Thursday, December 12, 2013

ကျွန်တော်သည် သက်ရှိပန်ကာတစ်လုံးဖြစ်၍ ကျွန်တော့်နှလုံးသားသည်....


(က)

ခုတစ်လော ကျွန်တော်လမ်းထွက်တိုင်း လူတွေရဲ့မျက်နှာကို မမြင်ရဘဲ မျက်နှာနေရာမှာ ပန်ကာတွေချည်း မြင်မြင်နေရသည်။ သို့သော် အဲဒါဟာ အမှန်တရားတစ်ခုသာဖြစ်လျှက် ကျွန်တော် ဘာမှ မှားယွင်းမနေပါ။

(ခ)

ကျွန်တော် လူတစ်ယောက်နဲ့ တွေ့ဖို့ချိန်းထားတာ ဒီကော်ဖီဆိုင်လေးထဲမှာ ဖြစ်သည်။ ဒီဆိုင်ရဲ့ အသွေးအရောင်၊ အဆင်အပြင်မှာ နံရံတွေကို ကျွန်တော့်စိတ်သဘောကျ လိမ္မော်ရောင်သွေး သုတ်လိမ်းလို့ထားသော၊ အရွယ်အစား ခပ်သေးသေးနှင့် လက်ရာအနုစိတ် အရောင်ပြေပြေပန်းချီကားချပ်လေးများ သူ့နေရာနှင့်သူ ချိတ်ဆွဲထားသော၊ အဆိုမပါ အတီးချည်းသက်သက်နှင့် Jazzတေးသွားများကိုသာ ခပ်တိုးတိုးဖွင့်ထားတတ်သော၊ စားပွဲတွေပေါ်မှာ ပန်းစိုက်အိုး ရှိမနေပါဘဲ နှင်းဆီနီနီရနံ့ သင်းသင်းလေးလွင့်ပျံ့နေတတ်သော၊ သီးသန့်ခန်းလေးများ ရှိသော၊ ကားရပ်နားရန် ခြံဝန်းကျယ်ကြီးရှိသော ဒီဆိုင်လေးကို ကျွန်တော့်ရွေးချယ်မှုနှင့် ချိန်းဆိုခဲ့တာဖြစ်လေသည်။

ကျွန်တော့်အမှုသည်တွေနဲ့တွေ့ဖို့ ချိန်းတိုင်း ဒီဆိုင်လေးကို ရွေးဖြစ်တာက အဲဒါတွေအပြင် အဓိကအကျဆုံး အေးချမ်းတိတ်ဆိတ်မှုကြောင့်လည်း ဖြစ်သေးသည်။ အေးချမ်းတိတ်ဆိတ်ခြင်း၏အသံကို ကျွန်တော်နှစ်သက် ပါသည်။ ခုလည်း အခါများစွာကလိုပင် ခပ်စောစောကြိုတင်ရောက်နှင့်နေ၍ စိတ်အလုပ် လုပ်ရန် ခန္ဓာတစ်ခုလုံးမှ အကြောအခြင်များကို စတင်ဖြေလျှော့လျှက် မျက်စေ့တို့ကို အောက်စိုက်ချပြီး ကျွန်တော့်နှလုံးသားအပေါ်မှာပဲ အာရုံတင် စူးစိုက်ထားလိုက်သည်။ နှလုံးသားအခန်းတို့ သန်စွမ်း ကြည်လင်လျှက် ကျန်းမာစွာရှိနေကာ တစ်ဒုတ်ဒုတ် သွေးခုန်နေသံကို ကျွန်တော့်ပကတိနားနှင့် ကြားနေရသည်အထိပင်။

