုန်းကမှ တွေးမထားမိခဲ့။

ဒါဟာ တကယ့်ကို တိုက်တိုက်ဆိုင်ဆိုင် သွင်နှလုံးသားကွဲဖို့ ဖြစ်လာတဲ့ကိစ္စ။ နားနဲ့ တပ်အပ်ကြားခဲ့ရတဲ့ မောင့်ဝန်ခံမှု၊ သွင်မဟုတ်တဲ့ တစ်ခြားမိန်းမတစ်ယောက်အပေါ် ဝန်ခံဖြေရှင်းမှုမှာ သွင့်အချစ်တွေ အစော်ကားခံလိုက်ရတာ၊ သွင့်သိက္ခာတွေ ချနင်းခံလိုက်ရတာ၊ သွင့်ကမ္ဘာတစ်ခုလုံး ပျက်ခဲ့ရတာ။ ရှက်စရာကောင်းလိုက်တာ…..၊ တကယ် မချစ်ခဲ့ဘူး….တဲ့၊

မောင်ပြောခဲ့တဲ့ အရမ်းချစ်တယ်ဆိုတဲ့ စကားတွေ၊ သွင့်ကို လွမ်းလိုက်တာကွာဆိုတဲ့ စကားတွေမှာ အချစ်မဲ့ခဲ့သတဲ့လား၊  မောင့်စိတ်အဆာပြေရုံသက်သက် အပျော်ကစားခဲ့တာမျိုးလား၊ တကယ်မချစ်ဘဲ ပြောခဲ့တာတွေတဲ့လား၊ ဒါတွေကို သွင်က ရူးမိုက်လို့သာ အဆင်အခြင်မဲ့ ယုံခဲ့မိတာပဲ ထားပါတော့….။

ဘာကြောင့်ပါလိမ့်လို့ နားမလည်နိူင်မှုတွေနဲ့ ခုထိ စိတ်တွေက ထုံနေတုန်း။ မောင့်မျက်ဝန်းအကြည့်တွေကို မြင်ယောင်မိတိုင်းလည်း တကယ်ချစ်ခဲ့တာလို့ မိုက်မဲချင်နေ တုန်း။ သွင့်အဖြစ်က ကျားကိုက်ခံရသူကိုယ်တိုင်ဖြစ်ရက်နဲ့ အပေါက်ကလေးနဲ့လားလို့ မေးနေတဲ့သူလို….။

ဆရာမပြန်လာတော့ သွင်က ဆရာမအိမ်ဖုန်း ခုနကပဲ မြည်တယ်။ အမျိုးသားတစ်ယောက် မက်ဆေ့ခ်ျထားခဲ့သံလိုလို သွင် ကြားလိုက်သလားလို့” လို့ မရေမရာ ဘာမှ မဟုတ်လေဟန် ပေါ့ပေါ့ပါးပါးပြောဖြစ်ခဲ့တယ်။ ဆရာမက သွင့်ကို ခပ်စိုက်စိုက်တစ်ချက်ကြည့်ပြီး ကျေးဇူးပဲ” တဲ့။

“ဆရာမကို သွင် ပြောရဦးမယ်၊ ဒီလကုန်က စပြီး သင်တန်းတက်ဖြစ်တော့မယ် မထင်ဘူး။ သွင် မေမေ့ဆိုင် ကူထွက်ပေးရမှာမို့ အားတော့မှာ မဟုတ်ဘူး”

မုသားစွက်စကားတစ်ခွန်း သွင့်နှုတ်ဖျားက အားထုတ်စရာမလိုအောင် လျှောကနဲ ထွက်သွားတယ်။ ဆရာမမျက်လုံးတွေက သွင့်ရင်ထဲကို မြင်လိုက်သလိုလို ရှိလှတယ်။ မျက်လုံးတွေက သွင့်အနားချက်ချင်းပဲ နီးကပ်လာသလိုလို….။ ဆရာမရယ်  ဆရာမ မသိလိုက်တာကလေ မောင်နဲ့ သွင် ဝေးသွားတာကိုပါပဲ….။

(၅)

အချစ်ဆိုတာ မျက်မမြင်ပုဏ္ဏား ခြောက်ယောက် ဆင်စမ်းကြသလို တစ်ယောက်နဲ့တစ်ယောက် အတွေ့ပေါ်မူတည်လို့ အမြင်တွေ ကွဲနေကြဦးမှာ၊ အချစ်နဲ့ပါတ်သက်တဲ့ မောင့်အမြင်ကို သွင် ဘယ်တော့မှ မသိလို၊ မငြင်းလိုတော့ပါဘူး၊ ဒါဟာ သွင် သိခဲ့တဲ့ မောင့်အချစ်လို့ပဲ….

မလိုအပ်တော့ပါဘူးလေ၊ ဘယ်လိုဖြေရှင်းစကားကိုမှ မောင့်ဆီက မလိုအပ်တော့သလို တကယ်မချစ်ခဲ့တဲ့ မိန်းမတစ်ယောက်အတွက် ဘယ်လိုဖြေရှင်း နှစ်သိမ့်စကားတစ်ခွန်းတစ်လေမှ မောင့်ဆီက ကြားရမယ် မဟုတ်ဘူးဆိုတာ သွင် သိပြီးသားပါ။  သွင်ဟာ မောင် တကယ်မချစ်ခဲ့တဲ့ မိန်းမ…..။ 

ကြာခဲ့ပြီပဲလေ၊ တကယ်ဆို သွင် မေ့သင့်ခဲ့ပြီ။

“နှင်း ငါတို့ ပန်းချီပြပွဲသွားရအောင်၊ ဒီနေ့ နောက်ဆုံးနေ့မဟုတ်လားဆိုတဲ့ သွင့်စကားကို နှင်းက မျက်ခုံးများတောင် ပင့်လို့။ “အေး သွားကြမယ် သွင်  နင် ပန်းဆိုးတန်းက စောင့်”လို့ မဆိုင်းမတွ ပြန်ဖြေလေတယ်။

ပန်းချီပြပွဲက လူ သိပ်မများလှပေမယ့် နာမည်ကြီးပန်းချီဆရာသုံးယောက်ရဲ့ပွဲမို့ သုံးယောက်စာပရိသတ်နဲ့ စည်ကားတယ်လို့ ပြောရမယ်။ သွင် တိတ်တိတ်လေးမျှော်လင့်ထားသလို (သိပ် မျှော်လင့်မထားပေမယ့်လည်း) မောင့်ပန်းချီကားတွေဟာ အပြာရောင်ကဲမနေကြဘူး။ အနီ အနက် လိမ္မော်  အဝါတွေ ရောယှက်လို့ အပူရောင်တွေ အများဆုံးသုံးပြီး ဆွဲထားတယ်။ စုတ်တံအပြားကြီးကြီးတွေနဲ့ ခပ်ကြမ်းကြမ်းဆွဲထားတဲ့ ပုံတွေဟာ ကြည့်ရသူတွေတောင် ရင်ပူမောလာတဲ့အထိ မောင့်အနုပညာက စွမ်းလှတယ်။ မွန်းကြပ်ကြပ်ခံစားမှုတစ်မျိုးကို ပေးတယ်။ သွင်ဖြင့် အသက်ရှူတောင် မဝတော့သလိုပဲ။

