Monday, December 23, 2013

အချစ်နှင့် သွားတိုက်ဆေး



“အား….စိတ်တိုလိုက်တာ စိတ်တိုလိုက်တာ၊  အင်းဟာ  အင်းဟာ”

“ဟာ မိန်းမ ဘာဖြစ်နေတာတုန်းကွာ”

“ဆံပင်ပေါ့ ဆံပင်”

“အေးလေ ဘာဖြစ်လို့တုန်း မင်းဆံပင်က”

“ပြောင်းဖူးမွှေးတွေလိုပဲ၊ ကြည့်ဦး ဒီမှာ ကောက်ပေးလိုက်တာ”

“မင်းပဲ ပြီးခဲ့တဲ့ရက်တွေက လှလိုက်တာ၊ သဘောကျလွန်းလို့ဆို”

“အင်းလေ ကောက်ပေးလိုက်တုန်းက လှသားပဲ၊  ခု လျှော်ပြီးတော့ မလှတော့ဘူး၊ ပုံလည်း မကျဘူး၊ ဘယ်လိုလုပ်လမ်းထွက်ရမလဲ ဒီလိုမီးကျွမ်းနေတဲ့ ဆံပင်ပုံနဲ့ အီး... စိတ်သိပ်ညစ်တာပဲ”

ခေါင်းပေါ်က ဆံပင်ကောက်တွေကို လက်နှင့်ဆွဲဖွပြီး ဆွဲဆွဲဖြောင့်နေတဲ့မိန်းမကို ကြည့်ရင်း သူ စိတ်ညစ်လာသည်။ သည်မိန်းမဟာ သည်လိုပဲ၊ ဆံပင်ဆိုင်ကပြန်လာပြီးတိုင်း စိတ်တိုင်းကို မကျနိူင်သူ။ ခဏနေ ကောက်လိုက်၊ ခဏနေ ဖြောင့်လိုက်၊ ခဏနေ တွန့်လိုက်။ သည်ခေါင်းပေါ်က ဆံပင်တွေ ဘယ်လိုခံနိူင်မှာလဲ။ ခေါင်းတုံးသာတုံးလိုက်ကွာဟု ပြောချင်စိတ်က လည်ချောင်းဝထိရောက်ရောက် လာသည်။  သို့သော် သည်မိန်းမနှင့် အိမ်ထောင်သက် ငါးနှစ်ကျော်ပြီ။ သည်မိန်းမကျမ်းလည်း ကြေသင့်သလောက် ကြေပြီ။ သည်လိုနေရာမှာ သူ ပါးနပ်သင့်လှပြီ။ မပြော...သူ  ဘယ်တော့မှ ပြောလိမ့်မည်မဟုတ်။

“ပြစမ်းပါဦး ကိုယ့်ဖက်လှည့်ပြစမ်း၊ အဲ လှသားပဲ မိန်းမရယ်”

“တကယ်လား၊ တကယ်လှလို့လား”

“အင်းပေါ့ မိန်းမမျက်နှာကျနဲ့ ဒီဆံပင်ပွပွလေး လိုက်သားပဲဟာ”

“ဟီး ဒါဆိုလည်းပြီးရော၊ ဒါပေမဲ့ ကြေသွားသလိုပဲနော်၊ နည်းနည်းတော့ ကြေသွားတယ် ဟုတ်တယ်မို့လား”

“ဒါများကွာ နောက်လတွေ တစ်လတစ်ခါ ထရိမန့်သွားယူလိုက်၊ ဆံပင်သွားပေါင်းတင်လိုက်ပေါ့ မိန်းမရဲ့”

“အဟီးဟီး ဟုတ်တယ် ဟုတ်တယ်။ ကိုကို သိပ်တော်တာပဲ၊ လုပ်မယ်နော် ချစ် နောက်လတွေကျရင် ဆံပင်ပေါင်းတင်တာ မှန်မှန်သွားလုပ်ရမယ်။ ပိုက်ဆံကုန်ရင် ကိုကို မဆူရဘူးနော်”

“အေးပါ အေးပါကွာ မဆူပါဘူး၊၊ ဒါနဲ့ ကိုယ် ဘိုက်ဆာပြီ မိန်းမရေ၊ စားရအောင်”

“ဟင် ဘာမှ မချက်ဘူးလေ၊ ကိုကိုပဲ  ချစ် နားပါဦးဆို၊ ချစ်လက်ရာထက် ဆိုင်က လက်ရာက ပိုကောင်းတယ်ဆို၊ နှစ်ယောက်စာလေးမို့ အမြဲတမ်းချက်မနေပါနဲ့တော့ဆို  လို့”

“အာ နေ့တိုင်းတော့လည်း ဆိုင်ဟင်းဘယ်စားချင်မလဲကွာ၊ ကိုယ့်မိန်းမလက်ရာတက်လာအောင် တစ်ပတ် ၂ရက်လောက်တော့ မိန်းမကို ချက်စေချင်တာပေါ့”

“ဟင် ဒါဆိုလည်းပြီးရော၊ နောက်တစ်ပတ် ရုံးပိတ်ရက်ကျ ချက်ကျွေးမယ်လေ၊ ခုတော့ ကိုကို သွားဝယ်လိုက်ဦးကွာ နော်၊  CP က ကြက်ကင်တစ်ခြမ်းဝယ်ခဲ့၊ Feel က တုန်ယမ်းဟင်းချိုလေးရယ်၊ ကိုက်လန်ကြော်လေးရယ်ဆိုရပြီ။ သွားကွာ ရန်ကင်းစန်တာက နီးနီးလေးရယ်ဟာ။ သွားနော် ကိုကို၊ ခဏကလေးပဲဟာ၊ ချစ် ပန်းကန်တွေထုတ်ပြီး အသင့်ပြင်ထားမယ် နော် ကိုကို”

သည်မိန်းမကို ဂြိုလ်ကြည့်ကြည့်လိုက်ချင်စိတ်တွေ ရင်ထဲ တဖွားဖွား။ ဟေ့ကောင် မင်းမြတ်သာ မင်းစိတ်ကိုလျှော့ စိတ်ကိုလျှော့လို့ အတန်တန် သတိပေးနေရ၏။ ကားကို ခပ်သော့သော့လေးမောင်းရင်း You give love a bad name သီချင်းကို လေချွန်မိတော့ သူ ပြုံးမိရလေသည်။ 