မိမိနှလုံးသား၏ ကျန်းမာရေးအခြေအနေကို အလုံးစုံ စိတ်ချလက်ချရှိပြီးမှ နှာသီးဝမှာ စိတ်ကိုတင်ထားကာ အမှတ်သတိ မလွတ်စေဘဲ စောင့်ဆိုင်းခြင်းအမှုကို ထုံးစံအတိုင်း စိတ်လက်ရှည်ရှည် ပြုရသည်။ မကြာပါ၊ ချိန်းဆိုထားသည့် အချိန်ထက် ငါးမိနစ်ခန့် နောက်ကျပြီး သူရောက်လာသည်။ သမားရိုးကျမိတ်ဆက်ခြင်းအမှုကို ပြုပြီး ကျွန်တော့်အလုပ်ကဒ်ပြားလေး သူ့လက်ထဲထည့်လိုက်ချိန်မှာ ကျွန်တော့်အပိုင်းက သူ့မျက်နှာကို (မသိမသာ) အချိန်ယူ ဖတ်ရှု့ဖို့ပဲ ဖြစ်လေသည်။

နန္ဒကျော်ခေါင်
နှလုံးသားမိတ္တူ
ဖုန်းနံပါတ်-က-၀၁၂-၈၇၅၉၀၃၄
မေတ္တာလမ်း၊ ခြံအမှတ်A-၁၀၇၈
e-mail : နန္ဒကျော်ခေါင်@နှလုံးသားမိတ္တူ.com

သူ့မျက်နှာပေါ်မှာ ဘာအပြောင်းအလဲမှ မတွေ့ရပါ။ အရမ်းကာရောယုံကြည်ဟန်မရှိသလို သရော်တော်တော် အမူအယာမျိုးလည်း ရှိမနေပါ။ အလုပ်လုပ်ရန် အကောင်းဆုံးအနေအထားမို့ ဒီအခြေအနေမျိုးကို ကျွန်တော် သဘောကျပါသည်။ သူ့ထံမှ အသက်ရှူသံခပ်ဖြေးဖြေး ကြားနေရသည်။ ခဏနေတော့ သူက ဆုံးဖြတ်ပြီးဟန်နှင့် ကျွန်တော့်ဆီကို သူ့ညာဘက်လက် ကမ်းပေးလေသည်။ ပြီးမှ ခပ်လေးလေး သို့သော် လေးနက်ဟန် ညင်သာစွာ စကားစသည်။

“ကျွန်တော့်ဇနီး မေသက်ထားရဲ့ နှလုံးသားမိတ္တူကို ဖတ်ရှု့ပေးပါ ဆရာ”

ခေါင်းတစ်ချက် ဆတ်ပြလိုက်ကာ ကမ်းပေးလာသောသူ့ညာလက်ဖ၀ါးပေါ်ကို ကျွန်တော့်ညာလက်ဖ၀ါးနှင့် ပူးကပ်အုပ်ကိုင်လိုက်ပြီး ကျွန်တော့်မျက်လုံးများဆီ တည့်တည့်ကြည့်ရန် သူ့ကို စိတ်ထဲမှ အမိန့်ပေးလိုက်လေသည်။ စိတ်လှုပ်ရှားနေသော သူ့ကို ငြိမ်သက်စေရန် ရေအေးအေးတစ်ခွက် တိုက်ထားပြီးဖြစ်တာတောင် သူ့နှလုံးသားကြိမ်နှုန်းသည် ကျွန်တော့်လက်ထဲမှာ လူးလွန့်ယိမ်းထိုးလျှက် ဗြောင်းဆန်နေသည်။ အသေအချာဝတ်ဆင်လာသော ကျွန်တော့်ရှပ်အင်္ကျီ ကြက်သွေးရောင်ကို ခပ်စိုက်စိုက် ပြောင်းကြည့်ခိုင်းလိုက်ပြီး သူ့မျက်ခုံးနှစ်ခုအလယ် နဖူးအောက်ခြေနေရာကို လက်မဖြင့်ဖိနှိပ်လိုက်သည်။ မကြာပါ။ ကျွန်တော်လိုချင်သော အနေအထားကို ရောက်ခဲ့ပြီ။

