Tuesday, July 16, 2013

ပင်လယ်နှင့် ကျွန်မ


၁)

“မမြနဒီ ခင်ဗျား ကိုမောင်မောင်စိုးကို သိသလား”

“ဟုတ်ကဲ့ သိပါတယ်။ သူက… စိုးက ကျွန်မချစ်သူပါ”

“ဟုတ်ပြီ။ ဒါဆို ခု သူ ဆုံးသွားတာကိုရော ခင်ဗျား သိတယ်ပေါ့။ သူမရှိတော့ဘူးဆိုတာ ခင်ဗျားစိတ်က လက်ခံတယ်ပေါ့ နော်”

“ဟုတ်ကဲ့ ကျွန်မ သိပါတယ်။ လက်လည်း လက်ခံပါတယ်”

“ဒါဆို ခင်ဗျားတို့ ဘာဖြစ်ခဲ့တယ်ဆိုတာကိုရော မှတ်မိရဲ့လား၊ ကျွန်တော့်ကို နည်းနည်းလောက် ပြန်ပြောပြလို့ ရနိူင်မလား”

မေးနေကျ ဖြေနေကျမေးခွန်းများ ဖြစ်သော်လည်း မိန်းကလေးက အနည်းငယ်တွေဝေသွားကာ ခပ်လှမ်းလှမ်းမြေပြင်ကို အသိမဲ့လှမ်းကြည့်နေလေသည်။  သို့သော် သူမမျက်လုံးများထဲ ဘာကိုမှ တွေ့မည့်ပုံမပေါ်ပါ။

သူမမျက်နှာတစ်ခုလုံး မှုန်ကျသွားကာ နှုတ်ခမ်းများစေ့ပိတ်လျှက် အံကိုတင်းတင်းကြိတ်ထားပုံ နားထင်ကြောကြီးများ တင်းနေသည်ကို တွေ့ရသည်။ သူ မှားများ သွားပြီလား။ သူ့မေးခွန်းက သူမကို သိပ်များနှိပ်စက်ရာ ကျသွားပြီလား သူ တွေးနေစဉ်မှာပင် တုန်ခိုက်တိုးရှသော သူမအသံက ဖြည်းညှင်းစွာ ထွက်ပေါ်လာလေသည်။

“ကျွန်မတို့ ထွက်ပြေးကြတာပါ။ စိုးက ဆိုင်ကယ်မောင်းတယ်။ အဲ့ဒီနေ့က ကားတွေလည်း လမ်းပေါ်မှာ အများကြီးပဲ”

“အင်း ဟုတ်ပြီ။ ခင်ဗျားတို့က ဘာလို့ ထွက်ပြေးရတာလဲ”

“စိုးက ကျွန်မနဲ့ မခွဲနိူင်လို့။ ကျွန်မမိဘတွေက စိုးနဲ့ သဘောမတူလို့”

“သြော်  ဒါနဲ့ ကိုမောင်မောင်စိုးကို ခင်ဗျားမိဘတွေက ဘာလို့ သဘောမကျတာတဲ့လဲ”

“စိုးက ဆိုးတယ်။ ဘွဲ့လည်း မရဘူး။ ပြီးတော့ ဆေးလည်း စွဲနေတယ်”

ဆေးလည်း စွဲနေတယ်ဆိုသော အဆုံးမှာ သူမအသံက အဖျားလှုပ်ခတ် သွားသလိုလိုပင်။

“ဒါပေမဲ့ ကျွန်မက စိုးကို ချစ်တယ်”

“ကိုမောင်မောင်စိုး ဆေးစွဲနေတာ ခင်ဗျား သိရက်နဲ့၊  သူ ဆေးဖြတ်ဖို့ ခင်ဗျား တိုက်တွန်းခဲ့ဖူးသလား”

“ဟုတ်ကဲ့ တိုက်တွန်းခဲ့ဖူးတာပေါ့။ သူ ဆေးစွဲနေတယ်ဆိုတာ သိလိုက်ချိန်မှာ ကျွန်မက သူ့ကို ချစ်နေပြီ”

ပထမဆုံးအကြိမ် သူ သူမမျက်နှာကို သေချာကြည့်မိသည်။ သူမမျက်နှာ ကလေးက ကြေကွဲနွမ်းနယ် ရိပ်ကလေး သန်းနေလျှက်ကပင် သူမချစ်သော စိုးကို ချစ်ကြောင်းပြောနေရတာကိုပဲ ခံစားမက်မော စိတ်ကလေးရှိနေသလို ထင်ရ၏။

ပြောပြီး ရှက်သွားဟန်နှင့် ခေါင်းလေးငုံ့ချလိုက်ကာ နောက်တစ်ခွန်းဆက်ပြောဖို့ အားယူနေဟန်ပါပေ။

“စိုးက ဖြတ်မရဘူး တဲ့။ ဒါနဲ့ ကျွန်မက စိုးကို ရွဲ့ပြီး သူသောက်တဲ့ ဆေးတွေ လိုက်သောက်တယ်”

“ဒီတော့”

“ဒီတော့ ကျွန်မပါ ဆေးစွဲသွားတယ်”

“ဘာဆေးတွေများလဲဗျ ပြောပြပါဦး”

သူက သိလျှက်နှင့် တမင် မသိဟန်ဆောင်မေးလိုက်ခြင်းရယ်ပါ။ တကယ်က သူမကေစ့်ကို သူ စတင်ကိုင်တွယ် ကတည်းက သူမနှင့်ပတ်သက်သမျှ ကုန်စင်အောင် ဖတ်ထားခဲ့ပြီးဖြစ်ပါသည်။  သူမက သူမ သောက်ခဲ့ဖူးသော ဆေးပြားများကို နာမည်နှင့်တကွ မှတ်မိနေကာ ဘယ်ဆေးသောက်လျှင် ဘယ်လိုခံစားရကြောင်း၊ ခေါင်းတဆတ်ဆတ်ငြိမ့်တုန်နေချင်ကြောင်း၊ ဘယ်ဆေးကတော့ဖြင့် ခုန်ပေါက်နေချင်ကြောင်း၊ ဘယ်ဆေးကတော့ဖြင့် အိပ်ချည်းပဲ နေချင်ကြောင်း စသည်ဖြင့် ဆေးတန်ခိုးနှင့် ဈေးနှုန်းများကိုပါ သေချာစေ့ငှစွာ မှတ်မိပြောပြနေလေသည်။  

သူကပြုံးလျှက်နှင့် မေးခွန်းတစ်ခု ဆက်မေးသည်။

“ခုရော မမြနဒီ  ခင်ဗျား အဲဒီဆေးတွေ သောက်ချင်သေးလား”

“ဆေးရုံမှာတုန်းကတော့ ဆရာမတွေက အချိန်တန်ရင် ကျွန်မကို ဆေးရိုးလို အတံလေးတစ်ခု ငုံခိုင်းထားတာပဲ။ အဲဒါလေး ကိုက်ထားရင် ဆေးသောက်ချင်စိတ်ပျောက်နေတယ်။ ပြီးတော့ တစ်ခြားဆေးတွေလည်း တိုက်တယ်၊ ကျွန်မ ကျန်းမာအောင် တဲ့။ ခုတော့ မသောက်ချင်တော့ဘူး။ ဒါပေမဲ့ တခါတလေ အားလုံးကို မေ့နေချင်တဲ့အခါ ကျွန်မ ပြန်သောက်ချင်စိတ် ပေါက်ပေါက်လာတယ်။ ကျွန်မက ဖြစ်ပြီးခဲ့သမျှအားလုံးကို သတိမရချင်ဘူး။ မေ့ထားလိုက်ချင်တာ”    

သူမက စကားများများပြောပြီး မောသွားဟန်နှင့် ခဏနားခိုက် သူမမျက်နှာကို သူ အကဲခတ်ကြည့်နေလိုက်သည်။

ဆေးရုံက ဆင်းသွားကာစထက်တော့ အနည်းငယ် ပြည့်လာသယောင်ထင်ရသော်လည်း အမျိုးသမီး၏ မျက်နှာကျက ပါးလျသွယ်ကျမြဲပင်။ အသားအရည်တို့သည်လည်း သွေးရောင်ပြန်လည် သန်းလာသလိုနှင့် ဖြူဖျော့ရိပ်ထင်ဆဲ။ ခုဆို (၆) လပြည့်တော့မည်။ သည်အမျိုးသမီး ဆေးတွေရော ပုံမှန်သောက်ရဲ့လား သူ သိချင်လာသည်။

“မမြနဒီ ခင်ဗျား ဆေးတွေရော ပုံမှန်သောက်ဖြစ်ရဲ့လား”

လိမ်ညာလိုက်လိုဟန်စွက်သော်လည်း လူမိနေပြီဖြစ်သည်ကိုသိသော မျက်ဝန်းများနှင့် သူမက ခပ်လွန့်လွန့်လေး ပြုံးလိုက်ပြီး သူ့နောက်ကျောကိုကျော်ကာ ဆေးရုံထဲကို ကဲကြည့်လျှက် ဖြေလေသည်။        