@@@@@@@@@@

“မပြီးသေးဘူးလား မိန်းမရေ၊ မင်္ဂလာဆောင်က ခြောက်နာရီစမှာနော်၊ ခုပဲ ငါးခွဲနေပြီ”

“ခဏလေးပါ ကိုကိုရဲ့၊ ဒီမှာ မျက်တောင်တုက တပ်မရဘူး၊ တစ်ဖက်က အိုကေတယ်၊ နောက်တစ်ဖက်က ဘာဖြစ်လို့ စောင်းနေရသလဲ မသိ၊ ခဏနော်ကိုကို”

သူ စိတ်မရှည်ဘဲ တံခါးဖွင့်ကာ ထွက်လိုက်တော့သည်။

“မိန်းမရေ ကိုကို ကားသွားထုတ်ရင်း အောက်မှာစောင့်နေမယ်၊ မကြာနဲ့နော် ကြားလား”

“ဟုတ် ကိုကို၊ နောက် ငါးမိနစ်လောက်ပါကွာ တကတည်း”

ဆင်းလာတော့လည်း သည်ပုံက သည်ပုံပါပဲ။ သည်မိန်းမလုပ်ပုံကြောင့် ဘယ်သွားသွားအမြဲနောက်ကျ တတ်တာ အကျင့်တစ်ခုလိုတောင် ဖြစ်နေပါပြီ။ သူကိုက အသားမကျနိူင်သေး။ အချိန်တိကျမှ ကြိုက်သော သူနှင့် အမြဲနောက်ကျတတ်သောသူ့မိန်းမက အပြင်ထွက်ခါနီးတိုင်း စကားများရတာကလည်း ယဉ်ကျေးမှုတစ်ခုလိုဖြစ်နေရသည်။

“ကိုကိုလောနေတာနဲ့ ရေမွှေးလေးတောင် စွတ်ခဲ့ဖို့ မေ့တယ်၊ တကယ်ပါပဲ”

“အာ ကိုယ်ပြောပါတယ်ကွာ၊ အိမ်ကနေ နောက်အကျဆုံး ငါးနာရီ ဆယ့်ငါးထွက်မယ်လို့ ပြောထားသားနဲ့”

“အင်းလေ ချစ်လည်း လုပ်တာပဲ။ အချိန်မီအောင် ပြင်တာပဲဟာ၊ မျက်တောင်တုက ဒုက္ခပေးလို့ မျက်ရည်ကျရသေးတယ်၊ မိတ်ကပ်ပြန်လုပ်လိုက်ရတာနဲ့ ပြန်တပ်နေရတာနဲ့ စိတ်လေပါတယ်”

“အေးလေ ငါက မင်းထက် ပိုတောင်လေသေးတယ်” မင်းမြတ်သာစိတ်ထဲက ပြောလိုက်ခြင်းရယ်ပါ။

“ကြည့်ပါဦး ကိုကို၊ ချစ်မျက်နှာ အဆင်ပြေလား၊ ပါးနီက သိပ်များရဲနေသလား၊ နှုတ်ခမ်းနီကရော ချစ်နဲ့ လိုက်ရဲ့လား ဟင် ကိုကို”

“ကောင်းပါတယ် လှတယ် လှတယ်”

“ဟာ သေချာလည်း မကြည့်ဘဲနဲ့ကွာ ကိုကို၊ ဒီမှာကြည့်ပါလို့ ဆို”

“ချစ် ကိုကိုကားမောင်းနေတယ်လေကွာ၊ အာရုံများလို့ မရဘူးလေကွာ…”

“ဒါဆိုလည်းပြီးရော၊ ကားပေါ်က မဆင်းခင်တော့ ကြည့်ပေးဦး”

အိမ်မှာရှိသော မှန်တကာ့မှန်အပေါင်းရှေ့မှာလည်း ရှေ့ကြည့် နောက်ကြည့် ကြည့်ခဲ့ပြီးပြီ။ ကားမှန်ထဲလည်း ကြည့်ပြီးပြီ။ ဖုန်းထဲက မှန်နဲ့လည်း ခုနက ကြည့်နေတာ သူတွေ့သည်။ ဒါကိုပဲ အားမရသေး။ ခက်တဲ့ မိန်းမ။

ရည်းစားတုန်းကတော့ အင်မတန်လှသော၊ ချစ်စရာကောင်းသော၊ ဘာပြောပြော ကလေးလေးလို ချွဲပျစ်တတ်သော သည်မိန်းကလေးကို သူ အင်မတန်မှ ချစ်ခဲ့၊ စွဲလမ်းခဲ့ရသည်။ အိမ်ထောင်သက်တစ်နှစ်ကနေ နှနှစ်ကျော်ကျော်ရှိလာတော့ သူ နည်းနည်းစိတ်ပျက်စပြုလာသည်။ ခုလို အိမ်ထောင်သက် ငါးနှစ်မှာတော့ အတော်လေးကို စိတ်ပျက်လာခဲ့ပြီ။ သည်မိန်းမက ခုထိ ကလေးလိုလို ခွေးလိုလိုလုပ်နေတုန်း၊ ဘာမဟုတ်တာလေးနှင့် စိတ်ဆိုးစိတ်ကောက်ချင်နေတုန်း၊ အိမ်အလုပ် မလုပ်ချင်ဘဲ ပျင်းချင်နေတုန်း၊ ကလေးယူဖို့ ငြင်းဆန်နေတုန်း။

သူက သည်မိန်းမကိုမှ ချစ်ခဲ့မိပြီ။ လက်ထပ်ခဲ့မိပြီ။ ခုချိန်မှတော့ ဘာမှမတတ်နိူင်တော့။ သို့သော် စိတ်ပျက်ကာမှ ပျက်ရော သည်မိန်းမနှင့်ဝေးဝေးမနေနိူင်တာ ခက်လှသည်။

@@@@@@@@@@

သူ တော်တော်လေး စိတ်တိုသည်။ ရုံရှေ့ရောက်မှ လက်မှတ် အိမ်မှာမေ့ကျန်ခဲ့သည်ဆိုသော သူ့မိန်းမကို စိတ်တိုရမလား၊ ယုံယုံကြည်ကြည်နှင့် သူ့မိန်းမလက်ထဲ လက်မှတ်သိမ်းထားရန် ပေးခဲ့မိသော သူ့အပြစ်ပဲလား။ သည်မိန်းမ ပေါ့ကို ပေါ့ပါတယ်။ 

