Monday, April 29, 2013

ပါးစပ်ပေါက်များနှင့် ဝင်တိုက်မိခြင်း




                     အဖြူရောင်= သန့်ရှင်းစင်ကြယ်ခြင်း အပြစ်ကင်းခြင်း
            အပြာရောင်= ငြိမ်းချမ်းအေးမြခြင်း  တည်ငြိမ်ခြင်း
             အနီရောင်= ရဲရင့်တောက်ပခြင်း  ဖျတ်လတ်တက်ကြွခြင်း
                 အနက်ရောင်= ကောက်ကျစ်ခြင်း လေးနက်ခြင်း
                             ---------------ရောင်= -----------------ခြင်း
                         ---------------ရောင်= -----------------ခြင်း
                           ---------------ရောင်= -----------------ခြင်း
                                   ---------------ရောင်= -----------------ခြင်း

    အရောင်တွေက ဘာမှ ပြန်-မ-ပြော-ရှာ-ပါ-ဘူး 
              လူတွေကိုက  အားနေကြတာပါ

Monday, April 22, 2013

မောင့်အချစ်ဆိုတာ ကျွန်မ ဘယ်တော့မှ နားမလည်နိူင်မဲ့ ဘာသာဗေဒ



ကျွန်မဆံနွယ်များ လွင့်မျောလှုပ်ခတ်သည်ထိ ဟူးဟူးရားရားလွင့်မျောတိုက်ခတ်နေသော လေ၊ ဟိုသည်ဘက်ကမ်းသို့ လွန်းထိုးနေသော လှေ သဗ္ဗာန်များစွာ၊ စင်ရော်ငှက်ကလေးများ၊  ပြီးတော့ ရေထဲကိုထိုးထွက်နေသော အုတ်လျှောက်လမ်းကလေးရှိသော ကုတို့ဆိပ်လေးတစ်ခု။ ထိုနေရာကလေးကို ကျွန်မ လွမ်းပါသည်။ ထိုနေရာကလေးမှာ မောင်နှင့်ကျွန်မ အတူထိုင်ခဲ့ကြဖူးသည်။ မောင်က ကျွန်မကိုယ်လုံးကလေးကို သူ့ခန္ဓာကိုယ်ကြီးတစ်ခုလုံးနှင့် မညှာမတာပစ်မီကာ သူ့အိမ်နှင့် (သူ့မေမေနှင့်) ဖုန်းပြော၍နေခဲ့သည်။ မောင် သူ့မေမေကိုပြောနေတာက အလုပ်တွေကြားမှ ခဏထွက်ပြေးကာ ဆိပ်ကမ်းမှာ သူတစ်ယောက်တည်း စိတ်ပြေလက်ပျောက်ထိုင်နေသည်၊ အိမ်အပြန် နည်းနည်းနောက်ကျမည် တဲ့။ ထိုအခါ မောင်မီထားသောကြောင့် လေးလံကာ ညောင်းနေသည့်တိုင် ကျွန်မမှာ လေသံကလေးမျှ မဟရဲတော့ပါ။ မောင့်အနားမှာ မိန်းကလေးတစ်ယောက်ရှိနေကြောင်း တစ်ဘက်မှ မောင့်မေမေကြားသွားမှာ စိုးပါသည်။

ဖုန်းပြောပြီးတော့ မောင်က မချိုမချဉ်မျက်နှာပေးနှင့် ကျွန်မကိုယ်ကို တွန်းထိုးကာ ပျော်လားဟု မေးတော့ ကျွန်မက ချက်ချင်းပြန်မဖြေဘဲ “မောင့်ကိုယ်ကြီး ကြည့်ကိုမီထားလိုက်တာ နည်းနည်းလောက်တော့ လျှော့ပါဦး”ဆိုတော့မှ သတိဝင်လာပုံနှင့် သူ့ကိုယ်ကို မတ်မတ်ပြင်ထိုင်ခဲ့၏။ မောင်ဟာ လူလည်ကလေးပါ။ “ကြည့်အနားမှာနေရတာ ပျော်လိုက်တာကွာ”ဟု ဘယ်တော့မှ ဝန်မခံ၊ ကျွန်မကိုသာ သူ့အနားနေရတာ ပျော်လားဟု မေးတတ်သူ။

“ကျွန်တော့်ကို သတိရနေလားဟင်”

“ဟင့်အင်း မရပါဘူး”

“အဲဒါဆိုလည်း ပြန်ကြစို့၊ ကျွန်တော်က ကြည် သတိရနေမယ်ထင်လို့ လာတွေ့တာ”

တကယ်ဆို “ကြည့်ကို ကျွန်တော် သတိရလိုက်တာ”လို့ မပြောသင့်ဘူးလား၊ မောင်မသိနိူင်စွာ တိတ်တဆိတ်မျှော်လင့်မိသည်တို့၌ ကျွန်မ ဝမ်းနည်းစွာ အရှက်ရခဲ့တာ အခါခါ။

“ပြန်သေးပါဘူး၊ မောင်ပဲ အိမ်အပြန်နောက်ကျမယ်ဆို အမေ့ကိုပြောနေတာ ကြားသားပဲ၊ ပြန်ချင်ဘူး မောင်နဲ့အတူ ဒီမှာ ထိုင်ချင်သေးတယ်”

“ကြည့်စမ်း နားထောင်နေတယ်ပေါ့လေ”

“နားမထောင်လည်း ကြားနေရတာပဲဟာ”

မောင်က ကျွန်မနှာခေါင်းထိပ်ကို ဆွဲညှစ်ရင်း သူများအမေကိုများ အမေတဲ့ဟု ညစ်ကျယ်ကျယ် ဆိုခဲ့သေးသည်။ အိမ်အပြန်နောက်ကျမယ်ပြောခဲ့ပြီးသည့်တိုင် ထိုညက မောင် အိမ်ပြန်စောပါသည်။ မောင့်တူမလေးတွေက အပြင်မှာ ညစာသွားစားဖို့ မောင့်ကို စောင့်နေကြ သည်၊ စောစောပြန်လာခဲ့ဟု ဖုန်းဆက်လာသောကြောင့် ထိုညနေက မောင်နှင့်ကျွန်မ ညစာအတူသွားစားကြမည့် အစီအစဉ်ကိုဖျက်ကာ မောင် အိမ်ပြန်သွားခဲ့ရတာ ကျွန်မ မှတ်မိပါသည်။ ကျွန်မစိတ်က မောင့်ကို ငြင်းလိုက်စေချင်ခဲ့သည်၊ မောင့်တူမလေးတွေနှင့် နောက်တစ်ရက်ရက်မှာ ထပ်စီစဉ်လို့ ရနိူင်သည်လေ။ သို့သော် ကျွန်မ နှုတ်ဆိတ်နေခဲ့ပါသည်။ မောင်ကြိုက်သလို လုပ်ပါစေလေ၊ ကျွန်မကသာ မောင့်အနားမှာ နေရချိန်တွေကို တခုတ်တရရှိနေခဲ့ပေမဲ့ မောင်ကတော့ မောင့် အလုပ်၊  မောင့်မိသားစုတွေကသာ မောင့်အတွက် ရှေ့တန်းတင်စရာ။ မောင်နှင့်ပတ်သက်လျှင် ကျွန်မက ဦးစားပေးနေရာမှာ ဘယ်တော့မှမရှိခဲ့တာ အဲသည်တုန်းကတည်းက သိခဲ့ဖို့ကောင်းသည်။ သို့သော် ခွဲကြခါနီးတိုင်း ဆံနွယ်စတွေနှင့်ကျွန်မနဖူးကို ရောနှောကာ ဖိကပ်နမ်းမွှေးတတ်သော မောင့်နှုတ်ခမ်းက အနမ်းတစ်ရှိုက်နှင့်ပဲ အရာရာကို ကျွန်မ နှစ်သိမ့်လိုက်နိူင်ခဲ့ပါသည်။

@@@@@@@@@

တကယ်တော့ မောင့်ဘဝထဲကို ခေါ်ယူသိမ်းရစ်ရန် မောင်ကိုယ်တိုင် လိုလိုလားလားလက်တွန့်ခဲ့ရသူဟာ ကျွန်မပါ မောင်…. 