“ဟင့်အင်း ကျွန်မ မှန်မှန်မသောက်ဘူး။ တစ်ချို့ဆေးတွေ လွှင့်ပစ်လိုက်တယ် ဟိဟိ၊ ဆရာမတွေကို ပြန်မပြောနဲ့နော်”

သူမက ကလေးဆိုးတစ်ယောက်လို ညစ်ကျယ်ကျယ်နှင့် ဟိကနဲပင် အသံထွက်ရယ်မောလိုက်လေတော့ သူ စိတ်ဓါတ် အကြီးအကျယ်ကျသွားရသည်။   

“ဟာ ဒီလိုတော့ ဘယ်ဖြစ်မလဲဗျာ၊  ခင်ဗျား နေမြန်မြန်ကောင်းလာမှ အလုပ်လေး ဘာလေး ဝင်၊ အပြင်လောကက လူတွေနဲ့ ပတ်ဝန်းကျင်မှာ ခါတိုင်းလို ပုံမှန်လည်ပတ်သွားလာ၊ ဒါမှ ကျွန်တော်လည်း စိတ်ချမ်းသာနိုင်မယ်လေ၊ ခင်ဗျားက ကျွန်တော့်လူနာ မဟုတ်လား။ ခင်ဗျားနေကောင်းလာဖို့ ပုံမှန်ပြန်ဖြစ်လာဖို့ ကျွန်တော့်မှာ တာဝန်ရှိနေတယ်လေ။ ခင်ဗျားအိမ်သားတွေကရော ခင်ဗျားကို ပုံမှန် ဆေးမတိုက်ကြဘူးလား”

သူ့အမေးအဆုံးမှာ သူမမျက်ဝန်းထဲမျက်ရည်ကြည်များ စိမ့်အိုင်စိုစွတ်လာရာ သူပင် ထိတ်ထိတ်ပျာပျာ ပူပန်သွားရသည်။ သေချာပါသည်။  သူမစိတ်တွေ ပုံမှန် မဖြစ်နိူင်သေးပါ။ ပြီးခဲ့တဲ့လက လမ်းကြုံခိုက် သူမအိမ်ဘက်ရောက်၍ အခြေအနေဝင်ကြည့်စဉ် သူမက ပန်းကန်တွေကို နံရံနှင့်ပေါက်ခွဲကာ ဒေါသတကြီးဖြစ်နေချိန်ဖြစ်သည်။ ကျန်အိမ်သားများကို ကြိမ်းမောင်းကာ နင်တို့ ငါ့ကို အစ်မကြီးတစ်ယောက်လို နည်းနည်းကလေးမှ အရိုအသေမရှိကြဘူးပေါ့ ဟုတ်လားဟု ပြောနေသံကို သူ နားနှင့်ဆတ်ဆတ်ကြားခဲ့ရသေးသည်ပဲ။     

ချစ်သူနောက်လိုက်ပြေးရာမှ ချစ်သူလည်းသေ၊ ကိုယ်တိုင်လည်း ဆေးများစွဲသောက်ထားသော ဒဏ်၊ မျက်စေ့ရှေ့မှာပင် ချစ်သူ ပိုးစိုးပက်စက် သေဆုံးသွားသည်ကို မြင်လိုက်ရသော အပူနှင့် ပုံမှန်စိတ်အခြေအနေမှာမရှိသော သူမကို သူမအောက် အငယ်များက အရိုအသေတန်ကြမည်မှာ လွန်စွာ သဘာဝကျပါသည်။ 

“ကျွန်မ အိမ်မှာ မနေချင်ဘူး”

မျက်ရည်များစီးကျကာ ပြောလာတော့ သူ့ရှေ့က တစ်ရှူးဘူးထဲက တစ်ရှူးတစ်ရွက်ထုတ်ကာ သူမကို ကမ်းပေးမိသည်။ သူမက လှမ်းယူကာ မျက်ရည်များကို ပွတ်သုတ်ရင်းက ရုတ်တရက် ပြုံးရယ်လာလေ၏။ 

“မှတ်မိလား၊ ကျွန်မ ပန်းကန်တွေ ပေါက်ခွဲပစ်နေတဲ့နေ့ကလေ၊  ကိုဧရာမိုးမြင့် ကျွန်မကို ဘိုးလင်းပစ်ဖို့ ခေါ်သွားခဲ့တာလေ။  ကျွန်မ ပျော်တယ် သိလား။ ကျွန်မတို့ အခု သွားကြရအောင်လား”

သူမ ထိုနေ့အား ပြန်လည်မှတ်မိသွားတာကို သူကြေနပ်ပါသည်။ သို့သော် ခု သူ့မှာ အချိန်မရှိပါ။ ဖြူနှင့် သူ ဒီညနေ ညစာစားဖို့ ချိန်းထားသည်လေ။

“ခင်ဗျား ပျော်တယ်ဆိုလို့ ကျွန်တော် ဝမ်းသာပါတယ်။ ဒါပေမဲ့ ကျွန်တော်က ဒီနေ့ မအားသေးဘူး။ နောက်တစ်ရက်ရက်ကျ မမြနဒီသွားချင်တဲ့နေရာကို လိုက်ပို့ပေးမယ် ဟုတ်ပြီလား”

“ဟုတ်”

သူမက ကတိရ၍ ကြေနပ်သွားသော ကလေးတစ်ယောက်လို ခေါင်းတညိတ်ညိတ် ရွှင်မြူးလျှက် ပါးစပ်ကလည်း တတွတ်တွတ် ဆက်ပြောနေသေးသည်။

“မုန်းတယ်  နင်တို့ကို မုန်းတယ်။  ဘိုးလင်းပစ်တဲ့ ၆ကေဂျီ ဘောလုံးနဲ့ နင်တို့မျက်နှာကို ကြေမွသွားအောင်ကို ဆော်ရဦးမယ်။ အဟင်းဟင်း ခဏလေးပဲ စောင့်”

သူမစကားအကြားမှာ သူ မနေနိူင်တော့ဘဲ ကလေးတစ်ယောက်လို ရန်လိုနေသူ သူမမျက်နှာကိုကြည့်ရင်း သူမနှင့်အတူ ရယ်မောမိတော့သည်။

သြော်….မမြနဒီရယ်…..

၂)

“နှင်း လာလေ၊ ဒီမှာ ကိုယ်က ဒီဘက်မှာ”

နှင်းက ခုမှ fitting room ထဲက ထွက်လာကာ လည်ပင်းလေးဘယ်ညာဆန့်လျှက် ကျွန်တော့်အား ရှာနေသည်ကို တွေ့ရ၍ လှမ်းပြောလိုက်ခြင်းပင်။

“ဘယ်လိုလဲ နှင်း အဆင်ပြေရဲ့လား”

“အင်း ၃ထည်ဝတ်ကြည့်တာ ဒီ ၁ထည်ပဲ အဆင်ပြေတယ် ကိုရာ၊  လာ ပိုက်ဆံသွားရှင်းကြရအောင်”

 “ဒီတစ်ထည်ပဲ ယူမှာနော် အစ်မ”

“ဟုတ်တယ် ညီမလေး”

“ဟုတ်ကဲ့ ၆သောင်းခွဲကျပါတယ် မမ”

ကောင်တာမှာ ပိုက်ဆံရှင်းတော့မှ  ငွေကိုင်အမျိုးသမီးလေးဟာ မြနဒီဖြစ်နေသည်။ မြနဒီက သူ့ကို ပြုံးပြတော့ နှင်းက သူတို့နှစ်ယောက်ကို ကြည့်နေတာမို့ သူကပင် စတင်မိတ်ဆက်ပေးလိုက် ရလေသည်။

“အော်…မမြနဒီ ဒါက ဒေါက်တာနှင်းဝေဝေတဲ့၊ အေးချမ်းသာ ပရိုက်ဗိတ်ဆေးရုံမှာ လုပ်နေတယ်။ နှင်း သူက မမြနဒီတဲ့ ကိုယ့်ပေးရှင့်ထဲက တစ်ယောက်ပေါ့ကွာ”

ကိုယ့်ပေးရှင့်ထဲက တစ်ယောက်….. ကိုယ့်ပေးရှင့်ထဲက တစ်ယောက်…..

