Monday, October 28, 2013

CKA’s death note

 
ကျွန်မက သေခြင်းတရားကို စိတ်ဝင်စားသူ။ သေခြင်းတရားဆိုတဲ့နေရာမှာ သေပြီးနောက်ဆိုတာကို ဂရုစိုက်နေမှာ မဟုတ်ဘူး။ ဘယ်သူငိုငို  ဘယ်သူဆွေးဆွေး ဒါ ကျွန်မကိစ္စမဟုတ်။ ကျွန်မ စိတ်ဝင်စားတာက မသေခင်ကာလအပိုင်းအခြားငယ်လေး တစ်ခု။ 
ဆိုကြပါစို့ လူတစ်ယောက်ဟာ သူ သေတော့မယ်လို့ (၃)လ ကြိုတင်သိနေတယ်။ ဒါဟာ သူ့အတွက်တော့ နောက်ခရီးတစ်ခုဆက်ဖို့ အကောင်းဆုံး ပြင်ဆင်နိူင်တဲ့ အနေအထားပဲ။ ကြိုတင်မသိရဘဲ မတော်တဆမှုတွေမှာ ပါဝင်သေဆုံးသွားတာမျိုးနဲ့စာရင် ဒါဟာ လောကကြီးကို အနိူင်ပိုင်းနိူင်မယ့် အခွင့်အရေးကို ပိုင်ဆိုင်ရလိုက်တာပဲ။ ကျွန်မကတော့ သိခွင့်ရရင် အဲသလိုကြိုတင်သိချင်မိတယ်။
ကျွန်မပြောခဲ့သလို အဲဒီအခွင့်အရေးကိုရပါပြီ တဲ့။  ကျွန်မ ဘာလုပ်မလဲ….။

ပထမဦးဆုံး ကျွန်မ တုန်လှုပ်ကြေကွဲလိမ့်မယ်။

ဘုရားရှေ့သွားပြီး ကျွန်မစိတ်တွေကို တည်ငြိမ်အောင် ကြိုးစားမှာပဲ။ ကျွန်မ အတတ်နိူင်ဆုံး တရားရှု့မှတ်မှုနဲ့ စိတ်ကို အနည်ထိုင်စေမယ်။ အတော်အတန်တည်ငြိမ်လာတဲ့အခါ ကျွန်မ ဘာလုပ်ရမယ်ဆိုတာကို စတင်စဉ်းစားမယ်။ ကျွန်မဘယ်လိုသေမှာလဲ…။ အငြင်သာဆုံး အသိမ်မွေ့ဆုံးနောက်ဆုံးထွက်သက်ကို ရဖို့၊ လူ့လောကကြီးထဲက အေးအေးညင်ညင်ထွက်ခွာသွားနိူင်ဖို့ ကျွန်မ ပြင်ဆင်မယ်။ အချိန်ကလေးတစ်ခု သတ်မှတ်ပြီး တရားအားထုတ်မယ်။ ဖြစ်နိူင်ရင် တရားရိပ်မှာပဲ သေမယ့်နေ့ကို တရားအားထုတ်ရင်း စောင့်ချင်တယ်။ ဒါပေမယ့် ကျွန်မ မသေချာဘူး။ စိတ်ထဲမှာတော့ သေမယ့်အရေးတွေးကြောက်နေမှာထက် ငါ အနိူင်ပိုင်းလိုက်နိူင်ပြီ ပြင်ဆင်ချိန်ရလိုက်ပြီ လို့သာ ခပ်နာနာတွေးပေးနေရမှာပဲ။

ဒုတိယအနေနဲ့ ကျွန်မမှာရှိတဲ့စာအုပ်တွေကို မပြည့်မစုံရပ်တည်နေရတဲ့ စာကြည့်တိုက်ကလေးတစ်ခုကို လှူခဲ့မယ်။ ကျွန်မအဝတ်အစားတွေကို နွမ်းပါးတဲ့ ဆွေနီးမျိုးစပ်တွေကို ပေးကမ်းခဲ့မယ်။ သူတို့မလိုလို့ ပိုလျှံတဲ့အခါမှ တစ်ခြားလိုအပ်နေသူတွေအတွက် ပေးလှူစေမယ်။  ကျွန်မပိုင်တဲ့ ပန်းချီပစ္စည်းတစ်ချို့၊ အသုံးအဆောင် အလှအပပစ္စည်းတစ်ချို့ ဒါတွေကိုလည်း လိုသူတွေ ယူနိူင်စေဖို့ ကျွန်မ စီစဉ်မယ်။

ကျွန်မဖေ့စ်ဘုတ်ပေါ်မှာတင်ထားတဲ့ ကျွန်မဓါတ်ပုံတွေ ဖျက်ပစ်ခဲ့မယ်။ ကျွန်မ ရိုက်ခဲ့တဲ့ ဓါတ်ပုံတွေ၊ ကျွန်မ မတောက်တခေါက်ဆွဲခဲ့တဲ့ ပန်းချီကားလေးတွေ၊ အသံတိမ်တိုက်ထဲက ကျွန်မ ဝါသနာအရဆိုခဲ့တဲ့ သီချင်းတွေ…..အားလုံးကို ကျွန်မ ချစ်သူခင်သူတွေအတွက် အမှတ်တရပေးခဲ့မယ်။ တစ်ယောက်ချင်းစီအတွက်ပေါ့။ ဒီပုံလေးကဖြင့် ဘယ်သူ့အတွက်၊  ဒီကားလေးကဖြင့် ဘယ်ဝါ့အတွက်၊ ဘယ်သီချင်းလေးကဖြင့် ဘယ်သူ့အတွက် အဲသလို…..။ ပြီးတော့ ကျွန်မ ရေးခဲ့တဲ့ ဘလော့ဂ်လေး…..။ ကျွန်မ ချစ်ခင်ရတဲ့သူလက်ထဲ ပုံအပ်လို့ သူ့ကိုပဲ ဆက်လက်အသက်သွင်းစေခဲ့မယ်။ သူ ဆန္ဒရှိရင်ပေါ့….။

တတိယအနေနဲ့ မိဘဆွေမျိုးတွေဆီ လိုက်လံ နှုတ်ဆက်မယ်။ ကျွန်မ မသေခင် တွေ့ချင်တဲ့ ချစ်သူခင်သူတွေဆီ ခရီးထွက်မယ်။ ကျွန်မ မရှိတဲ့အခါ သူတို့ဘဝကို ပုံမှန် ဆက်လက်လည်ပတ်ပါမယ့်အကြောင်း ကတိတစ်ခု သူတို့ဆီက လိုချင်တယ်။ ကျွန်မကို သတိရလွမ်းဆွတ်မနေဖို့ ပြောခဲ့မယ်။  လလည် နှစ်လည် သတိတရဆွမ်းတွေကပ်နေမယ့်အစား ဘုရားကိုသာ ဆွမ်းတော်မှန်မှန်ကပ်ဖို့အကြောင်း မှာခဲ့မယ်။