“ကိုကို့ကြောင့်ပေါ့၊ လောနေတာနဲ့ ချစ်က ထူပူပြီး အံဆွဲထဲ သိမ်းထားတဲ့လက်မှတ် ယူဖို့မေ့သွားတာပေါ့”

ကောက်ညှင်းကပဲ တစ်ပြန်စီးလုပ်သေးသည်။

“မေ့စရာလားကွာ၊ ဒီနေ့ ဒီအချိန် စတိတ်ရှိုးကြည့်ချင်တယ်ဆိုတာ မင်းပဲ ပူဆာတာပဲလေ”

“အေးလေ ဟုတ်တယ်လေ၊ ဒါပေမဲ့ သွားခါနီး ကိုကိုက လောနေတာကိုးလို့”

“မလောလို့ ရမလားကွာ၊ အချိန်က နီးနေပြီ၊ မင်းက ဝတ်စရာရွေးလို့ကို မပြီးနိူင်ဘူး”

“ဝတ်စရာမှ မရှိတဲ့ဥစ္စာကို”

“ဘာ….မင်းမှာ အဝတ်အစားတွေ ဘီရိုနဲ့ တစ်လုံး၊ ဆန့်တောင် မဆန့်တော့လို့ ဘီရိုဖွင့်တိုင်း အဝတ်တွေ အံအံကျလာတာ၊ ဒီတစ်သက် ဝတ်လို့တောင် ကုန်နိူင်မယ် မထင်ဘူး”

“ကိုကို မသိပါဘူးကွာ၊ အဲဒါတွေက ဝတ်ပြီးသားတွေ”

“ဝတ်ပြီးသားတွေဆိုတော့ မင်းက မဝတ်ချင်တော့ဘူးလား။ အဝတ်တစ်ထည်ကို တစ်ခါဝတ်ပြီး ပစ်လိုက်ရအောင် ငါ့များ ဆြာဖိုးသာမှတ်နေလား”

“ကိုကိုကွာ  သိပ်ခက်တာပဲ၊ စိတ်ပျက်လာပြီ”

လာ လာသေး၊ သူကပဲ စိတ်ပျက်ရတယ်လို့။ ဘီရိုဖွင့်တိုင်း အဝတ်တွေပြည့်လျှံပြီး အဝတ်တစ်ထည် ဆွဲထုတ်လိုက်တာနဲ့ ဝုန်းကနဲ ပြိုကျလာတတ်သော အဝတ်တွေကို ကြမ်းပေါ် အပုံလိုက်ချထားတတ်တာ သူ တွေ့ရပေါင်း များလှပြီ။ သူ့အဝတ်တွေဆိုလည်း သွားခါနီးမှ အပြေးအလွှား သူ့ဖာသာ မီးပူတိုက်ဝတ်သွားရတာ များလှပြီ။

ရေခဲသေတ္တာထဲက အရွက်တွေအသီးတွေဆိုလည်း ဝယ်ဝယ်လာပြီး မချက်လို့ ပစ်လိုက်ရတာ များပြီ။ အိမ်ရှင်းလင်းဖို့ဆိုလည်း သူ အားတော့မှသာ ကိုယ်တိုင်ရှင်းလင်းနေကျမို့ သူမ ရှင်းရင် စိတ်တိုင်းမကျချင်။ ဒါတောင် သည်မိန်းမက သူစာရင်းကိုင်အဖြစ် ကူညီလုပ်အားပေးနေတဲ့ ပရဟိတအလုပ်လေးများ လုပ်နေတုန်းမို့ တစ်ခုခုခိုင်းမိပြီဆို ဒီမှာ အလုပ်လုပ်နေတယ်လေဆိုတဲ့အကြည့်နဲ့ ကြည့်တတ်၊ စိုက်ကြည့်ရင် အလိုက်သိနော်ဆိုတဲ့အထာနဲ့ ကြည့်တတ်တာမို့ သူ့ဖာသာပဲ ထလုပ်လိုက်ရတာ များသည်။

သူက ချစ်တော့လည်း အပြစ်ရယ်လို့ မမြင်။ ခုတော့ သူ အတော် စိတ်ပျက်ပြီ။ မိန်းမယူပါတယ်ဆိုမှ ဆေးပေးမီးယူဖို့ မပြောနဲ့ ကလေးတစ်ယောက်မွေးစားထားမိသလို သူ့တာဝန်လည်း သူလုပ်ရ၊ မိန်းမအတွက်လည်း လုပ်ပေးရနဲ့ တစ်ကိုယ်ရေထက်ပင် အလုပ်ပိုလာသည်။ အိမ်ထောင်ရေးဆိုတော့လည်း နားမိတဲ့ လင်းတ၊ နားလက်စနဲ့ နားပါစေတော့ဟုပဲ လက်ခံရတော့မည်ပင်။ သို့သော် သည်မိန်းမကို အတော်လေး စိတ်ပျက်သည်။ စိတ်ပျက်တာမှ စိတ်က ကုန်တဲ့အဆင့်ကို ရောက်နေပြီဆိုတာ ဝန်ခံရတော့မည်။

@@@@@@@@@@

"ကိုကို သိပ်လွန်တယ်နော် သိလား ချစ်က မပြောချင်လို့ ကြည့်နေတာ"

"ဟမ် ကိုယ်က ဘာလုပ်မိလို့လဲ"

"သြော် ဘာလုပ်မိလို့လဲ ဟုတ်လား၊ ကိုကို့အချစ်ဟောင်းရဲ့ ဖေ့စ်ဘုတ်မှာလေ၊ သူ့ပုံကို ကိုကိုလိုက်ခ်လုပ်ထားတယ်လေ"

"ဟာကွာ အဲဒါ သူတစ်ယောက်ထဲပုံမဟုတ်ပါဘူးကွာ၊ ဂရုလိုက်ပုံပါ"