သူမ စိတ်ထဲကနေ လိုက်ရေရွတ်မိတော့ သူမစိတ်နှလုံးတို့ ဆတ်ကနဲ နာကျင်သွားရသည်။ ပေးရှင့် ပေးရှင့်တဲ့လား ကိုဧရာမိုးမြင့်ရယ်…။ နှင်းဆိုသော အမျိုးသမီးက သူမတစ်ကိုယ်လုံးကို ထက်အောက်သိမ်းကျုံးကြည့်လိုက်တော့ သူမကိုယ်ကလေး ကျုံ့ဝင်သိမ်ငယ် သွားသည်ပင် ထင်မိသည်။

ငွေချေပြီးလို့ သူတို့ ထွက်သွားချိန် ငွေရှင်းကောင်တာမှာ တစ်ယောက်တည်းကျန်တော့မှ သူမမျက်ရည်တွေ ပါးပြင်ပေါ် ပေါက်ကနဲစီးကျလာကာ တသိမ့်သိမ့်ငိုရှိုက်လိုက်မိတော့သည်။ သူမဘဝမှာ ခုထိ သူမ တစ်ယောက်ထဲပါပဲလေ။ သူ… သူကတော့ ပင်လယ်ကတော့ သိနိူင်မယ် မထင်ဘူး။ ဟုတ်တယ်နော်၊ ရှင် ဘယ်လိုမှ မသိနိူင်ပါဘူး ပင်လယ်ရယ်…. အတွေးနှင့် လူတစ်ကိုယ်လုံး နုံးခွေကျကာ သူမ ဘယ်လိုမှ ရပ်တည်မရနိူင်တော့။ သို့သော် သူမနှင့် ဂျူတီချိန်းမည့် ကေသီလာတဲ့အထိတော့ သူမ တောင့်ခံထားရဦးမည်ပင်။

၃) 

လမင်းတစ်စင်းရဲ့ ညှို့ငင်ဆွဲအားကြောင့် အရိုင်းဆန်လှိုင်းထခဲ့ရတဲ့ ရှင့်ရင်ခွင်အတွက် အနီးအပါးက ပန်းပွင့်ကလေးတွေ ခရုခွံငယ်ကလေးတွေ အုန်းလက်ကြွေကလေးတွေ သောင်ပြင်စပ်က သဲမွမွကလေးတွေကို အညှိုးတကြီး တိုက်စား ရိုက်ခတ်နေတာတော့ ရှင်.....မတရားဘူး ပင်လယ်….

သူမရင်ထဲမှာ နာကျင်ရေရွတ်နေမိသည်။ သူမနှင့် သူ့အခြေအနေက လူနာနှင့် စိတ်ကုထုံးပေးသူ အဆင့်မှာတင် မဟုတ်တော့။ ချစ်သူတွေလို့လည်း ပြောလို့မရ။ ပုံမှန် တစ်ပတ်တစ်ခါ စကားပြောကုထုံးနှင့် ကုသပေးနေရာက ခုတော့ သူမတို့ စကားတွေ နေ့စဉ်ပြောနေဖြစ်ကြသည်။ 

တကယ်တော့ သူမ ကျန်းမာရေးအခြေအနေက ပုံမှန်ဖြစ်လာခဲ့ပါပြီ။ ပြောင်းလဲသွားသည်မှာ သူမနှလုံးသား။ အဲသည် သူမနှလုံးသားတွေကဖြင့် စိုးအပြင် နောက်ထပ်အချစ်သစ်မွေးဖွား ခဲ့ရပြီပဲ….။ ပင်လယ်ကြောင့်….ရှင့်ကြောင့်ပေါ့ ကိုမိုးမြင့်….၊ ကိုဧရာမိုးမြင့်ကို သူမက ပင်လယ်ဟု ချစ်စနိူးနာမည်ဝှက် ပေးထားခဲ့သည်ကို သူ မသိပါ။ တိုးတိတ်ရှက်ရွံ့စွာ တစ်ယောက်တည်း ပြောရင်းက သူ့မျက်နှာကို ဘေးတိုက်ကြည့်လိုက်မိတော့ သူက ပြန်လှည့်အကြည့်နှင့် မျက်ဝန်းချင်းအဆုံ၌ သူမရင်တို့ လှုပ်ကနဲ ခတ်သည်။

“မြ ကျွန်တော်နဲ့ အပြင်သွားလာနေရတာ ပျော်လားဗျ”

“ဟုတ်”

“ကျန်းမာရေးအခြေအနေရော ကောင်းတယ် ဟုတ်”

“ဟုတ်”

“ဒါနဲ့ ဒီနေ့ ဘာကားကြည့်ချင်လဲ”

“ဟုတ်”

“အာ နောက်ပြီကွာ  အတည် ပြော”

“အင်း ပြောမယ်၊ ကိုမိုးမြင့်ရွေးပေး”

“လုပ်ပြီ၊ အိုကေလေ ဒါဆို ခု ရုံတင်နေတဲ့ ကာတွန်းကား ကြည့်မလား၊ ရယ်ရတယ်လို့ ပြောတာပဲ”

“အင်း ကြည့်မယ်လေ”

သူနှင့်အတူ ရုပ်ရှင်ကြည့်ရင်း ချစ်စရာကာတွန်းလေးတွေထဲ တစ်ယောက်မျက်နှာ တစ်ယောက်ကြည့်ကာ ရယ်မောမိခဲ့ကြသည်။ သူက သူမလက်ဖဝါးကို သူ့လက်ထဲထည့်ကာ ဆုတ်ကိုင်လို့ထားခဲ့သည်။ သည်အထဲ ရုပ်ရှင်ပြနေဆဲမှာ မီးက ၂ခါတိတိ ပျက်သွားသေးတော့ သူမတို့နှစ်ယောက် အရယ်တွေက မဆုံးနိူင်ကြတော့။ ရုပ်ရှင်ပြီးတော့ သူက သူမကို ရှမ်းခေါက်ဆွဲကြိုက်လားဟု မေးကာ ကိုးသုံးလုံးမှာ ရှမ်းခေါက်ဆွဲ လိုက်ကျွေးခဲ့ပါသေးသည်။

အိမ်ပြန်ရောက်တော့ မိုးချုပ်နေပြီ။ အမေနှင့် မောင်နှမအငယ်တွေက သူမမျက်နှာကို အကဲခတ်ကြလျှက် ဘာမှတော့ မပြော။ အမေကတော့ စားပြီးပြီလား တစ်ချက်သာ မေးဖော်ရသည်။ သူမကတော့ သူမအခန်းထဲ တန်းဝင်လာကာ အဝတ်အစားပင် မလဲနိူင်သေးဘဲ ကုတင်ပေါ် ပက်လက်လှန်၊ ရင်ဘတ်ပေါ် လက်တင်ကာ ခုန်လှုပ်နေသေးဆဲ ရင်ကို အနိူင်နိူင်ထိန်းနေရသည်။ သူ ကိုမိုးမြင့်….၊ ကျွန်မချစ်တဲ့ ပင်လယ်ပေါ့….။ သူ ဒီနေ့ည ကျွန်မပါးကလေးတစ်ဘက်ကို ဖွဖွနမ်းရှိုက်ခဲ့သည်။ 

“ကျွန်တော် မြကို ချစ်တယ်”ဟု မပြောခဲ့သလို “မြ ကျွန်တော့်ကို ချစ်လားဟင်” ဟုလည်း မမေးခဲ့ပါ။ လိုရော လိုအပ်သလား၊ သူမတို့နှစ်ယောက်ကြားမှာ စကားလုံးတွေ မလိုအပ်ဟု သူမက ရိုးရိုးလေးပင် ယုံကြည်ပါသည်။ သူမ ဘာကိုမှ ဆက်မစဉ်းစားနိူင်ဘဲ ပင်လယ်၏ အတွေ့၌ ဆက်လက် စီးမျောနေမိတော့သည်။ သာယာစွာ....။

သို့သော် ခဏကလေးမှ ခဏကလေးရယ်။ သူမ အသိစိတ်တို့ လက်ရှိပြန်ရောက်ချိန်မှာ သူမပါးပြင်ပေါ်သို့ မျက်ရည်များ စီးကျနေပြီ ဖြစ်လေသည်။ သူမ သိပါသည်။ ကိုမိုးမြင့်၌ တူတူတန်တန် အချစ်များရှိနေသည်။ မိန်းကလေးများနှစ်သက်သဘောကျတတ်သော ရုပ်ရည်၊ ချိုသာသော အပြုံးနှင့် စွေးရီသော အကြည့်တို့ကြောင့် ချစ်သူလည်း များလှသည်။ သို့သော် သူ ချစ်သည်က တစ်ယောက်တည်းပေ။ အကြောင်းကြောင်းကြောင့် သူနှင့် လမ်းခွဲလိုက်ရသော သူ့အချစ်ဦးမိန်းကလေး….။

ခါတရံ တစ်ချို့နေရာလေးများရောက်လျှင် ကိုမိုးမြင့်မျက်ဝန်းအကြည့်တွေက ဆွေးရိပ်သမ်း သွားတတ်သည်လေ။ သွားနေကျ နေရာလေးတွေ…ဆုံနေကျနေရာလေးတွေ….စားနေကျ အစားအသောက်လေးတွေ စသည်ဖြင့် ရေရွတ်ကာ တစ်စုံတစ်ယောက်ကို တမ်းတသယောင် သူ့မျက်ဝန်းများက ပြောကြသည်။ ထိုအချိန်မျိုးမှာ သူမက ကိုမိုးမြင့်ဘေးမှာ မျက်နှာငယ်လေးနှင့် ကြောင်အအရှိနေရသည်။ အားပေးလိုက်ရမှာလား၊  စိတ်ကောက်ပစ်လိုက် ရမှာလား၊  သူမ ဘာလုပ်ရမည်မသိနိူင်ဘဲ ဝမ်းနည်းစိတ်တို့ ဆို့နင့်လာလျှက် ငိုယိုပေါက်ကွဲပစ်လိုက်ဖို့လည်းပဲ သူမ မရဲပါ။  သူမက ဘာမို့လို့လဲ….။ ကိုမိုးမြင့် လက်ရှိမိန်းကလေးလို့ ပြောရအောင်ပင် မဖြစ်နိူင်သော အခြေအနေနှင့် သူမက ကိုယ့်နေရာ ကိုယ်သိရမည်ပဲလေ။ မည်သို့ပင်ဖြေတွေးပါစေ၊ သူမစိတ်ထဲကတော့ ပန်းကန်စုံတွေ တစ်ချပ်ပြီး တစ်ချပ် နံရံထဲ ပစ်ပေါက်ခွဲနေခဲ့မိသော အချိန်များပေ။