သတိရလိုက်တာ မောင်ရယ်လို့ ကျွန်မနှုတ်ဖျားက ဆွေးမြေ့ရေရွတ်နေချိန်မှာ မောင်က တီဗီရှေ့မှာ ဘောလုံးပွဲတစ်ပွဲကို စိတ်ပါလက်ပါ ကြည့်ရှူ့နေချိန် ဖြစ်နိူင်ကောင်းသည်။ ဒါမှမဟုတ် ရေမိုးချိုးသန့်စင်ပြီး အိမ်နေစွပ်ကျယ်ချိုင်းပြတ်ကလေး ဝတ်လို့ မောင်နှစ်သက်ရာ ဆောင်းပါးတစ်ပုဒ်ပုဒ် အေးအေးလူလူဖတ်နေချိန်လည်း ဖြစ်မည်။ ဒါမှမဟုတ် မောင် သိပ်ကြိုက်တဲ့ ဆီချက်တစ်ပွဲကို ကလေးတစ်ယောက်လို အားပါးတရထိုင်စားနေချိန်လည်း ဖြစ်နိူင်ပါသည်။ မောင်နဲ့ကျွန်မအကြား အချစ်တွေက ညီမျှခြင်းချဖို့ မဆိုထားနဲ့၊ ဘေးချင်းယှဉ်ချလို့မှ မမျှခဲ့တာပါ။

“ကြည် နင့်မောင်က သိပ်တင်စီးတာပဲ၊ နင်ကချည်း ဖုန်းဆက်ဆက်နေရတာ၊ သူ စဆက်တယ်ကို မရှိဘူး”

“မမနီရယ်  သူက အလုပ်တွေများတာကိုး”

“နင်ကရော အားနေလို့လား ကြည် ဟင်”                                                       

ကျွန်မ မဖြေတတ်၊ မဖြေနိူင်တော့ပါ။ အစ်မကြီးတစ်ယောက်လိုလည်း ဖြစ်၊ လုပ်ဖော်ကိုင်ဘက် လည်းဖြစ်သော မမနီကို မချိတရိလေးသာပြုံးပြမိသည်။ မမနီက ကျွန်မကို ချစ်ခင်သူပီပီ ကျွန်မဘက်မှ နာလေ၏။ မမနီ သိသည်၊ မမနီတစ်ယောက်ထဲ မဟုတ်ပါ၊ ကျွန်မတို့ တစ်ရုံးလုံးလည်း သိကြပါသည်။ ကျွန်မ မောင့်ကို ဘယ်လောက်ချစ်သည်ဆိုတာ။ ခဏနေရင် ကျွန်မ မောင့်ဆီ ဖုန်းဆက်ကာ မောင့်ကို အိပ်ရာမှ နှိုးရဦးမည်။

“မောင် နိူးပြီလား၊  ညက အိပ်ပျော်ရဲ့လား ဟင်”

“အင်း ထတော့နော်၊ ကြည် အလုပ် လုပ်လိုက်ဦးမယ်၊ နေ့လည် ထမင်းစားချိန်တစ်ခေါက် ပြန်ဆက်မယ် နော် မောင၊် မနက်စာ စားဦးနော်၊  ဂရုစိုက် ဒါပဲနော်”

မောင့်အသံကြားရစဉ် ကြည်နူးစိတ်နှင့်မွေ့လျှက် တစ်ဘက်စားပွဲမှ မမနီမျက်စောင်းကိုမူ မတွေ့ဟန်ဆောင်ရသည်။ မောင်က ကျွန်မ ဖုန်းဆက်နှိုးမှ အိပ်ရာကထချင်သည်ဆိုတာမို့ပါ၊ ပြီးတော့ မောင်က ကလေးလိုပင်၊ နိူးနေပါလျှက်နှင့် ကျွန်မဆီက ဖုန်းသံမကြားမချင်း အိပ်ရာထဲက မထလိုသူဖြစ်လေတော့ ကျွန်မမှာ မနက်တိုင်း မောင့်ဆီ ဖုန်းမဆက်ဘဲမနေနိူင်။ မောင်နှင့် မနက်ခင်းဖုန်းပြောပြီးမှ တစ်နေ့တာအတွက် ကျွန်မ လုပ်စရာရှိတာတွေ ဆက်လုပ်ဖို့ ခွန်အားပြည့်သွားသည် ထင်မိ၏။ မောင်လည်း ထိုနည်းတူဖြစ်မည်။ မောင်က ကိုယ်ပိုင်အလုပ်မို့ အလုပ်စချိန်နောက်ကျကာ ပြန်ချိန်လည်းနောက်ကျတတ်မြဲမို့ ရုံးအဆင်းညနေတွေမှာ မောင်နှင့်တွေ့ကြဖို့ ချိန်းတိုင်း အမြဲစောင့်ရတတ်သူက ကျွန်မရယ်သာ။ မောင်က လာတော့လည်း နောက်ကျ၊ ညစာအတူ စားကြပြီးတာနှင့်လည်း အိမ်ပြန်ချင်သူ၊ ထိုအခါ မောင်နှင့်တွေ့ရဖို့ စောင့်ချိန်ကြာလျှက် တွေ့ကြ ရပြန်တော့လည်း ခဏကလေးမို့ မချင့်မရဲဖြစ်ကျန်ခဲ့ရသူမှာ ကျွန်မပဲ ဖြစ်လေသည်။

“ကြည် နင်ဟာလေ ဝဋ် အတော်ကြီးတဲ့သူပဲ၊ နေမြဲမောင်ဆိုတဲ့ကောင် ကိုတော့လေ အေးအေး သက်သာနေတတ်လွန်းလို့ နေမြဲမောင်ကနေ သက်သာမောင်လို့တောင် ငါက နာမည်ပြောင်း ကင်ပွန်းတပ်လိုက်ချင်သေးတယ် သိလား”

မမနီအပြောမှာ ကျွန်မ မရယ်ဘဲ မနေနိူင်။ သူမို့ ပြောပဲ ပြောတတ်သည်။ မောင့်ကိုသာ ပြန်ပြောပြရင် ဒီအပျိုကြီး ယောကျာ်းမရသေးလို့ ဒီလိုပြောတာဟု ဆိုဦးမည်ပင်။

@@@@@@@@@

မောင် အလုပ်ကိစ္စနှင့် နယ်ကပြန်ရောက်ပြီးပြီးချင်း ဗိုလ်ချုပ်ဈေးမှာတွေ့ကြဖို့ ချိန်းဆိုတော့ မောင်အဲသည်လို စတင်မချိန်းဆိုတတ်တာမို့ ကျွန်မမှာ တအံ့တသြ။ မောင်က ဂါဝန်အရှည်လေးတစ်ထည် ဝယ်ပေးကာ “နောက် ၂လလောက်ကျရင် ကျွန်တော့်မိတ်ဆွေ မင်္ဂလာဆောင်ရှိတယ်၊ အဲဒီပွဲမှာ ဝတ်ခဲ့ဖို့”ဟု ခပ်ပြတ်ပြတ်ပင် အရေးဆိုသလို ပြောလေသည်။

“ဟင် ကြည် လိုက်ရမှာလားဟင်၊ မောင်နဲ့အတူ ကြည်လိုက်ရမှာပေါ့ ဟုတ်လား”

“ဘာလဲ ပျော်သွားလား”

ကြည့် မောင်လုပ်ပြန်ပြီ၊ “ဒါပေါ့ ကြည့်ကို ကျွန်တော်နဲ့အတူ လိုက်စေချင်လို့ပေါ့” လို့ ပြောလိုက်ဖို့ ကောင်းသည်ပဲ။ ကျွန်မ ရှက်ရွံ့စွာ၊ သို့သော် ပျော်ရွှင်စိတ်ကို မဖုံးဖိနိူင်စွာ ဂါဝန်လေးကိုကြည့်မိတော့ ဆိုက်ဒ်က စမောဖြစ်နေတာမို့ မောင် အဝယ်မှားပြီထင်ကာ မီဒီယမ်နှင့်ပြန် လဲပေးဖို့ ဆိုမိသည်။

“ကျွန်တော် သိပါတယ်၊ စမောဆိုက်ဒ် တမင်ရွေးဝယ်တာ၊ ၂လလိုသေးတာပဲ၊ ဒီအင်္ကျီနဲ့ တော်အောင် ဝိတ်လေးနည်းနည်းချလိုက်”

“ဟင် ဒီအင်္ကျီလေးနဲ့တော်အောင် လုပ်ရမယ် ကြည်က”