အိုး…..ဒီပုံကလေး….၊  မိန်းကလေးတစ်ယောက် နောက်ကျောပေးလို့ ဟိုးအဝေးကြီးကို ငေးနေပုံ၊ လွင့်ပျံ့နေတဲ့သူမဆံနွယ်တွေမှာ ဇီဇဝါပန်းကလေးတစ်ပွင့်၊ သွင်သိပ်ချစ်တဲ့၊ သွင်ချစ်တယ်ဆိုတာကို မောင်လည်းသိတဲ့ ဇီဇဝါပန်းကလေးတစ်ပွင့်ကို တွဲခိုလို့ ပြုတ်ကျတော့မယ့်ပုံဟန် ပန်ထားပေးတယ်။ အဲဒီပန်းကလေးလို သူမစိတ်ဟာ၊ သူမနှလုံးသားတွေဟာ ပြုတ်ကျလုလု လို့များ မောင်က ပြောချင်တာလားဟင်….၊ အို.....သူမဟာ သနားစရာကောင်းလိုက်တာ....။

သွင့်စိတ်အပြောင်းအလဲကို သွင်ကိုယ်တိုင် မသိလိုက်ခင် ပါးပေါ်ကို မျက်ရည်တွေ ပေါက်ကနဲ လိမ့်ဆင်း ကျလာတော့တယ်။ သွင် ဇီဇဝါပန်းတွေကို သိပ်ချစ်တာ မောင် မမေ့သေးဘူးဘဲ…..။ ရုတ်တရက် မောင့်ကို သိပ်တွေ့ချင်လာတယ်။  မောင် ဘယ်မှာများပါလိမ့်၊ ပြခန်းရဲ့တနေရာရာမှာတော့ မောင် ရှိနေမှာပါ။ တွေ့ချင်လိုက်တာ…သွင် မောင့်ကို တွေ့ချင်လိုက်တာ မောင်ရာ….။ မောင့်ကို သွင့်မျက်လုံးတွေက လိုလိုချင်ချင် လိုက်ရှာကြည့်နေမိတော့တယ်။

သွင့်လက်ထဲက ပလတ်စတစ်ဖိုလ်ဒါအကြည်လေးထဲမှာ သွင်ဆွဲထားတဲ့ မောင့်ပေါ့ထရိတ် ပုံ။ ပေးလိုက်ရင် ကောင်းမလား၊ နောက်လဆို မောင့်မွေးနေ့လေ။ သွင်ကတော့ ရှိနေနိူင်မှာ မဟုတ်ဘူး။ ဒါပေမယ့် မောင့်အတွက် အမှတ်တရဖြစ်စေချင်တယ်။ မိတ်ဆွေတွေအနေနဲ့ ပေးတာမျိုးဖြစ်ဖြစ်ပေါ့။ သိပ်များ သိသာသွားမလား ဟင်….။ အို ဘာပဲဖြစ်ဖြစ်ပေါ့ ပေးလိုက်ချင်တယ်။ ဝေးကွာနေချိန်တွေမှာ မောင့်ကို မမေ့နိူင် မပြတ်နိူင်သေးတဲ့ သွင့်သံယောဇဉ်တွေရဲ့ ပြယုဂ်….။

အို သွင့်ကို တကယ်မချစ်ခဲ့တဲ့မောင်ဟာ ဒီပေါ့ထရိတ်ပုံလေးအတွက် သွင်မသိအောင် လှောင်များ ရယ်နေဦးမှာလား၊ ဆရာမနဲ့အတူတူ မျက်နှာချင်းဆိုင်စားဖြစ်တဲ့ မနက်ခင်းစာတွေမှာ အရံတစ်ခွက်အဖြစ်နဲ့လေ….။ သွင့်စိတ်တွေ ဂနာမငြိမ် ယိမ်းထိုးပြေးလွှားရင်း မောင် ဘယ်မှာလဲ….ဆိုတာပဲ သိချင်နေမိတော့တယ်။

"Sorry Sir, this painting has already been sold out. You may choose to buy another one, how about that one ?"

ညိုမာဝေ….၊ ဆရာမ ညိုမာဝေ့အသံ။ သွင့်နောက်ကျောဘက်က ကြားလိုက်ရတယ်။  မရည်ရွယ်ဘဲ သွင် ဆရာမကို လှည့်ကြည့်လိုက်မိတယ်။ ဆရာမကတော့ နိူင်ငံခြားသားစုံတွဲကို စကားပြောရင်း သွင်တို့ဘက်ကို ကျောပေးထားတာမို့ မြင်ဟန်မတူ။ ဘုရားရေ…..သူမဆံနွယ်ကျော့မှာ ဇီဇဝါတစ်ပွင့် ပိုင်ပိုင်နိူင်နိူင်ပန်လို့…..။

သွင် နှုတ်ခမ်းတွေကို ဖိကိုက်ထားလိုက်မိတယ်။ မငိုနဲ့၊ မငိုမိစေနဲ့ သွင်၊ နည်းနည်းကလေးမှ ငိုချင်ပုံ မပြမိစေနဲ့၊ ဖိုလ်ဒါလေးထဲက မောင့်ပေါ့ထရိတ်ပုံကို သွင့်လက်က အလိုလို ခြေမွမိရက်သား။ ရက်စက်တယ် မောင် ရက်စက်တယ်။ 

မျက်နှာများတဲ့ ဇီဇဝါ….သွင့်တစ်ယောက်ထဲအတွက် ပွင့်တာမှ မဟုတ်ခဲ့ဘဲ….။  ပြခန်းထောင့်က အမှိုက်ပုံးထဲ လက်ထဲက ခဲပန်းချီပုံလေးကို လွှင့်ပစ်ခဲ့မိတော့တယ်။ လုံးချေကြေမွလို့၊  တကယ်တမ်းကြေမွခဲ့တာက သွင့်စိတ်တွေပါပဲ။ သွင့်စိတ်တွေပါပဲ…..ကြေမွလို့သွားခဲ့တာ။ ခဏကလေး နုညံ့သွားခဲ့ရတဲ့ သွင့်စိတ်အပြောင်းအလဲဟာ ခုတော့ မွမွကြေ....။

နှင်းက သွင်လုပ်ပုံတွေကို နားမလည်နိူင်တဲ့ဟန်နဲ့။ နှင်းလက်ကို ဆွဲလို့ “ပြန်ကြစို့နှင်း”ဆိုတော့ နှင်းက သွင့်လက်ထဲမှာ ခပ်တောင့်တောင့်လေး ပါလာတယ်။ အမှိုက်ပုံးဆီ မေးငေါ့လို့ “ဟဲ့ ဘာလို့လွှင့်ပစ်ခဲ့ရတာလဲ နင်ပဲ သေချာအချိန်ယူဆွဲထားတာဆို” တဲ့။

“တော်ပါတော့ဟာ နှင်းရယ်၊ တော်ပါတော့ သွင့်အချိန်တွေ သွင့်နေ့ရက်တွေထဲမှာ ဇေယျ ဆိုတာ နောက်ထပ် ဘယ်တော့မှ နေရာယူနိူင်မယ် မထင်တော့ပါဘူးလေ။ နင် သိလား နှင်း”

“အေးပါဟာ သိပါတယ်၊ ငါ သိပါတယ်”  