သူ့အချစ်ဦးမိန်းကလေးကို ချစ်မက်စွဲလမ်းနေစိတ်နှင့် လက်ရှိမှာ တစ်ခြားမိန်းကလေးများအပေါ် တကယ်မချစ်ဘဲ အပျော်တွဲနေတာမျိုးကတော့ သူ နည်းနည်းကလေးမှ မလုပ်သင့်ပါ။ သို့သော် သူ….ပင်လယ်က စိတ်ထင်သလို ထင်တိုင်းစီးဆင်းလျှက် ပျော်သလို နေနေပုံရလေသည်။ သူ့အနီးအပါးက မိန်းကလေးတွေကို ချစ်သလိုလို မချစ်သလိုလိုနှင့် သူကဖြင့် ဘာမှ မခံစားရဘဲ မိန်းကလေးတွေမှာသာ ရင်ကွဲပက်လက်တွေ ဖြစ်ကျန်ခဲ့ရသည်ကတော့ ဆိုးလွန်းလှသည်ပဲ။

သူမကရော….။ သူမကတော့ ချစ်ရတဲ့ပင်လယ်အနီးမှာ နေခွင့်ရသလောက် အတူနေခွင့်ကိုပင် ရူးသွပ်စွာဆုတ်ကိုင်ထားမိရင်း လာမည့်နေ့များစွာကို အသေခံစောင့်ရမည်ပဲ။

တစ်နေ့နေ့ပေါ့။  တစ်နေ့နေ့မှာပေါ့ ပင်လယ်ရယ် ရှင် ကျွန်မကို ထားခဲ့ပါ။  ရှင့်လမ်းကြောင်းအတိုင်း ဆက်လက် စီးဆင်းပါ။ ကျွန်မ မတ်မတ်ရပ် ကျန်ခဲ့မှာပါ။ ကျွန်မ ရင်ဆိုင်နိူင်ဖို့ ပြင်ဆင်ထားမှာပါ။ ဒါပေမဲ့ ပင်လယ်ရယ်၊ ရင်တစ်ခုလုံးရင်နှီးပြီးချစ်ရတဲ့သူနဲ့ ခွဲခွာဖို့ဆိုတာ ဘယ်လောက်ပဲပြင်ဆင်ထား ပြင်ဆင်ထား၊ ဘယ်တော့မှ အဆင်သင့် ဖြစ်နိူင်မယ် မဟုတ်တာဘဲလေ….။

နှိပ်စက်လွန်းသောအတွေးများထဲ မျက်ရည်များသာ သူမ ပါးပြင်ပေါ် တစ်ပေါက်ပေါက် ကျလာနေခဲ့သည်။ သူမညာဘက်ပါးအပ်ရာ ခေါင်းအုံးလေးတစ်ခြမ်းလည်း စိုရွှဲလို့ နေခဲ့ပြီ။ မိုးလည်း လင်းလုပြီ။ သူမ မှေးကနဲ တစ်ချက် အိပ်ပျော်သွားစဉ် အိပ်မက်ထဲမှာ သူမချစ်သောပင်လယ်က သူမထံ အရှိန်အဟုန်နှင့် စီးဆင်းလို့ လာနေခဲ့သည်။ သူမ မရှောင်မိဘဲ တွေရပ်နေစဉ်မှာပင် ပင်လယ်က သူမအား ဖြတ်သန်းစီးဆင်းလို့ သူမနှင့် ဟိုးအဝေးကြီးကို ခရီးဆက်လို့ သွားခဲ့ပြီ….။

၎)

သူမလက်ထဲက ကြွေရောင်လွလွဖိတ်စာလေးကို လက်နှင့်ထိတို့ကြည့်မိနေရင်းက သူ့အတွက်၊ သူမချစ်သော ပင်လယ်အတွက် သူမ ပျော်အောင် ကြိုးစားနေခဲ့ပါသည်။ ခမ်းမထဲမှာ တစ်ချိန်လုံး တောင့်တောင့်ကလေး အသက်မဲ့ ထိုင်နေစဉ်ကပင် သူမ သေချာခဲ့ရသည်။ သူမဘဝမှာ နောက်ထပ်အချစ်ဆိုတာ ဘယ်လိုမှ မရှိနိူင်တော့။ သူမအချစ်တို့ ပင်လယ်နှင့်အတူ စီးဆင်းလို့ သွားခဲ့ပြီ။


ပင်လယ်ရယ်….။  ကျွန်မ ပြောပါရစေ။ ပင်လယ်နဲ့ မြစ်နဒီဟာ တကယ်တော့ တစ်သားတည်းရယ်။  ကျွန်မတို့ မဝေးကြပါဘူး၊ မဝေးကြပါဘူးလေ၊ 


သူမရဲ့လက်တွေ ရှင့်ခန္ဓာပေါ် ထိတွေ့တဲ့အခါ အဲဒါ ကျွန်မအတွေ့တွေလို့သာ မှတ်ပါ။


သူမရဲ့အနမ်းတွေ ရှင့်ပါးပေါ် ဖွဖွမွှေးကြူတဲ့အခါ အဲဒါ ကျွန်မအနမ်းတွေလို့သာ မှတ်ပါ။


သူမရဲ့ လက်ဖဝါးကလေးတွေ ရှင့်ဆံနွယ်လေးတွေထဲ ထိုးသွင်းကစားနေတဲ့အခါ အဲဒါ ကျွန်မလက်ဖဝါးတွေလို့သာ မှတ်ပါ။


ရှင်နှစ်သက်စွာ စားတတ်တဲ့ ဟင်းလျာတွေ သူမပြင်ဆင်ချက်ပြုတ်ပေးနေချိန်မှာ အဲဒါ ကျွန်မလက်ရာလို့သာ မှတ်ပါ။


အရာရာပါ ပင်လယ်၊ အဲဒီအတွက် ကျွန်မ ကြေနပ်မိမှာပါ။ ကျွန်မ ရှင့်အနားမှာ တစ်ချိန်လုံး ရှိနေမယ်ဆိုတာ ယုံကြည်ပေးပါ။


သူမအတွေးတွေကို ဖာသာသဘောကျစွာ နှစ်နှစ်ခြိုက်ခြိုက် ပြုံးလိုက်ရင်း နောက်ဆုံးကျန်နေတဲ့ ပန်းကန်တစ်ချပ်ကို နံရံဆီ အားယူကာ ပစ်ပေါက်ခွဲချလိုက်လေတော့သည်။


                                                                                                                           



Tuesday, July 9, 2013

မောင်နဲ့အတူ ကျွန်မကို….(အပိုင်း-၃-ဇာတ်သိမ်း)

(စ)

အချိန်တွေဟာ သူ့အလုပ် သူလုပ်နေကြတယ်ဆိုပေမဲ့ ဒီတစ်ကြိမ်တော့ဖြင့် ပိုမြန်လွန်းနေသလိုပါပဲ။ မနက်ဖြန်ဆို ကျွန်မ ပြန်ရတော့မယ်။ ခန့်နဲ့ အဝေးကြီးမှာ နေရဦးတော့မယ်။ ဘယ်တော့များမှ ပြန်တွေ့နိူင် ကြမယ်မသိတဲ့ တစ်ယောက်တစ်နေရာစီမှာ နေကြရဦးတော့မယ် ခန့်ရယ်။ ကျွန်မ မပြန်ချင်သေးဘူး၊ မပြန်ချင်သေးပါဘူး ခန့်ရယ်။ 

ကျွန်မကို ခန့်နဲ့အတူ ဟိုးအဝေးကြီးကို ခေါ်သွားပါလားဟင်။ ခန့်ရယ်…ကျွန်မ မပြန်ချင်ဘူး။ ခန့်နဲ့ မခွဲနိူင်ဘူး သိလား။ 

 “မချိုသွေး မပြန်ခင်ည ကျွန်တော့်အခန်းကိုလာလည်ဖို့ ဖိတ်ပါရစေဗျာ၊ ကျွန်တော် ညစာ ချက်ကျွေးမှာပေါ့၊ အီတလီခေါက်ဆွဲ စားမလားဟင်” တဲ့….