သူ့လက်ဖ၀ါးသည် ကျွန်တော့်လက်ဖ၀ါးထဲမှာ ငြိမ်သက်လျက်၊ သွေးကြောမျှင်များမှတစ်ဆင့် လျှပ်စစ်စီးသလို စီးဆင်းဝင် လာနေပြီး နှလုံးသားချင်း အောင်မြင်စွာ ချိတ်ဆက်လိုက်နိူင်တော့သည်။ သူ့နှလုံးသားအား မိတ္တူကူးအပြီး ကျွန်တော့်နှလုံးသားကို Save command-ကော်မန်းပေးကာ အရင်ဆုံး သိမ်းဆည်းလိုက်၏။ ပြီးမှ သူ့နှလုံးသားကို Save as-အဖြစ်နှင့် သိမ်းဆည်းမည်လို့ အမိန့်ပေးကာ ဖိုင်တစ်ဖိုင်အသစ်ဖွင့်ပြီး သိမ်းဆည်းထားလိုက်တော့သည်။   

(ဂ)

သိမ်းဆည်းထားသော နှလုံးသားအချက်အလက်များမှ တစ်ဆင့် မေသက်ထား၏နှလုံးသားကို ခေါ်ယူကြည့်ရန်မှာ ကျွန်တော့်အတွက်တော့ ၀န်မလေးတော့ပါ။ ခင်ပွန်းသည်၏ နှလုံးသားမှတစ်ဆင့် ဇနီး၏နှလုံးသားအခြေအနေကို တိုက်ရိုက်ထိုးထွင်းမြင်နေရတာမို့ပဲ ဖြစ်သည်။

အခြေအနေက မကောင်းလှပါ။ သို့သော် ဒါမျိုးတွေက ကျွန်တော့်အတွက် ရိုးနေလွန်းလှပြီ။ သူ့ဇနီးသည် မေသက်ထားသည် တစ်ပါးသော အမျိုးသားတစ်ဦးနှင့် ချစ်ကျွမ်းဝင်လျှက်ရှိနေသည်။ မေသက်ထား၏ နှလုံးသားသည် ခင်ပွန်းသည်ထံမှာ ရှိမနေတော့။ နောက်တစ်ခေါက်ရက်ချိန်း၌ သူနှင့်တွေ့လျှင် အဖြစ်မှန်ကို လက်ခံနိူင်သော စိတ်ခွန်အားရှိပါစေလို့သာ ကျွန်တော် ဆုတောင်းမိပါသည်။

တစ်ခါက ဖောက်ပြန်နေသောခင်ပွန်းသည်၏အဖြစ်မှန်ကို သိသွားသည့် အမျိုးသမီးတစ်ဦး တိုက်ပေါ်မှ ခုန်ချကာ သေကြောင်းကြံစည်ခဲ့ဖူးသည်။ “ကျွန်မ စိတ်ခိုင်ခိုင်ထားပါမယ်၊ အမှန်အတိုင်းသာ ပြောပြပါ ဆရာ” လို့ ဆိုလာသော အမျိုးသမီးမှာ တင်းမာပြတ်သားပုံရသည့်မျက်နှာနှင့်မို့ ကျွန်တော် ပြောလိုက်မိခြင်းပါ။

အကြိမ်ကြိမ်ဖောက်ပြန်နေသော ဇနီးသည်၏အကြောင်း သိသွားသော ကျွန်တော့်အမှုသည် လူငယ် တစ်ယောက်မှာမူ ဒေါသအလျှောက် ဇနီးသည်ကို လည်ပင်းညှစ်သတ်ပစ်ခဲ့ဖူးသေးသည်။

သေချာတာက ကျွန်တော့်အလုပ်အပေါ်မှာ မြင်သမျှ တွေ့သမျှတွေကို အမှုသည်များအား ဖြောင့်ဖျပြောဆိုနိူင်သော်လည်း လိမ်ညာပြောဆိုလို့ မရသည်ပင်။