စတုတ္ထတစ်ခုအနေနဲ့ အသက်ရှင်နေစဉ်မှာ ကျွန်မ မသိလိုက်ဘဲဖြစ်စေ၊ သိသိကြီးနဲ့ဖြစ်စေ ကိုယ်စိတ်နှလုံး သုံးပါးစလုံးနဲ့ ပြစ်မှားမိခဲ့ဖူးသူတွေအပေါ် အပြစ်ရှိသမျှ ခွင့်လွှတ်ဖို့အကြောင်း ဝန်ချတောင်းပန် ချင်သေးတယ်။ မိတ်ဆွေတွေကိုလည်း အသက်ရှင်သန်ခွင့်ရစဉ်မှာ တစ်ဦးနဲ့တစ်ဦး ချစ်ချစ်ခင်ခင် နေထိုင်ကြဖို့၊ တစ်ယောက်တန်ဘိုးကို နောက်တစ်ယောက်က နားလည်ဖို့၊ လိုအပ်ချက်တွေ ရှိတဲ့အခါတိုင်း ဖြည့်တွေး ခွင့်လွှတ်ကြဖို့ မှာချင်တယ်။

နောက်ဆုံးတစ်ခုအနေနဲ့ (အသက်ရှင်နေနိူင်သေးတဲ့) နှစ်ဘက်မိဘနဲ့ ကျွန်မထက် အသက် တစ်နေ့တစ်ရက်တစ်မနက်ကြီးသူတွေကို ကန်တော့မယ်။ ကျွန်မအပေါ် နားလည်ခွင့်လွှတ်ခြင်းများစွာနဲ့ ချစ်မြတ်နိူးရှာခဲ့တဲ့ ကျွန်မရဲ့အိမ်ထောင်ဘက်ကို ထိခြင်းငါးပါးနဲ့ ပျပ်ဝပ်ရိုကျိုးခဲ့မယ်။ သားသမီးရယ်လို့ မရှိတဲ့အတွက် အဲသည်ကြိုးတစ်ချောင်းရဲ့ ချည်နှောင်မှုကင်းပုံကို ကျွန်မ ကျေနပ် မိနေမယ့်အချိန်လည်း ဖြစ်ကောင်းဖြစ်မယ်။

ဒါဟာ သေဆုံးခြင်းဆိုတာထက် ခရီးအသစ်တစ်ခုရဲ့ အစပျိုးခြင်းလို့ မှတ်ယူဖို့ နီးစပ်ရာတိုင်းကို နှစ်သိမ့်ခဲ့မယ်။ သံသရာကိုယုံကြည်တဲ့အလျောက် မလွတ်မြောက်နိူင်သေးတဲ့ ကျွန်မလို ပုထုဇဉ်အတွက် ဖြစ်လေရာရာ ဘဝတိုင်းမှာ သစ္စာတရားများကို ဟောကြားတတ်သော ဆရာကောင်းများနဲ့ တွေ့ဖို့၊ အမြတ်ဆုံးသောသစ္စာတရားများကို နာကြားနိူင်သော ကိုယ်အင်္ဂါပြည့်စုံဖို့၊ အာရုံခံရုပ်များအားလုံး ကောင်းမွန်ဖို့ ကျွန်မ ဆုတောင်းမယ်။ ဖြစ်လေရာဘဝမှာ မရှောင်လွှဲနိူင်လို့ ကြုံတွေ့ရခဲ့ရရင်တောင် သမုဒယသံယောဇဉ်ဆိုတဲ့ အပူမီးကို လွယ်လွယ်ဖြတ်တောက်နိူင်တဲ့သူ ဖြစ်စေဖို့ ဆုတောင်းချင်သေးတယ်။

တကယ်တော့ ဆုတောင်းခြင်းဆိုတာ မိမိကိုယ်ကို နှစ်သိမ့်ခြင်းလို့ သိနေတဲ့အတွက် အဲဒီအပိုင်းကို ခဏမျှသာ အချိန်ပေးပြီး ခန္ဒာကို ရှု့မှတ်နေခြင်းနဲ့သာ နောက်ဆုံးထွက်သက်ကို ကုန်စေမယ်။ ရယ်စရာကောင်းတာတစ်ခုက ကျွန်မခန္ဓာကိုယ်ကို လှူဒါန်းခဲ့ရမယ့်အရေးကို ရှက်နေတာပဲ။ ကျွန်မခန္ဓာကိုယ်ကို ခွဲစိတ်လှီးဖြတ်ခံရမှာထက် သေပြီးကာမှ ကျွန်မအရှက်ကို လူမြင်သူမြင် မဖြစ်စေချင်တာ။ သေပြီးမှပဲလေလို့ ဘယ်လိုပဲဖြေတွေးတွေး အဲဒီကိစ္စကို ကျွန်မ သွေးကြောင်နေတုန်း၊ အရှက်သည်းနေမိတုန်းပဲ။ 

ဒီတော့ မီးသဂြိ င်္ုလ်ဖို့ ကျွန်မ မှာခဲ့မယ်။ ပြာအိုးတွေ၊  အရိုးပြာတွေဘာတွေ ကောက်မနေဖို့လည်း မှာဦးမယ်။ ဘာမှ လုပ်မနေစေချင်ဘူး။ ပြာဖြစ်သွားမယ့် ခန္ဒာကြီးကို တခုတ်တရ လုပ်မနေစေ ချင်တာ။ သေခြင်းတရားဟာ မျက်နှာကြီးငယ် ဆင်းရဲချမ်းသာ လူမျိုးဘာသာမရွေး သိပ်သစ္စာရှိတဲ့ကောင်ကြီးမို့ ရင်ဆိုင်တွေ့ရတဲ့အခါ ကျွန်မအနေနဲ့ ဘာမှ စိုးရိမ်စရာရှိမယ် မထင်ဘူး။ သူဟာ ကျွန်မပြုခဲ့ဖူးတဲ့ အကြောင်း အကောင်းအဆိုးအတိုင်း မျက်နှာမလိုက်ဘဲ၊  ဘာကိုမှ မငဲ့ကွက်ဘဲ စီမံမယ်ဆိုတာ စိတ်ချလက်ချ သိနေလို့ပဲ။ 