ဟန်မဆောင်နိူင်လောက်အောင် ကျွန်မခေါင်းကို အလောတကြီးညိတ်မိတော့ ခန့်က ကျွန်မခေါင်းကို အုပ်ကိုင်ပြီး “မချိုသွေးဟာလေ တစ်ခါတစ်လေ ကလေးလိုပဲ” တဲ့….။ ဟုတ်လား၊ ကျွန်မ မသိပါဘူး ခန့်ရာ….၊ ခန့်ရှေ့ရောက်ရင် ကျွန်မက အလိုလိုကျိုးနွံနေတော့တာပါ။ အလိုလိုက်ခံရတဲ့ ကလေးတစ်ယောက်လို ခုန်ပေါက်ပျော်ရွှင်လိုက်ချင်စိတ်တွေနဲ့ ကျွန်မက ခန့် ဘာပြောပြော ပြုံးလို့သာနေ မိတော့တယ်။ 

ခန့်အခန်းကလေးက သိပ်မကျယ်လှပေမဲ့ သေသေသပ်သပ် ချစ်စရာလေးရယ်။ ဆေးအဖြူရောင် သုတ်ထားတာမို့ လင်းချင်းလို့။ “ဒါ ခန့် စာတွေရေးရေးနေတဲ့စားပွဲပေါ့ ဟုတ်လား” ဆိုတော့ ခန့်က ပြုံးရင်း “ဒါပေါ့ ကျွန်တော် မချိုသွေးနဲ့ စကားပြောတိုင်း ဒီခုံလေးမှာ ထိုင်၊ ဒီကွန်ပြူတာလေးနဲ့ ဒီစားပွဲလေးပေါ်မှာ စာတွေရိုက်နေခဲ့တာ၊ တစ်ယောက်ထဲပေါ့ဗျာ”  တဲ့။ 

“ဝိုင်အနီလောက်တော့ သောက်ပါတယ်နော် မချိုသွေး” ဆိုပြီး ဝိုင်တွေစီရီတင်ထားတဲ့ သစ်သားစင်ကလေးပေါ်က ဝိုင်အနီတစ်လုံး ယူလိုက်ရင်း “ဒီကောင်က Merlot-မဲယ်လို့ထ် ပြင်သစ်ဝိုင်၊ ၂၀၀၇ကကောင်” လို့ ကျွန်မကို လှမ်းပြောတယ်။ နောက်တော့ ခန့်က ခေါက်ဆွဲဖတ်ပြုတ်ဖို့ဆိုပြီး မီးဖိုလေးထဲ ဝင်သွားရော။ 

ကျွန်မကိုတော့ “ပျင်းရင် ကွန်ပြူတာကြည့်နေလေ” ဆိုပြီး မီးဖိုထဲ ဝင်မလာဖို့ တစ်ချက်လွှတ် အမိန့်ဆိုပြီး ပြောတာမို့ ကျွန်မမှာ ကွန်ပြူတာရှေ့ထိုင်ရင်း ဟိုဟိုဒီဒီ ကြည့်နေမိတယ်။ ကြည့်ရင်းက ပဲ အောက်ခြေဘားပေါ်မှာ “Thwe says” ဆိုပြီး ပေါ်လာတာမို့ ခန့် သူ့ဂျီတော့ခ်ကို ဆိုင်းအောက် လုပ်မထားဘူးလို့ သိလိုက်တယ်။ ဘာရယ် မဟုတ်ဘူး၊ ချက်တင်ဝင်းဒိုးလေးဖွင့်ရင်း “ခန့်ရေ ဒီမှာ သွယ်တဲ့ ခန့်သူငယ်ချင်း တက်လာတယ်” လို့ လှမ်းခေါ်လိုက်မိတယ်။ ခန့် မကြားဘူးထင်ပါရဲ့၊  

ခန့်ထွက်မလာတာနဲ့ဘဲ ချက်တင်းဝင်းဒိုးမှာ ပေါ်နေတဲ့ “ခန့်စည် ဘာတွေလုပ်” ဆိုတဲ့ စာသားကို “အရှုပ်တွေ လုပ်” လို့ ခန့်ပြောနေကျပုံစံအတိုင်း ပြန်ရိုက်လိုက်မိတယ်။ နောက်မှ အော် သွယ်က ပြန်ခေါ် တာကိုး၊ အပေါ်မှာ ခန့်ခေါ်ထားတဲ့ ပြောလက်စတွေ ရှိနေတာ။ သိချင်စိတ်တွေကို တားမရတာနဲ့ ခန့် ဘာတွေရေးထားပါလိမ့်ဆိုတာကို ကျွန်မ ဖတ်ကြည့်လိုက်မိပါရဲ့။ တစ်ပါးသူ ပါစင်နယ်ဆိုတာကို သိပေမဲ့ ကျွန်မနဲ့ ခန့်က ခု သူစိမ်းတွေမှ မဟုတ်တာပဲလေ ဆိုတဲ့ ပိုင်နိူင်စိတ်တွေနဲ့ ဖတ်မိတယ်ဆိုပါတော့။

5:45 PM Min: သွယ် အလုပ်ထဲမှာပဲလား၊ ကျွန်တော် သတိရနေပါတယ်ဗျာ
5:45 PM Min: နကောင်းအောင် နေဦး၊ ဂရုစိုက်နော်
5:48 PM Min: ကျွန်တော်တို့ တွေ့ကြဦးမယ်လေ
6:45 PM Thwe: ခန့်စည် ဘာတွေလုပ်
6:46 PM Min: အရှူပ်တွေ လုပ် :)

ဖတ်နေရင်းကပဲ သွယ့်ဆီက နောက်တစ်ကြောင်း ထပ်တက်လာတာက….

6:47 PM Thwe: သွယ့်ပါးပေါ်က အနမ်းတွေက ခန့်စည်ကို သတိရနေတယ် တဲ့ သိလား ခိခိ :P

ဘုရားရေ…။ ကျွန်မမျက်လုံးတွေ ပြာဝေသွားတော့တယ်။ သွယ်ဆိုတာ….သွယ်ဆိုတာက…ခန့်နဲ့ ဘယ်လို အဆင့်ထိ ပတ်သက်နေတဲ့ အမျိုးသမီးပါလိမ့်။ ခန့်ကွန်ပြူတာ စကရင်နောက်ခံမှာ အမျိုးသမီးတစ်ချို့ရဲ့ ပုံလေးတွေ၊ ပုံလေးတွေကို အသေအချာစုစည်းပြီး အယ်လဘမ်လေးတစ်ခုလို လုပ်ထားတာမို့ ခန့်ရဲ့collection တစ်ခုလို့တော့ သိလိုက်တယ်။ တစ်ယောက်ချင်းစီ သေချာသဲကွဲ မမြင်ရပေမဲ့ မြင်ရအောင်လည်း ကျွန်မ မကြိုးစားချင်တော့ဘူး။ ခန့်ကိုယ်တိုင် နောက်ပြောင်ပြောဆိုခဲ့ဖူးတဲ့ “ကျွန်တော်က Professionally bad guy နော် မချိုသွေး” ဆိုတဲ့ စကားဟာ ခုချိန်မှာ မျက်ရည်တွေ ပါးပြင်ပေါ်လိမ့်ဆင်းကျလာအောင် ကျွန်မရင်ကို လေးနက်ထိရှစေတော့တယ်။ နာကျင်ထိခိုက်လွန်းရတယ် ခန့်ရယ်…။

ကျွန်မ ကွန်ပြူတာကနေ မျက်နှာကိုခွာလိုက်တော့တယ်။ နံရံတစ်ဘက်ကပ်ခင်းထားတဲ့ ခန့်ကုတင်ပေါ် တင်ပါးလွဲခြေချထိုင်လိုက်ရင်း ကုတင်ဘေးက ခန့်ဂစ်တာကို ကောက်ကိုင် ကြိုးညှိလိုက်မိတယ်။ 

♭♩ ချစ်ခွင့်မရှိတဲ့ နှလုံးသားမှာ အားငယ် မပြောဖြစ်ခဲ့တဲ့ စကားလေးတွေ မြိုသိပ်ရင်းနဲ့
အသည်းလေးကွဲမှ အရမ်းချစ်တာ ပိုနားလည် အမြဲတမ်းရင်မှာ စွဲလမ်းနေတယ် ကိုယ်ရူးမယ်
နေ့နေ့ ညည မင်းလေးကို လွမ်းတယ် အစားထိုးပြီးလည်း နောက်တစ်ယောက်ကို မချစ်နိုင်တယ်
အားနည်းချက်နဲ့ တို့ဘဝကို ကြည်ဖြူမလားကွယ် ကိုယ်မပြောင်းလဲတမ်းချစ်တာ မင်း နားမလည်
တစ်ခါတစ်လေတော့လည်း အဝေးဆုံးကို ထွက်ပြေးသွားချင်ပေမဲ့လည်း ကိုယ့်ရဲ့စိတ်တွေ အမြဲတမ်း မင်းဆီမှာပဲ ထာဝစဉ်မမေ့ဘူး ရင်ထဲမှာ အမြဲတမ်း စွဲလမ်းချစ်နေအုံးမယ် ရင်ခုန်ရင်း တမ်းတရင်း ကြေကွဲ
ကိုယ်ဟာ မင်းလေးအတွက်တော့ အရုပ်ကလေး တစ်ရုပ်ပါပဲ 
  

သီချင်းသံကြောင့် ထင်ပါရဲ့၊ ခန့်က မီးဖိုထဲကနေ ခေါင်းပြူကြည့်ရင်း ညာဘက်လက်မ လှမ်းထောင်ပြတယ်။ ကျွန်မခေါင်းကို ငုံ့ချလိုက်မိတယ်။ ဆံပင်ရှည်တွေ ဝဲကနဲဟာ ကျွန်မမျက်ရည်တွေကို ခန့်မမြင်အောင် ကွယ်ပေးထားနိုင်မှာ….။ မျက်တောင်တွေကို ပုတ်ခတ်လိုက်ရင်း မျက်ရည်တွေကို ကျွန်မ ထိန်းလိုက်တယ်။ 