နောင်တွင် အမှုအပ်သူ၏ စိတ်ဓါတ်ခိုင်ကျည်မှုကို သိဖို့ကြိုးစားပြီးမှ အခြေအနေမှန်ကို သင့်တော်သလို အသိပေးရန် နားလည်လာရလေ၏။ ခက်တာက ကျွန်တော့်အမှုသည်များအားလုံးသည် သူတို့၏ ဇနီးခင်ပွန်းများအပေါ်တွင် စိတ်မကုန်သေးခြင်းပင်။ စိတ်ကုန်မှဖြင့်တော့ ကျွန်တော့်ဆီ အရေးတယူလာမေးနေဖို့ရန် လိုအပ်လိမ့်မည်လည်း မထင်ချေ။

တစ်ချို့ကျပြန်တော့ အချိန်မီလေး၊ ကိုယ့်ဘက်ပါအောင် ပြန်လည်ဆွဲငင်နိူင်သေးသော အနေအထားနှင့်မို့ ၀မ်းသာဖွယ် ပြန်ပေါင်း ထုပ်နိူင်သူများလည်း ရှိကြပါ၏။ မည်သို့ပင်ဆိုစေ အမှုသည်များ၏ဇနီး၊ ခင်ပွန်းတို့ကို တွေ့ဆုံဖို့ရာ လိုအပ်လာလျှင် ကျွန်တော်ဘက်မှ လိုလိုလားလား တွေ့ဆုံဆွေးနွေးလေ့ရှိသည်မှာ ကျွန်တော်ကိုယ်တိုင်က အိမ်ထောင်ရေးကို အလေးထားသူ၊ ဇနီးသည်အပေါ် ချစ်မြတ်နိူးလွန်းသူမို့ဟု ပြောရန် မလိုအပ်တော့ပါ။

(ဃ)

ကျွန်တော့်အမှုသည် မိန်းကလေးမှာ ကျွန်တော်ထင်ထားသည်ထက် ကြည်လင် သွေးအေးသူကလေးတစ်ယောက် ဖြစ်တာမို့ ခင်ပွန်းသည်နှင့် နောက်အမျိုးသမီးတို့၏အကြောင်း ပြောသမျှကို အပြုံးမပျက် နားထောင်နိူင်စွမ်းလေသည်။ 

သည်အခြေအနေမျိုးသည်လည်း ဟန်သည်ဟု မဆိုသာပြန်ပါ။ အချစ်နှင့် ၀န်တိုမှုသည် တိုက်ရိုက်အချိုးကျသည်ဟု ခံယူထားသော ကျွန်တော့်အတွက် မိန်းကလေး၏အချစ်ကို သံသယ၀င်စေသည်။ မိန်းကလေးဟာ သူ့ခင်ပွန်းသည်အပေါ် တကယ်ရော ချစ်မှ ချစ်ပါရဲ့လား၊ မဆီမဆိုင်တွေးမိတော့ ကျွန်တော့်နှလုံးသားတို့ ပူလောင်လာသည်ဟု ခံစားသိ လိုက်လေသည်။ ကျွန်တော့်အပူ မဟုတ်သော်လည်း ဒီလိုအခြေအနေမျိုးမှာ လူသားပီသစွာပင် ကျွန်တော် ပူလောင်ပါသည်။

“ခင်ဗျားအမျိုးသားမှာ နောက်အမျိုးသမီးနဲ့ ရတဲ့ သားသမီးရှိနေပြီ”

“အင်း ကျွန်မ တစ်ရက်တော့ သူတို့ကို သွားတွေ့လိုက်ပါဦးမယ်”

“ခင်ဗျား စိတ်ထိန်းနိူင်ရင်ပေါ့လေ”

“ကျွန်မကမှ သူ့အတွက် မျိုးဆက်သွေးကလေး မွေးမပေးနိူင်ဘဲကိုးရှင်”

“ဒီလိုလည်း မဟုတ်သေးဘူးလေဗျာ၊ လက်ထပ်ကြပြီဆိုကတည်းက အို နာ သေတဲ့အထိ၊ ကျိုးကျိုး ကန်းကန်း နူနူဝဲ၀ဲလို့ ဆိုတယ် မဟုတ်လားဗျ။ ခင်ဗျားက အဲလို နူတာ ၀ဲတာမျိုးတောင် မဟုတ်သေးဘူးလေ၊ သားသမီး မရနိူင်တာလေးပဲ…”