သွင် သိသားပဲ၊  နှင်း တကယ်မသိပါဘူး။ သိပ်မြန်တဲ့ သွင့်စိတ်အကျိုးအပဲ့လေးတစ်ခု၊ အဖြစ်အပျက်ကလေးတစ်ခုကို နှင်း မသိလိုက်ပါဘူးလေ။ သွင်ကိုက မိုက်မိုက်မဲမဲလာမိတာ….။ မောင်ဟာ သူ တကယ်မချစ်ခဲ့တဲ့ မိန်းမတစ်ယောက်ကို တမ်းတလွမ်းဆွတ်နေရလောက်အောင် မိုက်မဲတဲ့ ယောကျာ်းတစ်ယောက်မှ မဟုတ်တာဘဲ။

ဟုတ်မှာပါ၊  မောင်ဟာ ဇီဇဝါတွေကို ချစ်တယ်။ ဒါပေမယ့် သွင့်ဇီဇဝါတွေကို မဟုတ်ဘူး…….။ ပြခန်းက အထွက်မှာ မောင်နဲ့ နောက်ဆုံးအကြိမ်ရယ်လို့တောင် မတွေ့လိုက်ရတဲ့ ကံကြမ္မာကို သွင်က ကျေးဇူးတွေတင်လို့……။

တကယ်ပါပဲ။  ဘဝမှာ မလိုအပ်တော့ဘူးလို့ သိနေတဲ့အရာတွေဟာ တကယ်ကို မလိုအပ်တော့တာ။
သိပ်ကို သေချာတာပဲ…..။ နောက်တစ်ခု သိပ်သေချာတာက သွင် ဘယ်တော့မှ ခဲပန်းချီဆွဲတော့မှာ မဟုတ်တာပါပဲ…



Tuesday, April 22, 2014

လျှပ်တစ်ပြက်အလင်းဖြင့် ဖမ်းဆုပ်မိခဲ့သမျှ - ၁

ကျွန်မ ကင်မရာမကိုင်ဖြစ်တာ အတော်ကြာပါပြီ။  ခုတစ်လောမှ ကင်မရာကို ပြန်ပြီး ဖုန်သုတ်ဖြစ်ပါတယ်။ ကျွန်မ လက်ရှိကိုင်နေတဲ့ ကင်မရာက ကန်နွန် 550-D ပါ။

၂၀၁၀နှစ်စပိုင်းမှာ ဈေးကွက်ထဲရောက်ရောက်ချင်း ကျွန်မမွေးနေ့လက်ဆောင်အဖြစ် ရခဲ့တဲ့ ကင်မရာဆိုတော့ ခုဆိုရင်  လေးနှစ်ကြီးများတောင် ရှိခဲ့ပါပြီ။ လေးနှစ်သားကင်မရာလေးဟာ ကျွန်မလက်ထဲမှာ အတော်အတန်ကြီး ကျနေခဲ့ပါပြီ။ ဘာကြောင့်ရယ်မသိ ခုနောက်ပိုင်း ရိုက်လိုက်တဲ့ပုံတိုင်းရဲ့ ၂၀ရာခိုင်နှုန်းလောက်သာ စိတ်တိုင်းကျပြီး ကျန်တာတွေက ဘာလိုနေမှန်းမသိအောင် စိတ်ထဲ မကြေမလည် ခံစားရစေတဲ့ပုံများပါပဲ။  ကျွန်မကပဲ မျက်လုံးမကောင်းတော့လို့များလား၊ Manual Focus ချိန်တဲ့အခါတိုင်း မပြတ်မသားလိုလို၊ ပြတ်သားသွားသလိုလို မျက်လုံးထဲ ခပ်ဝါးဝါးရယ် ဖြစ်နေတော့တာပါ။

 နောက်ကင်မရာအသစ်တစ်လုံး လိုချင်တဲ့ရောဂါကလည်း အတော်လေးရနေတော့ ဒီရောဂါကို မေ့အောင် ခုတစ်လော ဒါလေးနဲ့ပဲ ရိုက်လိုက်ပါဦးမယ်လေ၊ ပုံကောင်းလေးတွေ ထွက်လာလို ထွက်လာငြားပေါ့ဆိုပြီး ဟိုရိုက် ဒီရိုက် စိတ်ဖြေရိုက်လေးနဲ့ စခန်းသွားနေဖြစ်ပါတယ်။ ဖြည်းဖြည်းတော့ ဝယ်တာပေါ့ နော်  :)

ခုလောလောဆယ် ကျွန်မကင်မရာအဟောင်းလေးနဲ့ ရိုက်ထားသမျှထဲက ကောင်းတယ် (လို့ ကျွန်မ) ထင်ရတဲ့ ပုံလေးတွေ မျှဝေချင်ပါတယ်ရှင်။












ပထမပုံ ၂ပုံကို ဂျူရောင်းငှက်ဥယျာဉ်မှာ ရိုက်ခဲ့တာဖြစ်ပြီး အောက်လေးပုံကိုတော့ ငါးပြတိုက်မှာ ရိုက်ခဲ့တာပါ။  (ကျွန်မအတွက်တော့) အင်မတန်ရိုက်ရခက်တဲ့၊  ရိုက်လိုက်တိုင်းလည်း မှုန်ဝါးဝါးသာပေါ်တဲ့ ဂျယ်လီငါးတွေ ဖြစ်ပါတယ်။ ဒီတစ်ခါတော့ မဆိုးလှဘူးလို့ ထင်မိတယ်ရှင့်။

ဂျယ်လီငါးတွေအကြောင်းကို စိတ်ဝင်စားရင်တော့ ဒီလင့်ခ်  Jellyfishမှာ ဖတ်ကြည့်နိူ်င်ပါတယ်ရှင်။


 ပုံတွေကို ဘလော့ဂ်မှာတင်ရတာ အဆင်ပြေအောင် ဆိုက်ရှော့ထားလိုက်ပါတယ်။  နောက်ပုံလေးတွေ ရှိပါသေးတယ်။ ဆက်တင်ပေးပါဦးမယ် :)

****  ဂျယ်လီငါးတွေတွေ့မှ ဂျယ်လီငါးသုတ်စားခဲ့ဖူးတာ သတိရတယ်။ သူတို့ နုညံ့ပုံလေးတွေ၊ သူတို့ ပါးလွှာပုံလေးတွေ ကြည့်ပြီး သနားလိုက်တာ။ နောက် မစားတော့ဘူးလို့ စိတ်ကူးမိတယ်။ ပြောသာ ပြောရတယ်၊ စားခဲ့တုန်းက အရသာကို မှတ်မိသလောက်ပြောရရင် ရော်ဘာမျှင်လေးတွေ ဝါးနေရသလိုပါပဲ  :)



Wednesday, April 16, 2014

“ပိတောက်များ အချစ်ရည်လူးခဲ့ကြ”


(၁)

“ရှင် သိချင်တာ ဒါပဲလား”

ဘာကြောင့်များ သူမနဲ့အတူတူ ဒီစားပွဲမှာ ဝင်ထိုင်မိပါလိမ့်။ ကျွန်မမျက်ဝန်းတွေဆီကို တည့်တည့် ပစ်ခတ်ကြည့်လိုက်ပြီး မေးချလိုက်တဲ့ သူမအမေးကို ဘယ်လိုမှမနှစ်မြို့နိူင်။ ဒါပေမယ့် သူမ မသိစေရ။ ကျွန်မတို့မှာ မျက်နှာဖုံးကိုယ်စီနဲ့ဆိုတာ နှစ်ယောက်စလုံးလည်း အသိ။ ဒါပေမယ့် အရေးကြီးတာက ကျွန်မမျက်နှာဖုံးကို သူမ မသိစေဖို့…။