"အေးလေ အဲဒါကိုက ကိုကိုညာတာလေ၊ အဲ့နေ့က ကိုကိုပြောတော့ အဲ့မိန်းမ မလာနိူင်ပါဘူးဆို၊ အဲဒါကြောင့် ချစ်က တစ်ယောက်ထဲ စိတ်ချလက်ချ လွှတ်လိုက်တာလေ၊ ခု ဂရုဖိုတိုမှာ အဲ့မိန်းမပုံကြီး ပြူးကနဲပါလာတယ်လေ။ ကိုကို့ဘေးမှာလေ၊ သူက ကိုကို့ဘေးနားမှာမှ လာရပ်စရာလားလို့ အီးဟီး…ကိုကို ချစ်ကို ချိတင်းလုပ်တယ်။ ညာတယ်။ ကိုကို့ကို မုန်းတယ် သိလား ကွာမယ် ကွာမယ် ခုကွာမယ်။ အမေ့ကို ခေါ်ပေး"

"ဟာကွာ"

သူ စိတ်ညစ်ညစ်နှင့် ကျွတ်ကနဲ စုတ်သပ်မိသည်။ အဲသည့်နေ့က ဖြစ်ချင်တော့ မေသော်က မလာဖြစ်တော့ဘူးဆိုပြီးမှ အခန်းအနားတစ်ခုကနေ စောပြီးတာမို့ သူငယ်ချင်းတွေ ဆုံကြတဲ့ပွဲမို့ ခဏလေး ဝင်ဖြစ်အောင်လှည့်ဝင်လာတာဟုဆိုကာ အိမ်အပြန်လှည့်ဝင်လာတာဖြစ်သည်။ သူ့စိတ်ထဲ ထင့်ကနဲတော့ ဖြစ်သွားသား။ မေသော်က သူမ ဘာလုပ်လုပ် ဖေ့စ်ဘုတ်မှာ စတေးတပ်စ် တင်တတ်သူမို့ ပြဿနာအစ ဆွဲထုတ်သလိုဖြစ်တော့မည်ဆိုတာ သူ သိနေခဲ့သည်။

"အေးလေကွာ ကိုယ့်ကို လာတက်ဂ်ထားတော့ လိုက်ခ်သွားမလုပ်လို့ မကောင်းဘူးလေကွာ"

"တော်ပါ ဘာမှလာမပြောပါနဲ့။ သူများ တစ်နေ့က ပရိုဖိုင်းပုံပြောင်းထားတာဖြင့် ခုထိ ကိုကို လာမလိုက်ခ်သေးဘဲနဲ့"

ခက်တာပဲ။ သည်ကလေးစိတ်မပျောက်သေးတဲ့ မိန်းမနဲ့တော့ သူ ခက်ပြီ။ အသက်ကဖြင့် သုံးဆယ်နား နီးနေပြီ။ ခုထိ ကလေးဆန်ချင်တုန်း။

"အေးပါကွာ အေးပါ ကဲ ခုဖေ့စ်ဘုတ်ဝင်လိုက်၊ ကိုကို ချစ်ပုံကို လိုက်ခ် အခါတစ်သိန်းပေးလိုက်မယ် ဟုတ်ပြီလား"

"ဒါပဲနော် ကိုကို ချစ် စိတ်တိုတယ် သိလား။ ဒါမျိုး  နောက် မဖြစ်စေနဲ့"

ဖြစ်ရလေ သူကပဲ ရာဇသံပေးရတယ်ရှိသေး။ သူက အပြင်မှာသာ တဟဲဟဲရယ်နေရင်း သည်မိန်းမကို စိတ်ထဲက ဆွဲဆောင့်ပစ်ချင်နေမိသည်။

"ကဲ ပြီးပြီလား ဒေါ်ရွှေချစ်၊ အိပ်ရာဝင်မယ်။ ခြေလက်ဆေးရမယ်။ သွားတိုက်ရမယ်။  သွား သွားတိုက်ဆေး သွားထည့်ချည်"

"ဟုတ်"

ပြောပြောဆိုဆို သူမက ရေချိုးခန်းထဲ ဝင်သွားသည်။ သူမ ပြန်ထွက်လာတော့ သူက သူမခေါင်းကို တစ်ချက်လှမ်းပုတ်သည်။ သူမက ခေါင်းကို ငဲ့ရှောင်ရင်း သွားပါ ခုမှ ဟု ဆိုသည်။ သည်မိန်းမကလေး ချစ်စရာ။ ဆိုးတတ်တာလေးတစ်ခုသာ ခက်လှသည်။ 

ရေချိုးခန်းထဲအရောက်မှာ နောက်ပြဿနာတစ်ခု တွေ့ပြန်သည်။ လုပ်ပြန်ပြီ။ သွားတိုက်ဆေးဘူးကို ကြည့်မိတော့ သူထင်သည့်အတိုင်း သူမက သွားတိုက်ဆေးဘူးကို အလယ်မှ ဖိကာညှစ်ထားသည်။ သူ ပြောပေါင်းများလှပြီ။ အဲသည်လို သွားတိုက်ဆေးဘူးကို အလယ်က ဖိညှစ်တာ သူ မကြိုက်ဟု။ ဒါလည်းပဲ သူမက မမှတ်ပေ။

ရေချိုးခန်းထဲနေရင်း အိမ်သာအိုးပေါ်ထိုင်ကာ စိတ်အေးအောင် ခဏနေလိုက်သေးသည်။ ခုချက်ချင်း ပြန်ထွက်လို့ကတော့ သွေးပူပူနှင့် သည်မိန်းမကို ဆူမိဦးမည်။ ခုနလေးတင် ကြေအေး ထားသော ပြဿနာတစ်ခုမှ မပြီးခင် နောက်ပြဿနာအသစ်တစ်ခု သူ မလိုချင်။

သူ့ညာဘက်ဘေး စင်လေးပေါ်က သွားတိုက်ဆေးဘူးကို ကြည့်လိုက်တော့ အလယ်ကောင်ကနေ ခါးကလေး ချိုင့်ဝင်နေတာ တွေ့ရသည်။  နောက်သည်လို မလုပ်ဖို့ ပြောပေါင်းလည်း များလှပြီ။ အင်း သည်လိုပဲထင်ပါရဲ့။ ပြီးတာက ပြီးပြီ။ ချစ်မိတာက ချစ်မိခဲ့ပြီ။ ယူလည်း ယူမိခဲ့ပြီ။ သွားတိုက်ဆေးလို ညှစ်ထုတ်ခဲ့ပြီးသားမို့ ပြန်ထည့်ဖို့ရာလည်း ခက်ခဲမည်ပေ။

သူရေချိုးခန်းက ထွက်လာတော့ သူ့မိန်းမက အိပ်ရာပေါ်လှဲရင်း ဖုန်းနှင့် ဖေ့စ်ဘုတ်ကြည့်၍ နေလေသည်။


Wednesday, December 18, 2013

ဂ-ငယ်ကွေ့



အမှောင်ပါပဲ…..