မောင်က ခေါင်းညိတ်ပြလေသည်။ မောင်ရယ် ကျွန်မမှာတော့ မောင့်ကို အရှိအတိုင်းချစ်ခဲ့ရသူပါ။ ကျွန်မရင်ထဲ လှိုက်တက်လာကာ ဝမ်းနည်းသလိုလိုကြီးဖြစ်ရာက မျက်ရည်ဝဲလာတော့ မောင်က ကျွန်မလက်ဖဝါးကိုတင်းတင်းဆုတ်ကိုင်ကာ မီးပွိုင့်တစ်ဘက်ကို ခပ်မြန်မြန်ပဲ ဖြတ်ကူးတာမို့ ငိုချင်နေရာက ငိုဖို့ကိုပင် သတိမရနိူင်တော့ဘဲ မောင့်ခြေလှမ်းတွေနောက် အမီလိုက်ရပြန်သည်။

“ရော့ ဒီမှာ သင်တန်းကြေးပေးပြီးသား ဗောက်ချာ၊ တစ်ပတ်ကို ၂ရက်တက်ရမယ်။ မှန်မှန်သာ တက်၊ ကြည် သေချာပေါက် ဝိတ်ကျလာမှာ၊ အစားအသောက်လည်း ဂရုစိုက်၊ အဆီတွေ လျှော့စား၊ အဲဒီ့ပွဲကျရင် ကျွန်တော့်မိတ်ဆွေတွေ၊ ငယ်သူငယ်ချင်းတွေ အများကြီးနဲ့ တွေ့ရမှာ၊ ကြည့်ကို ပိုလှနေစေချင်လို့”

မောင့်လက်ထဲက Gymအတွက် သင်တန်းကြေးပြေစာကို ကြည့်လိုက်မိရင်း မောင့်အပြောမှာ ကြည် ညွတ်နူးရပါသည်။  သည်လိုတော့လည်း မောင်က ကြည့်ကို သူ့အပေါင်းအသင်းတွေအလယ်မှာ ပွဲထုတ်ချင်စိတ်ရှိသားပဲဟု ဝမ်းသာရသည်။ အင်း ဟု ကျွန်မခေါင်းအညိတ်မှာ မောင်က ကျွန်မခေါင်းကို သူ့လက်ဖဝါးထဲထည့်ကာ ဆံနွယ်များကို မွှေးကြူလိုက်တာမို့ အခါများစွာကလိုပင် နေမြဲမောင် ဆိုသော မောင့်ထံမှာ ကျွန်မနှလုံးသားတို့ အရည်ပျော်ကျရပြန်သည်။

သေချာပါသည်။ မောင်ဟာ ကျွန်မကို ကြေညက်နေအောင် ဖတ်နိူင်စွမ်းသူဖြစ်လျှက် ကျွန်မအတွက်တော့ မောင်ဟာ ဟိုးအဝေးကြီးက မှုန်ပျပျမြင်နေရသော၊ အေးစက်ညို့မှိုင်းသော၊ ကျွန်မကို အပေါ်စီးကနေ မိုးကြည့်နေသော မာရေကျောရေတောင်စဉ်တန်းကြီးတစ်ခုသာ ဖြစ်လေသည်။

@@@@@@@@@

ကျွန်မ gym တက်နေတာ မောင့်ကြောင့်ဟု မမနီကို မပြောရဲပါ။ “ကြည် ပိုလှချင်လို့ပေါ့ မမနီရယ်”ဟု ပြောတော့ မမနီက တအံ့တသြ၊ မျက်နှာမှာ မိတ်ကပ်ဝေးလို့ နှုတ်ခမ်းနီပင် ဘယ်တုန်းကမှ မဆိုးဖူးသူမို့ ကျွန်မ အလှအပ မကြိုက်တာ မမနီအပါအဝင် တစ်ရုံးလုံးအသိပေ။ ခုတော့ တစ်ပတ်မှာနှစ်ရက် ရုံးပြီးတာနှင့် gymကို တန်းပြေးရသည်မှာ အချိန်ပိုပင် မဆင်းနိူင်။ အိမ်ရောက်သည်နှင့် မောင်ဝယ်ပေးထားသော ဂါဝန်လေးကို ဝတ်ကြည့်ရတာ ကလည်း နေ့စဉ်လိုလိုပါ။ နှစ်လကျော်လာတော့ ဂါဝန်ကလေးက ကျွန်မကိုယ်နှင့် ကွက်တိတိုင်းချုပ်သလို ချပ်ရပ်လှပနေတာမို့ ပျော်လိုက်သည်မှာ မျက်နှာပေါ်က အပြုံးတို့ပင် ရပ်မရချင်။

မောင် တွေ့မှပဲ အံ့သြပါစေတော့ဟု ပိုင်းဖြတ်ကာ ခုရက်ပိုင်းအတွင်းမှာ မောင်နှင့် မတွေ့ဖြစ်အောင် တမင် နေနေမိသည်။

“ကြည် ငါတို့ ဗိုလ်ချုပ်ဈေးသွားမလို့၊ နေ့လည်စာ နင် ဘာမှာဦးမလဲ”

“မမှာတော့ပါဘူး မမနီရယ်၊ အိမ်ကနေ အသီးအရွက်ဆဲလတ်လုပ်လာတယ်၊ အဲဒါလေးပဲ စားလိုက်ပါတော့မယ်။ အုန်းနိူ့ကျောက်ကျောလေးတော့ သောက်ချင်သား၊ အဲဒါလေးတော့ ဝယ်ခဲ့ပါ မမနီရယ် နော်၊ အချိုလေး မစားရတာ ကြာပါပေါ့”

ကျွန်မတို့ရုံးက ဗိုလ်ချုပ်ဈေးနှင့်နီးတာမို့ လခထုတ်ပြီးစ တစ်ရက်နှစ်ရက်လောက်ဆို ရုံးသူတွေ နေ့လည်စာ စားကြ၊ ဈေးပတ်လေ့ရှိကြသည်မှာ ထုံးစံတစ်ခုလို ဖြစ်နေလေသည်။

“ကိုယ့်ဝဋ်နဲ့ ကိုယ်ပဲပေါ့ ကြည်ရာ၊ နင်က လှချင်လို့ အစားရှောင်နေတာကိုး ဟင်း၊ ခုတစ်လောမှ ဘာဖြစ်နေတယ်ကို မသိဘူး”

မမနီက ရုံးမှ ညီမလေးတစ်အုပ်နှင့် နေ့လည်စာစားရန် အောက်ထပ်ကို မဆင်းခင်မှာ ကြည့်ကို ခပ်ရွတ်ရွတ်ပြောသွားခြင်းရယ်ပါ။ ကြည့်မှာ ပုခုံးလေး တွန့်၍သာ ပြုံးကျန်ရစ်ရသည်။

ကြည်တစ်ယောက်ထဲ အလုပ်ထဲနစ်နေခိုက် ဗြုန်းဆို ရုံးမှန်တံခါးကိုဖွင့်ပြီး ဝင်လာသံက ကြမ်းလှတာ မို့ မော့ကြည့်မိတော့ မမနီ…။

“ဟယ် မမနီ မြန်လှချည်လား။ ဈေးပတ်ဦးမှာဆို”

“ကြည် ဘာမှ ပြောမနေနဲ့၊ လာ ငါနဲ့ ခဏလိုက်ခဲ့။ အောက်ထပ်မှာ တက်ကစီ စောင့်နေတယ်”

ကျွန်မ ဘာမှ မမေးလိုက်နိူင်ခင် မမနီလက်ဆွဲခေါ်ရာ ဝရုန်းသုန်းကား လိုက်ပါသွားခဲ့ရတော့သည်။ တက်ကစီပေါ်ရောက်တော့လည်း မမနီက ဘာမှ မပြော၊ မျက်နှာကြီးတင်းကာသာ နေတာမို့ ကျွန်မလည်း တိတ်တိတ်သာ လိုက်ခဲ့မိရသည်။

“ဟိုမှာ တွေ့လား ကြည်၊ နင့်ရဲ့ နေမြဲမောင်”

“ဟင်”

မောင် ခုတစ်လော မအားဘူး ဆို၊ မောင် အလုပ်တွေ များနေလို့ ဆို၊ နိူင်ငံခြားက မောင့်အစ်မ ရောက်နေသေးတာ ဆို၊ ကျွန်မက မောင် ဘာပြောပြော မောင့်အပေါ် ယုံကြည်ခဲ့မိသူ။ အေးတိအေးစက်နိူင်လှသော၊ အကျောကြီးလှသော မောင့်အချစ်ကို ဒါသည်ပင် မောင် ချစ်တတ်သလို ချစ်ရှာတာပဲဟု နားလည်ပေးနိူင်ခဲ့သူ။

ခုတော့ မောင်က….