“အင်းလေ ကျွန်မ ဘာသိချင်သေးတယ်လို့ ရှင် ထင်လို့လဲ”

“ဘယ်သိနိူင်မှာလဲ ရှင်နဲ့ကျွန်မက အထက်တန်းကျောင်းကတည်းက ဝေးသွားခဲ့ကြတာဆိုတော့”

ကျွန်မက ရှေ့မှာထိုင်နေတဲ့ သူမရဲ့ခပ်ပြည့်ပြည့်ကိုယ်လုံးကိုကြည့်ရင်း မျက်ခုံးတွေကို ပိုပြီး တွန့်ချိုး လိုက်မိတယ်။ သူ ချစ်ခဲ့သလား…..။ အဲ့ဒီမိန်းမကို သူ တကယ်ပဲချစ်ခဲ့သလားကွယ်။

“ဒီမှာ ကျွန်မ ပြောမယ်။ လင်းရောင်ဟာ ကျွန်မကို မချစ်ခဲ့ပါဘူး၊ ဘယ်တုန်းကမှ မချစ်ခဲ့ဘူး”

သူမက ကျွန်မအတွေးတွေကို ဖတ်မိသွားပုံပါပဲ။ ကောင်းတယ်၊ ကျွန်မ ဖွင့်မေးနေစရာမလိုတော့ဘူးပေါ့။

“ဟင် ဒါပေမယ့် ရှင်တို့ စေ့စပ်ခဲ့ကြတာလေ”

“ထားပါ ဒါက လူကြီးတွေကိစ္စပါ။ ရှင် နားလည်ထားစမ်းပါ။ ယောကျာ်းတစ်ယောက်ဟာ မိန်းမတစ်ယောက်ကို အစကတည်းက မချစ်ခဲ့ဘူးဆိုရင် သူ့ကိုပြောင်းလဲဖို့ မကြိုးစားနဲ့။ သူဟာ အဲ့ဒီမိန်းမကို ဘာအကြောင်းကြောင့်မှ၊ ဘယ်တော့မှ ချစ်လာမှာမဟုတ်ဘူး”

ကျွန်မ အဲ့ဒီမိန်းမမျက်နှာကို ခပ်စေ့စေ့ကြည့်လိုက်မိတယ်။

“ဒါဆိုရင် လင်းရောင်ရှိန်က ခုချိန်ထိ အိမ်ထောင်မပြုသေးဘူးပေ့ါ ဟုတ်လားဟင်”

ကျွန်မမေးခွန်းကိုအကြားမှာ သူမက ကိုယ်လုံးကလေး သိမ့်ကနဲခါသွားအောင် ရယ်လိုက်တယ်။ 

“ကျောင်းသားဟောင်းများ မိတ်ဆုံစားပွဲ-၂၀၁၄” ဆိုတဲ့ ရွှေရောင်စာလုံးတွေနဲ့ ဘက်ဒရော့ဆီကို ကျွန်မျက်လုံးတွေ ပို့ထားလိုက်မိရင်း သူမအဖြေကို နားစွင့်နေလိုက်တယ်။

(၂)

စာမေးပွဲခန်းရှေ့မှာ မတ်တတ်ရပ်ရင်း စာအုပ်လေးတွေကိုင်လို့ ပါးစပ်ကလည်း ပွစိပွစိ လုပ်နေကြတဲ့အထဲမှာ ကျော့ရည်ဝေနဲ့ လင်းရောင်ရှိန်လည်းပါတယ်။ ကျော့ရည်ဝေကတော့ စာတော်ပေမယ့်၊ စာတွေ ဘယ်လောက်ကျက်ထားကျက်ထား၊ စာမေးပွဲဟေ့ဆိုရင် သူမမျက်နှာမှာ သွေးကိုမရှိတော့တာ။ လင်းရောင်ရှိန်ကတော့ ဘေးကနေ ဝိုင်းကျက်ပေးနေသလိုလို၊ ရီဗီရှင်ပြန်နေသလိုလို လိုက်ရွတ်ပေးနေတာ။ 

ကျွန်မက သူတို့နှစ်ယောက်ကို ကျွန်မဖြေရမယ့်စာမေးပွဲခန်းရှေ့ ကော်ရစ်ဒါကနေကြည့်ရင်း အမြင်ကတ်လာတယ်။ လွယ်အိတ်ထဲက ပီကေဘူးကိုထုတ်ယူပြီး ပီကေဝါးနေလိုက်တယ်။ လက်နှစ်ဘက်ကိုတင်းတင်းပိုက်ပြီး ပီကေကို ပူဖောင်းအကြီးကြီးရအောင်မှုတ်၊ ပြီးမှ ဖောက်ကနဲ ဖောက်ကနဲမြည်အောင် ပါးစပ်ထဲပြန်သွင်းလိုက်နဲ့ပေါ့။ အေးဆေးပဲဆိုတဲ့ပုံမျိုးရအောင် တမင်ကိုလုပ်ပြတာ။

ကျော့ရည်ဝေက Kနဲ့စပြီး လင်းရောင်ရှိန်က L နဲ့စတာမို့ စာမေးပွဲခုံနံပါတ်တွေစီတော့ သူတို့နှစ်ယောက်က ရှေ့နောက်ကျပြီး စာဖြေခန်းတစ်ခန်းထဲမှာ၊ ကျွန်မက T နဲ့စတာမို့ B ခန်းမှာဖြေရမယ်။ အတန်းထဲမှာ အဆင့်တစ် နှစ် သုံးက ကျွန်မတို့ သုံးယောက်လှည့်ယူနေကျပေမယ့် အဲ့ဒီတစ်ခေါက်မှာ ကျွန်မက အဆင့်တစ်၊ လင်းရောင်ရှိန်က နှစ်နဲ့ ကျော့ရည်ဝေက အဆင့်ငါးကို ရောက်သွားတယ်။

ကျွန်မ ပျော်တယ်။ ကျွန်မနဲ့ လင်းရောင်ရှိန်ကြားမှာ ဘယ်သူမှ မရှိဘူး။ ကျော့ရည်ဝေနဲ့ ကျွန်မတို့ကြားမှာ နှစ်ယောက်တောင်ခြားထားသေးတယ်။ စိတ်ထဲမှာ အတော်ကျေနပ်တယ်။ ဘာကြောင့်ဆိုတာကို အတိအကျနားမလည်ပေမယ့် ကျွန်မစိတ်တွေ တစ်ခုခုထူးခြားနေတယ်လို့တော့ ထင်မိတာပဲ။