ပိန်းပိတ်နေတယ်လို့ ဘယ်သူပြောလဲ
ဘာမှ မမြင်ရခြင်းကို မြင်နေရတာ ခုချိန်ထိ….

ပုထုစဉ်ဆိုတဲ့ အရူးလက်မှတ်အတွက်
တူတူတန်တန်ရူးသွပ်ခဲ့ရတဲ့ ရက်စွဲတွေ
ဘယ်ဘက်ရင်ဘတ်ကြီးထဲက ဘာညာကွိကွတွေ 
အတိတ်က အချိုတွေ
အေးအေးဆေးဆေး သာသာယာယာ နားထားလိုက်
ခေါက်သိမ်းထားလိုက်…သွားမနှိုးလိုက်ကြပါနဲ့….

ခါတိုင်းလည်း ထမ်းပိုးနေကျပါ
ခုမှ
လည်တိုင်က ဦးခေါင်းကို....  
လည်တိုင်က ဦးနှောက်ကို... 
မချီနိူင်တဲ့ ဘဝ  ခဏခဏပြုတ်အကျ
ဒီခေါင်းက လေးလံမူးဝေနေတော့မှ
အရင်က ဇောက်ထိုးတွေ  အတည့်မြင်လာ
ဟာ….
ငါ
မောင်းလာခဲ့တာ လမ်းပြောင်းပြန်ကြီး။    ။


Saturday, December 7, 2013

ကာလတစ်ခုဆီသို့ လွမ်းချင်း

ကျွန်မတို့မှာ Esprit လို့ရေးထိုးထားပြီး ဒီဇိုင်းလှလှရေးဆွဲထားတဲ့ သံဖြူဘူး တစ်ဘူးရယ်၊ လက်ဆောင်ရထားတဲ့ ရွှေရောင်ဝက်ရုပ်စုဘူး တစ်ဘူးရယ် ၂ဘူးရှိပါတယ်။ တစ်နေ့ကတော့ ကျွန်မတို့နှစ်ယောက် အိမ်မှာ အနှီစုဘူးတွေကို တစ်ယောက်တစ်ဘူးစီ တက်ညီလက်ညီ ဖောက်ကြပါတယ်။ 

Esprit ဘူးထဲမှာ ငါးမူးစေ့တွေ စုပြီး ဝက်ရုပ်ဘူးထဲမှာတော့ ဂိုလ်းကွိုင်လို့ခေါ်တဲ့ ရွှေရောင်ကျပ်ပြားစေ့တွေ စုကြတာပါ။ ရည်ရွယ်ရင်းကတော့ ရွာပြန်တဲ့အခါ အလှူလေးဘာလေးလည်းလုပ်ရ၊ အသေးသုံးလိုတာရှိလည်း သုံးရတာပ ဆိုပြီး စုကြတာပေါ့လေ။

ဘူး ၂ဘူးဖောက်ပြီးတဲ့အခါ ငါးမူးစေ့တွေကို အစေ့၂၀ တစ်ပုံ၊  ကျပ်ပြားစေ့တွေကို ဆယ်စေ့ကျစီတစ်ပုံ ပုံပြီး ရေတွက်ခြင်းအမှုကို ဆက်ပြုကြပါတယ်။ 

ပြောစရာကျန်ပါသေးတယ်။ ကျွန်မတို့ အကြွေစေ့တွေကို ဘယ်လိုစုကြသလဲဆိုတော့ နေ့စဉ်သုံးနေတဲ့ ပိုက်ဆံတွေကနေ အမ်းငွေအကြွေတွေကို အသေးစေ့တွေပဲ ပြန်သုံးပြီး ငါးမူးစေ့နဲ့ ကျပ်ပြားစေ့တွေကိုတော့ စုဖို့ဆိုပြီး ပိုက်ဆံအိတ်ထောင့်ကပ်ထားလေ့ရှိပါတယ်။ အဲဒါကိုမှ တစ်ပတ်ပြည့်တိုင်း ပိုက်ဆံအိတ်ရှင်းရင်း ထောင့်ကပ်ထားတဲ့ ငါးမူးစေ့နဲ့ ကျပ်ပြားစေ့တွေကို စုဘူးထဲ တခုတ်တရ ထည့်ကြရတာ။ တခါတလေ ကျွန်မက ညစ်ပြီး အိတ်ထောင့်ကပ်ထားတဲ့ ကျပ်ပြားစေ့တွေကို သူမသိအောင် သုံးပစ်တတ်ပါတယ်။ 

တစ်ပတ်ပြည့်လို့ ပိုက်ဆံအိတ်ရှင်းတဲ့အခါ ဘယ်သူက ပိုများများစုမိတယ်ဆိုတာလည်း စကားနိူင်လုကြရသေးတာ။ ကျွန်မကတော့ သူ့ကို အနိူင်ပေးလိုက်တာ များပါတယ်။ သူပဲ များများစုပါစေပေါ့။ စုဘူးဖောက်လို့ သုံးမှသာ ကျွန်မ များများသုံးရဖို့အရေး မဟုတ်လား။ အန်းနီးဝေး ဒီလိုနဲ့ စုဘူးဖောက်နေရင်း စိတ်တွေက ကာလတစ်ခုဆီရောက်သွားပါရော....။

ဒီလိုငွေအကြွေစေ့တွေ....။ ကျွန်မတို့ရွာက ကလေးတွေ မြင်မှ မြင်ဖူးပါ့မလား....။ ကျွန်မတို့ ခပ်ငယ်ငယ် မှတ်မိပါသေးတယ်။ 