နောက်ဆုံးအချိန်မှာ ကျွန်မအနားရှိသူ ဘယ်သူ့ကိုမှ မငိုကြဖို့ မှာထားမယ်။ ထွက်ခွာတော့မယ့်ဆဲဆဲ ကျွန်မခရီးမှာ ကျွန်မခြေထောက်တွေကို တုန့်ကနဲရပ်စေမယ့် ဘယ်လိုနှောင်ငင်မှုမျိုးကိုမှ ကျွန်မ မလိုချင်ဘူး။ အဲဒါပါပဲ….။  ကျွန်မ ဘာမှာစရာ ကျန်သေးလဲ….။ ပိုင်ဆိုင်မှုသိပ်များသူမဟုတ်တာမို့ ခန့်ခွဲဖို့ များများစားစားရှိမနေတာဟာလည်း ကျေနပ်စရာ….။  



Friday, October 25, 2013

အဝတ်လှမ်းခြင်းဋီကာ VS ကိုယ်ချင်းစာတရား


ဒီနေ့ ကျွန်မ အိပ်ရာကစောစောနိူးတာနဲ့ အိမ်ကလူ စက်ထဲထည့်လျှော်သွားတဲ့ အဝတ်တွေကို ထုတ်လှမ်းဖို့ ပြင်တယ် (နောက်ကျမှနိူးလည်း ကျွန်မပဲ လှမ်းပါတယ်)။ ထုံးစံအတိုင်းပေါ့၊  နောက်ဖေး မီးဖိုချောင်ဘေးနဲ့ တစ်ဘက်မျက်နှာချင်းဆိုင်မှာရှိတဲ့ ရေချိုးခန်းနဲ့ကို ဝါးလုံးတန်းထိုးပြီး လှမ်းရတာပါ။ လှမ်းနေတုန်းရှိသေး အပေါ်က ရေတစက်စက်ကျနေတာကို သတိထားလိုက်မိတယ်။ လုပ်ပြီ….။  အဲဒီအပေါ်က အဲလိုပဲ။ 

အတိအကျပြောရရင် ကျွန်မတို့အပေါ်ထပ်ရဲ့ နောက်အပေါ်က အထပ်ကပါ။ ဒါ တစ်ကြိမ်ထဲလည်း မဟုတ်တော့ဘူး။ ဟိုအရင်ခါတွေတုန်းကလည်း သူတို့အိမ်တံခါးခေါက်ပြီး သွားပြောပြီးပြီ။ သူတို့က ပြည်ကြီးတရုတ်တွေ ထင်ပါရဲ့(အဲလိုဆိုတော့ ကျွန်မကို ဒစ်-ခရီ-မီ-နိတ်လုပ်တယ် မြင်ကြဦးမယ်)။ စလုံးတရုတ်တွေက သူတို့လူနေမှုစနစ်နဲ့ သူတို့ အံဝင်ပြီးသား။  ဘာ မလုပ်ရဘူး၊ ဘာ လုပ်လို့ရတယ် နောကျေပြီးသား။ ကိုရွှေပြည်ကြီးတရုတ်တွေသာ ငါ့မြေ ငါ့ပြည် ငါ့အဖေဆိုပြီး ကိုယ်ပိုင်မြေပေါပေါကွင်းပြင်ကျယ်ကြီးထဲ အဝတ်အခြောက်လှမ်းတယ် မှတ်တတ်ကြတာကလား။ 

တခါတုန်းကများ အဝတ်တောင်မဟုတ်ဘူး။ ကြမ်းတိုက်တံ (Mop) ကို ရေစက်လက်နဲ့ ထုတ်လှမ်းထားတာ။ အဲဒီကနေ ကျွန်မတို့ အဝတ်တွေပေါ်ကျတဲ့ ရေစက်တွေက ဘာအရောင်ဖြစ်မယ် စဉ်းစားသာ ကြည့်ကြပါတော့ (အဖြူပေါ်မှာများဆို မီးခိုးရောင်အပွင့်ကလေးတွေ ရိုက်ပြီးသား)။  ဒါနဲ့ မဖြစ်ချေဘူးဆိုပြီး အိမ်ကလူကြီးကို လူမိုက်ငှားရတယ်။ အိမ်ကလူကြီးကလည်း "ကြင်နာသူအတွက်ဆို မိုးကောင်းကင် ဒူးနဲ့တိုက်မယ်" သီချင်းလေးညည်းရင်း သူတို့ရှိရာ (၆) ထပ်အခန်းကို ချီတက်သွားပါရော။  ဟိုကျတော့ အဘိုးကြီးက နိူး-အင်းဂလရှ်၊ နိူး-ဘားမီးစ်ဆိုတာနဲ့ ခြေဟန်လက်ဟန်နဲ့ အင်တာနေရှင်နယ်လန်းဂွေ့ခ်ျ သုံးပြီး ပြောခဲ့ရသတဲ့။ အဲ့တစ်ခေါက် အဆင်ပြေသွားတယ်။ 

မှတ်သားသွားလောက်ပါပြီလေလို့ ထင်တာ။  နောက်ထပ်အကြိမ်တွေမှာလည်း အဲသလိုပဲ ထုတ်လှမ်းထားပြန်တယ်။ ငါ့နှယ်နော် ဒီလူတွေနဲ့ ခက်ပြီလို့ တွေးမိရတယ်။ အိမ်ကလူများ အပြောအဆို လိုလေသလား၊ အဘိုးကြီးနဲ့ ဘယ်လိုများ နားလည်မှုတွေ လွဲလာခဲ့တယ် မသိ။

နောက်ဆုံးတော့ ခဏခဏ အပေါ်ထပ်တက်တက်ပြီး ပြောရတာ မောလာတဲ့အခါ ကိုယ့်ဖာသာပဲ ရှောင်ကွန်နရီ လုပ်တတ်လာတော့တယ်။ ရေစက်က ဒီဘက်ကကျရင် ကိုယ့်ဝါးလုံးတန်းလေးကို ဟိုဘက်နည်းနည်းရွှေ့လှမ်း၊  ရေစက်က ဟိုဘက်ကကျရင် ကိုယ့်ဝါးလုံးတန်းလေးကို ဒီဘက်နည်းနည်းရွှေ့လှမ်းပေါ့၊ အဲသလိုကလေး ရှောင်လှမ်းပြီး ယောနိသော မနသိကာရလိုက်ရတော့တာပဲ။