အဆင့်ငါးပဲရလို့တဲ့၊ ကျော့ရည်ဝေက ငိုလိုက်တာ၊ လင်းရောင်ရှိန်က တစ်ချိန်လုံးချော့နေတာပဲ။ သူတို့က မိဘချင်းလည်း ရင်းနှီးတာကိုး၊ ကျော့ရည်ဝေမိဘတွေက လင်းရောင်ရှိန်ကို အပ်ထားတာတဲ့လေ။ နောက်နေ့ကျတော့ ကျော့ရည်ဝေ ကျောင်းမလာနိူင်ဘူး၊ ဖျားလို့ တဲ့။ အဲ့ဒ်ီမိန်းမဟာ ပိုကို ပိုတယ်လို့ ထင်တာပဲ။ သူ့မှာ ခနခနဖျားလိုက်ရတာ၊ လင်းရောင်ရှိန်ကလည်း သူလွတ်သွားတဲ့စာတွေကို ကူးပေးလိုက်ရတာ အမော။ ကျွန်မကတော့ သူတို့နှစ်ယောက်လုံးကို ကြည့်လို့ကို မရဘူး။

သူတို့အပေါ်မုန်းတဲ့အမုန်းက စာပြိုင်ဘက်တွေဆိုတာထက် ပိုတယ်လို့ အဲ့ဒီတုန်းက ကျွန်မ မသိခဲ့ရိုးအမှန်ရယ်….။

အဲ့ဒီနှစ်က ကျွန်မတို့အထက်တန်းကျောင်းမှာ သင်္ကြန်အတွက် ရိုးရာသင်္ကြန်အတိုင်း သရုပ်ပြ ရေပက် ကစားဖို့ ကျောင်းသူတွေ ရွေးချယ်ကြတဲ့အထဲမှာ ကျွန်မပါသလို ကျော့ရည်ဝေလည်းပါတယ်။ အဲဒီမှာ ကျွန်မတို့ မိန်းကလေးတွေက အဖြူအစိမ်းကျောင်းဝတ်စုံလေးတွေပဲ ဝတ်ရတယ်။ မဏ္ဍပ်ထဲမှာ တန်းစီပြီး ထိုင်နေရတယ်။ ရေပက်ချင်တဲ့ယောကျာ်းလေးတွေက တာဝန်ခံဆရာမတစ်ယောက်ယောက်စီမှာ ခွင့်တောင်းပြီး ကျွန်မတို့ကို ရေပက်ခွင့်ရှိတယ်။ အဲသလိုမျိုးလေ၊ တကယ့်ကို ယဉ်ယဉ်ကျေးကျေး ရေပက် ကစားကြရတာ။

လင်းရောင်ရှိန်က ကျွန်မကို ရေလောင်းခွင့်တောင်းလာတော့ လုံးဝမမျှော်လင့်ထားတာမို့ ကျွန်မ အံ့သြရတယ်။ ဆရာမခွင့်ပြုချက်ရပြီး မဏ္ဍပ်ထဲကို ငွေဖလားလေးကိုင်လို့ ကျွန်မဆီတန်းတန်းမတ်မတ် ဝင်လာတဲ့ သူ့ကိုတွေ့တော့ ကျွန်မရင်ထဲ ဘယ်လိုကြီးမှန်းကို မသိဘူး။

သူက နံ့သာရည်ရောထားတဲ့ ရေအေးအေးထဲကို ပိတောက်ခက်လေးနှစ်လိုက်ပြီး ကျွန်မကျောပေါ် ခပ်သာသာလေးဆွတ်ဖျန်းလိုက်ချိန်မှာ ကျွန်မက ကုတ်ဝဲကလေးနဲ့မို့ ဆံပင်တွေရေမစိုအောင် ကုတ်သားလေးပေါ်အောင် ခေါင်းကိုငိုက်ချလို့ မျက်လွှာလေးပါချထားလိုက်မိတယ်။ ဘာကို ကျေနပ်လို့ ကျေနပ်မှန်း မသိဖြစ်နေတဲ့ ကျွန်မအပျော်တွေဟာ ကျော့ရည်ဝေကို ရေလောင်းဖို့ထွက်သွားတဲ့ သူ့နောက်ကျောကို လှမ်းအမြင်မှာ ပျောက်ဆုံးသွားခဲ့တော့တယ်။ ဘာလို့လဲ၊ ဘာဖြစ်လို့ပါလိမ့်…။ 

အဲ့ဒီတုန်းကတော့ ကျွန်မရင်ထဲကို သဝန်တိုတတ်မှုဆိုတဲ့ ချစ်ခြင်းရဲ့အဖျားအနားစိတ်ကလေးတစ်ခု သူက သွင်းပေးခဲ့တာနေမှာလို့ မသိခဲ့မိလေခြင်းကွယ်။

ခနနေတော့ သူချထားတဲ့ဖလားနားကို ယောင်လည်လည်နဲ့ကပ်သွားပြီး ဖလားထဲက ပိတောက်တစ်ခက် ချိုးလို့ ကျွန်မရင်ဘတ်မှာ ထိုးပြီးချိန်မှာတော့ ကျွန်မ သိပ်ကို ကျေနပ်သွားခဲ့ပြီ။ ကျော့ရည်ဝေမှာ ကျွန်မလို ပိတောက်ခက် မရှိဘူး။ လင်းရောင်ရှိန်ရဲ့ဖလားထဲက ပိတောက်ခက်လေ၊ အိမ်ရောက်တော့ ပိတောက်ခက်လေးကို ဒိုင်ယာရီစာအုပ်ထဲ သေသေချာချာလေးညှပ်လို့ သိမ်းထားလိုက်တော့တယ်။ ကျွန်မ ပျော်တယ်၊ ကျော့ရည်ဝေဆီမှာ အဲဒီပိတောက်တစ်ခက် မရှိဘူး…..။ ဘယ်လိုပဲ ရရ၊ လင်းရောင်ရှိန်ဖလားထဲက ပိတောက်တစ်ခက်ကို ကျွန်မရင်ခွင်မှာ ပိုင်ပိုင်ထိုးစိုက်နိူင်ခဲ့ပြီ…..။

နေပါဦး ကျွန်မက ဘာလို့ အဲဒီလိုဖြစ်နေရတာပါလိမ့်၊ ခက်လိုက်တာနော်….။

သင်္ကြန်အတက်နေ့ရောက်ပြီ…..။

မဏ္ဍပ်တစ်ခုလုံး သင်္ကြန်ဒိုးတွေနဲ့ မြူးးတူးလို့၊ ကျွန်မ မဏ္ဍပ်ထဲရောက်တော့ ကျော့ရည်ဝေက ရောက်နေပြီ။ သူမခေါင်းပေါ်မှာ ပိတောက်ပန်းတွေ ဝေနေအောင်ပန်ထားတယ်။ မဏ္ဍပ်ထဲကို မျက်လုံးတစ်ချက် ဝေ့ကြည့်လိုက်တော့ ပိတောက်တွေတစ်ပွေ့ကြီးနဲ့ လင်းရောင်ရှိန်…… ။ ရေဖလားတွေထဲကို ပိတောက်နည်းနည်းစီ ထိုးစိုက်မျှဝေပေးနေတဲ့ လင်းရောင်ရှိန်ရယ်။

ခနနေတော့ သူက ကျွန်မအနားရောက်လာပြီး ပိတောက်တစ်ခက်လာပေးတယ်။

“ငါ ပိတောက် မကြိုက်ပါဘူး”