ခန့်က ခေါက်ဆွဲထည့်ထားတဲ့ ဇလုံအကြီးကြီးတစ်လုံးကို စားပွဲပေါ်လာချရင်း “အိုကေ မချိုသွေး ဗိုက်ဆာနေပြီလား၊ ကျွန်တော်တို့ စလို့ရပြီနော်” တဲ့။ 

ဝိုင်ခွက်နှစ်ခွက်ထဲကို ဝိုင်အနီတွေ ဖြည့်နေရင်းက ခန့် ကျွန်မကို ပြုံးပြတယ်။ ကျွန်မလည်း ပြန်ပြုံးပြ လိုက်မိတယ်ထင်ပါရဲ့။ ခန့်နှုတ်ခမ်းပါးလေးတွေက ပန်းရောင်….၊ ကျွန်မ ထိကြည့်လိုက်ချင်စိတ်တွေကို မနည်းထိန်းထားရတယ်။

“မချိုသွေး ရှပ်အင်္ကျီအပေါ်ကြယ်သီးတစ်လုံး ဖြုတ်လိုက်ပါလားဟင်၊ လွတ်လွတ်လပ်လပ်နေပါဗျာ အိုက်နေမှာပေါ့၊ အပေါ်ကြယ်သီးတစ်လုံး ဖြုတ်လိုက်နော်”

“ဟုတ်ကဲ့ ခန့်”

ရှပ်အင်္ကျီကို ကြယ်သီးအစေ့တပ်ဝတ်တာ ကျွန်တော်တော့ မနေတတ်ဘူးဗျ၊ လည်ပင်းအစ်သလို ခံစားရလို့၊ ကဲ လာဗျာ Cheers နော်၊ ကျွန်တော်တို့ နောက်ထပ်တစ်ခါ ထပ်ဆုံတွေ့ကြဖို့ တို့စ်လုပ်ကြတာပေါ့ဗျာ” 

ခန့်ဝိုင်ခွက်နဲ့ နှုတ်ခမ်းချင်းတိုက်ပြီး မော့သောက်လိုက်တဲ့ ဝိုင်အနီဟာ ကျွန်မလည်ချောင်းတစ်လျှောက် ပူကနဲ ဆင်းသွားတယ်။ 

♭♩  အိပ်စက်သွားတဲ့ ငါ့နှလုံးသား မင်းနဲ့တွေ့မှ နိူးလာတယ် ကွဲအက်သွားတဲ့ အသည်းဒဏ်ရာ မင်းရဲ့လက်နဲ့ ပျောက်ကုန်ပြီ ဟောင်းနွမ်းခဲ့တဲ့ အိပ်မက်များ အေးစက်မည်းမှောင် ငါ့ညများ အိပ်မက်သစ်တွေ မွေးဖွားလို့ ရင်ကိုနွေးထွေးသွား အကြင်နာညများ လင်းလက်သွား   

အချစ်စွမ်းအားတဲ့၊ အဲ့ဒီတစ်ပုဒ်ထဲကိုပဲ အထပ်ထပ်ကျော့ပြီး  ခပ်တိုးတိုးလေးဖွင့်ထားတဲ့ သီချင်းသံက အခန်းလေးထဲ ဝဲလွင့်လို့ရယ်။ 

ဝိုင်ခွက်နှုတ်ခမ်းပေါ်ကနေ ကျွန်မမျက်နှာကို ကျော်ကြည့်နေတဲ့ ခန့်မျက်ဝန်းမှေးစင်းတွေ ကို မြင်လိုက်ရတဲ့အခါ…. 

ခန့်လည်တိုင်တစ်လျှောက် ကျွန်မလက်ညှိုးလေးနဲ့ ထိတို့ကြည့်နေမိတဲ့ ကျွန်မလက်တွေ….

အဲဒီကျွန်မလက်တွေကို ခန့်က အုပ်မိုးကိုင်လိုက်တဲ့အခါ…. 

ခန့်က ကျွန်မရှေ့မှာ ထိုင်နေရာကနေ ကျွန်မဘေးနားကို သူ့ထိုင်ခုံဆွဲယူလာပြီး ပူးကပ်ထိုင်လိုက်တဲ့အခါ….

ခန့်နှုတ်ခမ်းတွေဟာ နွေးဆဲပဲ….၊ ခန့်ဆီက after shave ထင်ပါရဲ့၊ အနံ့တစ်မျိုး သင်းသင်းလေး ပျံ့လို့၊ ယောကျာ်းဆန်လွန်းလိုက်တာ။ ကျွန်မ ရုတ်တရက် ခန့်ညာဘက်နားရွက်လေးကို လက်နဲ့ ထိကြည့်လိုက်မိတယ်။ ခန့်နားရွက်ဖျားလေးတွေက ရဲလို့ရယ်…။ ခန့်က ကျွန်မမျက်လုံးတွေထဲအထိ သူ့အကြည့်တွေကို လွှတ်ကြည့်နေတဲ့အခါ ကျွန်မမှာ…အယောင်ယောင်အမှားမှားနဲ့ မူးရီတုန်ခိုက်လို့၊ အသိစိတ်တွေထဲ ဘာကိုမှ ကပ်မရနိူင်တော့။ 
 
တစ်လုံး….၊ နှစ်လုံး…၊ သုံးလုံး…၊ သုံးလုံး မြောက်မှာ…။ ကျွန်မ ရှပ်အင်္ကျီကြယ်သီးတွေကို ဖြုတ်နေတဲ့ ခန့်လက်တွေအပေါ် ကျွန်မလက်တွေက အုပ်ကိုင် လိုက်မိရင်း…. 

“ခန့် ကျွန်မတို့ တော်ကြပါစို့နော်၊ ဒီအထိပဲ ရပ်လိုက်ကြပါစို့”
ခန့်မျက်နှာ ရဲကနဲဖြစ်သွားရင်း ကျွန်မရှပ်အင်္ကျီပေါ်က သူ့လက်တွေကို ရပ်တန့်ပစ်လိုက်တယ်။
“ခန့်က ကျွန်မကို ချစ်လို့လား ဟင်”

မျက်ဝန်းအကြည့်တွေကို အောက်ချထားရင်း ကျွန်မ မေးမိတာ.....
သိမ်ငယ်စိတ်တွေနဲ့ မျှော်လင့်တကြီး မေးမိတာ....

တိတ်ဆိတ်နေတဲ့ အခန်းထဲမှာ ကျွန်မအသံတစ်သံထဲ…. 
ကျွန်မတစ်ကိုယ်လုံး သေးငယ် လွင့်ပျောက် သွားသလို ခံစားခဲ့ရတာ…။ 

နာ ကျင် လိုက် တာ….

ခန့်က နှုတ်ထွက်စကား တစ်ခွန်းမှမပြောဘဲ ကျွန်မလက်မောင်းနှစ်ဘက်ကနေကိုင်ပြီး ကျွန်မကို ကုတင်ပေါ် လှဲချလိုက်တယ်။ ပြီးတော့ ကျွန်မကို တင်းကြပ်နေအောင် ပွေ့ဖက်ထားတော့တယ်။ ကျွန်မနဲ့ ခန့်ဟာ တစ်သားတည်း….။ 

“ခန့်  ခန့်ရယ် ကျွန်မ ခန့်ကို ချစ်တယ် သိပ်ချစ်တာပဲ သိလား”

အို….ကျွန်မ ထိန်းမထားချင်တော့ဘူး၊ ကျွန်မနှုတ်က အလိုလိုဖွင့်ပြောလိုက်မိပြီ။ ခန့်ရယ်….ကြာလှပြီနော်၊ ကျွန်မ ခန့်ကို ချစ်တာ။ ခန့်ကဖြင့် ရက်စက်နိုင်တယ်…။ ကျွန်မ မျက်ဝန်းတွေကို မှိတ်ချထားလိုက်မိတယ်။
ကျွန်မပါးပေါ်က မျက်ရည်တွေဟာ ခန့်ပါးပေါ်မှာ….ကူးလူးစွတ်စိုလို့။ ခန့်က မျက်ရည်တွေကို သုတ်ပေးရင်း “ခဏလေးနေနော် မချိုသွေး၊ ငြိမ်ငြိမ်လေးနေ၊ ကျွန်တော်တို့ ဒီအတိုင်းလေးပဲ ခဏလောက် ဆက်နေကြရအောင်” တဲ့…

ခန့်ထွက်သက်နွေးနွေးတွေဟာ ကျွန်မညာဘက်ပါးပြင်ပေါ်မှာ စည်းချက်ကျကျ ထိတွေ့လို့၊ ခဏနေမှ…
“ထတော့နော် မချိုသွေး”

ခန့်က ကြယ်သီးသုံးလုံးကို ပြန်တပ်ပေးပြီး ကျွန်မကို ဆွဲထူထစေခဲ့တယ်။ ကျွန်မ ရှပ်အင်္ကျီကို လည်း သေချာပြန်ဆွဲဆန့်ပေးသေးရဲ့၊ ပြီးတော့ ကျွန်မတစ်ကိုယ်လုံးကို သူ့ရင်ခွင်ထဲ ဆွဲသွင်းပွေ့ဖက်လို့ ကျွန်မဆံနွယ်တွေကို မွှေးရှိုက်နေပြန်တယ်။ 

“ကဲ  ပြန်တော့နော်၊ ကျွန်တော် မချိုသွေးကို ဟိုတယ်ပြန်လိုက်ပို့ပေးမယ်”

သူ့ရင်ခွင်ထဲကနေ ကျွန်မကို ဆတ်ကနဲခွာထုတ်ရင်းက တီရှပ်တစ်ထည်ကို ကောက်စွပ်နေတဲ့ ခန့်ကို ငေးကြည့်ရင်း ကျွန်မရင်ထဲ ဟာကနဲဖြစ်သွားတယ်။ ရှင်သိရဲ့လား ခန့်ရယ်။ ကျွန်မ နေချင်သေးတာ၊ မပြန်ချင်သေးဘူး။ ကျွန်မက…၊ ကျွန်မက ရှင့်အနားမှာ အချိန်ရသလောက် နေချင်သေးတဲ့ မိန်းမပါ ခန့်ရယ်….။ ကျွန်မက ခန့်ကို သိပ်တွယ်တာမိတဲ့ မိန်းမရယ်လေ….