ကျွန်မ နားလည်ပါပြီ။ မောင် ကျွန်မအပေါ် နိူင်စားအေးစက်နေခြင်းသည် အခြား တစ်ဘက်မှာ မောင့်အချစ်တို့ ပူနွေးလှုပ်ရှားစွာ ပုံအပ်ထားခြင်းကြောင့်သာ ဖြစ်လိမ့်မည်။ ဝမ်းနည်းစိတ်နှင့် မမနီကိုဖက်ကာ ငိုမိသည်။ မမနီကတော့ စိတ်ဆိုးကာ ပြစ်တင်စကားတွေသာ မောင့်အပေါ် ဆိုလေသည်။

“ကြည် နင့်လောက် အတဲ့ မိန်းမ မရှိဘူး။ နင်ဟာလေ နေမြဲမောင် ပြောသမျှ ယုံ၊ နေမြဲမောင် ခိုင်းသမျှ အကုန်လုပ်၊ တကယ်ပဲ ငါ စိတ်တိုတယ် သိလား နင့်အစား၊ ဖြတ်ပစ်လိုက်စမ်း ပါဟာ… ယောကျာ်းမရှားပါဘူး”

“မမနီရယ် ကြည် သိပါတယ်။ ယောကျာ်းမရှားပါဘူး၊ ဒါပေမဲ့ ကြည်ချစ်တာ မောင့်ကို။ ကြည် မောင်နဲ့မှ မဝေးနိူင်တာ” ကျွန်မ စိတ်ထဲက ပြောနေသည်ကို မမနီများသိရင် ကျွန်မကို ဘယ်လိုဆူဦးမည်လဲ မသိပါ။ ကျွန်မ ငိုမိသည်။ မမနီပုခုံးပေါ်မှာ ကလေးတစ်ယောက်လို ရှိုက်ကာ ရှိုက်ကာ ငိုမိပါသည်။

@@@@@@@@@

မောင် ငြင်းပါစေ ဆုတောင်းနေမိလျှက် ဟုတ်တယ်ဟု မောင် ဝန်ခံလိုက်သောအခါ ကျွန်မနှလုံးသား တို့ ဗြုန်းကနဲ ကျကွဲကြေမွလေတော့သည်။ နိူင်ငံခြားကပြန်လာသောမောင့်အစ်မနှင့်အတူ လိုက်ပါ လာသော မောင့်ငယ်ချစ်၊ မောင့်အိမ်ထောင်ဘက်အဖြစ်  မောင်တို့ တစ်အိမ်သားလုံး သဘောကျသော မောင့်ဇနီးလောင်းဟု ဆိုသည်။ နောက်လမှာတက်ရမည့် မောင့်မိတ်ဆွေမင်္ဂလာပွဲမှာ သူမနှင့်အတူ တက်ရောက်ရမည်ဟု မောင့်မေမေက တစ်ချက်လွှတ်အမိန့်ချမှတ်သည် တဲ့။

မောင်ဝယ်ပေးထားသော ဂါဝန်ကလေး….။ ပင်ပန်းကြီးစွာ အစာအိမ်နာပြန်ထသည်အထိ အစားငတ်ခံကာ ချခဲ့ရသော၊ တစ်နေကုန် ရုံးအလုပ်ပြီးလို့မှ မနားနိူင်ဘဲ gymသွားကာ ကစားခဲ့ရသော ကျွန်မ၊  ခုတော့ ကျွန်မကိုယ်လုံးနှင့် ကွက်တိကျစွာ လှနေသော ဂါဝန်ကလေး။ ကျွန်မ ဘယ်နေရာမှာ သွားဝတ်ရတော့မလဲ မောင်ဟု ကျွန်မ မမေးရဲ၊ မောင့်ကို ကျွန်မ စိတ်မညစ်စေချင်ပါ။ မောင်က မလိုက်ခဲ့နဲ့ဆိုပါက ကျွန်မ နာကျင်ကြေကွဲစွာ နှုတ်ဆိတ်နေခဲ့ရုံသာ

ထိုနေ့က အိမ်အပြန်မှာ ဂါဝန်ကလေးကိုဝတ်ကြည့်လျှက် မှန်ထဲမှာ ကျွန်မ ပြုံးကြည့်လိုက်မိသေးသည်။ ပြီးတော့ လူးလိမ့်နေအောင် ငိုခဲ့ရပါသည်။ ထိုဂါဝန်ကလေးဝတ်လျှက်နှင့် ကျွန်မအိပ်ခဲ့ပါသည်။ ဖူးယောင်ကာ မို့အစ်နေသောမျက်လုံးများနှင့် အုံခဲနေသောခေါင်းကြောင့် နောက်တစ်နေ့ ကျွန်မ ရုံးမှခွင့်ယူကာ အိမ်မှာပင် ခွေနေလိုက်ရပါသည်။ နေမကောင်းလို့ဟု အကြောင်းပြသော်လည်း မမနီက ရိပ်မိစွာပင် အချစ်ဖျား၊ စိတ်ထောင်းကိုယ်ကြေဖျားဟု ဆိုသည်။ “ဟင့်အင်း မမနီရယ် ကြည် အသည်းကွဲတာပါကွယ်၊ မမနီ မသိပါဘူး” ကျွန်မ တိုးတိတ်စွာ ဖြောင့်ချက်ပေးနေမိသည်။

မောင်နှင့်တွေ့ခဲ့ရတာ ထိုနေ့က နောက်ဆုံးဖြစ်လိမ့်မည်ကို ကျွန်မ မရိပ်မိခဲ့။ ထပ်တွေ့ကြရလိမ့်ဦးမည်ဟု ကျွန်မစိတ်က ထင်သည်။ မောင် ဆက်သွယ်လာလိမ့်ဦးမည်။ တစ်ခုခုတော့ ဖြေရှင်းလိမ့်မည်။ ကျွန်မအပေါ် ချစ်လျှက်နှင့် အိမ်က သဘောတူသူကို လက်ခံရတော့မည်၊ စသည်ဖြင့် မောင် ပြောလာလိမ့်မည်ဟု ကျွန်မ မျှော်လင့်ခဲ့မိပါသည်။ သို့သော် ကျွန်မဟာ အလွန်စိတ်ကူးယဉ်သူ မိန်းမတစ်ယောက်ဖြစ်မှန်း နောက်ကျမှ သိခဲ့ရသည်။ တကယ်တမ်းကျတော့ မောင့်ဘက်က ဘာတစ်ခုမှ ဖြေရှင်းချက် ပေးမလာခဲ့ပါ။

သွယ်လဲ့ကြည်ဟု နာမည်တပ်ထားသော ဖိတ်စာကလေး ကျွန်မစားပွဲပေါ်ရောက်လာသောနေ့က စာရွက်ဖြူတစ်ရွက်ပေါ်မှာ ချွန်မြနေသော ကွန်ပါချွန်နှင့် အပေါက်ချင်းထပ်အောင် အံတင်းတင်းကြိတ် ထိုးဆွဖောက်ထွင်းနေခဲ့မိသူ ကျွန်မရယ်၊ အဲသည် ထုတ်ချင်းပေါက်များစွာနှင့် စာရွက်ဖြူလွကလေးဟာ ကျွန်မနှလုံးသားနှင့် ထပ်တူပါသည် မောင်….။ 

မောင်နည်းနည်းကလေးမှပင် မတွေးမိဘူးလား မောင်ရယ်။ မောင့်ကို အိပ်ရာကမှ ဖုန်းဆက်မနှိုးရလျှင် တစ်နေ့တာအလုပ်တို့ မဖြောင့်စင်းနိူင်သော မိန်းမဟာ ရှေ့ဆက်ဘယ်တော့မှ မရနိူင်တော့မဲ အခွင့်တစ်ခုအတွက် တစ်သက်တာလုံး ဘယ်လောက် ခံစားနာကျင်နေရမယ်ဆိုတာ….။ 