ခုလည်း ဒီလိုပဲ လှမ်းလိုက်တော့တယ်။ အေးတာပဲ။ လောကကြီးကို တနည်းမဟုတ် တနည်း ငြိမ်းချမ်းစေချင်လို့ ကွန်ပလိန်းတွေ ဘာတွေ တက်မနေတော့ပါဘူး။

ပြောချင်တာက ကိုယ်ချင်းစာတရား။ လူတွေမှာသာ ကိုယ်ချင်းစာတရားလေး လက်ကိုင်ထားရင် (အင်း လက်ကတော့ ကိုင်ထားပါရဲ့၊ ထုတ်မသုံးဖြစ်တာ) ဒါမျိုးတွေ ဖြစ်စရာ အကြောင်းကို မရှိဘူး။ စား-ဝတ်-နေ ဘယ်နေရာမှာမဆို ကိုယ်ချင်းစာတတ်ဖို့ပဲ။ စားတဲ့နေရာမှာလည်း ကိုယ်ချင်းစာတတ်ဖို့၊ ဟိုလူကြီး ပြောသလို တစ်နပ်လျှော့စားလို့တော့ ပြောနိူင်ပေါင်တော်။  ကိုယ်တွေလည်း လျှော့စားနိူင်တာမှ မဟုတ်။ ဝတ်တဲ့နေရာ၊  နေတဲ့နေရာ အတူတူပါပဲ။ ဘယ့်နှယ် ဖယောင်းတိုင်လေးထွန်းပြီး ကိုယ့်အိမ်ထဲ ကိုယ်နေကြလို့လည်း ပြောနိူင်ပါဘူး။ ဖေ့စ်ဘုတ်က ဖယောင်းတိုင်နဲ့မှ သုံးမရတာပဲ။ ဆိုတော့ကာ အဲသလို အင်-ခွန်-ဆီး-ဒရိတ်-ဘီဟေဗီယာသမားတွေ လောကကြီးထဲမှာ လျော့သထက် လျော့လာဖို့ အတော်လိုပေတာပဲ။

ကိုယ်ချင်းစာတရားလို့ဆိုတဲ့အတိုင်း ကိုယ်က စတယ်။ ကိုယ်သာဆိုရင်…..ဆိုတာကနေ စတယ်။ ကိုယ်သာဆိုရင် ကိုယ့်အပေါ်ထပ်ကနေ အဲသလို အဝတ်ရေစက်လက်တွေ လှမ်းရင် ကြိုက်ပါ့မလား….။ ဒီလောက်ကလေး တွေးလိုက်မိဖို့ပဲ။ ဒါဆို လောကကြီးထဲနေရတာ သာသာယာယာရှိသွားပြီ။

ဒါပါပဲ။ ကျွန်မလည်း ကျွန်မလောကကြီး သာသာယာယာရှိချင်ပါတယ်။  မိတ်ဆွေတို့အားလုံးရဲ့ လောကကြီးလည်း သာသာယာယာရှိကြပါစေ…..။

တရားဝင်ဖြစ်သွားအောင် အခမ်းအနားကို ကြွေးကြော်သံလေးနဲ့ ရုတ်သိမ်းကြရအောင်.... 
"ကိုယ်ချင်းစာတရားရှိကြဖို့အရေး  တို့အရေး  တို့အရေး" (၃ကြိမ်၃ခါ အော်ကြစေ)


ကိုယ်ချင်းစာတရားများနှင့် သင်တို့ရဲ့.... 
ချစ်ကြည်အေး  
:)


Tuesday, October 15, 2013

ကျေးဇူးရှင်


အနီငယ်ငယ်က အိမ်တစ်အိမ်မှာ အိမ်ထောင်ဦးစီးသေလို့များ ကျန်ရစ်သူမိန်းမက ‘ကျေးဇူးရှင်ကြီးရဲ့ ကျုပ်ကိုတစ်ယောက်ထဲ ထားခဲ့ပြီလားတော့်’ဆိုပြီး ရင်ဘတ်စည်တီးငိုရင် သိပ်အံ့သြမိတာပဲ။ ‘ကျေးဇူးရှင်ကြီး’ဆိုတာကစလို့ ‘တစ်ယောက်ထဲ ထားခဲ့ပြီလားတော့်’ဆိုတာအထိ အံ့ကိုသြတော့တာ။  ဘယ့်နှယ် တစ်ယောက်ထဲထားခဲ့ရမှာတုန်း၊ ကလေးတွေ တစ်ပြုံကြီးမွေးပြီး ထားခဲ့တဲ့ဟာ။ အနီတို့အမေဆို အဖေကြီးကို ဒူးမတုတ်ရုံတစ်မယ် ခစားပျပ်ဝပ်ပြီး ရိုကျိုးပြုစုခဲ့ရတာ။ အိမ်အလုပ်တွေလည်း ကျုံးလုပ်ရသေး၊ အဖေကြီးနဲ့မွေးထားတဲ့ အနီတို့မောင်နှမ ခြောက်ယောက်ကိုလည်း ချေးကလူသေးကလူ လူမွှေး လူတောင်ပြောင်အောင် ပျိုးထောင်ပေးရသေးတဲ့ဟာ။ ဒါတောင် ယောကျာ်းတွေဟာ သေသွားတဲ့အခါ ကျေးဇူးရှင်ဖြစ် ရသေးသတဲ့။

အဖေကြီးကဖြင့် အလုပ်ကပြန်လာတာနဲ့ ပက်လက်ကုလားထိုင်ပေါ်က မဆင်းတော့တာ အိပ်ယာဝင်တဲ့အထိပဲ။ မနက်ဆိုလည်း မိုးမလင်းသေးဘူး၊ အမေက မီးဖိုထဲရောက်ပြီ။ ညတုန်းက “အစ်ကို မနက်ကျ ဘာစားချင်လဲ” မေးထားတဲ့အတိုင်း အဖေကြီးနှုတ်ကထွက်ကျရာ စားစရာတစ်ခုခုကို ပြင်ဆင်နေရပြီ။ ထမင်းဆီဆမ်းကို ကြက်ဥပြုတ် ကလေး၊ မြေပဲလှော် ကလေးနဲ့ ဖြစ်ရင်ဖြစ်၊ ပဲကတ္တီပါနဲ့ကြက်သွန်နီပါးပါးလှီးပြီး သုတ်ထားတာလေးနဲ့ ထမင်းကြမ်းခဲ ကလေးကို ရေနွေးကြမ်းနဲ့ ပဲဖြစ်ဖြစ်ပေါ့ စီစဉ်နေရပြီ။ ပြီးရင် အဖေကြီးက အလုပ်သွား၊ အနီတို့ မောင်နှမလေးယောက်က ကျောင်းသွား၊ အနီ့အောက်က မောင်အငယ်ကောင်နှစ်ကောင်က အဲဒီတုန်းက ကျောင်း မနေရသေးဘူးလေ။