မြို့မအမျိုးသားကျောင်းကြီးမှာ ကျောင်းတက်ရတာ။ ကျောင်းကားအစိမ်းရောင်ကြီးတွေက လမ်းထိပ် ဈေးနားမှာ လာကြိုလေ့ရှိတာ။ ကျောင်းကားမမီလိုက်တဲ့နေ့ဆို အိမ်ကနေ ကန်တိုမင်ပန်းခြံကို ဖြတ်ပြီး လမ်းလျှောက်ကြရတယ်။ ဒါက အခြေအနေကောင်းတဲ့နေ့ပေါ့။ သိပ်နောက် ကျသွားတဲ့နေ့များဆို ရွှေတိဂုံဘုရားလမ်းပေါ်မှာ ပြေးနေတဲ့ ဘတ်စ်ကြီးတွေ (ဟီးနိူးခေါ်မယ်ထင်ပါရဲ့) အဲဒါကြီးတွေကို စတီးဝပ်မှတ်တိုင်အထိစီးပြီး ဆက်လမ်းလျှောက်ပေတော့ပဲ။ မိုင်ဒါကွင်းကြီးထဲက ဖြတ်လျှောက်၊ ဒီလိုနဲ့ ကျောင်းရောက်ရတာပဲ။

ကျွန်မမှတ်မိတာက အဲဒီဘတ်စ်ကြီးတွေကို ပေးရတဲ့ ကားခပဲ။ နံပါတ် ၁၀ ကားလို့ နာမည်မှတ်မိသလို ကားခကလည်း ၁၀ပြားပဲ ပေးရတာ။ ဘယ်စီးစီး ဆယ်ပြားပဲ။ လွမ်းပါ့။

နောက်တစ်ခုက ကျွန်မတို့ လမ်းလျှောက်ပြီးကျောင်းကိုသွားရတိုင်း ဖြတ်သွားနေကျလမ်းမှာ တပ်မတော်ကပွဲရုံဆိုတာ ရှိတယ်။ တပ်မတော်ရုံလို့ ကျွန်မတို့က အလွယ်ခေါ်လိုက်တာပဲ။ အဲဒီမှာ ရုပ်ရှင်ကားဟောင်းတွေ တင်တယ်။ မြို့လယ်မှာ ပြလို့ အတော်ဟောင်းပြီဆို အဲဒီရုံမှာ ပြတာပဲ။ ရုပ်ရှင်လက်မှတ်ခက တစ်မတ်၊ ငါးမူးရယ်။ ဟေ့ တစ်မတ်တန်းကကြည့်တဲ့ကောင်တွေ သိပ်မဆူနဲ့ကွ ဆိုတဲ့စကား အဲဒီကများ လာသလားပဲ....:)

အဲဒီရုံမှာ ရုပ်ရှင်ကားကောင်းကောင်းပြပြီဆိုရင် ကျွန်မတို့နေတဲ့ ဗဟန်းကနေ အဲဒီတပ်မတော်ရုံကို အိမ်နီးချင်းတွေနဲ့ အုပ်စုလိုက်ကြီး လမ်းလျှောက်ပြီး ရုပ်ရှင်သွားကြည့်လေ့ရှိကြတယ်။ ပျော်စရာ သိပ်ကောင်းတာပဲ။ တခါတလေလည်း အဲဒီတပ်မတော်ရုံမှာ ခေတ်ဟောင်းခေတ်ဆွေးက အဖြူအမဲကားတွေ ပြန်ပြလေ့ရှိတယ်။ ကားတွေက တခါတလေ တုန်မှုန်နေတာပါပဲ။ ကားကလည်းပြတ်သေး။ ဒါပေမယ့် ကျွန်မတို့ မြန်မာလူမျိုးက အတော်သည်းခံတတ်ကြတာကလား။ ကားပြတ်ပြီဟေ့ဆို ရှုရှုးပေါက်ချိန်ရတာပဆိုတဲ့ ကြေကြေအေးအေးစိတ်ထားနဲ့ ပေါ်လီယာနားဝမ်းကွဲတွေက ရုံထဲ အတော်များပေတာ။ ကျွန်မတို့ကတော့ ကလေးသာသာကိုး။ ဘာကားကြည့်ရ ကြည့်ရ၊ ဘယ်လိုကြည့်ရကြည့်ရ ပျော်တာပဲ။ ဇီးပေါင်း ကွာစေ့လည်း စားရသေး၊ ရုပ်ရှင်လည်းကြည့်ပါမှ တစ်ယောက်ကို ငါးမူး တစ်ကျပ်တောင် မကုန်ဘူးကိုး။ လွမ်းပါ့။

အဲဒီအချိန်က ကျွန်မက သုံး-လေးတန်းထင်ရဲ့ (သေချာမမှတ်မိတော့)။ ဘဲဥကြက်ဥ တစ်လုံးမှ သုံးဆယ့်ငါးပြား၊ ပြားလေးဆယ်ကနေ ပြားငါးဆယ် အဲ့သလောက်ပဲ ပေးရတာ။ အက်ရာလေးတွေရှိတဲ့ အလုံးဆို အောက်ဈေးနဲ့တောင်ရတတ်သေး။ အကောင်းက ပြားလေးဆယ်ဆို သူက ပြားသုံးဆယ် အဲသလို။ ချက်ချင်းကြော်စားဖို့ဆို အက်နေတဲ့အလုံးတွေ ပုံထားတဲ့ထဲက ရွေးဝယ်လိုက်တာပဲ။ အဆင်ကိုပြေလို့။ ခုများ ဘဲဥ ကြက်ဥ  တစ်လုံး လေး-ငါး-ခြောက်ဆယ် တဲ့။ ဘယ်နှစ်ဆ တက်သွားတုန်း။ မသိချင်တော့ပါဘူး။ မတွက်ကြည့်ကြပါစို့နဲ့  :)

မုန့်ဟင်းခါးဆိုလည်း တစ်ပွဲမှ တစ်မတ်၊ လက်ဘက်ရည်ဆိုလည်း တစ်ခွက်မှ တစ်မတ်ရယ်။
ပြောရရင် 50 cent ဆိုတဲ့ ကျပ်မပြည့်တဲ့ကောင်တွေတောင် သတိရသွားသေးတယ်။ အဲဒီတုန်းက ခေတ်ကိုက ကျပ်မပြည့်တဲ့ခေတ်လို့ပဲ ဆိုပါတော့လေ။  လွမ်းပါ့။