“ထားပါတော့ရှင်၊ ကျွန်မ ကျေနပ်ပါတယ် သူပျော်နေတယ်ဆိုရင်လေ”

“ကျွန်တော်တို့ဆိုလည်း သားသမီးမရဘူး၊ ဘယ်သူ့ကြောင့်ဆိုတာလည်း စစ်မနေတော့ဘူး၊ ဒီနေရာမှာ ဘယ်သူ့ကြောင့်ဆိုတာက အဓိက မကျတော့ဘူး။ ဒီဘ၀လေးထဲမှာပဲ ကျွန်တော်တို့ နေပျော်အောင် နေကြတယ်။ ကျွန်တော့်အတွက် သူ ရှိနေရင်၊ သူ့အတွက် ကျွန်တော် ရှိနေရင်…။ အဲဒီစိတ်နဲ့ပဲ ကျွန်တော်တို့ သွားနေကြတယ်”

ကျွန်တော့်စကားအဆုံးမှာ မိန်းကလေးက ပြုံးသည်။ မိန်းကလေးရဲ့ အပေါ်ကိုညွှတ်ကွေးသွားသော နှုတ်ခမ်းထောင့်ကလေး အထဲမှာ ခနိူးခနဲ့ချင်ဟန်လိုလို၊ တစ်စုံတစ်ခုကို ခါးသက်ခံစားနေရသလိုလို ရိပ်ကနဲ တွေ့လိုက်မိသေးသည်ဟု ကျွန်တော်ထင်၏။ ကျွန်တော်စကား ဆက်လိုက်သည်။

“လူရယ်လို့ဖြစ်လာပြီးရင် အိမ်ထောင်ရက်သားပြုကြ၊ မျိုးဆက်ထားရစ်ကြ၊ လူ့ဘောင်အကျိုးပြုကြပေါ့ဗျာ…။ ဒါတွေက လမ်းရိုးကြီးတွေပါ။ နောက်ကလူတွေ ဒီအတိုင်းပဲ လိုက်လျှောက်ရမယ်လို့ ကျွန်တော်တော့ သဘောမတူချင်ဘူး။ အိမ်ထောင် ပြုချင်မှ ပြုမယ်ဗျာ၊ သားသမီး ယူချင်မှ ယူမယ်ဗျာ၊ ယူတိုင်းလည်း ရချင်မှ ရတာမဟုတ်လား။ ကျွန်တော်တို့ ကလေးမရကြတဲ့အဖြစ်ကို အိမ်ထောင်ပြိုကွဲဖို့အကြောင်းလို့ ကျွန်တော်တော့ မမြင်ဘူး”

မိန်းကလေးက ကျွန်တော်ပြောသမျှ ပြုံးလို့သာ နားထောင်နေတော့သည်။ 

"ဟုတ်ပါပြီဆရာ။ တကယ်လို့များ ကျွန်မဘက်က ခွင့်လွှတ်ကြည်ဖြူတယ်ဆိုရင် သူ ကျွန်မဆီ ပြန်လာနိူင်ပါဦးမလား"

"ကျွန်တော် သေချာ ပြန်ကြည့်ပေးပါ့မယ် ခင်ဗျာ"

ထိုစဉ်မှာ တံခါးခေါက်သံကြောင့် အခန်းဝကို ကြည့်မိတော့ ရေသန့်တစ်ဘူး ထပ်မှာထားတာကို လာပို့သော စားပွဲထိုးကလေးကို မှန်တံခါးဝမှတစ်ဆင့် မြင်ရသည်။ ၀င်ခဲ့ဖို့ ခေါင်းဆတ်ပြလိုက်ပြီး စားပွဲထိုးလေးထွက်သွားမှ မိန်းကလေး၏ဆန္ဒအတိုင်း မိန်းကလေးရဲ့ ညာဘက်လက်ဖ၀ါးကို ကျွန်တော့်လက်နှင့် ချိတ်ဆက်ကာ နောက်တစ်ကြိမ် နှလုံးသားမိတ္တူ ကူးပေး ရန် ပြင်ဆင်ရသည်။