သည်လိုနှင့် ကျွန်မတို့ ရိုးရိုးကလေးပင် ဝေးသွားခဲ့ကြလေသည်။

@@@@@@@@@

ရေထဲကိုထိုးထွက်နေသော အုတ်လျှောက်လမ်းကလေးရှိသော ကုတို့ဆိပ်လေးတစ်ခု။ ထိုနေရာကလေးကို ကျွန်မ လွမ်းပါသည်။ ထိုနေရာကလေးမှာ မောင်နှင့်ကျွန်မ အတူထိုင်ခဲ့ကြဖူးသည်။ မောင့်ကို လွမ်းတိုင်း ထိုနေရာကလေးမှာ ကျွန်မတစ်ယောက်ထဲ ဂစ်တာသွားတီး၍နေတတ်သည်။

သည်နေ့လည်း အခါများစွာကလိုပင် ကျွန်မတစ်ယောက်ထဲ ဂစ်တာတီးနေခဲ့ပါသည်။

“ဒီအချိန်ကိုရောက်ရင် တို့နှစ်ယောက်အမြဲ တွေ့နေကျ၊ ဒီနေရာလေးမှာ တို့နှစ်ယောက် လမ်းလျှောက်နေကျ အရာရာတိုင်းဟာ မင်းအကြောင်းနဲ့ နွယ်ဆက်လာ”

သီချင်းဆက်မဆိုနိူင်လောက်အောင် ရင်ထဲဆို့နင့်လာပြီး ဂစ်တာတီးသောလက်များကသာ ဆက်လက်တီးခတ်နေကာ နှုတ်ဆွံ့လျှက် မျက်ရည်များ ကျလာတော့သည်။ မရတော့ပါ။ ဂစ်တာလေးကို ရင်ဘတ်ထဲသွင်း ပွေ့ပိုက်ကာ မောင့်ကိုလွမ်းစိတ်နှင့် ကျွန်မ ငိုရှိုက်လိုက်မိတော့သည်။ မောင်က ကျွန်မဂစ်တာတီးတာ နားထောင်နေကျ။ မောင်နဲ့ ကျွန်မ တစ်လှည့်စီ ဂစ်တာတီးနေကျ။ ခု ကျွန်မအနားမှာ ဂစ်တာလေးကလွဲလို့ ဘယ်သူမှ ရှိမနေပါ။

“သမီးလေး xx ရေစပ်နား မသွားနဲ့နော်၊ ခဏလေး မေမေ့ကို စောင့်ဦး”

ဘုရားရေ…။ ကလေးမကလေးနာမည်က xxတဲ့လား။ ကျွန်မ အံ့သြစိတ်နှင့် မျက်ရည်ကြားမှ ငေးရီစွာ နောက်လှည့်ကြည့်လိုက်မိတော့ တောက်တောက်ပြေးလမ်းလျှောက်နိူင်သော၊ ၃နှစ်အရွယ်လောက်ရှိသော သမီးငယ်လေး။ သူ့အနောက်မှ အမေဖြစ်သူက မပြေးရုံတစ်မယ်လိုက်လာနေလျှက်၊ သူတို့နှစ်ယောက်အနောက်မှာ ကားသော့ကို လက်ထဲ မြှောက်ကစား လျှက်ရှိသော အမျိုးသားတစ်ဦး….ဘဝနှင့်ရင်း၍ကျွမ်းဝင်လွန်းခဲ့ဖူးသော မျက်နှာတစ်ခု...။

မောင်က ကျွန်မကိုမြင်တော့ မျက်နှာတစ်ချက်ပျက်သွားကာ သူ့ဇနီးသည် သမီးငယ်ကိုခေါ်လိုက်သော နာမည်အတွက် လူမိသွားသလို ရှက်ရွံ့ဟန်နှင့် ကျွန်မကို ငေးကနဲကြည့်နေရာက ဘာမှမဖြစ်သလို သားအမိနှစ်ယောက်နောက်မှ ဆက်လျှောက်သွားလေသည်။

မောင်…..
မောင့်သမီးကလေးကို ဘာလို့ ဒီနာမည်ပေးထားသလဲ။ ထိုနာမည်ကလေးသည် မောင်နှင့် ကျွန်မနှစ်ယောက်သာ သိသော၊ မောင်နှင့်ကျွန်မ နှစ်ယောက်ပေါင်းမှ တစ်ခုတည်းသာရှိသော နာမည်ကလေးဖြစ်ကာ မောင်က ကျွန်မကို ချစ်မက်မြတ်နိူးစိတ်နှင့်၊  ကျွန်မက မောင့်ကို ချစ်မက်မြတ်နိူးစိတ်နှင့် နှစ်ဦးသဘောတူ မှည့်ခေါ်ခဲ့ဖူးသော၊ စာလုံးကလေး နှစ်လုံးတည်းသာပါသော ချစ်စဖွယ်နာမည်ဆန်းကလေးတစ်ခုသာ ဖြစ်ပါသည်။

မောင်…ရယ်…..

မောင် ကျွန်မကို တိတ်တိတ်ကလေးများ လွမ်းတနေသလား ဟင်။ မောင် ဘယ်တော့မှ ဖြေလိမ့်မည်မဟုတ်သော မေးခွန်းမှန်း ကျွန်မ သိပါသည်။ နာကျင်မှုများနှင့်အတူ ရင်ထဲသေချာလွန်းလှသည်။ သည်နေ့မှ ပို၍သေချာသွားရပါသည်။

မောင့်အချစ်ဆိုတာကို ကျွန်မ ဘယ်တော့မှ၊ ဘယ်သောအခါမှ နားလည်နိူင်လိမ့်မည် မဟုတ်ပါ။

Saturday, April 20, 2013

ချစ်သူ့မြို့ကလေးနှင့်အဝေးက သူမ



(၁)
မနက်မိုးလင်းလျှင် ကျေးငှက်သံကလေးများနှင့် တီတာချိုလွင်သော၊  သစ်ပင်ပန်းပင်များနှင့် စိမ်းစိုသော အိမ်ခေါင်မိုးအုပ်ကြွပ်နီနီကလေးများရှိသော၊ မနက်ခင်းများမှာ တွေ့ဆုံကြတိုင်း သိသည်ဖြစ်စေ မသိဘဲဖြစ်စေ “မင်္ဂလာနံနက်ခင်းပါ” ဟု နှုတ်ဆက်တတ်သည့် လူယဉ်ကျေးများရှိသော၊ အုတ်နီရောင် မီးရထားဘူတာကလေးများရှိသော မြို့ကလေးတစ်မြို့၌ ချစ်သူ နေထိုင်ပါသည်။

ချစ်သူ့အိမ်ကလေးမှာ ခြံဝန်းကျယ်ကလေးတစ်ခုထဲ (တကယ်တော့ ခြံခတ်ထားခြင်းမဟုတ်ဘဲ ပုဏ္ဏရိတ်လို အရွက်စိမ်းစိမ်းပင်ကလေးများ ခပ်ကျဲကျဲ စီတန်းစိုက်ပျိုးထားခြင်းသာ)တွင် ရှိပါသည်။  ခြံဝန်းကျယ်ထဲက အိမ်သေးသေးကလေးထဲမှာ ဧည့်ခန်း၊ စာကြည့်ခန်းနှင့်တွဲရက် ရေချိုးခန်းပါအိပ်ခန်းတစ်ခန်းနှင့် မီးဖိုချောင်တို့ပါဝင်လျှက် သူ့အချိန်အတော်များများကို စာကြည့်ခန်းထဲတွင်သာ ကုန်လွန်စေမည်ဖြစ်ကြောင်း သူမ သေချာလှသည်။

အိပ်ခန်းတစ်ခန်းထဲကိုသာ အပြာမှိုင်းမှိုင်းသုတ်၍ ကျန်တစ်အိမ်လုံးကို အဖြူရောင်ဆေးသုတ်ထားသော ချစ်သူ့အိမ်သည် လွန်စွာလင်းချင်းရှင်းသန့်လျှက်ရှိသည်။ အသန့်အပြန့်ကြိုက်သော ချစ်သူသည် စားသောက်ပြီးသောအခါ ကြွေပန်းကန်ပြားများကို ရေဆေးပြီးတိုင်း ပြောင်လက်အောင်သုတ်ကာ မီးဖိုချောင်ဘီရိုထဲ စီရီပြန်ထည့်ထားလိမ့်မည်ကို သူမ သိသည်။ ထို ကြွေပန်းကန်စုံများကို သူမကိုယ်တိုင် လိုက်လံရွေးချယ်ဝယ်ယူပေးထားခဲ့သည်ဆိုတာကိုတော့ ချစ်သူ မေ့ချင် မေ့ထားနိူင်သည်။ ကိစ္စ မရှိပါ။ ချစ်သူ၏ မသိကျိုးကျွန်မှုတွေထဲ သူမ နေတတ်နေပြီ ဖြစ်သည်။