အနီတို့မောင်နှမတွေ လော်ပို့ကဒ်လာလို့ အတန်းထဲမှာ အဆင့်က ဟိုးအောက်ဆုံးကဆိုရင် အဖေကြီးက အမေ့ကို ဆူသေးတာ။ ကလေးတွေကို စာမသင်ပေးရကောင်းလားဆိုပြီးတော့။ အဆိုးဆုံးကတော့ အနီပေါ့။ အတန်းထဲမှာ လူလေးဆယ်ရှိရင် အနီက အဆင့်သုံးဆယ့်ခြောက်လောက်က မတက်ဘူး။ အနီကမှ မှတ်ဉာဏ်မကောင်းတာ။ စာတစ်ပုဒ်ကို အကြာကြီးကျက်ရတယ်၊ ပြီးပြန်တော့လည်း ခဏလေးနဲ့ မေ့ရော။ အနီ စဉ်းစားကြည့်တယ်။ စာတစ်ပုဒ်ကို ခဏလေးနဲ့ရပြီး အကြာကြီးနေမှမေ့သွားရင် ကောင်းမယ်၊ အဲသလို အနီ့မှတ်ဉာဏ်က ပြောင်းပြန်ကောင်းသွားလည်း အဟုတ်သားလို့လေ။

ဘယ်လိုပဲ အနီက စာတတ်ချင်တတ်ချင်၊ ရှစ်တန်းလည်းရောက်ရော အနီ့ကျောင်းပညာရေးက ဂိတ်ဆုံးသွားရော။ အနီက ကျောင်းနေချင်သေးတာပါ၊ စာမကျက်ချင်ပေမဲ့ ကျောင်းမှာဆော့ရတာကို အနီက ပျော်တာ။ ဒါပေမဲ့ အနီက စာမေးပွဲတဖုန်းဖုန်းကျနေတော့ အမေက ဆက်မထားနိူင်တော့ဘူး၊ အငယ်နှစ်ကောင်က ငါးတန်းနဲ့ သုံးတန်းမှာ ရောက်နေကြပြီ။ နောက်တစ်ခု အနီရှက်တာက အတန်းထဲမှာ ခုနှစ်တန်းအောင်လို့ ရှစ်တန်းတက်လာတဲ့ အတန်းသားအသစ်တွေက အနီ့ပုခုံးလောက်ရှိတာ။ ဒီနှစ် အနီ အပျိုဖြစ်ပြီလို့လည်း အမေက ပြောတယ်။ ဒီတော့ အနီက ရှက်တာပေါ့။ 

အဖေကြီးရဲ့အမေ၊ အနီတို့ဖွားဖွားကြီးက အနီတို့အိမ်ရှေ့မှာ ကုန်ခြောက်ဆိုင်လေး တည်ပေးတယ်။ အဲဒါနဲ့ ရှစ်တန်းနဲ့လည်း ကျောင်းကထွက်ရော အနီ အလုပ်ပါရလေရော။ အနီတို့ဆိုင်မှာ ကြက်သွန်အဖြူ၊ အနီ၊ ငရုတ်သီးအနီအခြောက်တောင့် အပု အရှည်၊ အာလူး၊ ငါးမုန့်ကြော်၊ ဇီးပေါင်းထုတ်လေးတွေအပြင် တစ်ခြားတို့လို့တန်းလန်း ချိတ်ထားတာလေးတွေလည်း ရောင်းသေးတယ်။ 

လေးထောင့်ဖန်ပုလင်းကြီးတွေထဲမှာတော့ ထန်းလျက်တို့၊ ပဲလှော်တို့၊ ကြက်ဥမြေပဲတို့ပေါ့။ ကြက်ဥမြေပဲဆိုလို့ တစ်ခါက အနီတို့ဆိုင်ကို ဈေးဝယ်သူတစ်ယောက်က “ကောင်မလေး နေပြည်တော်ကျောက်ခဲ ရှိလား”တဲ့။ “အနီတို့ ကျောက်ခဲမရောင်းဘူး ဦးလေး၊ စားစရာတွေပဲရောင်းတာ” ဆိုတော့ “နေပြည်တော်ကျောက်ခဲက စားစရာမဟုတ်လို့ နင့်ဘကြီးလား” တဲ့။ ဒါနဲ့ နောက်မှ ဖန်ပုလင်းထဲက ကြက်ဥမြေပဲကို လက်ညှိုးထိုးပြပြီး “ဒီမှာ ဒါ ပြောတာဟ” တဲ့။ အနီ့မှာ ရယ်လိုက်ရတာ။ ကြက်ဥမြေပဲကိုများ နေပြည်တော်ကျောက်ခဲတဲ့၊  အံ့သြပါ့။

@@@@@@@@@@@@@@@

အနီ ဆိုင်မှာထိုင်ရောင်းတိုင်း ပိုက်ဆံမှားအမ်းတာ၊ ပိုက်ဆံအတွက်မှားတာတွေကြောင့် အမေဆူခံ ခဏခဏထိတယ်။ အနီ မပျော်ပါဘူး။ ရောင်းဈေးတွေကိုလည်း ပလတ်စတစ်အထုတ်တွေဆိုရင် အထုတ်ပေါ်ကပ်ထားတာမို့ မမေ့ပေမဲ့ အာလူးတို့ ငရုတ်သီး၊ ကြက်သွန်တို့လို ချိန်ရောင်းရတာတွေကျ တစ်ဆယ်သားဘယ်လောက်ဆိုတာ ဈေးနှုန်းမေ့မေ့သွားတယ်။ အနီကိုက ကံမွဲ ဉာဏ်နည်းလွန်းတာပါ။