မိန်းကလေးက သူ့မျက်လုံးအစုံကို မှိတ်ထားပြီး တစ်ချက်ချင်း ပုံမှန်အသက်ရှုသည်။ ကျွန်တော့်မျက်လုံးများကို မှိတ်ပြီး စိတ်တံခါးတို့ကို စတင်ဖွင့်လှစ်သည်။ စိတ်တို့ကို စုစည်းကာ နှလုံးသားဗဟိုတွင် တင်သည်။ မိန်းကလေး၏ နှလုံးသားက ငြိမ်သက်နေသောကန်ရေပြင်လို ပကတိ စိတ်လက်အေးချမ်းစွာ။ ကျွန်တော့်မှာသာ…။

ရုတ်တရက် ကျွန်တော့်နှလုံးသားတစ်ခုလုံး အပူဟပ်ခံလိုက်ရသလိုလို....

တစ်စုံတစ်ခုသော အာရုံက ကျွန်တော့်မျက်လုံးတို့ကို အတင်းတွန်းဖွင့်နေသလိုလို၊ ဘောင်ဘင်ခတ်လွန်းလှသည်။ ရှိသမျှ အသိစိတ်တို့ကို စုစည်းရင်း နောက်တစ်ကြိမ် ပြန်လည်ဖမ်းယူဖို့ ကြိုးစားလိုက်ပြန်သည်။ မရပါ။ တကယ်တမ်း အားနည်းနေ သည်မှာ ကျွန်တော့်နှလုံးသားဖြစ်သည်။ ကျွန်တော့်နှလုံးအိမ်သည် အပြင်သို့ ပေါက်ထွက်ကျလာတော့မတတ် ဘောင်ဘင် ခတ်လျှက် ရှိနေလေသည်။ ထူးဆန်းစွာပင် တစ်ခါမှ မဖြစ်ဖူးသော နှလုံးအိမ်၏ ပုန်ကန်မှုကို ကျွန်တော်ကိုယ်တိုင် မယုံနိူင်။

ကျွန်တော် နောက်တစ်ကြိမ် ပြန်ကြိုးစားလိုက်သည်။ ခဏကလေးပါ။ ခဏအကြာမှာ မိန်းကလေးနှင့် နှလုံးသားချင်း ချိတ်ဆက်အမိမှာ ကျွမ်းကျင်ပိုင်နိူင်ပြီးနှင့်သော စိတ်အာရုံတို့က သူမနှလုံးသားကို မိတ္တူတစ်စုံ ကူးချလိုက်သည်။

မိတ္တူကူးခြင်းအလုပ်ပြီး၍ မသိမ်းဆည်းရသေးခင်မှာပင် အာရုံ၏ညွှန်ပြရာနောက်သို့ မျက်လုံးများက ကောက်ကောက်ပါအောင် လိုက်ကြည့်မိလေသည်။ အာရုံများမှာ  မှန်ပြူတင်းတံခါးပေါက်သို့ ပြနေလေသည်။ မှန်ပြူတင်းတံခါး…။ တစ်ဖက်နှင့် တစ်ဖက်ထိုးဖောက် မြင်ရအောင် ကြည်လင်နေသော မှန်ပြူတင်းတံခါးပေါက်။ ဘာမှ မထူးဆန်းလှသော မှန်ပြူတင်းတံခါးပင်။ ထိုပြူတင်း၏ နောက်ဘက်သို့ ကျော်၍ကြည့်မိသောအခါတွင်မူ ကျွန်တော့်နှလုံးသားတို့ ရင်ဘတ်ထဲမှ ရုတ်တရက် ခုန်ပေါက်ထွက်တော့မလို၊ ကျွန်တော့်ပကတိမျက်လုံးများမှာလည်း  စေ့ပိတ်ထားရာမှ ဗြုန်းကနဲ ပွင့်လာကြလေသည်။