ချစ်သူသည် မနက်အိပ်ရာက နိူးလျှင်နိူးချင်း ချက်ချင်းမထသေးဘဲ နှိုးစက်မြည်သံကိုစောင့်ကာ နားစွင့်လျှက် ခဏမှေးနေလိမ့်မည်။ နှိုးစက်မြည်လာမှ နှိုးစက်နာရီကိုပိတ်၍ စောင်ကို ကိုယ်မှခွာလျှက် အိမ်ရှိပြတင်းပေါက်အကုန် လိုက်လံဖွင့်လိမ့်မည်။ မျက်နှာမသစ် သွားမတိုက်သေးဘဲ ကော်ဖီတစ်ခွက် ဖျော်သောက်ချင် သောက်မည်။ ဒတ်ခ်ျဖြစ် Maccona ကော်ဖီတံဆိပ်ဖြစ်မည်ကို သူမ သေချာသည်။ ထို့နောက် ခြံရှေ့စည်းရိုးနားသို့သွားကာ လမ်းမပေါ် ကဲကြည့်ချင် ကြည့်နေလိမ့်မည်။ အိမ်ထဲပြန်မဝင်ခင်မှာ သစ်သားတိုင်ကလေးတွင် ချိတ်ထားသော စာတိုက်ပုံးကလေးထံ မျက်လုံးတစ်ချက်ဝေ့ကြည့်ကာ ဖွင့်ရကောင်းနိုး တွေဝေနေဟန်ရှိလိမ့်မည်။ သို့သော် မဖွင့်တာလည်း မဟုတ်ပါ။ 

စာတိုက်ပုံးကလေးထဲမှ နေ့စဉ်ထုတ် သတင်းစာ၊ လစဉ် အခွန်အခပေးဆောင်ရန် ဘီလ်များ၊ ရေဘိုး မီတာခ ပေးဆောင်ရန် ရှိသည်များ၊ အိမ် မြေ ငှားရောင်းဝယ် ကြော်ငြာများနှင့် အခြားသော အရေးမပါလှသည့် စာရွက်များ တစ်ထပ်ကြီးကို တစ်ခုချင်း မမြင်ဖူးသလိုကြည့်ကာ နောက်ဆုံးတော့ သူလိုချင်သည်များကိုသာ ရွေးထုတ်မည်။ ဘာမှ မကျန်တော့သော စာတိုက်ပုံးကလေးထဲသို့ တစ်စုံတစ်ခုများ ကျန်ရှိနေဦးမလားဆိုသည့်စိတ်နှင့် (မျက်ခုံးအတွန့်ချိုးကာ) လက်တစ်ခုလုံးထိုးသွင်းလျှက် စမ်းနေလိမ့်ဦးမည်။

ပြီးမှ အိမ်ထဲပြန်ဝင်လာကာ စာကြည့်ခန်းထဲတန်းဝင်လျှက် မနေ့က ဖတ်လက်စစာအုပ်ကို ဆက်လက်ဖတ်နေမည်။  (၁၀)မျက်နှာခန့်ဖတ်ပြီးလျှင် နေ့စဉ်ထုတ်သတင်းစာကို လှန်လှောနေကျအတိုင်း ထုံးစံမပျက် ကျော်ဖတ်လိမ့်မည်။

ဗိုက်ဆာလာလျှင် မီးဖိုချောင်ဝင်ကာ အသားတစ်မျိုး သို့မဟုတ် ဝက်အူချောင်းနှင့် ရေခဲသေတ္တာထဲရှိသမျှ အသီးအရွက်တို့ကို ခရုဆီနှင့် တောင့်တောင့်ကလေး ခပ်စိမ်းစိမ်းကြော်၊ ကော်ရည်ဖြန်းကာ ထမင်းပူပူပေါ်ပုံလျှက် ထမင်းပေါင်းစားလိမ့်မည်။ လိမ္မော်ရည်တစ်ခွက်နှင့် သူ့နေ့လည်စာကို အဆုံးသတ်ကာ စာကြည့်ခန်းထဲပြန်ဝင်၍ ကွန်ပြူတာဖွင့်ကာ စာ စတင်ရေးသားမည် ဖြစ်သည်။ သူမအကြောင်း တစ်စွန်းတစ်စမျှ မပါရလေအောင် ရေးသားထားသောချစ်သူ့စာများကို သူမကတော့ နားလည်စာနာစွာ စောင့်ဖတ်နေဆဲပင်ဖြစ်သည်။

နှစ်နာရီခန့်စာရေးပြီးလျှင် ခါးဆန့်ခြေဆန့်ကာ အိမ်နှင့် မဝေးလှသော၊ နီးလည်း မနီးလှသော အုတ်နီရောင် ဘူတာရုံကလေးသို့ လမ်းလျှောက်သွားချင် သွားမည်။ အပြန်မှာ အိမ်ထဲမဝင်ခင် စာတိုက်ပုံးကလေးထဲသို့ နောက်တစ်ကြိမ် လက်နှိုက်ကြည့်ချင် ကြည့်ဦးမည်။ စာပို့သမား တစ်နေ့ နှစ်ကြိမ်လာနေကျမို့ ချစ်သူသည်လည်း စာကို တစ်နေ့နှစ်ကြိမ် မျှော်နေကျဖြစ်လေသည်။ မည်သည့်ပို့သူထံမှ စာကို မျှော်လင့်သည်ကိုမူ ချစ်သူသာလျှင် သိနိူင်ပေမည်။ သူမဆီကစာ ဖြစ်ချင်ဖြစ်နေမှာဟု အနည်းငယ် မျှော်လင့်မိသည်ကိုတော့ အမှတ်မရှိသူပီသစွာ သူမ ဝန်ခံရဦးမည်။

ညနေခင်းများတွင်တော့ ချစ်သူသည် မာယိုးနစ်နှင့် အသီးအရွက်အသုတ်တစ်ခွက် သို့မဟုတ် ပဲကြာဇံနှင့် ပုဇွန်စိမ်းသုတ်ဖြစ်စေ၊ အီတလီခေါက်ဆွဲဖြစ်စေ စားလိမ့်မည်။ နေအေး၍ အမှောင်ရောက်သော် ခြံဝင်းထဲက ကုလားထိုင်ကလေးပေါ်တွင်ထိုင်ကာ အေးအေးလူလူ ကြယ် ကြည့်ချင်ကြည့်နေပေလိမ့်မည်။ ကြယ်ကလေးများနှင့်တူသည်ဟု ချစ်သူပြောဖူးသော သူမမျက်ဝန်းလက်လက်ကလေးများကို ချစ်သူ သတိမှ ရပါလေစ။ မရတော့ရော ဘာဖြစ်သေးလဲ၊ အို သူမ  ချစ်သူဆီက ဘာကိုမှ မျှော်လင့်မနေချင်တော့တာပါ။ သူမ နာကျင်စွာ တွေးမိပြန်သည်။

ချစ်သူ့တစ်နေ့တာသည် သူမ မျှော်မှန်းထားသလို ရိုးစင်းလှသည်။ ထိုရိုးစင်းမှုကို မက်မောစွာ၊ တမ်းတနှစ်လိုစွာ စောင့်ကြည့်နိူင်ဖို့ သူမ နှစ်နှင့်ချီ၍ အားထုတ်ခဲ့ရကြောင်းကိုမူ ချစ်သူ ဘယ်တော့မှ သိလိမ့်မည် မဟုတ်ပေ။

(၂)

ဆရာမကြီးသည် ကိုယ်လုံးကိုယ်ထည် ခပ်ပါးပါး၊ မျက်လုံးစူးတောက်တောက်၊ နှာတံမဆိုစလောက် ရှည်ကာ ဦးခေါင်းထိပ်မှာ ကွမ်းသီးလုံးခန့် ဆံပင်ထုံးကလေး ရှိသည်။ အဖြူနှင့် ယောဂီရောင်ကိုသာ ဝတ်ဆင်လျှက် ရာသက်ပန် ရှစ်ပါးသီလယူထားသော အမျိုးသမီးကြီးဖြစ်ပါသည်။