ခုတစ်လောတော့ အနီပျော်နေမိပြန်တယ်။ အနီတို့ဆိုင်နဲ့ကပ်လျှက် လမ်းထောင့်ကအိမ်မှာ လက်ဘက်ရည်ဆိုင်အသစ်ဖွင့်တာမို့ အနီပျော်နေတာ။ အဲဒီဆိုင်ကဖွင့်သမျှ သီချင်းတွေ အနီ့ပါးစပ်ထဲ အကုန်ရောက်တာပဲ။ ဆိုင်ပိုင်ရှင်က အဲ့ဒီအိမ်ကိုဝယ်လိုက်တဲ့ တရုတ်ကြီး။ ဦးကျင်ဟုတ်၊ မြန်မာနာမည်ရှိသေးတယ် ဦးသော်ကတဲ့။ သူက လက်ဘက်ရည်ဆိုင် ဖွင့်လိုက်တာ။ ဦးသော်ကက တစ်နေ့ “ဟဲ့အနီ ညည်းတို့ဆိုင်လူပါးရင် ငါ့ လာကူမလား” တဲ့။ ဒါနဲ့ အနီလည်း ဝမ်းသာအားရနဲ့ ကူလုပ်ပေးမယ် ပြောလိုက်တယ်။ အံမယ် ဦးသော်ကက အနီ့ကို တစ်နေ့ နှစ်ထောင်ပေးတယ်။ အလုပ်က စားပွဲထိုးရုံပဲ။ မှာသမျှလေးတွေ စားပွဲပေါ်ချပေးရုံပဲဆိုတော့ အနီ လုပ်တတ်တာပေါ့။ အနီတို့ကုန်စုံဆိုင်ရှေ့မှာ ဝယ်သူလာတာတွေ့ရင် အနီက ဆိုင်ဘက်လည်း ပြေးရောင်းလိုက်တာပဲ။ ဆိုင်အလုပ်လည်း မပျက်ဘူး၊ တစ်နေ့ နှစ်ထောင်လည်းရတယ်ဆိုတော့ အမေ အနီ့ကို ဘာမှ မပြောသာဘူးပေါ့။

ရယ်ရသေးတယ်။ အနီ ဦးသော်ကတို့ဆိုင်မှာ စလုပ်ကာစကပေါ့။ ဆိုင်မှာလာစားတဲ့သူ ပေါက်စီမှာတော့ အနီက ပေါက်စီနှစ်လုံးပါတဲ့ တစ်ပွဲချပေးလိုက်တယ်။ သူက ပေါက်စီကို တစ်ဖဲ့ ဖဲ့ရင်းကနေ “ငရုတ်ဆီရှိလား”တဲ့ မေးတော့ အနီက “မရှိဘူး”ပေါ့။ မရှိလို့ မရှိဘူးပြောတာကို သူက မကျေမနပ်နဲ့ “ဦးသော်က ခင်ဗျားတို့ဆိုင်က ပေါက်စီရောင်းပြီး ငရုတ်ဆီလည်း မရှိပါလား ဘယ်လိုလဲဗျ”တဲ့။ ဦးသော်ကက “ရှိပါတယ်ဗျ ရော့ ဒီမှာ”ဆိုလို့ အနီက ကြည့်လိုက်တော့ ဦးသော်ကမျက်လုံးအကြည့်နဲ့ အနီ အကြည့်ချင်းသွားဆုံတယ်။ ဒါနဲ့ အနီက “ဟင် အဲဒါက ချီလီဆော့ကြီးပဲဟာ” ဆိုတော့ ဦးသော်ကက အနီ့ခေါင်းကို ဒေါက်ကနဲခေါက်ပြီး အော်ရယ်ပါလေရော။ အရူးမ တဲ့။ အနီလည်း နာပေမဲ့ ရောယောင်ပြီးရယ်လိုက်ရသေးတယ်။ အနီပြောတာ မဟုတ်လို့လား…နော်။

နောက်တစ်နှစ်လောက်မှာ အနီတို့ဆိုင်က ဟုတ်တိပတ်တိမှမရောင်းရတော့ ပိတ်လိုက်ရ၊ အဖေကြီးကလည်း သိပ်မကျန်းမာ၊ မောင်လေးအငယ်ကောင်တွေကလည်း ကျောင်းတန်းလန်းနဲ့မို့ အနီတို့ အတော်လေးကြပ်သွားတယ်။ ဦးသော်က တတ်နိူင်သလောက် ဝိုင်းဝန်းစောင့်ရှောက်ပေလို့သာ။ 

အဲဒီမှာတင် ဦးသော်ကနဲ့အနီ ညားဖို့ဖြစ်လာတာ။ အဖေကြီးက ချောင်းဆိုးသွေးပါရောဂါနဲ့ ဆုံးမသွားခင် “စိတ်ချသွားမယ်ဗျာ ဦးသော်က၊ ခင်ဗျား တတ်နိူင်သလောက် စောင့်ရှောက်လိုက်ပါ” ဆိုတာနဲ့။ 

ရပ်ကွက်ထဲကလူတွေဆိုတာကလည်း ကြည့်နေကြတာ။ ဦးသော်ကတော့ အဖေကြီးသေရင် အမေ့ကိုယူမှာပဲလို့ အစကတည်းက သူတို့ ထင်မထားပါဘူးတဲ့လေ။ သိပ်မှန်တာပဲ။ အနီလည်း ရှိစုမဲ့စုအထုတ်လေးဆွဲပြီး ဦးသော်ကတို့ အိမ်ပေါ်ပြောင်းတက်တယ်။ အဲ  အဲ့ဒီမှာ အနီကြားဖူးခဲ့တဲ့စကားတစ်ခွန်း ပြန်ကြားရတော့တာပဲ။ အမေက ဦးသော်ကကို “ကျေးဇူးကြီးလှပါတယ် ဦးသော်ကရယ်” တဲ့။ အနီ့ကိုလည်း “ဦးသော်ကက ညည်းကျေးဇူးရှင်နော် အနီ၊ ညည်း မယားဝတ္တရားကျေပါစေ” တဲ့။ အနီကတော့ ခေါင်းသာညိတ်လိုက်ရတယ်။ ကျေးဇူးရှင်ဆိုတဲ့စကားကြီးအပေါ် ဘဝင်မကျသလို အမြင်လည်း မရှင်းဘူး။

ဦးသော်က သားတွေ သမီးတွေကလည်း အိမ်ထောင်ခွဲတွေမို့ သူတို့အဖေ တစ်ပင်လဲလို့ တစ်ပင်ထူတာကို ဘာမှ ဝင်မပြောကြပါဘူး။ ဦးသော်ကသမီး အငယ်မကသာ သူနဲ့ရွယ်တူလောက်ရှိတဲ့ အနီ့ကို မိန်းမအဖြစ်ယူရပါ့မလားလို့ ဦးသော်ကကိုစိတ်ကောက်ပြီး အနီတို့ ဘုန်းကြီးဆွမ်းကပ်တော့ မျက်နှာတောင် လာမပြဘူးလေ။