“သေလိုက်ပါလား လင်းရောင်ရှိန်၊ ငါ စိတ်တိုနေတယ်နော် နင် သွားတော့” စိတ်ထဲက လင်းရောင်ရှိန်ကို ပြောနေမိတာရယ်။ “ငါက ဘာလဲ၊ ငါက ဒုတိယလား ဟုတ်လား” ကျွန်မ စိတ်တွေ နောက်ကျိလို့နေတယ်။ သူက ပိတောက်ပန်းခက်ကလေးကို လက်ကကိုင်ရင်း တွေကနဲဖြစ်သွားတယ်။ ကျော့ရည်ဝေဘက်ကို တစ်ချက်ငဲ့ကြည့် လိုက်သေးတယ်။ ကျော့ရည်ဝေခေါင်းပေါ်က ပိတောက်တွေကိုပေါ့။ ပြီးမှ “သက်ထားဆွေ ငါ နင့်ကို ကျောင်းတွေပြန်ဖွင့်ရင် ပြောစရာရှိတယ် သိလား”လို့ တိုးတိုးလေး ကပ်ပြောသွားလေတယ်။

“ဟမ် ဘာလဲ”လို့ ကျွန်မနှုတ်က လွှတ်ကနဲရေရွတ်မိချိန်မှာ သူက ကျွန်မကိုကျောခိုင်းလို့ ထွက်သွားခဲ့ပြီ။

ဘယ်သူမှ ကြိုတင်မသိနိူင်ခဲ့ဘူး။ အဲဒီနေ့ဟာ သူ့နောက်ကျောကို စစ်ကိုင်းကမထွက်ခင် တွေ့ခွင့် ရခဲ့တဲ့ နောက်ဆုံးနေ့ပါပဲ။

(၃)

ကျွန်မအိမ်ပြန်ရောက်တော့ မေမေက ပစ္စည်းတွေတောင် သိမ်းနေခဲ့ပြီ။ အစိုးရဝန်ထမ်းဖေဖေဟာ နယ်တွေ တစ်နယ်ပြီးတစ်နယ်ပြောင်းရွှေ့နေခဲ့ရတာ ကျွန်မငယ်ငယ်လေးကတည်းကမို့ အဆန်းမဟုတ်တော့ပေမယ့် ဒီတစ်ခါ ကျွန်မ အတော်လေးခံစားလိုက်ရတယ်။ မပြောင်းချင်ဘူး။ ကျွန်မ စစ်ကိုင်းမှာပဲ နေချင်သေး တယ်။ ကျောင်းတွေပြန်ဖွင့်ပြီးမှပဲ ပြောင်းလို့မရဘူးလားဟင်လို့ ကျွန်မ မေးချင်ခဲ့ပေမယ့် မရဲခဲ့ဘူး။ ကျွန်မက ကလေးတစ်ယောက်ပဲ ရှိသေးတာရယ်။ 

ဖေဖေ့အလုပ်တာဝန်နဲ့ ကျွန်မတို့လားရှိုးပြောင်းသွားခဲ့ပြီးတဲ့နောက် အားလုံးနဲ့ အဆက်အသွယ် ပြတ် သွားခဲ့တယ်။ ဝေးနေတော့မှပဲ သူ့ကို ခနခန သတိရနေမိတယ်။ မတွေ့ရတော့မှပဲ ကျွန်မ သူ့အပေါ် ဘယ်လောက်ခင်တွယ်နေတယ်ဆိုတာ သိလိုက်ရတယ်။ ဒိုင်ယာရီ မှန်မှန်ရေးရင်း သူနဲ့ ပါတ်သက်သမျှလေးတွေ၊ သူ့ကို သတိရတဲ့အကြောင်းလေးတွေ ချရေးထားဖြစ်ခဲ့တယ်။ တစ်နေ့တော့ ပြန်ဆုံတွေ့ခွင့်ရကြမှာပါလေလို့ စိတ်ဖြေတယ်။ မိန်းကလေးမို့ ကိုယ့်ဘက်ကစပြီး ဆက်သွယ်ဖို့မရဲခဲ့သလို သူ့ဘက်ကလည်း ကျွန်မတို့ ဘယ်မြို့ကိုပြောင်းလို့ ပြောင်းသွားမှန်းတောင် သိလိုက်မယ်မထင်ဘူး။

ကျောင်းတွေပြန်ဖွင့်လို့ ကျွန်မကို ကျောင်းမှာမတွေ့တဲ့အခါ သူ ဘယ်လိုများ နေခဲ့မှာပါလိမ့်။ ကျွန်မကို ပြောမယ်ဆိုတဲ့စကားတွေကိုတော့ သူ သိမ်းဆည်းထားမယ် ထင်တာပါပဲလေ....။

(၄)

 “သမီး စစ်ကိုင်းခဏဝင်ချင်တယ်ဆိုလည်း ဝင်လေသမီး၊ ဖေဖေက တာဝန်နဲ့မန္တလေးမှာ တစ်ပတ်လောက် သွားနေရမှာ။ သမီးပါလိုက်မယ်ဆိုရင် သင်္ကြန်မတိုင်ခင်အမီရောက်အောင် ဖေဖေ ကြိုးစားကြည့်ပေးမယ်”

အို… ဖေဖေအဲ့လိုပြောလာခဲ့တော့ ကျွန်မ ပျော်လိုက်တာဆိုတာ။ သူ့မျက်ဝန်းထဲက အရိပ်တွေကို ကျွန်မမျက်လုံးကလေးတွေလည်နေအောင် လှစ်ကနဲဖမ်းကြည့်မိဖူးခဲ့တဲ့ အချိန်….။ ပိတောက်တွေ ထိန်ထိန်ဝေနေတဲ့ သင်္ကြန်အချိန်ကြီးပေါ့။ ခုလိုအချိန်မှာ ကျွန်မ သူရှိနေတဲ့ဆီ သွားရတော့မယ်တဲ့။ သူနဲ့အတူ ရှိနေနိူင်တော့မယ်တဲ့လေ….။

ဘီရိုအောက်ဆုံးထပ်မှာ ဘယ်သူမှမတွေ့အောင်ဝှက်ထားတဲ့ ၂၀၀၆ခုနှစ်ဒိုင်ယာရီလေးကို အသာလေး ဆွဲထုတ်လိုက်တယ်။ စာအုပ်ကလေးရဲ့အဖုံးပေါ်ကို လက်ကလေးနဲ့ဖွဖွပွတ်သပ်လိုက်မိတဲ့အခါ အဲ့ဒီအချိန် အဲ့ဒီရာသီဟာ ကျွန်မရင်ထဲကို ချက်ချင်းလိုလို ဝင်ရောက်လာခဲ့တော့တယ်။ အားလုံးဟာ အဝါရောင်ထဲ နှစ်လူးထားခဲ့တာ။ အဲ့ဒီအခိုက်အတန့်ကလေး….အဲ့ဒီအခိုက်အတန့်ကလေးကို ကျွန်မသိမ်းထားတာလေ၊ တကယ့်ကို မြတ်မြတ်နိူးနိူး သိမ်းဆည်းထားခဲ့တာ။ ဒီဒိုင်ယာရီလေးထဲမှာ အတိအကျရှိတာပေါ့။ သံယောဇဉ်တွေ၊  အချစ်လို့အမည်တပ်ရင်ရနိူင်ကောင်းတဲ့ အစွဲအလန်း အလေ့အကျင့်တွေနဲ့အတူ ဆိုပါတော့….။

“လင်းရောင်ရှိန်”