“မင်း ဘယ်လောက်သေချာလို့လဲ”

“ရှင် ဟုတ်  ကျွန်မ သေချာပါတယ်။ ကျွန်မ စိတ်ခိုင်ပါတယ်”

“မင်းချစ်သူက မင်းကိုပဲ သတိရ တမ်းတနေမယ်။ မင်းကိုပဲ သစ္စာရှိရှိချစ်နေလိမ့်မယ်လို့ မင်း ယုံသလား”

ဟင့်အင်း၊  သူမ မဖြေနိူင်၊ မဖြေရဲခဲ့ပါ။ သူမကိုယ်တိုင်လည်း မသေချာ။ သူမကတော့ ချစ်သူ ကျောခိုင်းသွားသောနေ့မှစ၍ သည်နေ့ထိ ဘယ်လိုမှ မေ့မရခဲ့နိူင်တာပင်။ သေလုမျောပါး ဝေဒနာနှင့် စိတ်ရော ရုပ်ပါ ကျဆင်းထိခိုက်ခဲ့ရပါလေသည်။ လူမှုရေး စီးပွားရေးမဆိုထားနှင့် မိမိကျန်းမာရေးကိုပင် မစောင့်ရှောက်နိူင်သော မိန်းမတစ်ယောက်ဖြစ်သည်အထိ သူမ ပျော့ညံ့ရှုံးနိမ့်ခဲ့ပါသည်။

ဆရာမကြီး၏မျက်ဝန်းအပြုံးကို သူမ ရင်မဆိုင်ရဲပါ။ မင်းချစ်သူက မင်းကို ဘယ်လောက်ထိ သစ္စာရှိရှိနေနိူင်မှာလဲဆိုတာထက် ယောကျာ်းတွေအကြောင်း မင်း ဘယ်လောက် သိလို့လဲ၊ မင်းကိုယ်မင်း စိတ်မာပါတယ်လို့ ဘယ်လောက်စိတ်ချလက်ချရှိနေလို့လဲဆိုသည့်မေးခွန်းများပါ ပါဝင်ပေါင်းစပ်နေသော ထိုမျက်ဝန်းမှ အမေးများအောက်တွင် သူမ သေးငယ်စွာ တည်ရှိနေခဲ့ရသည်။

တစ်ခြားသင်တန်းသားများ၏ အကြောင်းပြချက်နှင့် တက်တက်စင်ကွာခြားသော “အဝေးက ကျွန်မချစ်သူကို စိတ်မျက်လုံးနဲ့ လှမ်းကြည့်ချင်လို့ပါ ဆရာမကြီး”ဆိုသော သူမစကားအဆုံးမှာ ဆရာမကြီးက သည်လို တုန့်ပြန်ခဲ့တာ ဖြစ်လေသည်။ သူမကတော့ ဆရာမကြီး သူမကို ရယ်မောကာ လှောင်လိုက်စေချင်လှတာ။ သို့သော် ပို၍ဆိုးဝါးသော မျက်ဝန်းနှင့်ပြုံးသည့်ဒဏ်ကို သူမ ခံရခက်စွာ ခေါင်းငုံ့နေခဲ့ပါသည်။

သင်တန်း၏ပထမလတွင် သူမ လူးလိမ့်နေအောင် ခံခဲ့ရသည်။ ပထမတစ်ပတ် မေတ္တာပွားရစဉ် သုံးရက်လုံးလုံး စိတ်မလွင့်ရမည့်အစား သုံးမိနစ်မျှပင် မတည်သော သူမစိတ်တို့ကြောင့် သင်တန်းသားများ နောက်တစ်ဆင့်တက်သွားသော်လည်း သူမတစ်ယောက်သာ နောက်ကျကျန်ရစ် ခဲ့ရသည်။

ထိုတစ်ဆင့်မှလွန်၍ ဗုဒ္ဓနုဿတိ သုံးရက်ပွားများစဉ်တွင်မူ သူမစိတ်တို့ အနည်းငယ် တည်ငြိမ်လာခဲ့ပြီ။ ထို့နောက် ဝင်လေ-ထွက်လေ-တစ်၊ ဝင်လေ-ထွက်လေ-နှစ်မှ စတင်ရေတွက်ကာ ဝင်လေ-ထွက်လေ-ရှစ်အထိရောက်လျှင် တာလီတစ်ခုချိုးပြီး တာလီပေါင်း ၅၀၀ရအောင် မှတ်ရတော့သည်။ ထိုအခေါက်ရေကြားမှာ စိတ်ကလေးတစ်ချက် လွတ်ထွက်သွားလျှင် အစမှ ပြန်စ၍ ရေတွက်ကာ တာလီ ၅၀၀ ပြည့်သည်ထိ ပြန်မှတ်ရလေသည်။ မလွယ်ပါ။ သူမအတွက် လုံးလုံးမလွယ်သော်လည်း သူမ ကြိုးစားခဲ့ပါသည်။  နောက်ဆုံးတွင် တစ်နေ့လျှင် တာလီနှစ်ထောင်ရသည်အထိ တိုးမှတ်သွားရကာ နှာသီးဖျားထိပ်မှ ကြည်လင်တောက်ပသော အရာင်အလင်းတန်းများ တွေ့ရသော် သူမ ပျော်ရွှင်စိတ်တို့ ထိန်းမရနိူင်ခဲ့။

(၆)လမျှကြာသော် ဆရာမကြီးက သူမတို့အားလုံးကို အခန်းနံရံကို ဖောက်ထွင်းကြည့်စေခဲ့လေသည်။ အံ့သြစရာကောင်းစွာပင် တစ်ဘက်ခန်းမှလူများကို ပကတိမျက်စေ့နှင့် ရှင်းလင်းစွာ မြင်နေရ သည်။ နောက်တစ်ဆင့်မှာ သူမတို့လုံးဝမသိသော သူစိမ်းတစ်ယောက်၏အိမ်ရှိ ဘုရားခန်းသို့ စိတ်အလင်းတန်းကို စေလွှတ်ကာ သွားရောက် ကြည့်ရှူ့ရခြင်းပင်။ ဆရာမကြီးက တစ်ယောက်ချင်းစီ၏ မှတ်မိခဲ့သမျှ ဘုရားစင်၏အနေအထားကို မေးမြန်းရာ သင်တန်းသားအားလုံးမှ တစ်သံတည်း တူညီစွာပြောနိူင်ကြသည်မှာ လွန်စွာ အံ့ဖွယ်။ သူမ မျက်ရည်များ ဝဲလာသည်အထိ အံ့သြဝမ်းသာရသည်။ သို့သော် သူမ သွားကြည့်ချင်လွန်းလှသော ချစ်သူ့အိမ်ကိုဖြင့် သူမ မကြည့်ရသေးပါ။ သင်တန်းပြီး၍ သူမအိမ်သို့ ပြန်ရောက်မှသာ ကြည့်ရှူ့ရမည်ဟု ဆရာမကြီးက ဆိုထားသောကြောင့် ဖြစ်ပါသည်။

ပထမဦးဆုံး ချစ်သူ့အိမ်ကလေးဆီ သူမစိတ်စွမ်းအားအလင်းကို ပို့လွှတ်ကြည့်ရှု့စဉ် သူမ ဘယ်လိုမှ စိတ်တည်၍ မရဘဲ ဝေဝေဝါးဝါးသာ မြင်ရလေ၏။ နောက်တစ်ကြိမ် စိတ်တို့ကို စုစည်းတည်ငြိမ်စေကာ စေအလွှတ်တွင်မူ သူမ ကောင်းစွာမြင်ခဲ့ရပြီ။ အသိစိတ်တို့ ပြန်လည်သိမ်းယူကာ ချစ်သူ့အိမ်ကလေးမှ ပြန်လည်ရောက်ရှိစဉ် သူမတစ်ကိုယ်လုံး ခုတင်ပေါ်ပုံကနဲ လဲကျကာ အားအင်မဲ့ ငိုကျွေးနေခဲ့မိလေသည်။

လွမ်းလိုက်တာ ချစ်သူရယ်…၊ လွမ်းလိုက်တာ….