အနီက ဆိုင်စားပွဲထိုးကနေ ချက်ချင်း ဆိုင်ကြီးရှင်မ၊ အိမ့်ကြီးရှင်မ ဖြစ်သွားတော့တယ်။ အနီ ပျော်တယ်။ ဦးသော်ကက အနီ့ကို အလိုလိုက်တယ်။ ဟင်းဆိုလည်း နေ့တိုင်းဟင်းကောင်းတွေချည်း စားရတာပဲ။ အနီနဲ့ဆို ဦးသော်ကတို့ ပြုံးနေလိုက်တာ များ ရွှေသွားကြီးနှစ်ချောင်း တဝင်းဝင်းနဲ့ရယ်။

@@@@@@@@@@@@@@@

တစ်ခါတစ်လေ အမေ ငွေလိုလို့ အိမ်လာချေးတဲ့အခိုက်နဲ့ ဦးသော်က သားကြီး သမီးကြီးတွေ အိမ်ရောက်လာတဲ့ အချိန်နဲ့တိုးရင်များ အနီတို့သားအမိကို မျက်စောင်းချီလို့ မဆုံးနိူင်တော့ဘူး။ အနီတို့ကပဲ ငွေမက်လို့ သူတို့အဖေကို အပိုင်ချည်လိုက်သလိုလို။ အနီ့မှာဖြင့် သူတို့အဖေ အသက်ကြီးကြီးကို ကျေးဇူးရှင်အတော်ခံပြီး ယူလိုက်ရတာကိုများ။ 

သူတို့ကရော ဘာထူးသေးလို့လဲ။ သူတို့အိမ်ပြန်ရင် စားစရာသောက်စရာ ဆိုင်ကမုန့်တွေကအစ သယ်သွားလိုက်ကြတာ။ ပြီးတော့ အကြီးမဆိုလည်း အနီတို့မင်္ဂလာဆွမ်းကျွေးလာတုန်းက ဘာမှပါမလာလို့ဆိုပြီး ဦးသော်ကအရင်မိန်းမ ပစ္စည်းတွေထဲက ပတ္တမြားတစ်ဆင်စာ ထုတ်ဆင်လိုက်တာ ပွဲလည်းပြီးရော ရူးချင်ယောင်ဆောင်ပြီး ပြန်ပေးမသွားဘူးလေ။ အနီလည်း ဘာမှပြော မနေတော့ပါဘူး၊ သူ့အမေပစ္စည်း မဟုတ်လား။ လိုချင်လည်း ယူပါစေပေါ့။ 

လူတွေဟာ ခက်ကို ခက်တယ်။ အနီကဖြင့် ဘာမှ မမက်ပါဘူး။ ကောင်းကောင်းနေ  ကောင်းကောင်းစားရတဲ့အပြင် နေ့တိုင်း အမေ့အိမ်ကို ဆီပြန်ဟင်းတစ်ခွက်ရောက်နေနိူင်တာကိုပဲ ကြေနပ်လှပြီ။ မိုးတွင်းရောက်ပြီဆို အနီတို့အိမ်မှာတုန်းက အိမ်လုံးပြည့် ပုံးတွေ ခွက်တွေနဲ့ ရေခံထားရတယ်။ ခေါင် ပြန်မမိုးနိူင်တာမို့ မိုးမလုံတော့ အနီတို့မောင်နှမတွေ မိုးလုံရာထောင့်မှာ ကုပ်ကုပ်လေးတွေ စုထိုင်နေခဲ့ကြရတာ။ သိပ်ဒုက္ခရောက်တာပဲ။ ဦးသော်ကအိမ်မှာကျတော့ သွပ်မိုးပေါ် မိုးကျသံလေးတစ်ဗြောင်းဗြောင်းနဲ့ အနီ့မှာ ဇိမ်ကျပြီး ကွေးလို့ကောင်းမှ ကောင်း။ အနီ့အတွက် အဝတ်အစားဆိုလည်း ဦးသော်ကပဲ ကြုံရင် ကြုံသလို ဝယ်ဝယ်လာတတ်တယ်။ အနီကြည့်ချင်တဲ့ ဗီဒီယိုကားတွေဆိုလည်း ဦးသော်ကပဲ ညတိုင်း ငှားလာပေးတာ။ ဒီလောက်နဲ့ပဲ အနီ ပျော်လှပါပြီလေ။

@@@@@@@@@@@@@@@

ဦးသော်ကဟာ အင်မတန် ကျန်းမာရေးကောင်းတဲ့သူ။ ကိုယ်ပူ ခေါင်းကိုက်တောင် ဖြစ်ခဲလှတာ။ ဒီနေ့မနက်အစောကြီး ငါ့ရင်ဘတ်အောင့်တယ် အောင့်တယ် ဆေးရုံသွားချင်တယ်ဆိုတာနဲ့ ဆေးရုံပို့ဖို့ပြင်တုန်း အသက်တောင် ရှူမရတော့ဘူး ဖြစ်လာရော။ ဒါနဲ့ အိမ်နားက ဆရာဝန်ပဲ စောစောစီးစီး အိမ်တံခါးသွားခေါက်ပြီး ပင့်ခဲ့ရတော့တယ်။ ဆရာဝန်အိမ်ရောက်တော့ ဦးသော်က အသက်မရှူတော့ဘူး။ လိုအပ်တာတွေ စမ်းသပ်ကြည့်ပြီး ဆရာဝန်က ခေါင်းခါပြတယ်။ မရတော့ဘူးဗျာ တဲ့။ ဒါနဲ့ အနီလည်း ဦးသော်ကဆွေမျိုးတွေဆီ လှမ်းအကြောင်းကြားရတယ်။ အမေကတော့ ငိုနေပြီ။ အနီလည်း ဝမ်းနည်းလွန်းလို့ မျက်ရည်ကျမိပေမဲ့ အဖြစ်အပျက်တွေက မြန်လွန်းတော့ အခြေအနေကို ဘယ်လိုမှ လက်ခံလို့ မရသလိုဖြစ်နေတယ်။