 “ခဏလေး ခန့်”

ကျွန်မ ကင်မရာကို ထရိုင်ပေါ့မှာ တပ်လိုက်ပြီး ကျွန်မနဲ့ ခန့် နှစ်ယောက်တွဲပုံတွေ တစ်ပုံပြီး တစ်ပုံ ရိုက်ယူနေမိတယ်။ 

ခန့်ရယ်….
နောက်ထပ် လေး-ငါးကွက်ရိုက်အပြီးမှာ ထရိုင်ပေါ့ကို ကျွန်မ ခေါက်သိမ်းလိုက်တယ်။ ခန့်က ကျွန်မကို ထွေးပွေ့လို့  ခုတင်ဘေးမှာရှိတဲ့ ကိုယ်လုံးပေါ်မှန်ကြီးရှေ့နားသွားရပ်ရင်း မှန်ထဲမှာ မြင်နေရတဲ့ ခန့်နဲ့ကျွန်မရဲ့ပုံရိပ်လေးကို ငေးကြည့်နေလေရဲ့။ ပြီးတော့ ကျွန်မလက်ထဲက ကင်မရာကိုဆွဲယူရင်း မှန်ထဲက ကျွန်မတို့နှစ်ယောက်ပုံရိပ်ကို တစ်ဖျတ်ဖျတ် ရိုက်ယူလေတော့တယ်။ ခန့်ရယ်….၊ ကျွန်မတော့လေ ရှင်နဲ့ ပတ်သက်သမျှအရာရာကို ဘယ်လိုနှလုံးသားနဲ့များ မေ့နိူင်ပါတော့မလဲရှင်။

“တော်ပြီနော် မချိုသွေး လာ သွားကြစို့” 

“ဟင့်အင်း ခဏလေး ခဏလေးပါ ခန့်ရယ်”

ခန့်အခန်းပြတင်းပေါက်ကနေကြည့်ရင် လမင်းကြီးကို လှမ်းမြင်နေရတယ်။ လပြည့်ညမို့ ထင်ပါရဲ့၊ ဝိုင်းစက်ရွှန်းအိနေတဲ့လမင်းကြီးဟာ ခန့်နဲ့ကျွန်မအပေါ် သူ့ရောင်စဉ်တွေ ဖြာဝေလွှမ်းခြုံလို့ထားခဲ့တယ်။ 

ပြတင်းပေါက်ကိုမျက်နှာမူရင်း လမင်းကြီးကိုငေးကြည့်နေတဲ့ ခန့်ကို နောက်ကျောကနေသိုင်းဖက်လို့ ဆံပင်တိုလေးတွေတုံးတိနဲ့ ခန့်ဂုတ်ပြင်လေးကို နောက်ဆုံး ဖိကပ်မွှေးလိုက်မိတယ်။ ခန့်က သူ့ခါးပေါ်က ကျွန်မလက်တွေကို ပြန်ဆုတ်ကိုင်ရင်း “ကိုယ်တို့နှစ်ယောက် လမင်းကြီးကို အတူတူ ငေးကြည့်နေဖူးသွား ကြပြီ၊ ဘယ်တော့မှ မမေ့ပါနဲ့နော် မချိုသွေး” တဲ့။ ကျွန်မ ခေါင်းညိတ်ပြလိုက်မိတယ်။

ခန့်လက်ကိုဆုတ်ကိုင်ရင်း ခန့်အခန်းထဲက ကျွန်မတို့ထွက်လာချိန် အပြင်မှာ လမင်းကြီးက သာတုန်း သာဆဲ….။

(ဆ)

ကျွန်မကို အွန်လိုင်းချက်အင်လုပ်ပေးထားတာမို့ အစောကြီး လေဆိပ်ဆင်းစရာမလိုဘဲ တစ်နာရီခွဲလောက် အလိုမှ လေဆိပ်ဆင်းခဲ့ကြတယ်။ ခန့်မျက်နှာက တည်လို့။ ပြုံးတာတောင် အသက်မပါသလို၊ အဝေး ကို ငေးလို့…ရီဝေလို့….

“သတိရနေနော် မချိုသွေး၊ ကျွန်တော့်ကို မမေ့ပါနဲ့နော်” 

ခန့်က “ကျွန်တော်တို့ ကော်ဖီတစ်ခွက် နှစ်ယောက်အတူ သောက်ကြရအောင်နော်” တဲ့။ ကော်ဖီသောက်ကြရင်း ခန့် ဖုန်းထဲက အချစ်စွမ်းအားသီချင်းကို နားကြပ်တစ်ယောက် တစ်ဘက်စီ တပ်ပြီး အတူနားထောင်မိတဲ့အခါ ကျွန်မ မျက်ရည်ကျမိပြန်တယ်။ ခန့်ကတော့ နီရဲလာတဲ့ သူ့မျက်ဝန်းတွေကို အဝေးဆီ လှမ်းပို့ထားလေရဲ့။ ကော်ဖီဆိုင်ကအထွက်မှာ အနားကဖြတ်သွားတဲ့ လူတစ်ယောက် အကူအညီနဲ့ ခန့်နဲ့ကျွန်မ ဓါတ်ပုံအတူရိုက်ကြသေးတယ်။ 

“ဓါတ်ပုံတွေ ပို့ပေးဦးနော် မချိုသွေး”

“ဟုတ်ကဲ့ပါ ခန့်”

ခေါင်းတစ်ချက်ညိတ်ပြရင်းက ကျွန်မ အရဲစွန့်လိုက်တယ်။ ကျွန်မ ရင်ထဲမှာ ရှင်းလင်းချင်တယ်။ ကျွန်မနေရာက ဘယ်မှာ၊ ခန့်နှလုံးသားက ဘယ်မှာဆိုတာတော့ ကျွန်မ သိခွင့်ရှိမယ် ထင်ပါရဲ့။

“ကျွန်မ မေးချင်တယ် ခန့်ရယ်၊ ခန့်မှာ တစ်ခြားသံယောဇဉ်တွေ ရှိနေတယ်ဆိုတာ ကျွန်မ သိပါတယ်။ တစ်ခုပဲ ခန့်သံယောဇဉ်က သူတို့အားလုံးအပေါ်မှာထက် ကျွန်မအပေါ်မှာ ပိုလား ဟင်”

ဟိုးအဝေးဆီ မျက်ဝန်းအကြည့်တွေပို့ထားတဲ့ ခန့်နှုတ်ခမ်းတွေက တင်းတင်းစေ့ပိတ်လို့၊ သိပ်ခက်နေသလားဟင် ကျွန်မမေးခွန်းက၊ နည်းနည်းလေးဖြစ်ဖြစ် ညာချင်လည်း ညာလိုက်ပါတော့လား ခန့်ရယ်။ ကျွန်မ စိတ်ချမ်းသာမှုအတွက်လေ….။ 

ခန့်ဟာ လိပ်ပြာကလေးလို လွတ်လပ်စွာ ဟိုဒီပျံဝဲချင်နေတဲ့၊ သတ်သတ်မှတ်မှတ် ဆက်ဆံရေးမျိုး မရှိချင်တဲ့၊ နည်းနည်းကလေးမှ အချည်အနှောင်မခံချင်တဲ့၊ မိန်းကလေးတွေတိုင်းကို အချိုတွေချကျွေး၊ အကြင်နာတွေ မျှဝေနေတဲ့ ယောကျာ်းတစ်ယောက်လားကွယ်…. 