ဆွဲဆောင်မှုရှိရှိ လှသောအမျိုးသမီးတစ်ယောက်။ ဘေးမှ အမျိုးသား၏လက်မောင်းကိုမှီတွဲကာ ခပ်နွဲ့နွဲ့လေး ဆိုင်ထဲ လှမ်းဝင်လာနေသည်ကို မှန်ပြတင်းကြည်ကြည်များမှတစ်ဆင့် မြင်လိုက်ရလေသည်။ စုံတွဲတစ်တွဲ၊ ချစ်ကြည်နူး ကျွမ်းဝင်နေကြသော မောင်နှံဆိုသည်မှာ ပြောဖို့မလိုအောင် သိသာနေသော အနေအထားနှင့် ဖြစ်သည်။ 

ကျွန်တော်နှင့် ဘယ်လိုပတ်သက်ပါလိမ့်၊ ကျွန်တော့်အတွက် ဘာများ ထူးဆန်းပါလိမ့်ဟု မတွေးနိူင်သေး၊ မျက်လုံးများကို ပြန်လည်မှိတ်ချလိုက်ကာ အမှုသည်မိန်းကလေး၏ နှလုံးသားကို မိတ္တူကူးခြင်း၌ ပြန်လည်ဝင်စားလိုက်လေ၏။

မေးနေပြီ။ မိတ္တူကူးအပြီး သိမ်းဆည်းကာနီးတိုင်းမှာ မေးလေ့ရှိသော ဘယ်လိုသိမ်းမှာလဲဆိုသည့် မေးခွန်းပင်။ စိတ်နှင့် အမြန်ဖြေရင်း သိမ်းနေကျအတိုင်း နှလုံးသားနှစ်စုံကို သေသပ်စွာ သိမ်းဆည်းလိုက်နိူင်ပါသည်။

မောပန်းနေသောနှလုံးသားကို ငြိမ်အောင်ပြန်ထိန်းရင်း အဆုံးမှာ အမြင်တို့ကြည်လင်လာသော် မှန်ပြူတင်းပေါက်မှ တစ်ဆင့် မြင်လိုက်ရသော.... 
အမျိုးသားလက်မောင်းအား နွဲ့လျစွာမှီတွယ်ထားသော.....ထိုလှသောမိန်းမသည်
တစ်ခြားသူ မဟုတ်....၊ ကျွန်တော့် ဇနီးဖြစ်သည်ဟု အာရုံတံခါးမှာ တိကျရှင်းလင်းမြင်ရကာ သေချာသိလိုက်ရတော့သည်။ 

သို့သော် ခုနကနှင့် ဆန့်ကျင်စွာ ကျွန်တော့်စိတ်နှလုံးအစုံတို့ ယောက်ယက်ခတ်မနေ။  ထူးခြားလှပေ၏။

(င)

ထူးဆန်းစွာပင် ကျွန်တော့်ဇနီးသည်၏ ဖောက်ပြန်မှု၌ ခါးသည်းလောင်ကျွမ်းစွာ ခံစားမနေရပါ။ ကျွန်တော့်နှလုံးသားတို့၏ ပကတိငြိမ်ဝပ်နေမှုကို ကျွန်တော်ကိုယ်တိုင် အံ့သြနေရချိန်။

မိန်းကလေး၏နှလုံးသားမိတ္တူကို စစ်ဆေးဖတ်ရှု့ချိန်ကျမှ ကျွန်တော့်တစ်ကိုယ်လုံး အေးစက်တောင့်တင်းသွားခဲ့သည်။ သွားပြီ။ ကျွန်တော် တစ်ခါမှ မမှားခဲ့ဖူးသော အမှားအဖြစ် မိန်းကလေး၏နှလုံးသားကို Save as-အဖြစ်နှင့် သိမ်းဆည်းမည်ဟု ဖိုင်အသစ်နှင့် မသိမ်းဆည်းမိဘဲ save ဟု ကော်မန်းပေးကာ ကျွန်တော့်နှလုံးသားအစစ်ပေါ်တွင် overwrite-အစားထိုး သိမ်းဆည်းခဲ့မိလေပြီ။ ကျွန်တော့်နှလုံးသားနှင့်မဟုတ်သော ကျွန်တော်သည် ကျွန်တော့်ဇနီးသည်၏ ဖောက်ပြန်မှုအပေါ် ခံစားမှုမဲ့နေသည်မှာ သဘာဝ ကျပါသည်။ 