ကျွန်မနှုတ်က သူ့နာမည်ကို တိတ်တိတ်လေးရေရွတ်မိရင်း မျက်စေ့ရှေ့မှာရှိတဲ့ လွန်ခဲ့တဲ့၂၀၀၆ခုနှစ်က ဒိုင်ယာရီလေးကို ဖွင့်ဖတ်ကြည့်မိတော့တယ်။ ဒိုင်ယာရီလေးထဲမှာ ညှပ်ထားတဲ့ ပိတောက်ပန်းခက်လေးက ခြောက်သွေ့ပြားကပ်လို့…..။ အဲဒီပိတောက်လေးနဲ့အတူ စိုစွတ်ခဲ့ရတဲ့ သူမမျက်ရည်စက်တွေလည်း ဒိုင်ယာရီစာမျက်နှာပေါ်မှာ ခြောက်သွေ့လို့သွားခဲ့ပြီပဲ။ ရုပ်ဝတ္ထုတွေ ကဖြင့် ပြောင်းလဲလို့သွားခဲ့ပြီနော်……။

သုံးနှစ်ဆိုတဲ့အချိန်ဟာ လူတစ်ယောက်ကို ပြောင်းလဲသွားစေဖို့၊ လူတစ်ယောက်ရဲ့စိတ်၊ လူတစ်ယောက်ရဲ့နှလုံးသားကို ပြောင်းလဲသွားစေဖို့ အင်မတန်လုံလောက်တဲ့အချိန်ပဲ မဟုတ်ဘူး လား။ ပြောင်းလဲခြင်းသဘောတရားကိုသိနေသူမို့ သူ ပြောင်းလဲမသွားပါစေနဲ့လို့ ကျွန်မ ဆုမတောင်းခဲ့ ပါဘူး။ ရှိပါစေ၊ အရာရာဟာ သူ့အစီအစဉ်နဲ့သူ စံနစ်တကျပြောင်းလဲသွားဖို့ပဲ။ တကယ်လို့များ စံနစ်တကျမဟုတ်ဘဲ ပရမ်းပတာပြောင်းလဲသွားတော့ရော…..၊ ဘယ်သူက ဘာတတ်နိူင်မှာတဲ့လဲ….။

ပြောင်းလဲဖို့လုံလောက်တဲ့အကြောင်းသာ သူ့မှာရှိခဲ့ရင် သူ ပြောင်းလဲသွားပါစေလေ….။

(၅)

မဏ္ဍပ်ထဲမှာ ရေပက်နေရင်းက သူ့ဘက်ကို ခနခနလှည့်မကြည့်မိအောင် သတိထားနေရတာ ပင်ပမ်းလိုက်တာ။ သူက ကျွန်မကို မမှတ်မိဘူးထင်ပါရဲ့။ သုံးနှစ်ဆိုတဲ့အချိန်မှာ ကျွန်မက အတော် ပြောင်းလဲသွားခဲ့ပြီကိုး။ ကျွန်မကို သူသိတာက ဆံပင်တိုလေးနဲ့ ဂျစ်ကပ်ကပ်၊ ယောကျာ်းလေး ဆန်ဆန် ကောင်မလေး၊ ခု ကျွန်မက ဆံပင်ရှည်ကျောလယ်လောက်နဲ့ သွယ်လျလျကိုယ်လုံးနဲ့ မိန်းကလေး ပိုဆန်လာတဲ့ ကောင်မလေး။

ကျွန်မဘေးက သူငယ်ချင်းက တံတောင်ဆစ်နဲ့ ကျွန်မကိုတွတ်လိုက်ရင်း “နင် သိလား လင်းရောင်ရှိန်နဲ့ ကျော့ရည်ဝေလေ သူတို့ စေ့စပ်ထားကြတယ်တဲ့။ မိဘတွေက ကျောင်းပြီးတာနဲ့ လက်ထပ်ပေးတော့မှာတဲ့ သိလား”

“ဟုတ်လား ကောင်းတာပေါ့”

ဟန်မပျက်ပြောလိုက်နိူင်တဲ့ ကိုယ့်ကိုယ်ကို ကျွန်မ ကျေနပ်တယ်။ အစကတည်းက ကျွန်မ သိသင့်ခဲ့တာ။ ကျွန်မ ဘာကြောင့်များ ဝေးနေတဲ့ရက်တွေမှာ ကိုယ့်ကိုယ်ကို ညှင်းဆဲခဲ့တာပါလိမ့်၊ သူ့ကို ကျွန်မ သတိတွေရတိုင်း ဒိုင်ယာရီထဲက ပိတောက်ပန်းခက်လေး ကြည့်လိုက်၊ စာတွေချရေးလိုက်နဲ့ နေခဲ့တာ။ ကျွန်မအနားကပ်လာတဲ့ ဘယ်သူ့ကိုမှ စိတ်ဝင်စားလို့မရနိူင်အောင် သူက ကျွန်မရင်ကို အပိုင်သိမ်း စိုးမိုးထားခဲ့တော့တာ။

ခုတော့……။

မျက်ရည်တွေနဲ့ သင်္ကြန်ရေတွေ ရောလို့ ကျွန်မပါးပေါ် စီးဆင်းသွားခဲ့ကြတယ်။ မျက်ရည်တွေက နွေးလို့၊ သင်္ကြန်ရေတွေက အေးလို့။ သူ့ဘက်ကို လုံးဝ လှည့်မကြည့်ဖြစ်အောင် တစ်ညနေလုံးနေခဲ့ရတာ ပူလောင်လွန်းလှပါရဲ့။

အဲ့ဒီညနေက အိမ်အပြန် ကျွန်မတို့ကားနောက်မှာ သူ့ဆိုင်ကယ်ပါလာခဲ့တယ်။ တစ်နေ့လုံးကုန်မှပဲ ကျွန်မမျက်နှာကို သူ ဖမ်းမိသွားတယ် ထင်ပါရဲ့။ ကျွန်မတို့ကားဘေးက သူ့ဆိုင်ကယ်အကျော်မှာ ကျွန်မမျက်နှာကို တင်းနေအောင်စေ့ထားခဲ့မိတယ်။ သူ ငဲ့လို့ကြည့်သွားသလားပဲ။ နောက်တစ်နေ့ မှာ ဖေဖေနဲ့အတူ မန္တလေး ဆင်းကြတယ်။ မန္တလေးမှာ ဖေဖေ့အလုပ်တွေပြီးတာနဲ့ လားရှိုးကို ပြန်ခဲ့ကြတော့တယ်။ လားရှိုးမှာ မေမေတစ်ယောက်ထဲ ကျန်ခဲ့တာရယ်။

ကျွန်မအချိန်တွေ၊ ကျွန်မ သူ့ကို သတိရနေခဲ့ရတဲ့ အချိန်တွေ….။ နှမျောလိုက်တာ….။ ကျွန်မ ရင်ထဲမှာ သူ ရှိမနေခဲ့သင့်ဘူး။ တကယ်တော့ သူဟာ ပြောင်းလဲလွယ်ခဲ့သူတစ်ယောက်ရယ်….။

(၆)