ကျွန်မတို့ စင်ကာပူရောက်စတုန်းကတောင် လဘက်ရည်တစ်ခွက်မှ ပြားခြောက်ဆယ်၊ အအေးတစ်ခွက်မှ ငါးမူး- ပြားခြောက်ဆယ်ဆိုတာ ကြုံလိုက်ရသေးတယ်။ ခုတော့ တစ်ချို့နေရာတွေမှာ ပြားရှစ်ဆယ်၊ တစ်ချို့နေရာတွေမှာလည်း တစ်ကျပ်ဆယ်ပြား အဲသလိုပေးရတယ် ပြောတာပဲ။ နေရာလိုက်ပြီး ဈေးကွာ သွားတာပါပဲ။ အပြင်ဘက်ဟော့ကာစင်တာမှာ တဈေး၊ ရှော့ပင်းမောထဲမှာကျတော့ တဈေး အဲသလိုဆိုပါတော့။ ရထားခ ကားခတွေဆိုလည်း ဒီလိုပဲ။ အနီးဆုံးသတ်မှတ်ထားတဲ့ မှတ်တိုင်ထိပဲစီးရင် အနိမ့်ဆုံး ပြားခြောက်ဆယ်ခေတ်ကြုံလိုက်ရသေးတယ်။ ခုတော့ ရထားခ ကားခတွေလည်း တက်ကုန်ပေါ့။  ဈေးတွေက တဖြည်းဖြည်းနဲ့တက်လာလိုက်တာဆိုတာ ပြောပါတယ်။ ဒါတောင် စင်ကာပူအစိုးရက တစ်ခုခုဈေးတက်တော့မယ်ဆို လအတော်များများကြိုတင်ပြီး လွှတ်တော်ထဲ ဆုံးဖြတ်၊ လူထုကို ကြိုတင်ကြေငြာပြီးမှ ဈေးတက်ရဲတာ။ ခမျာများမှာ မပြောမဆို အုန်းဒိုင်းနဲ့ မတက်ရဲရှာဘူး။ အဲသလို....။ ကွာပါ့။

စင်ကာပူမှာက ခုထိလည်း ငွေအကြွေက သုံးလို့ရနေသေးတာ။ အသုံးဝင်နေသေးတာ။ ပေါက်စီအသေးတစ်လုံးမှ ပြားရှစ်ဆယ်။ ကန်စွန်းရွက်တစ်စည်းမှ ပြားရှစ်ဆယ်။ ငါးပြားစေ့ကစလို့ ကျပ်စေ့အထိ လည်ပတ်သုံးစွဲနေကြတုန်းပဲ။  ဆိုတော့ ငွေအကြွေ မြင်ဖူးချင်မှ မြင်ဖူးမယ့် ကျွန်မတို့ရွာက ကလေးတွေကို သတိရမိတယ်။ ငါးပြားစေ့ဆိုတာက ဘယ်လို ဘယ်ပုံ။ ဆယ်ပြားစေ့ဆိုတာက ဘယ်လို ဘယ်ပုံ၊ ဆယ်ပြားစေ့ဆိုလို့ ကျွန်မတို့ငယ်ငယ်က ဆယ်ပြားစေ့ပုံလည်ပင်းပေါက်ဆိုပြီး အမျိုးသမီးတွေ ဘလောက်စ်ချုပ်ဝတ်လိုက်ကြသေးတာကလား။

ဆယ်ပြားစေ့မျက်နှာနဲ့ဆိုပြီး လေးထောင့်ပုံမျက်နှာကျရှိတဲ့လူတွေကို ရည်ညွှန်းပြောတတ်ကြတာမျိုးလည်း ရှိသေးတာမို့လား။  ခုခေတ် ဆယ်ပြားစေ့ ဘယ်ပုံဆိုတာ မသိတဲ့ကလေးတွေကို ပြောရင်တော့ မျက်စေ့ထဲမြင်ကြမယ်မထင်ဘူး။ နောက် တမတ်စေ့၊ ငါးမူးစေ့ကနေ ကျပ်ပြားစေ့အထိ။ ဗိုလ်ချုပ်ပုံနဲ့ အကြွေစေ့၊ စပါးနှံပုံနဲ့ အကြွေစေ့ ဒါလေးတွေ ခုခေတ်ကလေးတွေ မြင်ချင်မှ မြင်ဖူးပေမယ်။ ခုခေတ်က အနည်းဆုံး ငါးဆယ်ဆိုတာလောက်က စသုံးကြတဲ့ခေတ်။

ကျွန်မသာ သမတဖြစ်ရင်တော့ ခုလက်ရှိသုံးနေတဲ့ ငွေရေတွက်မှုတွေကို နောက်ကနေ သုည ၃လုံးလောက်ဖြုတ်ပစ်လိုက်ချင်တယ်။ ဥပမာ တစ်ထောင်တန်ဆို နားထား၊ တစ်ကျပ်ပဲလုပ်လိုက်။ တစ်သောင်းတန်ဆို နားထား တစ်ဆယ်ပဲ လုပ်လိုက်....။ သိန်း၂၀၀တန်ကားလား၊  လာထား ရော့နှစ်သောင်းယူ။ ဒါမျိုးပေါ့။ အသုံးစားရိတ်တွေကို ပြောပါတယ်။  ပုံမှန်ဝန်ထမ်း လစာတွေကတော့ နည်းရတဲ့အထဲ မူရင်းအတိုင်းရှိပါစေတော့  :) 

(အဲလေ နောက်တာပါ။ တော်ပါပြီ စီကေအေ သ-မ-တ မဖြစ်ချင်ပါဘူး၊ ခုတောင် လူမုန်းများနေရတဲ့အထဲ)

ဘာရယ်လည်းမဟုတ်ပါဘူး။ ဟိုးအရင်တစ်ချိန်တုန်းဆီက ကျပ်မပြည့်တဲ့ခေတ်ကို အကြွေစေ့လေးတွေရေတွက်နေရင်းက လွမ်းမိတယ်ဆိုပါတော့။ တကယ်ပဲ လွမ်းပါ့တော်။

ကလေးတွေ မြင်ဖူးတယ်ရှိအောင်....ကြည့်ကြပါ။

Thursday, December 5, 2013

အလှည့်...