ကြွေးရှင်တွေကလည်း ဦးသော်ကသေမှပဲ လာလိုက်ကြတာဆိုတာ။ ရင်ထဲကအပူတွေကို ဦးသော်ကက တစ်ယောက်ထဲ ကြိတ်ခံသွားခဲ့တာ တဲ့။ အနီ့ကိုလည်း မပြောဘူး။ ပြောပြလည်း အနီက ဘာလုပ်တတ်မှာမို့လဲနော်။ အိမ်ကြီးက ပေါင်ထားတာမို့ အတိုးရော အရင်းပါ မဆပ်နိူင်ရင် ဆင်းပေးရမတဲ့။ ဦးသော်က လောင်းကစားလုပ်တယ်ဆိုတာ အနီသိပေမဲ့ ပိုင်သမျှပစ္စည်းတွေ ချေး ငှား ပေါင်ထားရလောက်အောင် အရှုံးကြီး ရှုံးနေလိမ့်မယ်လို့ အနီ ဘယ်သိပါ့မလဲ။ ခုတော့ ဦးသော်ကပိုင်အိမ်ကြီးပေါ်က လက်ချည်းပဲ ဆင်းရမဲ့အဖြစ်။ အို  ဘာပဲဖြစ်ဖြစ် အနီက ဝမ်းမနည်းပါဘူး။ အရင်ကလည်း အနီ ဒီလိုပဲ နေလာတာပဲဟာ။ အမေ့အိမ်ပေါ် ပြန်တက်ရုံပေါ့။

@@@@@@@@@@@@@@@

အမေကတော့ ဝမ်းနည်းတာအပြင် ကြေကွဲနေသလားပဲ။ ငါ့သမီးလေး ငယ်ငယ်ရွယ်ရွယ် မုဆိုးမဖြစ်ရရှာတယ် တဲ့၊ ပြောမဆုံးဘူး။ ဦးသော်ကအကြွေးတွေ ထိုးဆပ်လိုက်ရတာမို့ အိမ်ပေါ်ကနေ လက်မဲ့ဆင်းရတဲ့အဖြစ်က အမေ့အတွက် ပိုဝမ်းနည်းစရာများ ကောင်းနေမလား နော်၊ အနီ တွေးကြည့်တာပါ။ 

အသုဘကားတွေလာတော့ ရပ်ကွက်ထဲကလူတွေ အသီးသီး ကားပေါ်တက်ကြ၊ ယပ်တောင် ဝေတဲ့သူက ဝေ၊ တရားစာအုပ်လေးတွေ၊ ရေဘူးတွေ ဝေတဲ့သူက ဝေနဲ့ လှုပ်လှုပ်ရှားရှားဖြစ်ကုန်ကြတယ်။ အနီနဲ့အမေလည်း ဦးသော်ကသားကြီးမောင်းမဲ့ကားပေါ် ပါသွားတယ်။ 

ကားလည်းစထွက်ရော ဦးသော်က သမီးတွေ၊ ဆွေမျိုးတွေမှာ ငိုလိုက်ကြတာ။ အမေက အနီ့ကို တံတောင်နဲ့ တွက်တယ်။ မျက်နှာအမူအယာနဲ့လည်း ပြတယ်။ “အနီ ညည်းလည်းငိုလေ”ဆိုတဲ့ သဘော။ အမေကတော့ “ကျေးဇူးရှင်ကြီးရဲ့ ကျွန်မ သမီးလေးကို တစ်ယောက်ထဲ ထားသွားပြီလား” တဲ့ ပြောပြောငိုငိုရယ်။ လာပြန်ပြီ ဒီကျေးဇူးရှင်….။ အမေ့နှယ်  ခက်ပါ့။ အနီတို့ အမေတို့ပိုင်တဲ့ အိမ်ကိုတောင် အိမ်တိုင်ချွတ်ပြီး ဦးသော်ကအကြွေးဆပ်မပေးလိုက်ရတာ ကံကောင်းလို့။

အနီလည်း မုသွင်းတာပဲ။ မျက်တောင်တွေကိုမခတ်ဘဲ လေထဲမှာ တန်းလန်းထား၊ မျက်လုံးတွေ စပ်လာရင်များ ငိုလို့ ရမလားပေါ့နော်။ မျက်ရည်ကလည်း ညှစ်ထုတ်မှ ထွက်မလိုပဲ ခက်လိုက်တာ။ တအီးအီးငိုနေတဲ့သူတွေကိုကြည့်ပြီး အနီက ရယ်ချင်နေတာ။ ခက်တာပဲ။

ကားက တစ်နေရာအရောက်မှာ ဆောင့်ကနဲရပ်သွားတော့ အနီ့လက်က ယောင်ရမ်းပြီး ရင်ဘတ်ဖိမိလိုက်တာ။ အဲဒီတော့မှ ဘော်လီအင်္ကျီ အတွင်းဘက်မှာ ချိတ်ကလေးနဲ့တွဲချိတ်ထားတဲ့ လက်ကိုင်ပုဝါအထုတ်ကလေးကို စမ်းမိရက်သားဖြစ်သွားတယ်။ သေချာအောင် လက်ကလေးနဲ့ အသာလေးဖိကိုင်ကြည့်လိုက်သေးတယ်။ ရှိသေးတယ်၊ လက်ကိုင်ပုဝါအထဲမှာ ဂွမ်းကလေးနဲ့ ထုတ်ထားတာ၊ ရှိနေတုန်းပဲ သေချာတယ်။ 

အနီကံကောင်းတာက ဦးသော်ကပါးစပ်ဟာ ခပ်ဟဟလေးဖြစ်နေပေမဲ့ သူ့ပါးစပ်ထဲ ရွှေသွားနှစ်ချောင်း မရှိတော့ဘဲ ဟောင်းလောင်းပေါက်ကြီးဖြစ်နေတာကို ဘယ်သူကမှ သတိထားမိဟန် မတူတာ။ အနီ ခပ်တွေတွေဖြစ်နေတုန်း အမေ့တံတောင်ဆစ်က အနီ့နံကြားထဲ နောက်တစ်ခေါက်အတွက်မှာ အနီလည်း ပါးစပ်ကထွက်မိထွက်ရာ ပြောငိုမိတော့တယ်။

“အီးဟီး  ကျေးဇူးရှင်ကြီးရဲ့ အနီ့ကို တစ်ယောက်ထဲ ထားသွားပြီလား ဟီး…”

မျက်ရည်တွေညှစ်ထုတ်ရင်းက အနီ့စိတ်ထဲ တွေးနေမိသေးတယ်။ ဦးသော်ကအိမ်ကြီးပေါ်ကနေ အနီ လက်မဲ့ဆင်းလာတာ မဟုတ်ဘူးဆိုတာ အပြန်ကျမှ အမေ့ကိုပြောပြရဦးမယ်လို့…..။



New Style-စတိုင်သစ် မဂ္ဂဇင်း - အောက်တိုဘာလ-၂၀၁၃