ကျောင်းသားဟောင်းများမိတ်ဆုံစားပွဲကို တက်လာကြတဲ့အထဲမှာ ကျော့ရည်ဝေကို ကျွန်မ အရင်ဆုံး မှတ်မိခဲ့တယ်။ သူမက လှမ်းပြုံးပြလိုက်တာကြောင့် တစ်ခြားစားပွဲတွေဆီ မသွားတော့ဘဲ သူမ ထိုင်နေတဲ့စားပွဲမှာပဲ ထိုင်ဖို့ ဆုံးဖြတ်လိုက်တယ်။

သူမနဲ့ကျွန်မ စကားတွေ ရောက်တတ်ရာရာပြောဖြစ်ကြတယ်။

ကျွန်မ အဲ့ဒီမိန်းမမျက်နှာကို ခပ်စေ့စေ့ကြည့်လိုက်မိတယ်။

“ဒါဆိုရင် လင်းရောင်ရှိန်က ခုချိန်ထိ အိမ်ထောင်မပြုသေးဘူးပေ့ါ ဟုတ်လားဟင်”

ကျွန်မမေးခွန်းကိုအကြားမှာ သူမက ကိုယ်လုံးကလေး သိမ့်ကနဲခါသွားအောင် ရယ်လိုက်တယ်။ “ကျောင်းသားဟောင်းများ မိတ်ဆုံစားပွဲ-၂၀၁၄” ဆိုတဲ့ ရွှေရောင်စာလုံးတွေနဲ့ ဘက်ဒရော့ဆီကို ကျွန်မျက်လုံးတွေ ပို့ထားလိုက်မိရင်း သူမအဖြေကို နားစွင့်နေလိုက်တယ်။

“ရှင် ဘယ်လိုထင်လဲ….”

“မသိဘူးလေ၊ ကျွန်မ မထင်တတ်ဘူး ပြောစမ်းပါဦး”

“ကျွန်မတို့ စေ့စပ်ထားတာကို ဖျက်လိုက်တယ်။ သူ ခုထိ လူပျိုကြီးပဲ”

“အို...ဟုတ်လား….”

ပေါင်ပေါ်တင်ထားတဲ့လက်ကိုင်အိတ်ကို ဖိကိုင်မိတော့ အိတ်ထဲက ဖိတ်စာအဖြူရောင်လေးကို ကျွန်မလက်က စမ်းလိုက်မိတယ်။ “မောင်ဆက်ပိုင်ဦးနှင့်မသက်ထားဆွေ မင်္ဂလာဧည့်ခံပွဲဖိတ်ကြားလွှာ” ဆိုတဲ့ ဖိတ်စာကလေး…..။ ကျွန်မ ငိုမိတော့မယ် ထင်ပါရဲ့….။

ဘာပဲဖြစ်ဖြစ် ကျွန်မ ကျေနပ်တယ်။ ကျွန်မ သူ့ကို တမ်းတနေခဲ့ရတဲ့အချိန်တွေအတွက်၊ သူ့အကြောင်း မက်ခဲ့ရတဲ့ အိပ်မက်တွေအတွက်၊ သူ့ကိုသတိရတိုင်း ဒိုင်ယာရီထဲချရေးဖြစ်ခဲ့တဲ့ စာလေးတွေအတွက်….။

လက်ကိုင်အိတ်ထဲက ဖိတ်စာကိုထုတ်ပြီး ကျော့ရည်ဝေလို့ စာအိတ်လေးပေါ်ရေးလိုက်တဲ့ ကျွန်မလက်ရေးတွေက မညီမညာ စောင်းလို့ရယ်။

“လာဖြစ်အောင် လာပါနော်။ စစ်ကိုင်းနဲ့မန္တလေးက သိပ်မှ မဝေးတာပဲ။ ကျွန်မတို့က ခု မန္တလေးမှာလေ။ ကဲ ကျွန်မကို ခွင့်ပြုပါဦး”

“ဟင် ရှင်က ပြန်တော့မလို့လား၊ ခနနေ လင်းရောင်လည်း လာမှာ၊ ခုမှ အစောကြီး ရှိသေးတာ၊ ဘာမှလည်း ကောင်းကောင်းမစားပါလား”

သူမက ကျွန်မရှေ့က အရာမယွင်းတဲ့ပန်းကန်ထဲက အစားအစာတွေကို ကြည့်ရင်း ပြောလိုက်တယ်။

“ဟင့်အင်း မနေတော့ပါဘူး။ ခေါင်းနည်းနည်းမူးလာလို့”

ကျွန်မအဖြေအတွက် သူမက စိတ်ကျေနပ်ဟန်၊ ယုံကြည်ဟန် မပြသလို နှုတ်ခမ်းတွန့်ကွေးလို့ ပြုံးချင်ချင်ပုံနဲ့။ အဲသလို သူမအမူအယာ ခနိူးခနဲ့တွေကြောင့်ပေါ့။ သူမကို နှုတ်ဆက်ပြီးတာနဲ့ ခမ်းမအပြင်ဘက် ကျွန်မ ထွက်လာလိုက်ခဲ့တယ်။ အိတ်ထဲမှာ ကျန်နေသေးတဲ့ ဖိတ်စာတွေထဲက တစ်စောင်ပေါ်မှာ လင်းရောင်ရှိန်လို့ နာမည်တပ်ဖိတ်လိုက်ဖို့ကိုတော့ ကျွန်မ မရဲခဲ့ဘူး။

ကျွန်မတို့ အလွဲကြီးလွဲခဲ့ကြပြီ ကိုလင်းရောင်ရှိန်ရယ်..... 

ကားကို ထိန်းမောင်းလာရင်း ပါးပေါ်ကျလာတဲ့ ကျွန်မမျက်ရည်တွေကို ဒီအတိုင်းပဲ စီးဆင်းသွားစေခဲ့တယ်။ ကျပါစေလေ။ ကျွန်မ ကျေနပ်ပါတယ်။

သူ့ရင်ထဲမှာ ကျွန်မ ရှိနေခဲ့တယ်ဆိုတဲ့ သေချာမှုတစ်ခုနဲ့တင် ကျွန်မမျက်ရည်တွေက အေးမြလို့…..



*** Special thanks : 
ဒီပိုစ့်လေးအတွက် ဇာတ်လမ်းပြောပြခဲ့တဲ့ညီမငယ်လေးတစ်ယောက်ကို ကျေးဇူးအများကြီးတင်ပါတယ် :)





သူပြောတုန်းက ပေါင်းတဲ့ဇာတ်မဟုတ်လို့ ကျွန်မက ကြံဖန်ပေါင်းပေးလိုက်မယ် ပြောခဲ့တာ။ အရင်သင်္ကြန် ဇာတ်လမ်းတစ်ပုဒ်ကလည်း ဇာတ်ပေါင်းခန်းမဟုတ်ခဲ့လို့ ဒီဇာတ်ကို ကျွန်မက ပေါင်းချင်ခဲ့တာ။ တကယ်ချရေးလိုက်တော့ ကွဲတဲ့ဇာတ်ပဲဖြစ်နေပြန်တယ်။ ကျွန်မကိုက ကွဲတဲ့ဇာတ်တွေ ရေးလက်ရှိတာ ထင်ပါရဲ့။ သင်္ကြန်အတက်နေ့ညမှာ ပျော်ပျော်ပါးပါးဇာတ်ပေါင်းပေးချင်ပေမယ့်.......သည်းခံပေးကြပါနော်။

အားလုံးအတွက် မင်္ဂလာနှစ်သစ်ဖြစ်ပါစေရှင် :)

ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...