"နင်တို့ဟာလေ တနေ့တနေ့ အိမ်မှာနေမယ်မရှိဘူး။ အပြင်သွားဖို့ပဲ။ အငယ်မရော အကြီးမရော။ ဟိုအငယ်ကောင်ရော မိုးလင်းကမိုးချုပ် အပြင်မှာချည်းပဲ။ လမ်းကို အိမ်လုပ်နေကြတဲ့ဟာတွေ"
 "နင်တို့အဖေနဲ့ပဲ ကိုက်တယ်။ နင်တို့အဖေလို ငါက မတီးတော့ နင်တို့က ငါ့ကို မခန့်ဘူးပေါ့ ဟုတ်လား"

"အာ မေကြီးကလည်း သမီးက ကျူရှင်တွေ ရှိလို့သွားနေရတဲ့ဟာကို၊ အငယ်ကောင်ကိုပဲ ဆူ မေကြီး၊ သူက ဘာအလုပ်မှ မရှိဘဲ တနေကုန် လမ်းသလားနေတာ ဟီဟိ"

"အောင်မာ မိငယ်နော်၊ ငါက အလုပ်လေးဘာလေး စနည်းနာနေရတာ။ အလုပ်ရရင် မေကြီးကို သားက လုပ်ကျွေးမှာ သိလား မေကြီး၊ အမေ့သမီးတွေသာ ယောကျာ်းရရင် ကောက်ကနဲ လိုက်သွားမှာ"

"တော်စမ်းပါ သားငယ်ရယ်၊ နင် အဲလိုပြောပြောနေတာပဲ။ ပြီးခဲ့တဲ့အလုပ်ရတုန်းက နင့်ကောင်မလေးအတွက် ဝယ်ပေးရတာနဲ့ နင်ရတာတောင်မလောက်လို့။ ငါ့အိတ်ထဲက လာလာနှိုက်နေပြီးတော့"

"ဟီး  မေကြီးကလည်း…အဲဒီအလုပ်က လစာမကောင်းလို့ပါ။ ဒါကြောင့် သား ထွက်လိုက်တာပေါ့။ ခု အလုပ်သစ်ရှာနေပြီ။ မေကြီး သားလုပ်စာစားဖို့သာ ပြင်တော့"

"ဟိ မေကြီးနားပေါက်ချဲ့ထားလိုက် သိလား၊ အငယ်ကောင်က သူနောက်အလုပ်သစ်ရရင် မေကြီးကို စိန်နားကပ်ကြီး ဆင်တော့မှာတဲ့"

"တော်ကြစမ်းပါဟယ် နင်တို့။ ဒါနဲ့ နောက်တစ်ပတ်ကျရင်တော့ နင်တို့အဖေဆုံးတာ ရှစ်နှစ်ပြည့် ဆွမ်းကပ်မယ်။ အဲဒါ အိမ်နေကြဦး။ လတ်လျားလတ်လျားလုပ်မနေကြနဲ့ဦး။ ငါ အပြင်ခဏ သွားလိုက်ဦးမယ်"

"ဟုတ် မေကြီး"

"ဟဲ့ ညည်းက ဒီအချိန်မှ ဘယ်သွားဦးမလို့လဲ"

"ဒီနားရပ်ကွက်တင်ပါ အမေရဲ့"

"ဘာလုပ်ဖို့တုန်း"

"သမီးတို့အမျိုးသမီးရေးရာက သူငယ်ချင်းတစ်ယောက်လေ၊  သူ့မွေးနေ့မို့ ဆိုင်တစ်ဆိုင်မှာ လိုက်ကျွေးမလို့တဲ့။ သမီးအိမ်မှာ ထမင်းမစားတော့ဘူး နော် အမေ"

"ဟဲ့ အငယ်မတို့ အကြီးမတို့ နင်တို့အဖွားဆာတဲ့အခါ ထမင်းလေးဘာလေး ခူးခပ်ကျွေးလိုက်ဦး ကြားကြလား"

"ဟုတ် မေကြီး၊ စိတ်ချ"

"နေစမ်းပါဦး၊ ညည်းမလည်း တချိန်လုံးအဲ့ဒီအပေါင်းအသင်းမွေးနေ့၊ ဘုရားဖူး၊ ကာရာအိုကေ၊ အစည်းအဝေး၊ အလှူ ဒါတွေနဲ့ပဲ အိမ်နေတယ် မရှိဘူး။ အိမ်စောင့်နတ်နဲ့ ရန်ဖြစ်ထားသလား မှတ်တယ်။ ကတည်း။ ငါ ဒီနေ့ သွေးနည်းနည်းတက်ချင်နေတာ။ အဲဒါ ငါ့ ဆေးခန်းလိုက်ပို့ဦး။ ပြီးမှ သွား"

"ဟာ အမေကလည်း လုပ်ပြီ။ အမေ့မြေးတစ်ယောက်ယောက်ခေါ်သွားပါလားလို့"

"အာ  သား မလိုက်ချင်ပါဘူး၊ ဖွားဆေးခန်းက လူနာတွေ အလှည့်စောင့်ရတာ အကြာကြီးပဲ"

"သမီးရောပဲနော်၊ ဒီမှာ သမီး စာလုပ်ရဦးမှာ။ အဆိုင်းမင့်တွေ မနက်ဖြန်အပြီးတင်ဖို့ရှိတယ်"

"အေး ကလေးတွေက မအားဘူး၊  ညည်းပဲလိုက်ခဲ့"

ဟီဟိ…
စူပုတ်ပုတ်နှင့် အဖွားနောက်ပါသွားသော အမေ့မျက်နှာညိုညိုကို ကြည့်ကာ မောင်နှမတွေ ကြိတ်ရယ်လိုက်ကြ၏။

ဒီလိုပါပဲ။ လောကကြီးမှာ ဗိုလ်ဆိုတာ သူ့အဆင့်နဲ့သူ မဟုတ်လား…..။ နိူင်ရာနိူင်ရာပေါ့။



ကိုယ် ချစ်တဲ့ကဗျာ

နှင်းတွေ တကယ်ရှိခဲ့ဖူးတယ်

နှင်းတွေဘယ်တုန်းကမှ မကျတဲ့မြို့မှာ ကျွန်မနေတယ် ဖြစ်နိူင်တာမဖြစ်နိူင်တာ ကျွန်မ မပိုင်တဲ့အရာ မျှော်လင့်တတ်ရုံပါ... အဲဒီမနက် လက်ဘက်ရည်ဝိုင်...