လက်ရှိအချိန်တွင် ကျွန်တော့်အတွက် ပိုတောင်ကောင်းသေးသည် မဟုတ်လားဟု တွေးမိသည်။ သို့သော် ထိုနှလုံးသားသည် တစ်စုံတစ်ယောက်ကိုတော့ဖြင့် ငံ့လင့်နေသယောင်ရှိသေးသည်။ ထိုတစ်စုံတစ်ယောက်သည် ကျွန်တော်မသိသော အမျိုးသားတစ်ယောက် ဖြစ်၍နေလေသည်။  

ထိုအမျိုးသားသည် ကျွန်တော့်အမှုသည်မိန်းကလေး၏ အမျိုးသားပေ။ 
(စ)

ခုတစ်လော မှန်ထဲကြည့်လိုက်တိုင်း ကျွန်တော့်မျက်နှာမှာ ပန်ကာတစ်လုံးကို တွေ့နေရသည်။ 

ကျွန်တော်သည် သက်ရှိလူသားတစ်ယောက်ဖြစ်သည်။ ပန်ကာသည် သက်ရှိရုပ်ဝတ္ထုတစ်လုံးဖြစ်သည်။ ထို့ကြောင့် ကျွန်တော်သည် သက်ရှိပန်ကာတစ်လုံးလည်းဖြစ်သည်။ ကျွန်တော်သိသော ပန်ကာသည် နှလုံးသားမရှိပါ။ ကိုယ့်အပိုင်နှလုံးသား မရှိသော ကျွန်တော်သည်လည်း နှလုံးသားမဲ့သည့်ပန်ကာနှင့် ဘာများ ပိုထူးဦးမည်နည်း။

အခြေအနေအတော်ဆိုးသော၊ ပြန်ပေါင်းထုပ်ရန် မဖြစ်နိူင်သော ကျွန်တော့်အမှုသည်များကို အမှန်အတိုင်းအသိပေးဖို့ လိုအပ်လာတိုင်း ဖြစ်နေကျ စိတ်အခက်အခဲထက် ပိုမိုဆိုးဝါးသော ခံစားမှုမျိုးပင်။ ကျွန်တော့်မှာ  ထိုခံစားမှုမျိုး တိတိကျကျခံစားနေရသည်။

ခုချိန်ထိတော့ ကျွန်တော့်နှလုံးသားအစစ်ကို Restore-ပြန်လည်ထည့်သွင်းရန် ကော်မန်း မပေးရသေးပါ။ ပေးရန်လည်း တွန်းအားမရှိပါ။ တွန်းအားရှိလျှင်တောင်မှ ကျွန်တော် မ၀ံ့ပါ။ ကျွန်တော့်ဇနီးသည်၏ ဖောက်ပြန်မှုသည် အမှန်ဖြစ်သည်။ ကျွန်တော့်မျက်စေ့နှင့်တပ်အပ်မြင်လိုက်ရသော အမှန်တရားပင်။ 

ထိုအမှန်တရားဆိုသည်ကို ရင်ဆိုင်ဖို့ ကျွန်တော့်မှာ အင်အားမရှိသေးတာ ကျွန်တော် အသေအချာ ကျိန်ဆိုရဲပါသည်။


0 comments:

Post a Comment

ကော်မန့်များအတွက် ကျေးဇူးတင်ပါတယ်။ ထင်မြင်ခံစားရသလိုသာ ရေးခဲ့ပါရှင်