သည်လိုနှင့် သူမနှင့်ချစ်သူ့အိမ်ကလေးတို့ ကျွမ်းဝင်လာကာ ချစ်သူ့တစ်နေ့တာကို သူမနှလုံးသားနှင့် ကျက်မှတ်ပြီး ဖြစ်လေသည်။

(၃)

သူမစိတ်အလင်းတန်းတို့သည် စာဖတ်ခန်းထဲတွင် စာဖတ်နေသော ချစ်သူနောက်ကျောတွင်တည်ကာ ငြိမ်ဝပ်လျှက် မိမိအသက်ရှူသံမျှပင် ပြန်မကြားနိူင်အောင် တိတ်ဆိတ်စွာ။

ထိုသက်ငြိမ်ကလေးထဲမှာ သူမမျောနေခိုက် အသံတစ်သံ ပီပီသသကြားလိုက်ရသည်။ ထိုအသံနောက်မှာ စိတ်မျက်ဝန်းတွေထဲ ရုတ်တရက်ပေါ်လာတာက တံခါးဝမှာ ကနွဲ့ကလျရပ်နေသော၊ ချစ်သူ၏ မိန်းကလေးသူငယ်ချင်းဟုယူဆရသော မိန်းမတစ်ယောက်ဖြစ်လေသည်။ ဆံနွယ်ခွေလေးများကို အုန်းခွံရောင်ဆိုးထားသော ထိုမိန်းမသည် ချစ်သူ၏လက်ရှိမိန်းကလေး ဖြစ်ကောင်းဖြစ်မည်။ ထိုမိန်းမက လက်ကိုင်အိတ်ထဲမှ တံခါးသော့ကိုထုတ်ကာ ချစ်သူ့အိမ်ထဲသို့ ပိုင်စိုးပိုင်နင်း ဖွင့်ဝင်လေသည်။ ထို့နောက် ချစ်သူရှိသော စာကြည့်ခန်းထဲ တန်းကနဲဝင်သွားကာ စာဖတ်နေသောချစ်သူကို နောက်ကျောမှ သိုင်းဖက်လိုက်လေသည်။

ချစ်သူက နောက်ပြန်မော့ကြည့်ကာ အပေါ်စီးမှ ငုံ့မိုးလာသော ထိုမိန်းမ၏မျက်နှာကို လက်နှင့်သိုင်းနှိမ့်ချကာ နှုတ်ခမ်းချင်းနမ်းအရှိုက်မှာ…..

သူမ တစ်ကိုယ်လုံး တောင့်ကနဲ အသက်ရှူရပ်မတတ် မောပန်းလာကာ သေဆုံးသွားပြီလားပင် ထင်မှတ်ပြီး မျက်ဝန်းများကို ဖျတ်ကနဲ ဖွင့်ကြည့်လိုက်မိလေတော့သည်။   ရှိုက်ကြီးတငင် ကုတင်ပေါ်မျက်နှာအပ် ငိုကြွးခိုက် ဆရာမကြီး၏ မျက်ဝန်းအပြုံးနှင့် နှုတ်ခမ်းထောင့်ကွေးတို့ကို မြင်ယောင်ကာ သူမ ရူးသွပ်စွာပင် ဆိုမိတော့သည်။ "ဟင့်အင်း ကျွန်မ မခံစားနိူင်ဘူး၊ ဆရာမကြီးရယ် ကျွန်မ ဆက်မကြည့်ပါရစေနဲ့တော့၊ ဆက်မကြည့်ပါရစေနဲ့တော့"  မျက်စေ့နှင့်တပ်အပ်ဆိုသည့်အဖြစ်၌ သူမကိုယ်တိုင် ငရဲတွင်းတစ်ခုထဲ ကျရောက်ခဲ့သလို အသေအကြေ ကျရှုံးခဲ့ပါသည်။ သူမ ဘယ်လိုမှ နောက်တစ်ကြိမ် မရဲတော့ပါ။

သူမ၏ ချစ်သူ မောင်….

သူမမှာ ချစ်သူအတွက် သည်နေ့ထိ သစ္စာမပျက်ရှိခဲ့ပါသည်။ ချစ်သူသည်လည်း သူမလိုပဲရှိမှာဟု သူမ ယုံကြည်မိုက်မဲခဲ့ပါသည်။ သူမ နားမလည်နိူင်သေးပါ။ သူမနှင့်ချစ်သူသည် ချစ်တယ်ဆိုသော စကားလေးတစ်လုံး မလိုအပ်ပါဘဲ မျက်ဝန်းများနှင့်နားလည်ကာ အမုန်းဟူသော စကားလုံးတစ်လုံးမျှ မပါပါဘဲနှင့် အေးချမ်းစွာ တစ်လမ်းစီလျှောက်ခဲ့ကြခြင်းသာ။ ထိုအတွက် ရင်မှာကိုယ်စီ အချစ်တို့ မြဲခိုင်သင့်သည်ဟု သူမ ရိုးစင်းစွာပင် တွေးသည်။

အနေဝေးခဲ့ကြလို့လား….
ချစ်သူအတွက် အနီးအပါးမှာ မိန်းမတစ်ယောက် မရှိမဖြစ် လိုအပ်သည်လား….
သွေးသားဆန္ဓ္ဒ္ဒ္ဒ၏ တောင်းဆိုမှုကြောင့်လား….
ယောကျာ်းတစ်ယောက်၏ ဖြစ်တည်မှုကြောင့်လား….
ထိုအရာများအားလုံး ချစ်သူ လိုအပ်နေသောကြောင့်လား…. 

ဘာဆိုဘာမှ ရေရေရာရာ သူမ မသိပါ။ ပျော့ခွေနေသောသူမကိုယ်ကို ကုတင်ပေါ်မှလျှောချဆင်းကာ ဘီရိုအောက်ဆုံးထပ်ရှိ သေတ္တာလေးကို သူမ ဆွဲဖွင့်လိုက်သည်။ ကတ္တီပါအိတ်ကလေးကို ဖွင့်လိုက်တော့ အထပ်လိုက် ထွက်ကျလာသည်က ချစ်သူနှင့်ခွဲရချိန်မှ သည်နေ့ထိ နေ့စွဲရေးထိုး၍ထားသော၊ ချစ်သူ့အိမ်ကလေးသို့ လိပ်မူထားသော သူမလက်ရေးနှင့် ရေးစာများသာ….။ ထိုစာများကို တစ်နေ့နေ့မှာ ချစ်သူနှင့်ပြန်တွေ့က ချစ်သူကို ပေးဖတ်ရန် သူမ ရည်ရွယ်ခဲ့သည်ပင်။ မလိုအပ်တော့ပါ။ ခုတော့ တကယ်ကို မလိုအပ်တော့ပြီပဲ။

ကတ်ကြေးတစ်ချောင်းနှင့် စိတ်လိုလက်ရ ကိုက်ဖြတ်ထားသောစာများကို အိတ်တစ်လုံးထဲစုထည့်ကာ အမှိုက်ပုံးထဲပစ်ချစဉ် အိမ်ရှေ့ရှိ စာတိုက်ပုံးကလေးထဲ တစ်စုံတစ်ရာ ရှာဖွေနေဟန် ချစ်သူ့မျက်နှာကို ပြန်လည်မြင်ယောင်ကာ သူမ ချုံးပွဲချငိုမိပြန်သည်။ ရင်ကွဲပက်လက်များ အလဲအကွဲများကို စုစည်းကောက်သိမ်းကာ သူမစိတ်နှင့်ခန္ဓာကို  ပြန်လည်၍ မတ်မတ်ရပ်ရဦး မည်။ မြင်အပ် မမြင်အပ်ဆိုသောအရာများထဲမှာ သူမစိတ်နှလုံးအစုံက ဘယ်လောက် ခံယူနိူင်မှာလဲ ဆိုသည့် ဆရာမကြီးစကားက ရင်ထဲမှာ စူးတစ်ချောင်းလို နာကျင်လှစွာ...။   နောက်ဆုံးတော့ ချစ်သူ့အပေါ်ထားရှိဆဲ နှောင်တွယ်တမ်းတ သူမစိတ်တွေကို လွှတ်ချပစ်ခဲ့တော့သည်။

ထိုနေ့မှစ၍ ချစ်သူ့အိမ်ကလေးဆီ  ဘယ်တော့မှ ထပ်မသွားတော့ရန် သူမ ဆုံးဖြတ်ချက်ချခဲ့လေသည်။