ဘာပဲဖြစ်ဖြစ် ကျွန်မနဲ့အတူ ကျွန်မအနားရှိနေပေးခဲ့တဲ့ အချိန်တွေအတွက် ကျွန်မ ရှင့်ကို ကျေးဇူး တင်ပါတယ် ခန့်၊ ပြီးတော့လေ ညာပြီးတော့တောင် ကျွန်မစိတ်ကို နှစ်သိမ့်မှုမပေးခဲ့တဲ့အတွက်ရော ကျွန်မက ခန့်ကို ကျေးဇူးတင်ရဦးမလားဟင်…

ကျွန်မ အထဲဝင်ရတော့မယ်။ အဲဒီအထိ ကျွန်မနဲ့ခန့် တွဲလက်တွေ ဖြုတ်မပစ်နိူင်ကြသေးဘူး။ ခန့်လက်တွေက ကျွန်မလက်တွေကို ပိုပိုပြီး တင်းတင်းဆုတ်ကိုင်ခဲ့လို့။ ခန့်ရယ် ဘယ်လိုလဲ ကျွန်မ ဘယ်လိုနားလည်လိုက်ရမှာလဲရှင်။ အထဲရောက်တော့လည်း မှန်ချပ်တွေကတစ်ဆင့် တစ်ယောက်နဲ့ တစ်ယောက် ငေးကြည့်နေမိကြတုန်း။ မခွဲနိူင်ဘူး…. မခွဲနိူင်ပါဘူး ခန့်ရယ်၊ မြင်တွေ့နေနိူင်သေး သရွေ့ တွေ့ချင်နေကြသေးတာ။ 

ဒါပေမဲ့ ခန့်ရယ်….ကျွန်မက ရှင့်အတွက် ဘာလဲ၊ ရှင့်နှလုံးသားရဲ့ ဘယ်နေရာမှာ ကျွန်မက ရှိနေသလဲဟင်၊ ရှင့်ရင်ထဲမှာ ကျွန်မအတွက် နေရာကို မရှိခဲ့တာလား….။ ဒါမှမဟုတ် အွန်လိုင်းမှာဝေမျှနေတဲ့ ခန့်ရဲ့အချစ်တွေထဲ ကျွန်မက တစ်ယောက်အပါအဝင်မျှသာ…။ အဲသလောက်ပဲတဲ့လား…..

ကျွန်မဘက်က ရင်ခွင်တစ်ခုလုံး၊ ကျွန်မရဲ့ စိတ်နဲ့ခန္ဓာတစ်ခုလုံး အိတ်သွန်ဖာမှောက် ဖွင့်ချပြခဲ့ရသမျှ ရှင့်ဘက်က ကျွန်မအပေါ် ဖွင့်ချမပြချင်တဲ့သူ…။ နည်းနည်းကလေးမှ ကျွန်မခံစားချက်တွေကို စာနာမပေးခဲ့တဲ့သူ….။ လိုချင်တာကိုသာ ရယူခဲ့ပြီး ရှင့်ဘက်ကတော့ နည်းနည်းကလေးမှ ပြန်မပေးချင်ခဲ့တဲ့သူ…။ 

နောက်ဆုံးတော့ ကျွန်မတို့လက်တွေ ဖြေလွှတ်ချခဲ့လိုက်ရတာပဲ မဟုတ်လား….

လေယာဉ်ပြေးလမ်းပေါ်မှာ အရှိန်ယူလို့ လေယာဉ်စထွက်ပြီဆိုတာနဲ့ ခန့်ကျန်ရစ်နေခဲ့တဲ့မြို့ ကလေးကို ပြတင်းပေါက်ကတစ်ဆင့် ဓါတ်ပုံတွေ တဖျတ်ဖျတ်ရိုက်ယူနေမိတယ်။ တစ်ပုံ၊ နှစ်ပုံ….အို အများကြီးပါပဲ။ နောက်တော့ ကျွန်မနဲ့ခန့် အတူရိုက်ခဲ့ကြတဲ့ပုံတွေကို ပြန်ကြည့်နေမိတယ်။ လွမ်းလိုက်တာ… လွမ်းလိုက်တာခန့်ရယ်၊ ကျွန်မ ကြိုးစားပြီးပြုံးနေမိပါတယ်။ 

ကျွန်မပါးပေါ်မှာ မျက်ရည်စတွေနဲ့…။ ကျွန်မ မသုတ်ပါရစေနဲ့တော့ ခန့်ရယ်။ ကျပါစေတော့လေ….။ ခုချိန်ဆို လေယာဉ်ထွက်မှဖတ်နော်ဆိုပြီး ကျွန်မရေးပေးခဲ့တဲ့ကဗျာကို ခန့် ဖတ်နေရော့မယ်။

ဖြေကြည့်ပါ မောင်

အရိုးထဲမှာ စိမ့်ဝင်နေခဲ့တယ်
အသားစတွေထဲမှာ စူးနစ်နေခဲ့တယ်
ရင်ဘတ်ထဲက အလုံပိတ်အခန်းတစ်ခုထဲမှာ
အယုအယတွေ...
အသံတွေ အကြားတွေ…
အနမ်းအရှိုက်တွေ...
အပွေ့အဖက်တွေ....
အနွေးအထွေးတွေ...
"တစ်ဘက်သတ် လွမ်းဆွတ်ခြင်း" လို့ နာမည်ပေးထားတဲ့ အခန်း
အဲဒီ့အခန်းအထဲမှာ....သေလောက်တယ်….

ကျွန်မစိတ်အစုံက လှမ်းအော်လိုက်တယ်
"ထွက်သွားလိုက်ပါတော့...."

"မထားခဲ့ပါနဲ့ ကျွန်မကို... မောင်ရယ်..."
နောက်စိတ်နဲ့ ခန္ဓာက ငြင်းဆန်တယ်  ခါးခါးသည်းသည်း...

မျက်ရည်တွေကို ဒီအန်န်အေစစ်ကြည့်တဲ့အခါ
မျက်ရည်တွေဟာ ဖြောင့်စင်းရိုးသားခဲ့ကြောင်း စစ်ချက်အဖြေထွက်တယ်
မျက်ရည်တွေမှာ ပဉ္စလက်တွေ  မာယာတွေ  ဘာတစ်ခုမှ မပါတာကို တွေ့ရတယ်
အပြာရောင်သန်းနေတာလေး တစ်ခုပဲ

မောင်...ကျွန်မကို အချိုတွေချကျွေးပြီး ညာနေမဲ့အစား
သူစိမ်းဆန်တဲ့ မျက်ဝန်းအစုံနဲ့  ရက်ရက်စက်စက် ကြည့်ပစ်လိုက်တာကမှ
ပို ဖြေသာမယ် ထင်ပါရဲ့ မောင်

စကားမစပ်...
မောင့်နှလုံးသားတွေကို DNA စစ်ကြည့်ရဲရဲ့လား
စစ်ချက်အဖြေကိုရော  ကျွန်မကို  အသိပေးရဲပါ့မလား...
ဖြေ  ပါ  မောင်.....
ချိုသွေးနှောင်

ခန့် ဘယ်လိုဖြေမလဲ၊ ခန့်ဆီမှာ ကျွန်မအတွက် အဖြေရောရှိနေရဲ့လားဆိုတာတွေကို ကျွန်မ မသိချင်တော့ပါဘူးလေ။

 လေယာဉ်မယ်ကလေးကို ကျွန်မ ဘာမှ မစားချင်ကြောင်း၊ အိပ်ပဲ အိပ်ချင်တာမို့ နှိုးပြီး မကျွေးဖို့အကြောင်းပြောပြီး မျက်စေ့စုံမှိတ်လို့ လိုက်ပါလာခဲ့တော့တယ်။ မျက်ရည်တွေ ကုန်ခမ်းခြောက်သွေ့ သွားတော့မှ လေယာဉ်မယ်ကလေးကိုခေါ်ပြီး ရေတစ်ခွက်တောင်းတယ်။ ရေခွက်ထဲက ရေကို တစ်ငုံ ငုံလိုက်တယ်။ ရေကျန်တွေရှိနေသေးတဲ့ ရေခွက်ကို ကျွန်မရှေ့က စားပွဲလေးပေါ် တင်လိုက်တယ်။ ကင်မရာအိတ်ထဲက ကင်မရာကို ထုတ်တယ်။ 

အမှတ်တရတွေ၊ အနမ်းနွေးထွေးတွေ၊ လွမ်းဆွတ်မှုတွေ၊ နာကျင်မှုတွေ၊ ရှုံးနိမ့်သိမ်ငယ်မှုတွေ၊ မျက်ရည်တွေ၊ တွဲလက်တွေ၊ သတိတရတွေနဲ့ ဒင်းကျန်းပြည့်နှက်နေတဲ့ ကင်မရာမှတ်ဉာဏ်ကို ထုတ်ယူလိုက်တယ်။ အဲဒီထဲမှာ ခန့်နဲ့ကျွန်မ ရှိတယ်။ ပြီးမှ Kingston SD-8Gလို့ ရေးထားတဲ့ အမဲရောင်မှတ်ဉာဏ်ပြားလေးကို ကျွန်မရှေ့ကရေခွက်ထဲ ဖြည်းဖြည်းသာသာလေး လွှတ်ချလိုက်တော့ တယ်။ 

အဲဒီရေခွက်ထဲမှာ ကျွန်မအသက်၊ ကျွန်မနှလုံးသား၊ ကျွန်မမျက်ရည်၊ ကျွန်မဘဝ၊ ကျွန်မရဲ့ စိတ်နဲ့ခန္ဓာ၊ ကျွန်မရဲ့ အရာရာ…..

သေ ဆုံး သွား ခဲ့ ပြီ…...